Azərbaycan ilə Gürcüstan arasında aviareyslər bərpa olunub

Martın 19-dan Azərbaycan ilə Gürcüstan arasında aviareyslər bərpa olunub.Azərtac xəbər verir ki, bu gün saat 07:00-da “Buta Airways” aviaşirkətinə məxsus təyyarə Heydər Əliyev Beynəlxalq Aeroportundan Tbilisiyə uçuş həyata keçirib. Həmin təyyarə saat 10:10-da Şota Rustaveli adına Tbilisi aeroportundan Bakıya uçub. Uçuş müddəti bir saatdır.Bakı-Tbilisi-Bakı marşrutu üzrə uçuşlar həftədə üç dəfə - çərşənbə axşamı, cümə və bazar günləri həyata keçiriləcək.Sərnişinlər son 48 saat ərzində aparılan PCR testinin mənfi nəticəsini təsdiqləyən arayış təqdim etməklə uçuşa buraxılıblar.xeber100.com

Mərkəzi Bankda Dövlət Neft Fondunun iştirakı ilə növbəti valyuta hərracı keçirilib

Martın 18-də Mərkəzi Bankda Dövlət Neft Fondunun iştirakı ilə növbəti valyuta hərracı keçirilib.Bankdan Azərtac-a bildirilib ki, hərracda tələb 54,7 milyon ABŞ dolları təşkil edib və tam təmin olunub.Hərracda manatın ortaçəkili məzənnəsi isə 1,7000 səviyyəsində formalaşıb.xeber100.com

Gömrük Komitəsi gücləndirilmiş iş rejimində fəaliyyət göstərəcək

Novruz bayramı ilə əlaqədar qeyri-iş günlərində gömrük sərhədindən keçirilən malların operativ şəkildə gecikmədən rəsmiləşdirilməsi, mal və nəqliyyat vasitələrinin sürətli keçidinin təmin edilməsi məqsədilə Dövlət Gömrük Komitəsinin strukturuna daxil olan ərazi və ixtisaslaşdırılmış gömrük idarələri martın 23-dən etibarən gücləndirilmiş iş rejimində fəaliyyət göstərəcək.Komitənin Mətbuat və İctimaiyyətlə Əlaqələr İdarəsindən Azərtac-a bildirilib ki, gömrük rəsmiləşdirilməsi zamanı xarici ticarət iştirakçıları hökumət ödəniş portalının xidmətindən istifadə etməklə mal və nəqliyyat vasitələrinə görə gömrük ödənişlərini həyata keçirə bilərlər.xeber100.com

“Azərişıq Qarabağda” layihəsi çərçivəsində yenidənqurma işlərinə başlanılıb

“Azərişıq Qarabağda” layihəsi çərçivəsində Ağdam rayonun Əfətli kənd ərazi nümayəndəliyinə daxil olan 8 kənddə yenidənqurma işlərinə başlanılıb.“Azərişıq” ASC-dən Azərtac-a bildirilib ki, müharibənin gedişində bu kəndlər erməni atəşinə məruz qalan zaman elektrik enejisi təsərüffatına ciddi ziyan dəymişdi. Ermənilərin atdığı çoxsaylı mərmilər bir çox yerdə xətt və dayaqları yararsız hala salmışdı. İlkin mərhələdə 3 kənddə elektrik xətləri, dayaqlar, transformator məntəqələri və sayğaclar tamamilə yenilənir. Əraziyə kifayət qədər mal-materal göndərilib. 1200-dək abonetin yaşadığı Hacıməmmədli, Məmmədbağırlı və Əfətli kəndində işlərin yekunlaşması bir aya nəzərdə tutulub. Kəndlər yeni tikilmiş 35/10 kilovoltluq Əfətli yarımstansiyasından qidalanır.Prezident İlham Əlyevin Fərmanına uyğun olaraq işğaldan azad olunan Cəbrayıl, Şuşa, Laçın, Qubadlı, Zəngilan, Aşdam rayonu ərazilərində yerləşən xüsusi dövlət əhəmiyyətli binalar elektrik enerjisi ilə təmin edilib. Suqovuşan qəsəbəsinə isə Tərtərdən yeni 35 kilovoltluq xəttin çəkiliş işləri davam edir.xeber100.com

