Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,30 dollar ucuzlaşaraq 43,28 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,32 dollar azalaraq 45,53 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,44 dollar bahalaşaraq 47,57 dollar təşkil edib.xeber100.com

“Ekologiya və yanacaq-energetika kompleksində sənaye təhlükəsizliyi”…

Noyabrın 21-22-də Bakıda “Ekologiya və yanacaq-energetika kompleksində sənaye təhlükəsizliyi” mövzusunda beynəlxalq konfrans keçiriləcək. Konfransın təşkilatçısı Böyük Britaniyanın “Confidence Capital” şirkətidir. Tədbirin media tərəfdaşı olan Azərtac xəbər verir ki, bu, Xəzər regionunda neft-qaz sənayesində texnoloji və ekoloji təhlükəsizlik məsələlərinə diqqəti yönəldən yeganə konfransdır. Konfransda əməliyyat şirkətləri, texnologiya, avadanlıq və servis tədarükçüləri və dövlət orqanları arasında Xəzər regionunda fövqəladə vəziyyət və neft sızmalarının nəticələrinin aradan qaldırılması məsələləri üzrə əməkdaşlıq və qarşılıqlı əlaqələrin səmərəli müzakirəsi keçiriləcək. Konfrans çərçivəsində, həmçinin texnologiya və xidmətlərin mini sərgisi təşkil ediləcək. Sərgidə aparıcı istehsalçılar öz avadanlıq və texnologiyalarını nümayiş etdirəcək və innovasiya həllərindən söhbət açacaqlar. Həmçinin neft sızmasının qarşısının alınması və aradan qaldırılması üzrə geniş xidmət spektri və problemlərin həlli yolları təqdim ediləcək, ətraf mühitin monitorinqi, sızmaların nəticələrinin aradan qaldırılması, torpaqların rekultivasiyası, neft tullantılarının utilizasiyası və digər məsələlərin monitorinqi üzrə aparıcı xarici texnologiyaların nümayişi keçiriləcək.xeber100.com

Maliyyə Bazarlarına Nəzarət Palatasının məlumatına əsasən…

Maliyyə Bazarlarına Nəzarət Palatasının (MBNP) Direktorlar Şurasının qərarına əsasən sığorta vasitəçiləri və sığortaçıların satış nümayəndələrinin sığorta qanunvericiliyinə riayət etmələrinə dair geniş monitorinq aparılıb. Maliyyə Bazarlarına Nəzarət Palatasının mətbuat xidmətindən Azərtac-a bildiriblər ki, monitorinq zamanı aşkar edilmiş qanun pozuntularına görə 7 sığorta vasitəçisinə təqdimat, 10 sığorta vasitəçisinə isə xəbərdarlıq verilib. Xəbərdarlığın verilməsinə səbəb monitorinq zamanı aşkar edilmiş icbari sığorta qanunvericiliyinə əməl edilməməsi, lisenziyasız vasitəçilik fəaliyyətinin göstərilməsi, icbari sığorta şəhadətnamələrində məlumatların düzgün əks etdirilməməsi və digər pozuntu faktları olmuşdur. Monitorinq tədbirləri çərçivəsində sığorta vasitəçiləri ilə bağlı yaranan risklərə nəzarətin gücləndirilməsi ilə əlaqədar olaraq MBNP tərəfindən sığortaçılara müvafiq tapşırıqlar verilib.xeber100.com

“Azərbaycan Hava Yolları” xəbərdarlıq edir

AZAL Samsung Galaxy Note 7 smartfonu ilə səyahət edən sərnişinlərə xəbərdarlıq edir. “Azərbaycan Hava Yolları” QSC-nin mətbuat xidmətindən Azərtac-a bildirilib ki, Avropa Aviasiya Təhlükəsizliyi Agentliyinin (EASA) tövsiyələrinə əsasən “Azərbaycan Hava Yolları” sərnişinlərdən uçuş zamanı Samsung Galaxy Note 7 smartfonlarını istifadə etməməyi və enerji şəbəkəsinə qoşmamağı xahiş edir. Bu model smartfonun həmçinin qeydiyyatdan keçirilən baqajda daşınması da qadağandır. Məhdudiyyətlər Samsung Galaxy Note 7 smartfonlarının alışıb yanması halları ilə əlaqədar olaraq geri çağırılması barədə Samsung şirkətinin bu yaxınlarda verdiyi məlumatlar ilə bağlıdır. Samsung Galaxy Note 7 smartfonları ilə səyahət edən sərnişinlər təyyarənin göyərtəsində smartfonun zədələnməsi, qızması və ya itməsi halında hava gəmisinin heyətinə dərhal məlumat verməlidirlər.xeber100.com

