Dünya birjalarında neftin qiyməti…

Dünya birjalarında neftin qiyməti yenidən bahalaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,69 dollar bahalaşaraq 48,10 dollar, Londonun İCE (“İnterContinental Exchange Futures”) birjasında “Brent” markalı neftin bir barrelinin qiyməti 0,80 dollar artaraq 49,96 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,75 dollar bahalaşaraq 51,04 dollar təşkil edib.xeber100.com

Mərkəzi Bank manatın bu günə olan rəsmi məzənnəsini açıqlayıb

Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb. AMB-dən "Apa-Economics"ə verilən məlumata görə, ABŞ-ın milli valyutası olan dolların məzənnəsi avqust ayının 22-si ilə müqayisədə dəyişməyərək 1,6204 manat səviyyəsində qalıb. Avro manata nisbətən bahalaşıb. Avrozonanın vahid valyutası 0,48% möhkəmlənərək 1,8369 manat olub. Əsas ticarət tərəfdaşlarımızdan biri olan Rusiyanın milli valyutası rublu ötən günlə müqayisədə 0,79% azalaraq 0,0250 manat səviyyəsinə enib. Türkiyə lirəsinin məzənnəsi 0,11% möhkəmlənərək 0,5518 manat olub. Rəsmi məzənnəyə əsasən, 1 ingilis funt sterlinqi 2,1312 manatdır. Beləliklə, funt sterlinq 0,83%-lik bahalaşma nümayiş etdirib. Gürcüstan larisinin məzənnəsi 0,78% azalaraq 0,7123 manat təşkil edib.xeber100.com

Azərbaycan Banklar Assosiasiyasının məlumatına əsasən…

Azərbaycan Banklar Assosiasiyasının (ABA) "Ödəniş sistemləri və alternativ xidmət kanalları üzrə" Ekspert Qrupu "PayPal" sisteminin pərakəndə satışla məşğul olan şəxslər üçün yeni imkanlar açacaq funksiyasının Azərbaycanda işə salınmasına yönəlik danışıqlara başlayıb. Azərtac ABA-ya istinadla xəbər verir ki, Ekspert Qrupu "Receive Enabled" adlanan funksiyanın Azərbaycanda aktivləşdirilməsi üçün görülməli olan işlərlə bağlı "PayPal" şirkətinin regional rəhbərliyi ilə müzakirə aparıb. "PayPal"ın xarici ölkələrdə fəaliyyət metodları müzakirə edilib və Azərbaycanda bu xidmətin aktivləşdirilməsi üçün görülməli işlər barədə ilkin məlumat əldə edilib. Qeyd edək ki, beynəlxalq alış-veriş saytlarında (ebay, Alibaba, Amazon və s.) ödənişlərin həyata keçirilməsi zamanı təhlükəsizliyinə görə üstünlük verilən sistemlərdən biri "PayPal"dır. Amma bu sistem Azərbaycanda "bir istiqamətli" işləyir. Yəni, sözügedən alış-veriş şəbəkələrində biz yalnız məhsulun aldığımız zaman ödəniş etmək üçün "PayPal"dan istifadə edə bilirik. Başqa sözlə, yerli satıcılar bu alış-veriş saytlarında "PayPal" üzərindən ödəniş qəbul edə bilmirlər. Məsələn, Azərbaycandakı satıcı hər hansı malı internet vasitəsilə satır və xaricdəki müştəri malın dəyərini təhlükəsizlik məqsədilə "PayPal" üzərindən ödəyir. Bu zaman ödəniş satıcının "PayPal" hesabına düşsə də, onu yerli bankdakı hesaba keçirmək və istifadə etmək mümkün olmur.xeber100.com

“Bakcell” smartfonlar üçün təklif etdiyi internet paketlər çeşidini daha sərfəli edib

