TANAP boru kəməri ilə ümumilikdə 16,2 milyard kubmetr qazın nəqli planlaşdırılır

Cari ilin sonunadək TANAP boru kəməri ilə ümumilikdə 16,2 milyard kubmetr qazın nəqli planlaşdırılır.SOCAR-dan Azərtac-a bildirilib ki, bu da ötən illə müqayisədə 18 faiz artım deməkdir.Xatırladaq ki, TANAP boru kəməri ilə 2021-ci ildə Türkiyə və Avropaya ümumilikdə 13,73 milyard kubmetr Azərbaycan qazı nəql olunub.xeber100.com

“Azeri Light” markalı neftin bir barelinin qiyməti 9,93 dollar artıb

Azərbaycan neftinin qiyməti bahalaşıb.“Azeri Light” markalı neftin bir barelinin qiyməti 9,93 dollar artaraq 128,71 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 5-də (118,78) qeydə alınmışdı.xeber100.com

Rusiyanın “Ural Airlines” şirkəti Azərbaycana uçuşları dayandırır

Rusiyanın “Ural Airlines” şirkəti Azərbaycana uçuşları dayandırır.Şirkət martın 26-dək Azərbaycan, BƏƏ, Ermənistan və İsrailə uçuşları dayandırır. Bu barədə aviaşirkətin mətbuat xidməti məlumat verib.Məlumatda deyilir ki, yaranmış geosiyasi vəziyyətlə əlaqədar “Ural Airlines” şirkəti martın 5-dən 26-dək Azərbaycana uçuşları dayandırır. BƏƏ, İsrail və Ermənistana uçuşlar martın 4-dən 26-dək həyata keçirilməyəcək.xeber100.com

“Buta Airways” aviaşirkəti Bakı-Həştərxan-Bakı reysini ləğv edib

“Buta Airways” aviaşirkəti Rusiyanın cənubunda hava məkanından istifadədə müvəqqəti rejimin yaradılması ilə əlaqədar martın 3-ü cümə axşamına planlaşdırılan Bakı-Həştərxan-Bakı reysini ləğv edib.Aviaşirkətdən Azərtac-a bildirilib ki, mövcud vəziyyətlə əlaqədar olaraq ləğv edilmiş reysin sərnişinləri biletləri digər tarixlərə dəyişdirə və ya cərimələr tətbiq edilmədən geri qaytara bilərlər.Bütün sərnişinlərdən ən son uçuş məlumatlarını aviaşirkətin rəsmi sosial şəbəkə səhifələrində izləmələri xahiş edilir.xeber100.com

“Light” markalı neftin bir barelinin qiyməti 4,85 dollar artıb

Dünyada baş verən hadisələr fonunda birjalarda neft qiymətləri bahalaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 4,88 dollar artaraq 109,85 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 4,85 dollar artaraq 108,26 dollar olub.xeber100.com

İqtisadi əlaqələrin perspektivləri müzakirə olunub

Cari il fevralın 2-də Bəhreyn Krallığının paytaxtı Manamada bu ölkə ilə Azərbaycan arasında xarici işlər nazirlərinin müavinləri səviyyəsində keçirilən siyasi məsləhətləşmələrin ikinci raundundan sonra iqtisadi əlaqələrin perspektivləri də müzakirə olunub.Manamada Azərbaycanın Səudiyyə Ərəbistanı və Bəhreyndəki səfiri Şahin Abdullayev və Bəhreyn Gömrük Departamentinin rəhbəri Şeyx Əhməd bin Həməd Əl Xəlifə arasında fevralın 26-da keçirilmiş görüşdə iki ölkə arasında ticari-iqtisadi əlaqələrin perspektivləri müzakirə olunub.Tərəflər qeyd ediblər ki, iki ölkənin dövlət və özəl sektorlarının geniş əməkdaşlıq potensialı və investisiya imkanları mövcuddur.xeber100.com

MDB ölkələrinə 286 milyon 596 min məhsul ixrac edilib

Ötən ay Azərbaycandan MDB ölkələrinə 286 milyon 596 min ABŞ dolları dəyərində məhsul ixrac edilib.Dövlət Gömrük Komitəsindən Azərtac-a bildirilib ki, bu göstərici 2020-ci ilin müvafiq ayı ilə müqayisədə 122 milyon 381 min dollar çoxdur.Bu ilin yanvar ayında Azərbaycanın MDB ölkələrindən idxal etdiyi məhsulun dəyəri isə 322 milyon 440 min dollar olub.xeber100.com

Azərbaycan MDB ölkələri arasında ən çox Ukraynaya məhsul ixrac edib

Yanvarda Azərbaycan MDB ölkələri arasında ən çox Ukraynaya məhsul ixrac edib.Dövlət Gömrük Komitəsindən Azərtac-a bildirilib ki, Azərbaycanın MDB ölkələri arasında ən çox məhsul ixrac etdiyi ölkələr Ukrayna, Rusiya və Belarusdur. Ukraynaya ixrac olunan məhsulların dəyəri 199,8 milyon ABŞ dolları, Rusiyaya 72,5 milyon dollar, Belarusa isə 2,9 milyon dollar olub.xeber100.com

Bakı Nəqliyyat Agentliyi: 20 avtobusun hərəkət sxemi müvəqqəti dəyişdirilir

Xocalı soyqırımının 30-cu ildönümü günü keçiriləcək anım tədbiri ilə əlaqədar paytaxtın mərkəzi yollarında avtomobillərin hərəkəti məhdudlaşdırıldığından bir sıra müntəzəm marşrut xətləri üzrə avtobusların hərəkəti sxemi də müvəqqəti dəyişdirilir.Bakı Nəqliyyat Agentliyindən Azərtac-a bildirilib ki, dəyişiklik, ümumilikdə, 20 müntəzəm marşrut xəttini (1, 2, 4, 5, 6, 10, 18, 21, 30, 32, 46, 49, 53, 65, 88, 125, 127, 175, 205 və H1) əhatə edir. Qeyd olunan müntəzəm marşrut xətləri üzrə avtobusların hərəkəti digər nəqliyyat vasitələrinin yönləndirildiyi alternativ küçə və prospektlərdən keçməklə təşkil ediləcək.Dəyişiklik fevralın 26-sı səhər saat 07:00-dan başlayaraq məhdudiyyət tam aradan qaldırılanadək davam edəcək.xeber100.com

“Azərbaycan Hava Yolları” aviaşirkəti uçuş marşrutunu dəyişib

“Azərbaycan Hava Yolları” aviaşirkəti (AZAL) Bakı-Moskva sərnişin reysini həyata keçirən təyyarələrin uçuş marşrutunu dəyişib. AZAL-dan Azərtac-a bildirilib ki, sözügedən qərar NOTAM Rusiya hava məkanının müəyyən hissələrində mülki təyyarələrin uçuşlarının məhdudlaşdırılması ilə bağlıdır.Aviaşirkət Bakı-Moskva-Bakı reysini Qazaxıstan ərazisindən keçməklə yerinə yetirəcək ki, bu da uçuş vaxtının artmasına səbəb olacaq. Uçuşun təxmini vaxtı 3 saat 20 dəqiqə təşkil edəcək.xeber100.com