Bakı Nəqliyyat Agentliyinin məlumatına görə…

Bakı şəhərində piyada təhlükəsizliyinin artırılması istiqamətində işlər davam etdirilir.Bakı Nəqliyyat Agentliyindən Azərtac-a bildirilib ki, bu çərçivədə Təbriz küçəsinin Əliyar Əliyev küçəsi ilə kəsişməsində asfalt örtüyü üzərində yeni işıqlandırılma sistemləri tətbiq edilib.Bu cür işıqlandırılma sistemləri sürücülər və piyadaların daha diqqətli olmaları ilə yanaşı, həm də piyadaların piyada keçidindən istifadəsini təşviq edir. Hazırda bir sıra ehtiyac olan digər ərazilərdə də işıqlandırılma sistemlərinin tətbiq edilməsi istiqamətində işlər aparılır.xeber100.com

Mərkəzi Bankı mayın 7-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) mayın 7-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın mayın 7-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Azərbaycan Dəmir Yolları” QSC-nin məlumatı əsasında…

Mayın 16-sı Bakı-Xırdalan-Sumqayıt xətti üzrə sərnişindaşımalar bərpa olunur.“Azərbaycan Dəmir Yolları” QSC-dən Azərtac-a bildirilib ki, “Xırdalan dairəsi”ndə yeni dəmir yolu körpüsünün inşası ilə yanaşı xəttin kontakt şəbəkəsi Baş Keşlə stansiyasında əsaslı təmir olunub. Aparılan yenidənqurma işləri sərnişin qatarlarının daha təhlükəsiz hərəkətinə imkan yaradacaq.xeber100.com

Bakı Nəqliyyat Agentliyinin məlumatı əsasında…

Bakıda yeni 10 nömrəli xətt üzrə sərnişin avtobusları xidmətə hazırdır.Azərtac xəbər verir ki, bu barədə Bakı Nəqliyyat Agentliyi (BNA) məlumat yayıb.Məlumata görə, sərnişin avtobusları Yasamaldakı MİDA Yaşayış Kompleksi, “Elmlər Akademiyası”, “İçərişəhər”, “Sahil”, “28 May”, “Ş.İ.Xətai” metrostansiyaları və Bakı Ağ Şəhər marşrut xətti üzrə hərəkət edəcək.xeber100.com

“Light” markalı neftin bir barelinin qiyməti 1,43 dollar ucuzlaşıb

Dünya birjalarında neft qiymətləri ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 1,31 dollar geriləyərək 67,25 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,43 dollar ucuzlaşaraq 63,58 dollar olub.xeber100.com

Azərbaycandan ixrac olunan məhsulların 8,1 faizi avtomobil nəqliyyatı ilə göndərilib

Yanvar-fevral aylarında Azərbaycandan ixrac olunan məhsulların 8,1 faizi avtomobil nəqliyyatı ilə göndərilib.Dövlət Statistika Komitəsindən Azərtac-a bildirilib ki, ixrac edilən məhsulların 3,2 faizi dəmir yolu, 1,4 faizi hava, 0,2 faizi isə dəniz nəqliyyatı ilə daşınıb.xeber100.com  

“Buta Airways” aviaşirkəti beynəlxalq uçuşların coğrafiyasını genişləndirir

"Buta Airways" aşağıbüdcəli aviaşirkəti beynəlxalq uçuşların coğrafiyasını genişləndirir. Aviaşirkət Bakıdan Türkiyənin paytaxtı Ankaraya uçuşları bərpa edəcək. Bakı-Ankara-Bakı marşrutu üzrə xüsusi reyslərin mayın 17-dən etibarən həyata keçirilməsi nəzərdə tutulur.Aviaşirkətin mətbuat xidmətindən Azərtac-a bildirilib ki, uçuş cədvəlinə əsasən aviaşirkət həftədə iki reys - həftənin birinci və dördüncü günləri uçuşlar yerinə yetirəcək.Azərbaycanın aşağıbüdcəli aviaşirkəti ötən il dekabrın 6-dan İzmir şəhərinə uçuşlar həyata keçirir, cari il martın 18-dən isə Bakıdan İstanbula hava əlaqəsini bərpa edib.Ölkədəki epidemioloji vəziyyətlə bağlı tətbiq edilmiş məhdudiyyətləri və qaydaları nəzərə alaraq aviaşirkət biletləri yalnız iki tarif üzrə təklif edir - "Standart" və "Super". Hər iki tarifə ödənişsiz qaydada yer seçimi və hava limanında qeydiyyat opsiyaları daxildir. Qeyd edilən reyslərə biletlər "Buta Airways" aviaşirkətinin rəsmi saytında (“Super” və “Standart” tarifləri üzrə), həmçinin aviaşirkətin akkreditə olunmuş agentliklərində (yalnız “Super” tarifi üzrə) mövcuddur.Aviabiletlərin qiyməti 55 avrodan başlayır. Pandemiya dövründə həmin reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstəriləcək. Reyslərə mövcud epidemioloji məhdudiyyətlər şəraitində uçuş icazəsi olan kateqoriyalı sərnişinlər qəbul olunacaq.xeber100.com

Dövlət Neft Fondunun da iştirakı ilə valyuta hərracı keçirilib

Aprelin 27-də Azərbaycan Mərkəzi Bankında (AMB) Dövlət Neft Fondunun da iştirakı ilə valyuta hərracı keçirilib.AMB-dən Azərtac-a bildirilib ki, hərracda tələb 60,3 milyon ABŞ dolları olub və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Mərkəzi Bank aprelin 28-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) aprelin 28-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın aprelin 28-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Light” markalı neftin bir barelinin qiyməti isə 0,72 dollar bahalaşıb

Dünya birjalarında neft qiymətləri bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,71 dollar artaraq 66,11 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,72 dollar bahalaşaraq 62,14 dollar olub.xeber100.com