Dünya birjalarında neftin qiyməti…

Dünya birjalarında neftin qiyməti bahalaşmaqda davam edib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,08 dollar bahalaşaraq 42,04 dollar, Londonun İCE (“İnterContinental Exchange Futures”) birjasında “Brent” markalı neftin bir barrelinin qiyməti isə 0,11 dollar artaraq 44,53 dollar olub.xeber100.com

Rabitə və Yüksək Texnologiyalar Nazirliyinin məlumatına görə…

Rabitə və Yüksək Texnologiyalar Nazirliyinin Məlumat Hesablama Mərkəzi tərəfindən cari ilin iyul ayı ərzində dövlət qurumları üzrə 1242, hüquqi şəxslər üzrə 350, fiziki şəxslər üzrə isə 68 olmaqla, ümumilikdə 1660 “Elektron imza” sertifikatı istifadəyə verilib. Nazirlikdən Azərtac-a bildirilib ki, indiyədək Milli Sertifikat Xidmətləri Mərkəzi tərəfindən ümumilikdə 94 min 662 “Elektron imza” sertifikatı istifadəyə verilib. Bundan 62 min 264 dövlət qurumlarının, 16 min 140 hüquqi şəxslərin, 16 min 258-i isə fiziki şəxslərin payına düşüb. Qeyd edək ki, “elektron imza” həmçinin "Elektron hökumət" portalının audentifikasiya vasitələrindən biridir.xeber100.com

“BioFest 2016” tədbirində ödənişsiz ərazi təklif olunur

Oktyabrın 24-dən 27-dək Avstraliyada keçiriləcək "BioFest 2016" tədbirində Azərbaycan şirkətlərinə "Bioindustry" sərgi zalında ödənişsiz ərazi təklif olunur. Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, Avstraliyanın 3 mindən çox şirkət və tədqiqat mərkəzini özündə birləşdirən, tibb elmləri sənayesi assosiasiyası olan "AusBiotech" Azərbaycanda tibb sahəsində fəaliyyət göstərən şirkətləri, elm adamlarını, eləcə də digər aidiyyəti qurumları "BioFest 2016"da iştiraka dəvət edir. Tədbirdə iştirak edəcək Azərbaycan şirkətlərinə "Bioindustry" sərgi zalında ödənişsiz ərazi təklif olunur. "IBS 2016" və "AusBiotech" konfranslarının da keçiriləcəyi "Bioindustry" sərgi zalı yüzlərlə şirkəti və müvafiq təşkilatları bir araya gətirəcək. Beynəlxalq "BioFest 2016" tədbirinə "IBS 2016", XVII Beynəlxalq Biotexnologiya Simpoziumu, "AusBiotech 2016" konfransı, Avstraliyanın "Biotech Invest 2016" İnvestisiya və Əməkdaşlıq zonası və sair daxildir.xeber100.com

“Capital Economics”in məlumatına əsasən…

Qlobal bazardakı təklif çoxluğu və azalan tələbata baxmayaraq neftin qiyməti bu ilin sonuna doğru və gələn ilin əvvəlindən bahalaşmağa başlayacaq. Azərtac xəbər verir ki, bu sözləri mərkəzi ofisi Londonda yerləşən müstəqil araşdırma şirkəti “Capital Economics”in mütəxəssisi Tomas Puq deyib. O bildirib ki, “qara qızıl”ın qiyməti bu ilin əvvəlindəki kimi 30 dollar/barrelə düşməyəcək. İyulun əvvəlindən indiyədək neftin qiymətinin 15 faizdən çox ucuzlaşdığını deyən T.Puq buna Kanadadakı meşə yanğınlarının söndürülməsi ilə bu ölkənin neft istehsalının gündəlik orta hesabla 1 milyon barrel artaraq köhnə səviyyəsinə qayıtması, həmçinin Liviyada əsas limanlardan gündəlik orta hesabla 900 min barrel neft ixrac edilməyə başlanmasının təsir etdiyini deyib. “Neft bazarı bu ilin sonunda özünü kompensasiya etməlidir. Keçən ildən bu vaxtadək qeyri-OPEC ölkələrinin ümumi təklifi gündəlik orta hesabla 1 milyon barreldən çox azalıb. Qlobal neft tələbi də həmin dövrdə bir o qədər artıb. Neftin qiymətinin bu ilin əvvəlindəki kimi 30 dollar/barreldən aşağı düşməsini proqnozlaşdırmırıq. “Layt” və “Brent” markalı xam neftlərinin barrel qiymətlərinin bu ili 45 dollar səviyyəsində tamamlamasını gözləyirik. 2017-ci ilin sonunda isə qiymətlərin 60 dollaradək bahalaşacağını təxmin edirik”, - deyə T.Puq əlavə edib.xeber100.com

“Dincəlmək vaxtıdır” adlı lotereyanın nəticələrinə əsasən…

"Kapital Bank"ın "Dincəlmək vaxtıdır" adlı stimullaşdırıcı lotereyasının nəticələrinə əsasən bankın 37 müştərisi səyahət paketi qazanıb. Bankdan Azərtac-a bildirilib ki, şərtlərə görə, "Kapital Bank"dan kredit götürən müştərilər tirajlı lotereyada iştirak edərək Şamaxı, Qəbələ və Qubadakı beşulduzlu mehmanxanalara səyahət paketləri əldə ediblər. Lotereya ərzində 36 ədəd standart və bir ədəd "Jumeirah Bilgah Beach Hotel"ə VIP paket sahiblərinə təqdim edilib. Hər həftənin bazar ertəsi günü təsadüfi seçim proqramı vasitəsilə keçmiş həftənin qalibləri müəyyən olunub. Lotereyada qalib gələn müştərilər haqqında məlumat www.dincelmekvaxtidir.az saytında dərc edilib.xeber100.com

