İqtisadiyyat nazirliyinin məlumatı

İqtisadiyyat naziri Macarıstanın ölkəmizdəki fövqəladə və səlahiyyətli səfiri İmre Laslotskinı qəbul edib.Azərbaycan-Macarıstan iqtisadi əlaqələrinə və əməkdaşlığın genişləndirilməsi imkanlarına dair qarşılıqlı fikir mübadiləsinin aparıldığı görüşdə növbəti Azərbaycan-Macarıstan biznes forumunun keçirilməsi müzakirə edilib, bir sıra Macarıstan şirkətlərinin Azərbaycanda həyata keçirməkdə maraqlı olduğu layihələr diqqətə çatdırılıb.Görüşdə qarşılıqlı dostluq prinsipləri üzərində qurulan Azərbaycan-Macarıstan əlaqələrinin iqtisadiyyatın müxtəlif sahələrində uğurla davam etdiyi, əməkdaşlığın inkişafında Azərbaycan Respublikası Hökuməti və Macarıstan Respublikası Hökuməti arasında iqtisadi əməkdaşlıq üzrə Birgə Komissiyanın fəaliyyətinin əhəmiyyəti vurğulanıb. Qeyd olunub ki, ölkələrimiz arasında 40-dan çox sənəd imzalanıb, qarşılıqlı səylər nəticəsində ticarət əlaqələri genişlənib. Hazırda Azərbaycanda 14 macar şirkəti fəaliyyət göstərir. Təkcə 2005-2016-cı illərdə biznes dairələrinin  iştirakı ilə 10-dan çox tədbir keçirilib.Görüşdə ticarət əlaqələrinin genişləndirilməsi, investisiya qoyuluşu, tranzit yükdaşımaları, turizm, İKT və digər sahələrdə əlaqələrin genişləndirilməsi imkanları müzakirə edilib.xeber100.com  

“Bank of Baku”nun məlumatına görə…

"Bank of Baku" nağd pul krediti əldə etmək istəyən müştəriləri üçün yeni və daha sərfəli şərtlərlə rəsmiləşdirmə imkanı yaradır.Bankdan Azərtac-a bildiriblər ki, məbləği və ödəniş müddəti artırılan nağd pul kreditini indi müştərilər daha aşağı faizlə, 24 ay müddətinə əldə edə biləcəklər.Şərtləri yüngülləşdirilmiş kredit məhsulunda Bankın tətbiq etdiyi əsas yeniliklər arasında aşağıdakıları xüsusilə qeyd etmək lazımdır:Kreditin məbləği 10.000 manatadək artırıldı;Təhsil və Tibb əməkdaşlarına özəl güzəştli şərtlər tətbiq olundu – əməkhaqqı tələbi vergilər daxil 200 manatadək endirildi;Maaş kartı digər banklarda olan müştərilərə kredit almaq imkanı yaradıldı - əməkhaqqı kartınızın hansı bankdan olmasından asılı olmayaraq "Bank of Baku"ya nağd pul krediti üçün müraciət edə bilərsiniz;ZAMİNSİZ kreditləşmə imkanı yaradıldı – iri özəl müəssisələrdə çalışan və aylıq gəliri yüksək olan şəxslərə 10000 manatadək kredit zaminsiz verilə bilər;ÇEVİK rəsmiləşmə - təcili olaraq pula ehtiyacı olan şəxslər üçün bir çox hallarda kreditin 30 dəqiqə ərzində rəsmiləşdirilməsi mümkün olacaq;Ödəniş müddəti 24 ayadək uzadıldı.İllik faiz dərəcəsi aşağı salındı;Rəsmiləşdirmə komissiyası isə sadəcə 1 faiz təşkil edir. Müxtəlif ehtiyacların qarşılanması üçün nəzərdə tutulan bu kredit məhsulunu Bankın həm köhnə müştəriləri, həm də ilk dəfə müraciət edəcək potensial yeni müştəriləri əldə edə bilər. Yüksək məbləğli, uzunmüddətli, aşağı faizli və çevik kreditləşmə istəyən şəxslər iş yerindən arayışı və/və ya rəsmi gəlirləri təsdiq edən sənədləri banka təqdim etməklə kreditlərini rəsmiləşdirə bilərlər. İş yerindən arayışı Bankdan ayrılmadan bütün filiallarda quraşdırılan elektron hökumət portalı vasitəsilə əldə etmək olar.

