Mərkəzi Bank rəsmi məzənnəni açıqlayıb

Azərbaycan Mərkəzi Bankı (AMB) fevralın 13-nə olan USD/AZN rəsmi məzənnəsini açıqlayıb.AMB-dən "Apa-Economics"ə verilən məlumata görə, USD/AZN rəsmi məzənnəsi 1,7301 səviyyəsində müəyyən olunub.xeber100.com

Dövlət Gömrük Komitəsinin məlumatına görə…

Azərbaycan və İran gömrük xidmətləri arasında qarşılıqlı məlumat mübadiləsi məsələləri müzakirə edilib.Dövlət Gömrük Komitəsinin mətbuat xidmətindən Azərtac-a bildirilib ki, fikir mübadiləsi İran İslam Respublikasının Biləsuvar şəhərində İran İslam Respublikası və Azərbaycan Respublikası gömrük xidmətlərinin nümayəndələri arasında görüş zamanı aparılıb.Tədbir Azərbaycan Respublikası Dövlət Gömrük Komitəsi və İran İslam Respublikası Mərkəzi Gömrük İdarəsi arasında imzalanmış Anlaşma Memorandumuna əsasən baş tutub.Görüşdə Azərbaycan və İran arasında mövcud əlaqələrə toxunulub, eyni zamanda iki ölkənin gömrük xidmətləri arasında mütəmadi görüşlərin keçirilməsinin əhəmiyyəti vurğulanıb. İkitərəfli danışıqlar nəticəsində qarşılıqlı maraq doğuran məsələlərin müzakirəsinə və həll edilməsinə əlverişli şərait yarandığı bildirilib.Sonra Azərbaycan və İran gömrük xidmətləri arasında qarşılıqlı məlumat mübadiləsi məsələləri müzakirə edilib, həmçinin Azərbaycan və İran gömrük-keçid məntəqələri arasında cari məsələlərlə bağlı fikir mübadiləsi aparılıb.xeber100.com    

“Bakı Metropoliteni” QSC-nin məlumatı

Bakı Metropoliteninin “Xalqlar Dostluğu” stansiyasının hər iki keçidində təmir işlərinə başlanılıb.Bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev Azərtac-a bildirib.“Xalqlar Dostluğu” metro stansiyasının hər iki keçidində təmir işləri gedir. Təmir prosesində keçidin divar və yerdəki mərmər üzlükləri dəyişdiriləcək. Bundan başqa, keçidlərdə mövcud olan bütün kommunikasiya xətləri yenilənəcək.N.Paşayevin sözlərinə görə, keçidlərdə yalnız təmir işlərinin aparıldığı hissələr bağlanıb, sərnişinlərin giriş və çıxışına heç bir məhdudiyyət qoyulmayıb. Təmir işləri təxminən 2-3 ay davam edəcək.xeber100.com

Elektron qaimə-fakturaların tətbiqi…

Vergi Məcəlləsinə edilmiş əlavə və dəyişikliklərdən biri də elektron qaimə-fakturaların tətbiqidir. Bu isə vergi nəzarətinin daha da təkmilləşdirilməsinə səbəb olacaq.Azərtac “vergiler.az” saytına istinadla bildirir ki, bu barədə iqtisadçı Rəşad Əliyev açıqlama verib.Ekspert qeyd edib ki, “E-qaimə-faktura vergiödəyiciləri üçün kağız formasında olan sənədləşdirmənin məhdudlaşdırılmasına, alış-veriş əməliyyatlarının elektron qaydada həyata keçirilməsinə şərait yaradacaq.R.Əliyevin sözlərinə görə, yeni dəyişiklik vergiödəyicilərini əlavə vergi hesablanmasından və sanksiyalardan qoruyur: “Bu sistemin tətbiqi biznes sektoru üçün risklərin qarşısını alacaq, onların vergi öhdəliklərini müəyyən etmələrinə imkan verəcək. Məsələn, sahibkar 10 milyon manatlıq sövdələşmə həyata keçirmək istədiyi zaman, gələcəkdə yarana biləcək öhdəliklərini vergi orqanının iştirakı ilə qabaqcadan müəyyən edəcək. Bu isə əməliyyatların daha rahat və asan aparılmasına şərait yaradacaq”.Qaimə-fakturaların tətbiqi bu ilin aprelində nəzərdə tutulur.xeber100.com

Rabitə və Yüksək Texnologiyalar Nazirliyi tərəfindən…

Rabitə və Yüksək Texnologiyalar Nazirliyi tərəfindən Bakıdakı 1 saylı poçt filialında fəaliyyətə başlayan ilk "Şəbəkə" xidmət mərkəzində vətəndaşlara fasiləsiz olaraq həftənin bütün günlərində səhər saat 9-dan axşam saat 8-dək xidmət göstəriləcək.Azərtac xəbər verir ki, bu barədə jurnalistlərə müsahibəsində “Şəbəkə” xidmət mərkəzinin əlaqələndiricisi Ceyhun Əliyev məlumat verib.Bildirilib ki, nazirliyin qurumları tərəfindən vətəndaşlara göstərilən xidmətlər poçt və telekommunikasiya binalarında yaradılan yeni xidmət mərkəzlərində təqdim ediləcək. İlk “Şəbəkə” xidmət mərkəzi Üzeyir Hacıbəyli 36 ünvanında yerləşən 1 saylı poçt filialında istifadəyə verilib. Sahəsi 500 kvadratmetrdən çox olan mərkəz müasir standartlara uyğun əsaslı təmir olunub.xeber100.com

