Dünya birjalarında neftin qiyməti…

Dünya birjalarında neftin qiymətinin bahalaşması davam edib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,90 dollar bahalaşaraq 45,34 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,95 dollar artaraq 46,83 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,79 dollar bahalaşaraq 47,57 dollar təşkil edib.

Rabitə və Yüksək Texnologiyalar Nazirliyinin məlumatına əsasən…

Beynəlxalq Telekommunikasiya İttifaqının (BTİ) “The State of Broadband” adlı yeni hesabatında Azərbaycanın ayrı-ayrı göstəricilər üzrə mövqeyi yüksəlib. Rabitə və Yüksək Texnologiyalar Nazirliyindən Azərtac-a bildirilib ki, Azərbaycan reytinq cədvəlində hər 100 nəfərə düşən internet istifadəçilərinin sayına görə 63-cü yerdən 36-cı yerə yüksəlib. Hesabata əsasən, ölkədə hər 100 nəfərdən 77-si internet istifadəçisidir. Hər 100 nəfərə düşən genişzolaqlı internet istifadəçilərinin sayına görə isə Azərbaycan reytinq cədvəlində 53-cü pillədə qərarlaşıb. Hazırda ölkədə hər 100 nəfərə 19.76 genişzolaqlı internet istifadəçisi düşür. Azərbaycan bu göstərici üzrə Rusiya, Türkiyə, İran, Qazaxıstan və Ermənistanı geridə qoyub. Qeyd edək ki, həmin reytinqdə Monako (hər 100 nəfərə 47.47 istifadəçi) liderdir. Sonrakı yerləri İsveçrə, Lixtenşteyn, Danimarka, Niderland bölüşür.Bundan başqa, ölkəmiz mobil genişzolaqlı internet abunəçilərinin sayına görə də mövqeyini yaxşılaşdırıb. Belə ki, Azərbaycan dünya üzrə reytinqdə 60-cı yeri tutub. Müqayisə üçün qeyd edək ki, əvvəlki reytinqdə ölkəmiz hər 100 nəfərə düşən 46.8 abunəçi ilə 68-ci yerdə qərarlaşmışdı.xeber100.com

Beynəlxalq Enerji Agentliyinin məlumatına əsasən…

Yaxın gələcəkdə neftin qiymətində ciddi artım gözlənilmir. Anadolu agentliyinin məlumatına görə, bu barədə Beynəlxalq Enerji Agentliyinin (IEA) rəhbəri Fatih Birol deyib. O bildirib ki, hazırda neftin qiymətinə neqativ təsir edən əsas amil bazarda təklifin tələbi üstələməsidir. “Neftin bahalaşması üçün heç bir ciddi əsas görmürəm. İlk növbədə ona görə ki, bazarda təklif olduqca yüksək olaraq qalır. Səudiyyə Ərəbistanı, İran, İraq kimi Yaxın Şərq ölkələri hasilatı artırmaqda davam edirlər. Bununla yanaşı, neft hasilatı ilə məşğul olan ölkələrin ciddi ehtiyatları mövcuddur. Odur ki, hətta 2017-ci ilin ikinci yarısında da neftin qiymətində ciddi artım gözlənilmir”, - deyə F.Birol əlavə edib.

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,40 dollar bahalaşaraq 43,44 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,10 dollar artaraq 45,88 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,95 dollar ucuzlaşaraq 46,78 dollar təşkil edib.

“Mərkəzi Asiya 2050 – Regionun Potensialının Açılması”…

İqtisadiyyat Nazirliyinin İqtisadi İslahatlar Elmi Tədqiqat İnstitutunun əməkdaşı Malik Mehdiyev Qazaxıstanın paytaxtı Astana şəhərində "Mərkəzi Asiya 2050 – Regionun Potensialının Açılması" mövzusuna həsr olunmuş IV Avrasiya Forumunda iştirak edib. Azərtac İqtisadi İslahatlar Elmi Tədqiqat İnstitutuna istinadla xəbər verir ki, tədbirdə 15 tanınmış araşdırmaçı tərəfindən hazırlanmış tədqiqat materialının təqdimatı keçirilib. İsveçrə Milli Bankının (Swiss National Bank) maliyyə dəstəyi ilə keçirilən forumun həmtəşkilatçıları Qazaxıstanın Nazarbayev Universiteti, "Milli Analitik Mərkəz"i və ABŞ-ın "İnkişaf etməkdə olan bazarlar forumu" olub.xeber100.com

