“Azər Türk Bank”ın yeni filialı fəaliyyətə başlayıb

“Azər Türk Bank” “Masallı” filialı fəaliyyətə başlayıb. Bankdan Azərtac-a məlumata görə, filial “ASAN həyat” kompleksində yerləşir. “Azər Türk Bank”ın “Masallı” filialında bank sahəsində geniş bilik və təcrübəyə malik mütəxəssislər tərəfindən fiziki və hüquqi şəxslərə yüksək keyfiyyətli bank xidmətləri göstəriləcək. Bura müxtəlif növ kreditlərin verilməsi, əmanətlərin qəbulu, plastik kartların satışı, təcili pul köçürmələri, valyuta mübadiləsi, kommunal xidmətlərin ödənilməsi kimi müxtəlif çeşidli xidmətlər daxildir. Filial həftə içi hər gün saat 09:30-dan17:00-a qədər müştərilərin xidmətindədir. “Masallı” filialının əməkdaşları həmçinin, “ASAN həyat” kompleksində yerləşən ASAN xidmət mərkəzinin inzibati binasında da müştərilərə xidmət göstərəcəklər. “ASAN xidmət” mərkəzinin inzibati binasında fəaliyyət göstərən əməkdaşların iş rejimi ASAN xidmət mərkəzinin iş rejimi ilə uyğunlaşdırılacaq. Bildirilib ki, “Masallı” filialının yaradılmasında məqsəd bu regiondakı geniş müştəri potensialına bankın sərfəli məhsul və xidmətlərini təklif etmək, regionun iqtisadi inkişafına dəstək verməkdir. Regional filial şəbəkəsinin genişləndirilməsi bankın müasir inkişaf konsepsiyasında prioritet istiqamətlərdən biri kimi müəyyən edilib. Bank ölkədə qeyri-neft sektorunun inkişafına yönəlmiş layihələrin maliyyələşdirilməsində iştirak etməklə Azərbaycan iqtisadiyyatının inkişafına töhfələr vermək niyyətindədir. Qeyd edək ki, bu, “Azər Türk Bank”ın 2016-cı il ərzində Bakıda və regionlarda istifadəyə verilmiş sayca dördüncü yeni xidmət ofisidir. Bundan əvvəl, Bakı şəhərində Bankın 2 saylı şöbəsi, Şirvan şəhərində “Şirvan” filialı, Qəbələ rayonunda “Qəbələ” şöbəsi fəaliyyətə başlayıb.xeber100.com

Mərkəzi Bank depozit hərracı keçirəcək

Sentyabrın 5-də Azərbaycan Respublikasının Mərkəzi Bankı vəsaitlərin cəlb edilməsi üzrə növbəti depozit hərracı keçirəcək. Azərtac Mərkəzi Banka istinadla xəbər verir ki, dolayı hərracda 50 milyon manat məbləğində vəsaitin cəlbi nəzərdə tutulur. Depozit hərracının müddəti 28 gündür. "Bloomberg" ticarət platformasında keçiriləcək hərrac üzrə faiz dərəcələri 4,01-9,49 faiz təşkil edir.xeber100.com

Dünya birjalarında neftin qiyməti…

müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,54 dollar ucuzlaşaraq 43,16 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,01 dollar bahalaşaraq 47,05 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 1,50 dollar ucuzlaşaraq 46,41 dollar təşkil edib.

Mərkəzi Bankın valyuta ehtiyatlarının həcmi…

Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmi avqust ayının 31-nə 4 milyard 192,5 milyon ABŞ dolları təşkil edib. Azərtac Mərkəzi Banka istinadla xəbər verir ki, bu, ayın əvvəli ilə müqayisədə 29,6 milyon dollar çoxdur. Ötən ilin müvafiq dövrü ilə müqayisədə isə AMB-nin sərəncamında olan valyuta ehtiyatlarının həcmində 3 milyard 122,9 milyon dollar azalma olub.xeber100.com

“Sizinlə gələcək” kampaniyasına start verilib

"Azər Türk Bank" "Sizinlə gələcək" kampaniyasına start verib. Bankdan Azərtac-a bildiriblər ki, kampaniya çərçivəsində xaricdə təhsil alan yüzlərlə tələbəyə bank tərəfindən pulsuz "MasterCard Standart" kartı hədiyyə olunur. Tələbələr xarici universitetdə oxuduğunu təsdiq edən hər hansı rəsmi sənəd və ya tələbə bileti təqdim etməklə bu kampaniyadan yararlana bilər.xeber100.com