“Bakcell” şirkəti müxtəlif müştəri qruplarının ehtiyaclarına uyğun olaraq, geniş çeşidli internet paketlərini - gündəlik 25 meqabayt (MB) cəmi 0.10 AZN-dən başlayan, həmçinin müxtəlif trafik həcmli və limitsiz paketlərini təklif edir. Şirkətdən Azərtac-a bildirilib ki, abunəçiləri daha rahat təcrübə ilə təmin etmək məqsədilə “Bakcell” smartfonlar üçün təklif etdiyi internet paketlər çeşidini daha sərfəli edib. Belə ki, şirkət paketlərin qiymətini artırmadan, müştərilərə eyni qiymətə ikiqat həcmə qədər internet təqdim edir. Bundan əlavə, limitsiz paketlərin yenilənməsi zamanı nəinki təqdim olunan MB kvotası, hətta müştəri təcrübəsi səviyyəsi belə mühüm dərəcədə artırılıb. Adətən, limitsiz internet paketlərinin təyin edilmiş meqabayt kvotası başa çatanda internet sürəti da aşağı düşür. İndi isə limitsiz internet paketlərinin təyin edilmiş MB kvotası başa çatdıqda “Bakcell”in avtomatik “Yüksək sürət” xidməti sayəsində abunəçilər hər 100 MB üçün sadəcə 0.89 AZN ödəməklə aylıq limitsiz paketin növbəti yenilənməsinə qədər internetdən yüksək sürətlə istifadə etmək imkanına malikdirlər.xeber100.com

Dünya birjalarında neftin qiyməti…

Dünya birjalarında neftin qiyməti ucuzlaşmaqda davam edib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,75 dollar ucuzlaşaraq 47,77 dollar, Londonun İCE (“İnterContinental Exchange Futures”) birjasında “Brent” markalı neftin bir barrelinin qiyməti isə 0,92 dollar azalaraq 50,04 dollar olub.xeber100.com

7 beynəlxalq sərgi keçiriləcək

Payızda Bakı Ekspo Mərkəzində 7 beynəlxalq sərgi keçiriləcək. Bu mövsümün bütün sərgiləri öz məzmunlarına görə Azərbaycan iqtisadiyyatının qeyri-neft sektorunu əks etdirəcək. “Iteca Caspian”dan Azərtac-a bildiriblər ki, payız sərgi təqviminə Azərbaycan beynəlxalq “Səhiyyə” “BIHE”, “Stomatologiya” “Stomatology Azerbaijan”, “Gözəllik və estetik tibb” “Beauty Azerbaijan”, “İnşaat” “BakuBuild”, “İstilik, havalandırma və kondisiyalaşdırma sistemləri” “AquaTherm Baku”, “Mühafizə, təhlükəsizlik və xilasetmə vasitələri” “CIPS Securika”, və İKT “Bakutel” sərgiləri daxildir. Bütün sərgilər Azərbaycan Respublikasının dövlət strukturlarının rəsmi dəstəyi ilə keçirilir. Beynəlxalq ittifaqlar və ixtisaslaşmış assosiasiyaların dəstəyi ilə bir sıra layihələr həyata keçiriləcək. Sərgilərin təşkilatçıları qismində “Iteca Caspian” və onun tərəfdaşı Böyük Britaniyanın “ITE Group” şirkəti çıxış edir. Payız sərgi mövsümünü ilk olaraq sentyabrın 19-21-də XXII Azərbaycan beynəlxalq səhiyyə “BIHE 2016”, XI Azərbaycan beynəlxalq stomatologiya “Stomatology Azerbaijan 2016” və X yubiley Azərbaycan beynəlxalq gözəllik və estetik tibb “Beauty Azerbaijan 2016” sərgiləri açacaq. Bunları dünyanın 15 ölkəsindən 100-dən artıq şirkəti bir arada toplayacaq “BIHE 2016” sərgisində görmək mümkündür.xeber100.com

Özəlləşdirmə prosesində növbəti hərraclar elan edilib

Əmlak Məsələləri Dövlət Komitəsi (ƏMDK) tərəfindən böyük özəlləşdirmə prosesində növbəti hərracları elan edib. Komitədən Azərtac-a bildirilib ki, budəfəki hərraclarda 25 səhmdar cəmiyyətinin 30 faizlik səhm paketləri, 32 kiçik dövlət müəssisə və obyekti, 16 nəqliyyat vasitəsi özəlləşdirməyə çıxarılıb. Hərraclar barədə məlumatlar komitənin rəsmi mətbu orqanı olan “Mülkiyyət" qəzetində və Özəlləşdirmə Portalında yerləşdirilib. İstənilən vətəndaş hərrac elanına baxdıqdan sonra hərraca çıxarılan dövlət əmlakı ilə bağlı Özəlləşdirmə Portalında müvafiq bölmələrdə yerləşdirilmiş məlumatlarla ətraflı tanış ola bilər. Portalda müəssisələrin, əmlakların və nəqliyyat vasitələrinin mövcud vəziyyətini əks etdirən fotolar və mətn məlumatları əksini tapıb.xeber100.com

