M10 ekspress xətti avqustun 17-dən fəaliyyətə başlayıb

Xüsusi karantin rejiminin yumşaldılması ilə əlaqədar artan sərnişin tələbatının qarşılanması məqsədilə təşkil olunan 5 sayda əlavə ekspress xətlərdən daha biri, M10 ekspress xətti avqustun 17-dən fəaliyyətə başlayıb.Bakı Nəqliyyat Agentliyindən Azərtac-a bildirilib ki, M10 xətti üzrə avtobuslar Mərdəkan qəsəbəsində, köhnə dəmiryolu stansiyası adlanan ərazidə təşkil olunan dayanacaq məntəqəsindən hərəkət edəcək. Ərazidə müvafiq nişanlanma işləri aparılıb.Saat 06:30-dan 21:00-dək fəaliyyətdə olacaq ekspress xətlər üzrə “BakuBus” MMC-nin istismarında olan 12 metrlik müasir və komfortlu avtobuslar sərnişinlərin xidmətində olacaq. Tələbata uyğun olaraq xətlərə 18 metrlik avtobuslar da cəlb olunacaq.M10 xəttinin istifadəyə verilməsi ilə Mərdəkan, Şağan, Binə və Yeni Suraxanı qəsəbələri istiqamətindəki digər yaşayış sahələrinin şəhər mərkəzi ilə birbaşa əlaqələndirməsi təmin olunacaq. Bu isə gündəlik təxminən 13 min sərnişinin şəhər mərkəzinə və əks istiqamətdə rahat gediş-gəlişinə şərait yaradacaq. Bu xətt üzrə bir istiqamətdə 10 dayanacaq məntəqəsi müəyyən edilib ki, bunlar da zəruri hesab edilən əsas cəlbetmə məntəqələridir.Qeyd edək ki, M10 ekspress xətti üzrə avtobusların hərəkət sxemi Mərdəkan qəsəbəsi – “Nəriman Nərimanov” metro stansiyası istiqaməti müəyyən edilib.Karantin rejimi ilə əlaqədar məhdud zaman çərçivəsində təşkil olunduğundan M10 xətti üzrə “BakıKart” ödəmə terminalı indiki mərhələdə zəruri hesab olunan məntəqələrdə quraşdırılır. Sərnişinlərdən bunu anlayışla qarşılamaları və “BakıKart”ın balansının artırılmasını terminal olan ünvanlarda planlı həyata keçirmələri xahiş edilir.M9 ekspress xətti üzrə avtobuslar qarşıdakı günlərdə istifadəyə veriləcək.Xatırladaq ki, xüsusi karantin rejiminin yumşaldılması ilə əlaqədar artan sərnişin tələbatının qarşılanması məqsədilə təşkil olunan 5 sayda əlavə ekspress xətlərdən M1 A, M2 A və M8 xətləri avqustun 10-dan fəaliyyətə başlayıb.xeber100.com

İqtisadiyyat Nazirliyinin məlumatı əsasında…

Mənzillərin qeydiyyatı üçün növbəti səyyar sənəd qəbulunun keçiriləcəyi ünvanlar açıqlanıb.İqtisadiyyat Nazirliyinin mətbuat xidmətindən Azərtac-a bildirilib ki, istismarına icazə verilmiş yeni çoxmənzilli binalardakı mənzillər üçün “Əmlakını qeydiyyata al və mülkiyyətinə sahib ol” kampaniyası çərçivəsində növbəti səyyar sənəd qəbulu avqustun 19-da Bakı şəhəri, Nərimanov rayonu,1937-ci məhəllə, Ə.Əliyev küçəsi, 8 ünvanında, avqustun 21-də isə Bakı şəhəri, Yasamal rayonu, Z.Əhmədbəyov küçəsi,377-ci məhəllə ünvanında keçiriləcək.Qeyd edək ki, iyulun 24-dən bərpa olunan səyyar sənəd qəbulu prosesi çərçivəsində artıq səkkiz ünvanda səyyar qəbulu aparılıb. Vətəndaşların mənzillərə aid mülkiyyət hüququnu təsdiq edən sənədin (çıxarışın) hazırlanması 15 iş günü ərzində təmin edilir.xeber100.com