“Light” markalı neftin bir barrelinin qiyməti 0,37 dollar bahalaşıb

Dünya birjalarında neft qiymətləri bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,38 dollar artaraq 69,60 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,37 dollar bahalaşaraq 65,99 dollar olub.xeber100.com

“Light” markalı neftin bir barrelinin qiyməti 0,41 dollar ucuzlaşıb

Dünya birjalarında neft qiymətləri ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,41 dollar geriləyərək 69,22 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,41 dollar ucuzlaşaraq 65,61 dollar olub.xeber100.com

Müstəqil Dövlətlər Birliyinin İqtisadi Şurasının 89-cu iclası keçirilib

Martın 12-də Müstəqil Dövlətlər Birliyinin (MDB) İqtisadi Şurasının videokonfrans formatında 89-cu iclası keçirilib. İclasda Azərbaycanın Baş nazirinin birinci müavini Yaqub Eyyubov da iştirak edib.MDB İcraiyyə Komitəsinin mətbuat xidmətindən Azərtac-a bildiriblər ki, iclası MDB İqtisadi Şurasının sədri, Belarus Respublikası Baş nazirinin müavini İqor Petrişenko idarə edib.MDB-də iqtisadi qarşılıqlı fəaliyyətə dair aktual məsələlər və COVID-19 problemləri üzrə fikir mübadiləsindən sonra RF əmək və sosial müdafiə nazirinin müavini Yelena Muxtiyarova iclas iştirakçılarını Birlik dövlətləri əhalisinin məşğulluğuna kömək sahəsində əməkdaşlıq barədə Saziş layihəsi haqqında məlumatlandırıb.xeber100.com  

Neft İxrac Edən Ölkələr Təşkilatı üzrə gündəlik xam neft hasilatı azalıb

Fevral ayında Neft İxrac Edən Ölkələr Təşkilatı (OPEC) üzrə gündəlik xam neft hasilatı azalıb.Azərtac xəbər verir ki, bu barədə OPEC-in aylıq hesabatında deyilir. Bildirilir ki, keçən ay OPEC-in neft istehsalı yanvar ayı ilə müqayisədə 650 min barrel azalaraq sutkada 24 milyon 850 min barrel olub. OPEC-in dünya neft hasilatındakı payı isə 26,9 faizə geriləyib.Ötən ay OPEC üzrə neft istehsalını ən çox artıran ölkələr Nigeriya, İraq, İran, Liviya və Venesuela olub. Nigeriyada gündəlik hasilat əvvəlki aya görə 161 min barrel, İraqda 59 min barrel, İranda 35 min barrel, Liviya və Venesuelada isə 33 min barrel artıb.Ay ərzində kartelə üzv ölkələrdən neft istehsalı ən çox Səudiyyə Ərəbistanı və Anqolada azalıb. Səudiyyə Ərəbistanının sutkalıq hasilatı 930 min barrel, Anqolanın isə 50 min barrel geriləyib.Fevralda dünyadakı qazma qurğularının sayı yanvarla müqayisədə 62 ədəd artaraq 1386 olub. Həmin qurğuların 329-u OPEC-ə üzv ölkələrdədir.xeber100.com

Bakı Fond Birjasında qısamüddətli notlarının yerləşdirilməsi üzrə hərrac keçiriləcək

Martın 10-da Bakı Fond Birjasında (BFB) Azərbaycan Mərkəzi Bankının (AMB) qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 100 milyon manat, bir notun nominal dəyəri 100 manat, tədavül müddəti 28 gündür. Notlar aprelin 7-də ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizədək artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Təqdim olunan sifarişlər üzrə qiymət diapazonu 99.5167-99.5543 AZN təşkil edir.Mərkəzi Bankın qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.xeber100.com

“Pakistan Beynəlxalq Hava Yolları” Bakıya birbaşa aviareyslərə başlayır

“Pakistan Beynəlxalq Hava Yolları” Bakıya birbaşa aviareyslərə başlayır. Azərtac xəbər verir ki, bu barədə aviaşirkət məlumat yayıb.Şirkətdən bildirilib ki, mayın 14-dən etibarən Bakıya birbaşa aviareyslər həyata keçiriləcək.xeber100.com