“Zenith Energy Ltd.” şirkətinin məlumatı

Kanadanın “Zenith Energy Ltd.” şirkətinin törəməsi “Zenith Aran Oil Company Limited” tərəfindən Azərbaycanın quruda yerləşən “Muradxanlı”, “Cəfərli” və “Zərdab” neft yataqlarının daxil olduğu blokdakı “M-195” quyusunun əsaslı təmirinə başlanılıb.Azərtac xəbər verir ki, bu barədə şirkətin məlumatında deyilir. Bildirilir ki, Muradxanlıdakı “M-195” və “M-45” şirkətin “Muradxanlı”, “Cəfərli” və “Zərdab” yataqlar blokunda geoloji-texniki tədbirləri nəzərdə tutan proqramı üzrə təmiri planlaşdırılan ilk iki quyudur.Xatırladaq ki, keçən ilin avqustunda “Muradxanlı”, “Cəfərli” və “Zərdab” neft yataqlarının daxil olduğu blokdan hasilatın pay bölgüsü sazişi çərçivəsində ilk neft hasil olunub.Qeyd edək ki, 2016-cı il martın 16-da SOCAR və “Zenith Aran Oil Company Limited” şirkətləri arasında “Muradxanlı”, “Cəfərli” və “Zərdab” neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında saziş imzalanıb. Sazişi SOCAR-ın prezidenti Rövnəq Abdullayev və “Zenith Aran Oil Company Limited” şirkətinin baş icraçı direktoru Andrea Kattaneo imzalayıblar.xeber100.com

“PSG Capital” şirkəti yanvar ayının nəticələrini açıqlayıb

SOCAR istiqrazlarının təkrar bazarında marketmeyker fəaliyyətini həyata keçirən “PSG Capital” şirkəti yanvar ayının nəticələrini açıqlayıb.Şirkətdən Azərtac-a verilən məlumata görə, istiqrazlara yalnız yeni müştərilərin marağı artmayıb. İndiyədək istiqraz sahibi olanlar da yenidən qiymətli kağızlar əldə etməyə başlayıblar.SOCAR istiqrazlarının dövriyyəyə buraxılmasından keçən 3 ay ərzində hər iki istiqrazdan biri təkrar bazarda alınıb-satılıb. Belə ki, bu müddətdə SOCAR istiqrazları üzrə təkrar bazarda 50 milyon dollardan çox alqı-satqı həyata keçirilib.Təkcə yanvar ayında 16,5 milyon dollarlıq SOCAR istiqrazlarının alqı-satqısı üzrə 82 əqd bağlanılıb. SOCAR istiqrazlarının ticarətində marketmeyker fəaliyyətini həyata keçirən “PSG Kapital İnvestisiya Şirkəti”nin məlumatına görə, istiqraz alanların 72 faizini yeni müştərilər təşkil edib. 28 faiz insanlar isə artıq istiqrazı olanlardır ki, onlar yeni kağızlar əldə ediblər.“PSG Capital” şirkətinin nümayəndəsi İkram Səfərəliyev deyib ki, SOCAR istiqrazları üzrə ilk faiz ödənişindən sonra istiqrazlara müştərilərin marağı daha da artıb. “İlk faiz ödənişlərindən sonra istiqrazlara maraq daha da artıb, xüsusilə fiziki şəxslər tərəfindən. Ümumilikdə bu il ərzində 16,5 milyon dollar həcmində alqı-satqı əməliyyatı baş tutub”, - deyə o, əlavə edib.xeber100.com

Manatın məzənnəsi 1,7301 səviyyəsində…

Fevralın 9-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın orta çəkili məzənnəsi 1,7301 səviyyəsində formalaşıb.xeber100.com

Dünya birjalarında neftin qiyməti…

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,41 dollar ucuzlaşaraq 51,76 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,26 dollar azalaraq 54,79 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 1,04 dollar ucuzlaşaraq 56,16 dollar təşkil edib.xeber100.com

Təbii qaz təchizatında məhdudiyyətlər olacaq

Abonentlərin təbii qaza olan tələbatının təmin edilməsi məqsədilə diametri 325 millimetrlik orta təzyiqli qaz xəttində aşkar edilmiş qaz sızmasının ləğv edilməsi ilə bağlı nəzərdə tutulan işlərin icrası ilə əlaqədar fevralın 8-də saat 09:30 dan 18:00-dək Bakının Nəsimi və Yasamal rayonlarının bir hissəsinin qaz təchizatında məhdudiyyətlər yaranacaq.“Azəriqaz” İstehsalat Birliyinin ictimaiyyətlə əlaqələr şöbəsindən Azərtac-a bildirilib ki, aparılan işlərin Binəqədi rayonunun Biləcəri qəsəbəsinin bir hissəsinin təbii qaz təchizatına təsir göstərməsi mümkündür. Aparılan işlər gün ərzində yekunlaşdırılaraq təbii qazın verilişində yaranan fasilələr aradan qaldırılacaq.“Azəriqaz” yaranmış məhdudiyyətlə bağlı bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com