Dövlət Neft Fondunun da iştirakı ilə hərrac keçirilib

Mayın 11-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7025 səviyyəsində formalaşıb.xeber100.com

Dünya birjalarında neftin qiyməti…

Dünya birjalarında neftin qiyməti yenidən bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,30 dollar bahalaşaraq 46,18 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,26 dollar artaraq 48,99 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,31 dollar bahalaşaraq 49,63 dollar təşkil edib.xeber100.com

Bakının üç böyük istirahət zonasında pulsuz “Wi-Fi” istifadəyə verilib

Mayın 10-dan Dənizkənarı Milli Park ərazisinin "Ağ şəhər" zonasını, "Sahil bağı"nı və Heydər Əliyev Mərkəzinin parkını ziyarət edənlər pulsuz "Wi-Fi" xidmətindən yararlana bilərlər.Azərtac xəbər verir ki, bunu Bakı Telefon Rabitəsi İstehsalat Birliyinin ictimaiyyətlə əlaqələr üzrə mütəxəssis N.Əliyeva jurnalistlərə açıqlamasında deyib. Bildirib ki, Nəqliyyat, Rabitə və Yüksək Texnologiyalar Nazirliyinin təşəbbüsü ilə Bakı Telefon Rabitəsi İstehsalat Birliyi (Baktelekom) IV İslam Həmrəyliyi Oyunları zamanı paytaxt ərazisinə turist axınını və əhalinin şəbəkədən aktiv istifadəsini nəzərə alaraq "İctimai İnternet" şəbəkəsinin əhatə dairəsini bir qədər də genişləndirib.Qeyd edilib ki, "Baktelekom" "Baku loves you" brendi ilə təqdim olunan layihə çərçivəsində mütəmadi olaraq yeniləmə və təkmilləşdirmə işləri aparır. Yaxın zamanlarda istifadəçi üçün yeni, daha rahat qeydiyyat sisteminin tətbiqi nəzərdə tutulur.xeber100.com

“Azərbaycan Dəmir Yolları” QSC-nin məlumatı

Sərnişin qatarlarından istifadə edənlərin sayı artıb.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, IV İslam Həmrəyliyi Oyunları ilə bağlı Azərbaycanın müxtəlif bölgələrindən, eləcə də Gürcüstandan tamaşaçı qismində paytaxtımıza gələn vətəndaşların çoxu dəmir yolunun xidmətlərindən istifadəyə üstünlük verir. Bu səbəbdən də may ayının 1-dən etibarən sərnişin qatarlarında sıxlıq müşahidə olunur.Bildirilir ki, ölkə daxilində hərəkət edən sərnişin qatarlarından adi günlərdə 2000-2500 sərnişin istifadə edirdisə, son günlər bu rəqəm müvafiq olaraq 3000-3500 təşkil edir. Eyni zamanda, Bakı-Tbilisi-Bakı sürət qatarında sərnişin sayı adi günlərə nisbətən 10-15 faiz artıb.Sərnişin sıxlığının artması ilə əlaqədar ölkə daxilində hərəkət edən qatarlara hər gün tələb olunan sayda əlavə vaqonun qoşulması təmin edilir.xeber100.com

“AzəriLayt” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,62 dollar ucuzlaşaraq 49,32 dollar təşkil edib.xeber100.com