Dövlət Neft Fondunun təşkilatçılığı ilə…

Sentyabrın 20-21-də Azərbaycan Respublikası Dövlət Neft Fondunun (ARDNF) təşkilatçılığı ilə Bakıda Suveren və Pensiya Fondlarının Birgə İnvestisiyası üzrə Dəyirmi Masanın (CROSAPF) 3-cü illik iclası keçirilir. Dövlət Neft Fondunun ictimaiyyətlə əlaqələr şöbəsindən Azərtac-a bildirilib ki, aparıcı suveren və pensiya fondlarının, eləcə də investisiya idarəetmə şirkətlərinin təmsilçiləri Bakıda toplanaraq maliyyə bazarlarında mövcud qlobal imkanları və çağırışları, eləcə də investorlar arasında əməkdaşlığı inkişaf etdirmək yollarını müzakirə edirlər.Tədbirdə müxtəlif ölkələrdən 60 təşkilatı təmsil edən 100-dək nümayəndə iştirak edir. İştirakçılar arasında dövlət maliyyə qurumları – “CDC International Capital” (Fransa), Dubay İnvestisiya Korporasiyası (Birləşmiş Ərəb Əmirlikləri), Dövlət İnvestisiya Fondu (Səudiyyə Ərəbistanı), Hindistan Milli İnvestisiya və İnfrastruktur Fondu, Hollandiya Pensiya Fondu (APG), İpək Yolu Fondu (Çin), İthmar Kapital (əvvəlki Mərakeş Turizm İnkişaf Fondu), Koreya İdxal-İxrac Bankı, Koreya İnvestisiya Korporasiyası, Qətər İnvestisiya Qurumu, Qazaxıstan Milli Bankının Milli İnvestisiya Korporasiyası, Nigeriya Suveren İnvestisiya Fondu, Rusiya Birbaşa İnvestisiya Fondu, Rusiya-Çin İnvestisiya Fondu, “Samruk-Kazyna” (Qazaxıstan), beynəlxalq maliyyə qurumları – Asiya İnkişaf Bankı, Avropa Yenidənqurma və İnkişaf Bankı, Beynəlxalq Maliyyə Korporasiyası, Dünya Bankı, dünyanın qabaqcıl özəl maliyyə qurumları – “Carlyle Group” (ABŞ), “Citigroup” (ABŞ), Keppel Korporasiyası (Sinqapur), Neuberger Berman (ABŞ) və “Partners Group”un (ABŞ) nümayəndələri var.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,76 dollar ucuzlaşaraq 43,04 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,77 dollar azalaraq 45,77 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,75 dollar bahalaşaraq 47,73 dollar təşkil edib.xeber100.com

Hesablama Palatasının növbəti iclası…

Hesablama Palatası kollegiyasının növbəti iclası keçirilib. Palatadan Azərtac-a bildiriblər ki, kollegiya iclasında həyata keçirilmiş dövlət büdcəsindən Azərbaycan Respublikasının Tacikistan Respublikasındakı səfirliyinin saxlanılmasına ayrılan vəsaitlərin istifadəsinə dair; dövlət büdcəsinin yerli xərclərindən Qaradağ Rayon İcra Hakimiyyətinə və onun tabeliyində olan idarə, müəssisə və təşkilatlara ayrılmış vəsaitlərin proqnozlaşdırılması və icrasına dair; Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Şəki şəhər şöbəsi üzrə gəlir və xərclərin və şöbənin saxlanılması xərclərinin icrasına dair nəzarət tədbirləri üzrə hesabatlar müzakirə olunub. Hesablama Palatasının kollegiyası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Şəki şəhər şöbəsi tərəfindən əmək pensiyalarının, məcburi dövlət sosial sığorta haqları hesabına müavinətlərin təyin olunması və ödənilməsi zamanı ciddi maliyyə pozuntularına yol verilməsi, eyni zamanda, Şəki Şəhər İcra Hakimiyyəti başçısının Şəki kəndindəki nümayəndəliyi tərəfindən bir hal üzrə vəzifə səlahiyyətlərindən sui-istifadə edilərək hüquqi əsası olmayan və düzgün olmayan məlumatları əks etdirən, eləcə də əsaslılığı şübhə doğuran sənədlərin hazırlanması səbəbindən dövlətə zərər vurulması ehtimalını nəzərə alaraq müvafiq materialların Azərbaycan Respublikasının Baş Prokurorluğuna göndərilməsi barədə qərar qəbul edib. İclasda digər audit tədbirləri üzrə kollegiya qərarlarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Azərbaycan Respublikasının Milli Məclisinə təqdim olunması qərara alınıb. Kollegiya iclasında, həmçinin aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib. Kollegiya bir neçə nəzarət tədbirləri ilə proqramlara da dəyişiklik edib.xeber100.com

“Kapital Bank”dan hədiyyəli müsabiqə

"Kapital Bank" "BirKart"ın facebook səhifəsində "Birincilərin oyunu" adlı müsabiqə keçirir. Müsabiqənin şərtlərinə görə, iştirakçılar səhifədəki oyunu oynayaraq (www.facebook.com/birkart.az/app/282528445452625/) xallar toplayır, həftənin qalibi olur və qiymətli hədiyyələr qazanırlar. Bankdan Azərtac-a bildiriblər ki, dörd həftə davam edəcək müsabiqə ərzində artıq "Play Station 4" və "Smart Wheel" öz sahiblərini tapıb. Bu həftə "Nikon D5200" fotoaparatı, gələn həftə isə "iPhone 6S" oynanılacaq. Qeyd edək ki, "BirKart" özündə kredit, taksit, maaş, pensiya, depozit, bonus və debet kart funksiyalarını birləşdirir. "BirKart" rəsmiləşdirilməsi üçün maaş və ya pensiya kartı, həmçinin şəxsiyyət vəsiqəsi tələb olunur. Visa Classic, Visa Gold və Visa Platinum əsasında olan "BirKart" 36 ay müddətə verilir, balansındakı məbləğ isə müştərinin aylıq gəlirindən asılı olaraq 10 min manatadək ola bilər. Kartdan nağdsız xərclənən məbləği 40 günədək faizsiz güzəşt müddəti ilə bankın tərəfdaş şəbəkəsində xərclənən məbləği isə 2-12 və 18 ay müddətə taksitlə ödəmək olar.xeber100.com

Dünya birjalarında neftin qiyməti…

Dünya birjalarında neftin qiyməti yenidən ucuzlaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,11 dollar ucuzlaşaraq 43,80 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,05 dollar azalaraq 46,54 dollar olub.xeber100.com