Mərkəzi Bank növbəti depozit hərracı keçirəcək

Sentyabrın 19-da Azərbaycan Respublikasının Mərkəzi Bankı vəsaitlərin cəlb edilməsi üzrə növbəti depozit hərracı keçirəcək. Azərtac Mərkəzi Banka istinadla xəbər verir ki, dolayı hərracda 50 milyon manat məbləğində vəsaitin cəlbi nəzərdə tutulur. Depozit hərracının müddəti 28 gündür. "Bloomberg" ticarət sistemində keçiriləcək hərrac üzrə faiz dərəcələri 12,01-14,99 faiz təşkil edir.xeber100.com

Dünya birjalarında neftin qiyməti…

Dünya birjalarında neftin qiymətinin ucuzlaşması davam edir. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,32 dollar ucuzlaşaraq 43,58 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,25 dollar azalaraq 45,85 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,65 dollar ucuzlaşaraq 47,13 dollar təşkil edib.xeber100.com

Bakı Nəqliyyat Agentliyi gücləndirilmiş iş rejimində çalışacaq

2016-2017-ci tədris ilinin başlanması ilə əlaqədar yollarda nəqliyyat vasitələrinin və piyadaların sıxlığının artacağı ehtimalını nəzərə alaraq Bakı Nəqliyyat Agentliyi sentyabrın 15-də gücləndirilmiş iş rejimində fəaliyyət göstərəcək. Azərtac xəbər verir ki, bu barədə Bakı Nəqliyyat Agentliyinin mətbuat xidmətinin rəhbəri Nuridə Allahyarova deyib. O bildirib ki, məqsəd - ilk dərs günü xüsusən də səhər saatlarında paytaxt yollarında yarana biləcək avtomobil sıxlığının qarşısını almaq, avtonəqliyyat vasitələrinin təhlükəsiz və intensiv hərəkətini təmin etməkdir.xeber100.com

Dünya birjalarında neftin qiyməti…

Dünya birjalarında neftin qiyməti ucuzlaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,39 dollar ucuzlaşaraq 44,90 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,22 dollar azalaraq 47,10 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 1,45 dollar ucuzlaşaraq 47,78 dollar təşkil edib.

Dünya bazarında neftin qiyməti…

Dünya bazarında neftin ucuzlaşması davam edir. "Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,74 dollar azalaraq  45,14 dollar təşkil edib. ICE London qitələrarası birjasında Brent markalı neftin 1 barelinin dəyəri isə 0,68 dollar azalaraq 47,33 dollar olub.xeber100.com

Plastik kartlarda kredit təklifi…

“FINCA Azerbaijan” Qeyri-Bank Kredit Təşkilatı bütün filiallarında müştərilərə plastik kartlarda kredit təklif etməyə başlayıb. Bankdan Azərtac-a bildiriblər ki, yeni plastik kartlar “FINCARD” adlanır və bu, əvvəlcədən ödəniş edilən (prepaid) yeni innovativ kredit kanalı sayılır. Müştərilər “FINCARD” ilə bank və poçt şöbələrindən nağd pul vəsaiti çıxara, ticarət və xidmət obyektlərində isə POS-terminallar vasitəsilə nağdsız əməliyyatlar həyata keçirə bilərlər. “FINCARD” içərisində nağd pul vəsaiti olan lokal ödəniş kartıdır və bu yeni məhsul FINCA-nın alternativ kreditvermə kanalının yaradılması istiqamətində mühüm addımlarından biri hesab olunur. “FINCA Azerbaijan”ın bu xidməti təşkilatın “Azərpoçt” və Millikart ilə əməkdaşlığı çərçivəsində mümkün olub.xeber100.com