“Azərkosmos” ASC “iSAT Africa” şirkəti ilə əməkdaşlığa başlayıb

“Azərkosmos” ASC Afrika və Yaxın Şərq regionunda korporativ yayım, video və data xidmətləri təmin edən “iSAT Africa” şirkəti ilə əməkdaşlığa başlayıb.ASC-dən Azərtac-a bildirilib ki, əməkdaşlığa əsasən “iSAT Africa” şirkəti Afrikanın müxtəlif bölgələrində telekommunikasiyaya artan tələbatı “Azerscpace-2” peykinin resursları vasitəsilə təmin edəcək. “iSAT Africa” “Azerspace-2” peykinin imkanlarından istifadə etməklə Afrika regionunun 90 faizinə data xidmətləri ilə yanaşı, müxtəlif yerüstü peyk həlləri də təqdim edəcək.“iSAT Africa” şirkəti ilə əməkdaşlığımızı fəal inkişaf etdirmək niyyətindəyik. Bu əməkdaşlıq bizə “Azerspace-2” peykinin imkanlarının Afrikanın ən ucqar ərazilərində də istifadə etməyə fürsət verəcək”, – deyə “Azərkosmos”un baş kommersiya direktoru Mark Qusriye deyib.“Azərkosmos” ilə tərəfdaşlıq statusumuz hazırkı pandemiya dövründə peyk xidmətləri üzrə mürəkkəb layihələrimizi uğurla həyata keçirəcəyimizə zəmanət verir. Biz Afrikanın hər bir nöqtəsindən müraciət edən müştərilərimizə çevik və operativ xidmət təqdim edə biləcəyik”, – deyə “iSAT Africa” şirkətinin Biznesin inkişafı üzrə direktoru Stenli Ayittah qeyd edib.xeber100.com

MDB ölkələrinə 99 milyon ABŞ dolları dəyərində məhsul ixrac edilib

İyulda Azərbaycandan MDB ölkələrinə 99 milyon ABŞ dolları dəyərində məhsul ixrac edilib.Dövlət Gömrük Komitəsindən Azərtac-a bildirilib ki, ötən ay Azərbaycanın MDB ölkələrindən idxal etdiyi məhsulun dəyəri isə 227,3 milyon dollar olub.xeber100.com

Azərbaycandan 2356 çeşiddə məhsul ixrac olunub

Cari ilin yanvar-iyul aylarında Azərbaycandan 2356 çeşiddə məhsul ixrac olunub.Azərtac xəbər verir ki, bu barədə Dövlət Gömrük Komitəsi məlumat yayıb.Qeyd edək ki, yeddi ayda Azərbaycanda ixrac əməliyyatlarının dəyəri 9 milyard 131,1 milyon ABŞ dolları olub.xeber100.com

ABŞ-ın Enerji İnformasiya Administrasiyasının hesabatında

ABŞ-ın Enerji İnformasiya Administrasiyası (EIA) cari ildə qlobal neft tələbatının gündəlik 7 milyon barrel artacağını gözləyir.Azərtac xəbər verir ki, bu barədə EIA-nın hesabatında deyilir.Administrasiya gələn il üzrə də qlobal neft tələbatının sutkalıq 7 milyon barrel çoxalacağını nəzərdə tutur.xeber100.com

3 əlavə ekspress xətt üzrə avtobuslar fəaliyyətə başlayıb

Xüsusi karantin rejiminin yumşaldılması ilə əlaqədar artan sərnişin tələbatının qarşılanması məqsədilə təşkil olunan 5 sayda əlavə ekspress xətlərdən M1 A, M2 A və M8 xətləri avqustun 10-dan fəaliyyətə başlayıb.Bakı Nəqliyyat Agentliyindən Azərtac-a bildirilib ki, saat 06:30-dan 21:00-dək fəaliyyətdə olacaq ekspress xətlər üzrə “BakuBus” MMC-nin istismarında olan 12 metrlik müasir və komfortlu avtobuslar sərnişinlərin xidmətində olacaq. Tələbata uyğun olaraq xətlərə 18 metrlik avtobuslar da cəlb olunacaq.Bir neçə gündür test rejimində fəaliyyət göstərən M1 A və M2 A ekspress xətti üzrə avtobuslar mövcud M1 və M2 xəttinə dəstək xarakteri daşıyır.M8 xəttinin istifadəyə verilməsi ilə Maştağa, Zabrat, Sabunçu və bu istiqamətindəki digər yaşayış sahələrinin şəhər mərkəzi ilə birbaşa əlaqələndirməsi təmin olunacaq. Bu isə gündəlik 13 min sərnişinin şəhər mərkəzinə və əks istiqamətdə rahat gediş-gəlişinə şərait yaradacaq. Bu xətt üzrə bir istiqamətdə 9 dayanacaq məntəqəsi müəyyən edilib ki, bunlar da zəruri hesab edilən əsas cəlbetmə məntəqələridir.Karantin rejimi ilə əlaqədar məhdud zaman çərçivəsində təşkil olunduğundan M8 xətti üzrə “BakıKart” ödəmə terminalı indiki mərhələdə zəruri hesab olunan məntəqələrdə quraşdırılır. Sərnişinlərdən bunu anlayışla qarşılamaları və “BakıKart”ın balansının artırılmasını terminal olan ünvanlarda planlı həyata keçirmələri xahiş edilir.Məlumat üçün bildiririk ki, M9 və M10 ekspress xətti üzrə avtobuslar qarşıdakı günlərdə fəaliyyətə başlayacaq.xeber100.com