Dünya birjalarında neftin qiyməti…

Dünya birjalarında neftin qiyməti ucuzlaşmaqda davam edib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,63 dollar ucuzlaşaraq 46,35 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,89 dollar azalaraq 48,37 dollar olub. Azərtac xəbər verir ki, “AzəriLayt” markalı neftin bir barrelinin qiyməti 1,82 dollar ucuzlaşaraq 49,32 dollar təşkil edib.xeber100.com

Özəlləşdirməyə çıxarılan müəssisələrin təqdimatı olub

Avqustun 31-də Əmlak Məsələləri Dövlət Komitəsi (ƏMDK) beynəlxalq konsaltinq və investisiya təşkilatları üçün yeni mərhələdə özəlləşdirməyə çıxarılmış müəssisələrin təqdimatını keçirib. Azərtac xəbər verir ki, tədbirin təşkilində məqsəd yeni mərhələdə özəlləşdirməyə çıxarılmış müəssisələrə xarici investisiyaların cəlb edilməsi, ölkəmizdə investisiya imkanlarının daha da genişləndirilməsidir. Bununla yanaşı, belə sərmayələr hesabına özəlləşdirilən müəssisələrin gələcək potensialını gücləndirmək, ölkə iqtisadiyyatının müxtəlif sahələrinin inkişafına töhfə vermək və yeni iş yerlərinin açılmasını təmin etmək əsas hədəflər sırasındadır. Təqdimatda “KPMG”, “E&Y”, “Deloitte”, “PWC”, “MCKinsey & Company”, “Baker& MCKenzie” kimi beynəlxalq konsaltinq şirkətləri, maliyyə və investisiya təşkilatları iştirak edib. Respublikanın müxtəlif iqtisadi zonalarında yerləşən və iqtisadiyyatın ayrı-ayrı sahələrinə aid 10-dək iri dövlət müəssisəsinin, o cümlədən “Daşkəsən Filizsaflaşdırma” ASC, “Bakıelektroavtomat” ASC, “Mingəçevir Texniki Rezin” ASC, “Mingəçevir Regenerat” ASC-nin təqdimatı olub. Bundan əlavə, komitə tərəfindən yeni elan edilmiş hərrraclarda, ümumilikdə, Bakl şəhəri və respublikanın müxtəlif bölgələrində yerləşən 190 dövlət əmlakı özəlləşdirməyə çıxarılıb.xeber100.com

Trans-Adriatik Boru Kəməri layihəsi üzrə…

Trans-Adriatik Boru Kəməri (TAP) layihəsi üzrə İtaliyada genişmiqyaslı işlərin başlanılacağı gözlənilir. Azərtac xəbər verir ki, bu barədə İtaliyanın Azərbaycandakı səfiri Ciampaolo Kutillo jurnalistlərə açıqlamasında bildirib. TAP layihəsi üzrə işlərin gedişi barədə danışan C.Kutillo deyib ki, Yunanıstan və Albaniyadan sonra İtaliyada da bəzi hazırlıq işlərinə başlanılıb. Səfir İtaliyanın xarici işlər naziri Paolo Centiloninin noyabrda Azərbaycana səfər edəcəyini bildirib. “Hazırda səfərin dəqiq tarixi və proqramı üzərində iş aparılır”, - deyə diplomat qeyd edib.xeber100.com

“Səyahət həyəcanı” kampaniyasının qalibləri müəyyənləşib

"Azər Türk Bank"ın "Səyahət həyəcanı" kampaniyasının qalibləri müəyyənləşib. Bankdan Azərtac-a bildiriblər ki, müsabiqənin nəticələrinə görə, "Azər Türk Bank"ın ödəniş kartları vasitəsilə ən çox sayda əməliyyat aparmış müştərilər arasından Namiq Hüseynov, Leyla Hüseynova və Şaiq Əliyev qalib olaraq Bodruma bir həftəlik istirahət imkanı qazanıblar. Qaliblərin seçilməsi zamanı ödəniş kartları ilə edilmiş əməliyyatların sayı ilə yanaşı, məbləği də nəzərə alınıb. Qaliblərin istirahəti üçün nəzərdə tutulan şəhərin seçimi isə bankın sosial şəbəkələrdəki korporativ səhifələrində təşkil olunmuş səsvermə yolu ilə müəyyənləşdirilib.xeber100.com

“AzəriLayt” markalı neftin qiyməti bahalaşıb

Azərbaycan neftinin qiyməti təxminən 1 faizədək bahalaşıb. Azərtac xəbər verir ki, “AzəriLayt” markalı neftin bir barrelinin qiyməti 0,42 dollar bahalaşaraq 51,14 dollar təşkil edib.xeber100.com