Pulsuz internetlə təminat üçün yeni ictimai “WiFi” layihə başlayır

Rabitə və Yüksək Texnologiyalar Nazirliyi (RYTN) əhalinin pulsuz internetlə təminatı üçün yeni ictimai “WiFi” layihəyə başlayır. Nazirlikdən Azərtac-a bildirilib ki, layihəyə əsasən, nazirlik “İçərişəhər" Dövlət Tarix-Memarlıq Qoruğu, Dövlət Bayraq Meydanı daxil olmaqla, bütün Dənizkənarı Milli Park və Fəvvarələr meydanı ərazilərini ictimai “WiFi” şəbəkəsi ilə təmin edəcək. Artıq layihələndirmə işləri başa çatıb. Yaxın müddətdə layihənin icrasına başlanılacaq. İctimai internet layihəsinin həyata keçirilməsində əsas məqsəd paytaxt sakinlərini və şəhərimizin qonaqlarını simsiz və yayılan texnologiya vasitəsilə pulsuz internetlə təmin etməkdir. İlkin mərhələdə əhalinin daha çox sıx istirahət etdiyi yerlər seçilib. Genişzolaqlı sürətli internet təminatı Bakı sakinləri, yerli və xarici turistlər üçün qlobal şəbəkəyə pulsuz çıxış imkanı yaradacaq.xeber100.com

“VTB Online” internet bankinq xidməti istifadəyə verilib

“Bank VTB (Azərbaycan)” “VTB Online” internet bankinq xidmətini istifadəyə verib. Bankdan Azərtac-a bildiriblər ki, yeni xidmət sayəsində müştərilər onlayn rejimdə öz maliyyə vəsaitlərini rahat və operativ idarə edə biləcək. Müasir innovativ texnologiyalardan istifadə sayəsində “VTB Online” xidməti unikal funksiyalara və üstünlüklərə malikdir. Sadə və intuitiv anlaşılan naviqasiyaya malik “VTB Online” xidməti bütün bank əməliyyatlarını dünyanın istənilən nöqtəsindən 24/7 rejimində ən qısa müddətdə həyata keçirməyə imkan verir. “VTB Online” müştərilərə depozit hesabı açmağa, kreditlərini, kommunal və mobil rabitə xidmətlərini ödəməyə, həmçinin hesab qalıqlarını öyrənməyə, ödəmələrinə nəzarət, çıxarışlar etməyə və hesablar üzrə tranzaksiyaların tarixçəsini saxlamağa imkan verir. “VTB Online” xidmətinə qoşulmaq üçün müştərilər bankın ofislərinə müraciət etməlidir.xeber100.com

“Nar” yeni paketini təqdim edib

“Nar” yenilənmiş “Ailəm” paketini təqdim edib. Şirkətdən Azərtac-a bildirilib ki, “Nar” istifadəçilərinə doğmaları və yaxınları ilə pulsuz danışmaq fürsəti verən “Ailəm” paketi 4 nömrədən ibarətdir. Paketə daxil olan nömrələr arasında zənglər 3 ay müddətində pulsuzdur. Dördüncü aydan etibarən, bu zənglərin dəqiqəsi 1 qəpik olaraq hesablanır. Paket daxilində ölkədaxili bütün istiqamətlərə zənglərin dəqiqəsi 4 qəpikdir. Bundan başqa, “Ailəm” paketinə qoşulduqda, istənilən “Turbo” internet paketini sifariş etmək mümkündür. Qeyd edək ki, 4 “Nar” nömrədən ibarət “Ailəm” paketinin dəyəri cəmi 6 AZN-dir. Həmçinin paketə mövcud “Nar” abunəçiləri və mobil nömrələrin daşınması xidməti vasitəsilə “Nar”a keçmiş digər operatorların abunəçiləri də qoşula bilərlər. Nömrələrini 1 paket daxilində birləşdirmək istəyən 4 “Nar” abunəçisi paketi əldə etmək üçün şəxsiyyət vəsiqələri ilə birlikdə “Nar” mərkəzlərindən birinə müraciət edə bilərlər. “Ailəm” paketi haqqında daha ətraflı məlumatı nar.az saytından əldə etmək mümkündür.xeber100.com