Əməkdaşlıq haqda memorandum imzalanıb

"Azərişıq" ASC-nin Tədris və İnnovasiyalar Mərkəzində Almaniyanın "EKM Global Consulting GMbH" şirkəti ilə qarşılıqlı əməkdaşlıq haqda memorandum imzalanıb.Bu barədə Azərtac-a "Azərişıq" ASC-dən bildirilib."EKM Global Consulting GMbH" şirkətinin rəhbəri Elşən Musayev deyib ki, bu gün ölkədə innovativ texnologiyaların tətbiqi iqtisadiyyatın bütün sahələrini əhatə etməklə yanaşı, gənc kadr potensialının yetişdirilməsi və yaxşılaşdırılmasında da müsbət nəticələr əldə etməyə geniş imkanlar yaradır. Bu baxımdan, "Azərişıq" ASC, elektroenergetika sahəsində ilk dəfə olaraq, Ağıllı Şəbəkələr konsepsiyası çərçivəsində elektrik şəbəkələrin elektron idarə edilməsində müasir 3D-mobil xəritə layihəsini reallaşdıraraq, virtual monitorinq sisteminin əsasını qoyub. Əminəm ki, gələcəkdə də müasir və innovativ texnoloji nailiyyətlərin mənimsənilməsi və bu istiqamətdə peşəkar kadrların hazırlanmasında Tədris və İnnovasiyalar Mərkəzinin mütəxəssisləri ilə perspektiv əməkdaşlıq uğurla davam etdiriləcək."Azərişıq" ASC-nin Tədris və İnnovasiyalar Mərkəzinin direktoru Araz Məmmədzadə elektroenergetika sahəsinin yüksəkixtisaslı kadr potensialının yetişdirilməsi və təkmilləşdirilməsində müasir tələblərə cavab verən təlim-tədris metodikasının rəqəmsal texnologiyalar üzərində qurulduğunu qeyd edib. O, həmçinin məlumat verib ki, şəbəkələrin müasir, texnogen xarakterli innovativ üsullarla idarə edilməsinin təmin edilməsi üçün müvafiq kateqoriyalı mütəxəssislərin Virtual Reallıq Təlimlər sisteminin köməyi ilə hazırlanması qısa vaxt ərzində mühüm nailiyyətlər əldə etməyə geniş imkanlar yaradır. Bu, həm beynəlxalq təcrübənin öyrənilməsi, həm də paylayıcı şəbəkələrdə artıq tətbiq edilmiş və edilməsi nəzərdə tutulan innovasiyaların istifadə imkanlarının araşdırılması, layihələndirilməsi və mütəxəssislərin hazırlanması istiqamətində atılmış növbəti mühüm addımdır. Bundan sonra da, rəqəmsal və innovativ texnologiyalar sahəsində beynəlxalq təcrübənin öyrənilməsi, mənimsənilməsi və gənc kadr potensialına çatdırılması üçün "EKM Global Consulting" şirkəti ilə qarşılıqlı əməkdaşlıq əlaqələrini davam etdirəcəyik.xeber100.com

“Light” markalı neftin bir barrelinin qiyməti 0,11 dollar azalıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar ucuzlaşaraq 45 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,11 dollar azalaraq 41,84 dollar təşkil edib.xeber100.com

Elektrik qatarlarının hərəkəti müvəqqəti olaraq dayandırılır

Bakı-Sumqayıt avtomobil yolunun genişləndirilməsi işləri ilə əlaqədar Xırdalan dairəsində yerləşən dəmir yolu körpüsünün sökülərək yenidən tikintisi səbəbindən Bakı-Xırdalan-Sumqayıt istiqamətində elektrik qatarlarının hərəkəti müvəqqəti olaraq dayandırılır.“Azərbaycan Dəmir Yolları” QSC-dən Azərtac-a bildirilib ki, qatarlar avqustun 10-dan noyabrın 10-dək hərəkətdə olmayacaq. Buna görə də, qeyd olunan müddət ərzində Biləcəri və Xırdalan istiqamətində elektrik qatarları hərəkət etməyəcək.Bakı-Sumqayıt yolunun genişləndirilməsi işləri Azərbaycan Avtomobil Yolları Dövlət Agentliyi tərəfindən həyata keçirilir. Xırdalan dairəsində yerləşən dəmir yolu körpüsü isə genişləndirmə işlərinə maneçilik törədir. Bu səbəbdən köhnə körpü söküləcək və onun yerində yeni biraşırımlı tağlı dəmir yolu körpüsü inşa olunacaq.Körpünün tikintisi müddətində Sumqayıta gedən və ya oradan Bakıya gələn sərnişinlər Bakı-Pirşağı-Sumqayıt istiqamətində hərəkət edən elektrik qatarlarından istifadə edə biləcəklər.xeber100.com