“Risklərin İdarəedilməsi Forumu-2017” keçiriləcək

Azərbaycan Mühasiblər və Risk Peşəkarları Assosiasiyasının (ARPA) təşkilatçılığı ilə mayın 19-da "Maliyyə sektorunda informasiya texnologiyaları risklərinin idarəedilməsi" mövzusuna həsr olunan "Risklərin İdarəedilməsi Forumu-2017" keçiriləcək.Azərtac ARPA-ya istinadla xəbər verir ki, tədbir informasiya texnologiyaları, maliyyə və risk sahələri üzrə fəaliyyət göstərən yerli və beynəlxalq şirkət mütəxəssisləri bir araya gətirərək onlara müvafiq sahənin tanınmış beynəlxalq təşkilat və peşəkarlarla təcrübə paylaşımı imkanı yaradacaq.Forumda ARPA-nın əsas tərəfdaşları Maliyyə Bazarlarına Nəzarət Palatası və "ADA" Universitetidir.Tədbirdə yerli və xarici auditor şirkətlərinin, yerli dövlət qurumlarının, maliyyə təşkilatlarının, informasiya texnologiyaları şirkətlərinin nümayəndələri iştirak edəcəklər.

“Bakcell”dən abunəçilərinə sərfəli təklif

Azərbaycanın İlk mobil operatorlarından biri və aparıcı mobil internet provayderi “Bakcell” şirkəti 18-25 yaşında gənclərə, tələbə və məzunlara “Smart Start” təcrübə proqramına qoşulmağı təklif edir.Şirkətdən Azərtac-a bildiriblər ki, tələbə və məzunlar üçün nəzərdə tutulmuş iki aylıq proqramın məqsədi karyerasında ilk addımlarını atmağa başlayan gəncləri Azərbaycanın ən böyük şirkətlərindən birində iş mühiti ilə tanış etmək, praktiki biliklər aşılamaq və işə hazırlıq bacarıqlarını artırmaqdır.Seçimdə uğur qazanan namizədlərə satış və marketinq sahəsində 2 ay müddətində təcrübə keçmək imkanı yaradılacaq. Təcrübə müddətində gənclər şirkətin mütəxəssisləri arasından seçilən təcrübə rəhbərləri vasitəsilə müvafiq bilik və bacarıqlara yiyələnərək şirkətin ümumi strukturunu və iş prinsiplərini, öyrənir, eyni zamanda, karyera planlaşdırılması, biznes etikasi, vaxtın səmərəli bölgüsü, effektiv kommunikasiya, özünü kəşfetmə, əməyin təhlükəsizliyi və ətraf mühit, sağlamlıq və digər mövzularda təşkil olunan təlimlərdə iştirak edirlər.xeber100.com

Rusiya Energetika Nazirliyinin məlumatı

Rusiya Neft İxarc edən Ölkələr Təşkilatına (OPEC) üzv və kartelə üzv olmayan ölkələrlə əldə edilən və bu ilin birinci yarısını nəzərdə tutan neft hasilatının azaldılması üzrə sazişin daha altı ay uzadılmasını dəstəkləyir.Azərtac xəbər verir ki, bu barədə Rusiyanın Energetika Nazirliyi məlumat yayıb. Məlumatda bildirilir ki, bir sıra ssenarilər üzərində dəyərləndirmələr aparılır və neft hasilatının azaldılması sazişinin müddətinin daha uzun bir dövr üçün uzadılmasının bazarda yenidən tarazlığın yaranmasını sürətləndirməyə kömək edə bilər. Rusiya tərəfdaşlarının qlobal neft bazarında yenidən tarazlığın yaranmasına yönələn səyləri ilə tam həmrəyliyini bir daha təsdiqləyir və indiyədək göstərilən birgə səylərin də bu prosesdə təsirli olduğunu düşünür.Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. 2017-ci il yanvarın 1-dən gündəlik neft hasilatını 558 min barrel azaltmaq barədə razılaşma çərçivəsində Azərbaycan hasilatı sutkada 35 min barrel azaltmaqla bağlı götürdüyü öhdəliyi bu ilin ötən dörd ayında tam yerinə yetirib.Saziş bu ilin birinci yarısı üçün bağlanıb və onun müddətinin uzadılması, yaxud digər başqa bir qərarın qəbulu OPEC Nazirlər Şurasının mayın 25-də Vyanada keçiriləcək 172-ci iclasında müəyyənləşəcək.xebber100.com