“AzəriLayt” markalı neftin qiyməti bahalaşıb

Azərbaycan neftinin qiyməti 45 dollara yaxınlaşır. Azərtac xəbər verir ki, “AzəriLayt” markalı neftin bir barrelinin qiyməti 0,30 dollar bahalaşaraq 44,88 dollar təşkil edib.xeber100.com

“2016-cı ildə vergi sahəsində aparılacaq islahatların istiqamətləri”…

Vergilər Nazirliyində Azərbaycan Respublikası Prezidentinin "2016-cı ildə vergi sahəsində aparılacaq islahatların istiqamətləri"nin təsdiqi və vergi inzibatçılığının təkmilləşdirilməsi haqqında" 4 avqust 2016-cı il tarixli 2257 nömrəli Sərəncamında verilmiş tapşırıqların icrası ilə bağlı nazirliyik qarşısında duran vəzifələrə həsr edilən kollegiya iclası keçirilib. Vergilər Nazirliyinin analitik-informasiya şöbəsindən Azərtac-a bildiriblər ki, iclasda çıxış edən Azərbaycanın vergilər naziri, 1-ci dərəcəli dövlət vergi xidməti müşaviri Fazil Məmmədov deyib: “Prezident İlham Əliyevin rəhbərliyi altında son 10 il ərzində vergi orqanları tərəfindən sahibkarlığın inkişafının dəstəklənməsi, özəl sektorun fəaliyyətinin genişləndirilməsi və investisiya qoyuluşlarının stimullaşdırılması məqsədilə mühüm addımlar atılıb. Vergi orqanları ilə vergi ödəyiciləri arasında münasibətlərin qarşılıqlı etimada əsaslanan çevik və şəffaf mexanizmlər əsasında qurulması məqsədilə e-bəyannamə və e-VHF sisteminin tətbiqi, sahibkarlıq fəaliyyəti subyektlərinin "bir pəncərə" prinsipi üzrə qeydiyyatı, sahibkarların elektron qeydiyyatı, elektron xidmətlərin sayının artırılması, e-auditin tətbiqi istiqamətində bir sıra əhəmiyyətli tədbirlər həyata keçirilib. Ümumilikdə istər vergi qanunvericiliyinin, istərsə də vergi inzibatçılığının təkmilləşdirilməsi üzrə vacib işlər görülüb”.Vergilər naziri F.Məmmədov Tədbirlər Planından irəli gələn məsələlərin icrası, habelə vergi orqanlarının qarşısında qoyulmuş vəzifələrin icrasının təmin olunması ilə bağlı müvafiq tapşırıqlar verib.xeber100.com

İqtisadiyyat Nazirliyinə 700-dən çox müraciət daxil olub

İyul ayında İqtisadiyyat Nazirliyinin 195-2 Çağrı Mərkəzinə 700-dən çox, ümumilikdə isə indiyədək 55 mindən çox müraciət edilib. Nazirliyin mətbuat xidmətindən Azərtac-a bildiriblər ki, müraciətlər əsasən, sahibkarlığın inkişafı, güzəştli kreditlər, istehlakçıların hüquqlarının müdafiəsi, lisenziyalar, investisiya təşviqi sənədi, qeyri-neft məhsullarının ixracının dəstəklənməsi və nazirliyin səlahiyyətlərinə aid digər məsələlər barədə olub. Mərkəzə daxil olmuş müraciətlər operativ şəkildə cavablandırılıb, araşdırma tələb edən müraciətlərə isə nazirliyin aidiyyəti strukturları tərəfindən qanunvericilikdə müəyyən olunmuş müddətdə baxılıb və müvafiq tədbirlər görülüb. Qeyd edək ki, Çağrı Mərkəzinin xidmətlərindən istifadə etmək üçün bütün telefonlardan heç bir koddan istifadə etmədən 195 nömrəsinə zəng edərək "2" düyməsini yığmaqla İqtisadiyyat Nazirliyinin səlahiyyətlərinə dair məsələlərlə bağlı müraciət etmək və səsli menyunun köməyi ilə müvafiq məlumatlar almaq olar. Stasionar nömrələrdən 195-2 nömrəsinə edilən zənglər, Çağrı Mərkəzi tərəfindən göstərilən bütün xidmətlər ödənişsizdir.xeber100.com

Mərkəzi Bankın məlumatı…

Azərbaycan Respublikası Mərkəzi Bankının avqustun 8-nə USD/AZN rəsmi məzənnəsi 1,6005 səviyyəsində müəyyən edilib.Bu barədə Mərkəzi Bankdan Azərtac-a verilən məlumatda bildirilir.xeber100.com

“Azər Türk Bank” daha bir sosial layihənin iştirakçısı olub

“Azər Türk Bank” cəmiyyətin, ətraf mühitin qorunmasına və inkişaf etməsinə yönələn mühüm layihələr həyata keçirməyə davam edir. Bankdan “Apa-Economics”ə verilən xəbərə görə, bu günlərdə “Azər Türk Bank” daha bir sosial layihənin iştirakçısı olub. Bank “Yaşıl ASAN” təşəbbüsünə qoşulub. Təşəbbüs Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, “IDEA” ictimai birliyi və “Azərsun Holding” MMC tərəfindən həyata keçirilən “Hər kağızı bir yarpaqa dəyişək” layihəsinə dəstək məqsədi ilə ASAN könüllüləri tərəfindən irəli sürülüb.xeber100.com