Dövlət Gömrük Komitəsinin məlumatı əsasında…

Cari ilin üç ayında 3617 ton tərəvəz və meyvələrin emal məhsulları ixrac edilib. Dövlət Gömrük Komitəsi xəbər verir ki, ixrac edilən tərəvəz və meyvələrin emal məhsullarının dəyəri 4,1 milyon dollar olub.Xatırladaq ki, 2021-ci ilin müvafiq dövründə dəyəri 5,9 milyon dollar olmaqla 5 min ton tərəvəz və meyvələrin emal məhsulları ixrac edilib.xeber100.com

Dövlət Neft Fondunun iştirakı ilə valyuta hərracı keçirilib

Aprelin 14-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan bildirilib ki, hərracda tələb 81,3 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Azərbaycan Hava Yolları” uçuşların yerinə yetirilməsini bərpa edir

“Azərbaycan Hava Yolları” (AZAL) aviaşirkəti mayın 29-dan etibarən Bakı ilə Berlin arasında uçuşların yerinə yetirilməsini bərpa edir.AZAL-dan Azərtac -a bildirilib ki, Bakı-Berlin-Bakı marşrutu üzrə xüsusi reyslər həftədə 2 dəfə - çərşənbə axşamı və bazar günləri aviaşirkət tərəfindən həyata keçiriləcək. Sözügedən reyslərə yalnız qeyd olunan daşınma şərtlərinə cavab verən və COVID-19 pandemiyası səbəbindən tətbiq edilən məhdudiyyətlər şəraitində uçuş icazəsi olan sərnişinlər kateqoriyası qəbul ediləcək.xeber100.com

“Azərişıq” ASC regionlarda yeni layihəyə start verib

Prezident İlham Əliyevin müvafiq tapşırıqlarına əsasən, “Azərişıq” ASC 2022-ci ildən etibarən regionlarda yeni layihəyə start verib. Bu il ərzində ümumilikdə müxtəlif regionları əhatə edən 100-dən çox kənd və yaşayış məntəqəsinin elektrik enerji şəbəkəsi tamamilə yenidən qurulacaq.ASC-dən Azərtac-a bildirilib ki, layihə çərçivəsində Ağcabədinin Cəfərbəyli, Mehrablı, Ağabəyli, Şənlik və Qaradolaq kəndlərinin elektrik şəbəkəsi yenidən qurulacaq. Artıq rayonun Cəfərbəyli, Ağabəyli, Mehrablı kəndlərində işlərə start verilib. Növbəti mərhələdə isə Qaradolaq və Şənlik kəndlərində də işlərə başlanılacaq. Beş kənddə ümumilikdə 79 kilometrə yaxın 10 kV-luq, 36 kilometrdən çox 0,4 kV–luq elektrik xətləri yenilənəcək. Müxtəlif güclərdə 24 ədəd komplekt transformator məntəqəsi quraşdırılacaq.Bununla da 5 kəndin ümumilikdə 1784 abonenti keyfiyyətli, dayanıqlı və fasiləsiz elektrik enerjisi ilə təmin ediləcək və itkilərin həcmi minimuma endiriləcək.Xatırladaq ki, yeni layihə çərçivəsində digər regionlarda da işlər davam edir. Elektrik şəbəkəsi yenidən qurulan növbəti kəndlər haqqında da qarşıdakı günlərdə əlavə məlumatlar veriləcək.xeber100.com

Aprelin 15-də sığorta sahəsində attestasiya keçiriləcək

Aprelin 15-də sığorta sahəsində attestasiya keçiriləcək.Azərbaycan Mərkəzi Bankına istinadla xəbər verir ki, “Sığorta sahəsində attestasiyanın təşkili və keçirilməsi” Qaydasının 2.4-cü bəndinə əsasən, 8 sığorta vasitəçisi Mərkəzi Bankda (Bakı şəhəri, Bülbül prospekti 27) keçiriləcək attestasiyaya dəvət olunur. Attestasiyaya buraxılmaq üçün şəxsiyyət vəsiqəsi təqdim edilməlidir.xeber100.com

“Azeri Light” markalı neftin bir barelinin qiyməti 5,93 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 5,93 dollar azalaraq 102,69 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

“Azərsu” ASC: İçməli suyun verilməsində məhdudiyyət yaranıb

Bakı şəhəri Neftçilər prospektindən keçən su xəttində baş vermiş qəza ilə əlaqədar aprelin 8-də Səbail rayonunun mərkəzi hissəsinə içməli suyun verilməsində məhdudiyyət yaranıb.“Azərsu” ASC-dən bildirilib ki, hazırda qəzanın aradan qaldırılması istiqamətində tədbirlər görülür.xeber100.com  

