“Azeri Light” markalı neftin bir barelinin qiyməti 2,07 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 2,07 dollar azalaraq 97,63 dollar olub.Qeyd edək ki, Azərbaycan neftinin bir bareli sonuncu dəfə 2014-cü il sentyabrın 15-də 97 dollardan (97,98) baha satılıb.Xatırladaq ki, Azərbaycan neftinin bir barelinin bu il ərzində maksimum qiyməti ötən gün (99,70) qeydə alınmışdı.xeber100.com  

Bakı Fond Birjasında istiqrazların yerləşdirilməsi üzrə hərrac keçirilib

Fevralın 15-də Bakı Fond Birjasında (BFB) Maliyyə Nazirliyinin AZ0108006948 ISIN-li, 25 milyon manat həcmində, 1820 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib.BFB-dən Azərtac-a bildirilib ki, hərrac zamanı 14 investor tərəfindən qiymət intervalı 91.6833 AZN (7 faiz) və 100.6589 AZN (4.85 faiz) manat olan 22 sifariş təqdim edilib. Maliyyə Nazirliyinin qərarına əsasən, istiqrazların kəsmə qiyməti 97.8399 AZN (5.5 faiz) manat, orta ölçülmüş qiyməti 97.9426 AZN (5.4759 faiz) manat müəyyən edilib. Sifarişlərin nominal qiymətlə ümumi məbləği 103 milyon 382 min 100 manat, yerləşdirilmiş həcmi isə 37 milyon 500 min manat təşkil edib. İstiqrazlar 2027-ci il fevralın 9-da ödəniləcək. Hərrac iştirakçıları fevralın 16-dək istiqrazların alışı üzrə öhdəliklərini icra etməlidirlər.Hərrac zamanı dövlət istiqrazlarına tələb təklifi üstələyəcəyi və qiymət emitenti qane edəcəyi halda emitent tərəfindən təklif edilən istiqrazların həcmi 50 faizədək artırıla bilər.xeber100.com

“Azərenerji” ASC-nin məlumatına görə…

Ağdam rayonundan əlavə Laçın rayonunda yeni 110/35/10 kilovoltluq yarımstansiya tikiləcək.Bu barədə “Azərenerji” ASC-nin ictimaiyyətlə əlaqələr mərkəzinin rəisi Teymur Abdullayev jurnalistlərə açıqlamasında deyib.O bildirib ki, Kəlbəcərdən Laçına 110 kilovoltluq yeni xətt çəkiləcək. Eyni zamanda, həmin xətt Qubadlı yarımstansiyasına birləşdiriləcək. Beləliklə, Qarabağ və Şərqi Zəngəzurun dairəvi elektrik təchizat sxemi yaradılacaq.xeber100.com

Mərkəzi Bank fevralın 15-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) fevralın 15-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın fevralın 15-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Brent” markalı neftin bir barelinin qiyməti 0,27 dollar azalıb

Dünya birjalarında neft qiymətləri ucuzlaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,27 dollar azalaraq 91,28 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,17 dollar ucuzlaşaraq 89,49 dollar olub.xeber100.com

Mərkəzi Bank fevralın 10-na olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) fevralın 10-na olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın fevralın 10-dan etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Bakı Fond Birjasında qısamüddətli notlarının yerləşdirilməsi üzrə hərrac keçiriləcək

Fevralın 9-da Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notun həcmi 100 milyon manat, nominal dəyəri 100 manat, tədavül müddəti 28 gündür. Notlar martın 9-da ödəniləcək. Hərracın gedişi zamanı hər bir bank tərəfindən təqdim edilən sifarişlərin ümumi sayı 2-dən artıq (1 rəqabətli və 1 qeyri-rəqabətli) olmamalıdır və verilmiş sifarişlərin nominal məbləği hərraca çıxarılmış notların həcmindən artıq olmamalıdır. Notların buraxılışının 20 faizdən artıq olmamaq şərti ilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizinə qədər artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Təqdim olunan sifarişlər üzrə qiymət diapazonu 99.4205 - 99.5351 təşkil edir. Azərbaycan Mərkəzi Bankının qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.xeber100.com

Dünya birjalarında neft qiymətləri müxtəlif istiqamətlərdə dəyişib

Dünya birjalarında neft qiymətləri müxtəlif istiqamətlərdə dəyişib.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,27 dollar artaraq 93,54 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,28 dollar ucuzlaşaraq 92,03 dollar olub.xeber100.com

“Bees Airline” aviaşirkəti Gəncəyə uçuşlar həyata keçirməyi planlaşdırır

“Bees Airline” aşağı büdcəli aviaşirkəti bu ilin yayından Kiyevdən Azərbaycanın ikinci ən böyük şəhəri olan Gəncəyə uçuşlar həyata keçirməyi planlaşdırır.Bu barədə şirkətin kommersiya direktoru Aleksandr Djidjor məlumat verib.Aşağı büdcəli aviaşirkət hələ bilet satışına başlamasa da, Ukrayna Dövlət Aviasiya Administrasiyasından Kiyevdən Gəncəyə həftədə iki dəfə müntəzəm uçuşlar həyata keçirmək hüququnu alıb.Kiyev-Gəncə-Kiyev aviaşirkətin Azərbaycana ikinci reysi olacaq. Belə ki, “Bees Airline” artıq Gəncəyə Odessadan uçuşlar həyata keçirir. Kiyevdən uçuşlara başladıqdan sonra isə bu marşrutu dayandırmaq niyyətindədir.xeber100.com

“Light” markalı neftin bir barelinin qiyməti 0,58 dollar bahalaşıb

Dünya birjalarında neft qiymətləri bahalaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,36 dollar artaraq 91,47 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,58 dollar bahalaşaraq 90,85 dollar olub.xeber100.com