Dövlət Neft Fondunun iştirakı ilə valyuta hərracı keçirilib

Dekabrın 9-da Azərbaycan Mərkəzi Bankında (AMB) Dövlət Neft Fondunun da iştirakı ilə valyuta hərracı keçirilib.AMB-dən Azərtac-a bildirilib ki, hərracda tələb 111,3 milyon ABŞ dolları olub və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Gömrük Komitəsinin məlumatı əsasında…

Cari ilin on ayında 104,7 min ton pambıq lifi və 15,3 min ton pambıq ipliyi ixrac edilib.Azərtac Dövlət Gömrük Komitəsinin (DGK) məlumatına istinadla xəbər verir ki, ixrac edilən pambıq lifinin dəyəri 164 milyon dollar, pambıq ipliyinin dəyəri isə 45,5 milyon dollar olub.Xatırladaq ki, ötən ilin yanvar-oktyabr aylarında 95,8 milyon dollarlıq 72,9 min ton pambıq lifi, 13,6 milyon dollarlıq 6637 ton pambıq ipliyi ixrac edilib.xeber100.com

“Brent” markalı neftin bir barelinin qiyməti 1,22 dollar artıb

Dünya birjalarında neft qiymətləri bahalaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 1,22 dollar artaraq 70,89 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,26 dollar bahalaşaraq 67,76 dollar olub.xeber100.com

Azərbaycan və Ukrayna arasında ticarət dövriyyəsi 784,5 milyon dollara yaxın olub

Cari ilin yanvar-oktyabr aylarında Azərbaycan və Ukrayna arasında ticarət dövriyyəsi 784,5 milyon dollara yaxın olub.Ukrayna Dövlət Statistika Komitəsindən Azərtac-a bildirilib ki, 10 ayda Azərbaycan bu ölkədən 362,9 milyon dollarlıq məhsul idxal edib. Ölkəmizin Ukraynaya ixrac etdiyi məhsulun dəyəri isə 421,6 milyon dollar olub.Xatırladaq ki, Ukrayna postsovet məkanında Azərbaycanla ticarət dövriyyəsinə görə Rusiyadan sonra ikincidir.xeber100.com

“Azeri Light” markalı neftin bir barelinin qiyməti 0,95 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 0,95 dollar azalaraq 82,82 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti oktyabrın 25-də (88,19) qeydə alınmışdı.xeber100.com

“Fitch Ratings” agentliyi “BB+/stabil” səviyyəsində təsdiqləyib

“Fitch Ratings” agentliyi İpoteka və Kredit Zəmanət Fondunun (İKZF) uzunmüddətli xarici və yerli valyutada reytinqi ölkə reytinqinə bərabər “BB+/stabil” səviyyəsində təsdiq edib.Fonddan Azərtac-a bildirilib ki, reytinqin “BB+” səviyyəsində (proqnoz “stabil”) təsdiq olunması əsas etibarilə İKZF-nin dövlətə məxsus olması, yaradıldığı gündən etibarən fəaliyyətinə dövlət tərəfindən ciddi nəzarət edilməsi və davamlı dəstəklənməsi, İpoteka və Kredit Zəmanət Fondunun ölkənin sosial-iqtisadi siyasətində strateji əhəmiyyətə malik olması ilə əlaqədardır. Agentlik Fondun qeyri-kommersiya missiyasına baxmayaraq, onun yüksək maliyyə dayanıqlılığını, aktivlərin keyfiyyətini, məqbul likvidlik mövqeyini xüsusi qeyd edib. “Fitch Ratings” hesab edir ki, ortamüddətli dövrdə də Fond maliyyə dayanıqlılığını, portfelin yüksək keyfiyyətini və likvidliyini qoruyub saxlayacaq.xeber100.com

Dövlət Statistika Komitəsi: Hava nəqliyyatı ilə 108 min sərnişin daşınıb

Oktyabrda Azərbaycanda hava nəqliyyatı ilə 108 min sərnişin daşınıb.Bu barədə Dövlət Statistika Komitəsi bildirilib.Xatırladaq ki, sentyabrda hava nəqliyyatından 108,1 min sərnişin istifadə edib.xeber100.com

Bakıda “Made in Uzbekistan” Milli Sərgisi təşkil olunacaq

Kiçik və Orta Biznesin İnkişafı Agentliyi (KOBİA) sahibkarlara müraciət edib.KOBİA-dan Azərtac-a bildirilib ki, dekabrın 15-17-də Bakıda Özbəkistanın “Made in Uzbekistan” Milli Sərgisi keçiriləcək. Sərgidə Özbəkistan şirkətlərinin məhsul və xidmətləri təqdim olunacaq.Sərgidə iştirak etmək istəyən, habelə Özbəkistan nümayəndələri ilə ikitərəfli görüşlər keçirməkdə maraqlı olan sahibkarlar Kiçik və Orta Biznesin İnkişafı Agentliyinə müraciət edə bilərlər.xeber100.com

Sentyabrda Azərbaycana 448 ədəd yük avtomobili idxal olunub

Sentyabrda Azərbaycana 448 ədəd yük avtomobili idxal olunub.Dövlət Statistika Komitəsindən Azərtac-a bildirilib ki, qeyd edilən dövrdə ölkəyə 8090 ədəd minik avtomobili, 18 ədəd isə avtobus gətirilib.xeber100.com

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) noyabrın 19-na olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın noyabrın 19-dan etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com