Yaponiya və Azərbaycanın sahibkarları əməkdaşlığı müzakirə ediblər

Bakıda səfərdə olan yaponiyalı qadın sahibkarlar Azərbaycanda Qadın Sahibkarlığının İnkişafı Assosiasiyasının (AQSİA) üzvləri ilə görüşüblər. Görüşdə birgə əməkdaşlıq perspektivləri, qarşılıqlı ticarət və təcrübə mübadiləsi, Azərbaycanla Yaponiya arasında iqtisadi əməkdaşlığa töhfə verilməsi və digər məsələlər ətrafında geniş fikir mübadiləsi aparılıb. AQSİA-dan Azərtac-a bildirilib ki, Yaponiyanın “Organic Halal VKSARA” kosmetik brendinin sahibi, iş xanımı Yumiko Nakano səfərin məqsədindən söz açıb. O deyib ki, Yaponiyada istehsal edilən ətriyyat məhsullarını Azərbaycan bazarında tanıtmaq məqsədilə Bakıya təşrif buyurublar: “Təkcə Azərbaycanda deyil, ölkənizin vasitəsilə məhsullarımızı türk və islam dövlətlərinə də idxal etmək niyyətindəyik. Bakıda mərkəzi ofis yaratmaq və regional satışlarımızı məhz buradan idarə etmək niyyətimiz var”. Azərbaycan və Yaponiya arasında iqtisadi və ticari münasibətlərin inkişafının vacibliyindən bəhs edən AQSİA sədri bu xüsusda yapon iş xanımlarının ölkəmizə səfərini yüksək qiymətləndirib: “Bakı səfərinizin nəticələrinə nəzər yetirdikdə görürük ki, kifayət qədər məhsuldar görüşlər keçirilib. Bu, bir daha əminliklə söyləməyə əsas verir ki, sizin səfərinizlə Azərbaycan və Yaponiyanın xanım sahibkarları arasında uğurlu əməkdaşlığın təməli qoyulub. Əminəm ki, qarşılıqlı və faydalı işbirliyinə nail olacağıq”.xeber100.com  

Mərkəzi Bank aprelin 8-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) aprelin 8-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın aprelin 8-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Aerokosmik və Texnologiya Festivalına hazırlıq çərçivəsində

“TEKNOFEST Azərbaycan” Aerokosmik və Texnologiya Festivalına hazırlıq çərçivəsində Milli Federasiyaların “Rocket League” üzrə Avropa Çempionatında iştirakla bağlı qeydiyyatı başa çatıb.Məlumat üçün bildiririk ki, “TEKNOFEST Azərbaycan” Festivalı Türkiyə Teknoloji Takımı Vakfı (T3 Vakfı), Azərbaycan Respublikası Rəqəmsal İnkişaf və Nəqliyyat Nazirliyi (RİNN) və Türkiyə Respublikası Sənaye və Texnologiya Nazirliyinin birgə təşkilatçılığı ilə bu ilin 26-29 may tarixlərində Bakıda ilk dəfə olaraq keçiriləcək.RİNN-dən Azərtac-a bildirilib ki, Azərbaycan da daxil olmaqla Avropanın 25 ölkəsindən kiber atletlər “Rocket League” və “Tekken” yarışları üzrə paytaxtımızda bir araya gələcəklər.Sözügedən çempionat zamanı Avropa Kiber İdman Federasiyası da daxil olmaqla Milli Federasiyalardan ümumilikdə 27 nümayəndə yarışları izləmək üçün Bakıda rəsmi səfərdə olacaq.“Tekken” yarışması üzrə Azərbaycan, Bosniya və Herseqovina, Estoniya, Finlandiya, Fransa, Gürcüstan, İsrail, İtaliya, Macarıstan, Litva, Lüksemburq, Makedoniya, Malta, Monako, Monteneqro, Niderland, Polşa, Rumıniya, Rusiya, Serbiya, Slovakiya, İspaniya, İsveç, Türkiyə və Uelsdən ümumilikdə 25 kiber atlet mübarizəyə qoşulacaq.“Rocket League” üzrə isə Azərbaycan, Gürcüstan, İsrail, Macarıstan, Lüksemburq, Monako, Monteneqro, Niderland, Rumıniya, Rusiya, Serbiya, Slovakiya, İspaniya, İsveç, Türkiyə və Uelsdən ümumilikdə 48 iştirakçı 16 komandada təmsil olunmaqla mübarizəni davam etdirəcək.xeber100.com