ABŞ-ın Enerji İnformasiya Administrasiyasının məlumatına görə…

Birləşmiş Ştatların xam neft ehtiyatları azalıb.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 700 min barrel (0,1 faiz) azalaraq 531,5 milyon barrel olub. Bazar proqnozları isə ehtiyatların 4,1 milyon barrel artacağı istiqamətində idi. Əvvəlki həftə neft ehtiyatları 4,6 milyon barrel çoxalmışdı. Beləliklə də ABŞ-ın xam ehtiyatları 15 həftəlik artımdan sonra ilk dəfə azalıb.ABŞ-ın strateji neft ehtiyatları isə 1,9 milyon barrel (0,3 faiz) artaraq 639,8 milyon barrel olub.Ölkənin benzin ehtiyatları hesabat həftəsində 3,5 milyon barrel (1,4 faiz) azalaraq 252,9 milyon barrel təşkil edib. Bazar proqnozları ehtiyatların 2,2 milyon barrel azalacağı istiqamətində idi. Benzin ehtiyatları əvvəlki həftə 3,2 milyon barrel azalmışdı.xeber100.com

ABŞ-ın Enerji İnformasiya Administrasiyasının məlumatı

ABŞ “Brent” markalı xam neftin qiyməti ilə bağlı proqnozunu artırıb.Azərtac ABŞ-ın Enerji İnformasiya Administrasiyasının (EIA) yaydığı məlumata istinadla xəbər verir ki, EIA cari ildə “Brent”in bir barrelinin orta qiymətinin 34 dollar olacağını nəzərdə tutur. Ötənaykı proqnoz isə 33 dollar/barrel idi.EIA-ya görə, ilin ikinci rübündə “Brent”in orta qiyməti 23 dollar/barrel, ilin ikinci yarısında 32 dollar/barrel, gələn il isə 48 dollar/barrel olacaq.xeber100.com

Dünya birjalarında neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,53 dollar geriləyərək 29,45 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,24 dollar ucuzlaşaraq 25,54 dollar təşkil edib.xeber100.com

Azərbaycan-Gürcüstan biznes forumu Bakıda keçiriləcək

İkinci Azərbaycan-Gürcüstan biznes forumu 2021-ci ilin aprelində Bakıda keçiriləcək.Bu barədə Azərtac-a Avropa İttifaqı-Gürcüstan Biznes Şurasının baş katibi Zviad Çumburidze məlumat verib.Onun sözlərinə görə, bu cür forumlar iki ölkə arasında biznes əlaqələrinin dərinləşməsi baxımdan mühüm əhəmiyyətə malikdir.“Avropa İttifaqı-Gürcüstan Biznes Şurası olaraq fikirləşirik ki, bu cür tədbirlər davamlı olmalıdır. Növbəti biznes forumun gələn il Bakıda keçirilməsi daha məqsədəuyğundur. Bu Gürcüstan iş adamlarının Azərbaycan ilə tanışlığına daha çox fayda verəcək”, - deyə Çumburidze vurğulayıb.xeber100.com

“Brent” markalı neftin qiyməti 0,71 dollar azalıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,71 dollar azalaraq 30,26 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,63 dollar ucuzlaşaraq 24,11 dollar təşkil edib.xeber100.com

Dövlət Statistika Komitəsinin məlumatına görə…

Aprelin 1-nə ölkədə statistik vahidlərin (fərdi sahibkarlar istisna olmaqla) sayı 1,9 faiz artaraq 149 min 51 olub.Dövlət Statistika Komitəsindən Azərtac-a bildirilib ki, artım iqtisadiyyatın “Turistlərin yerləşdirilməsi və ictimai iaşə”, “İnzibati və yardımçı xidmətlərin göstərilməsi”, “Əhaliyə səhiyyə və sosial xidmətlərin göstərilməsi”, “Nəqliyyat və anbar təsərrüfatı”, “Daşınmaz əmlakla əlaqədar əməliyyatlar”, “Ticarət; nəqliyyat vasitələrinin təmiri”, “İnformasiya və rabitə” və “Peşə, elmi və texniki fəaliyyət” sahələrində nəzərəçarpacaq dərəcədə olub. “Ticarət; nəqliyyat vasitələrinin təmiri”, “Digər sahələrdə xidmətlərin göstərilməsi”, “Tikinti”, “Kənd təsərrüfatı, meşə təsərrüfatı və balıqçılıq” və “Peşə, elmi və texniki fəaliyyət” sahələrindəki statistik vahidlərin xüsusi çəkisi daha yüksəkdir.Xüsusi mülkiyyətə aid olan statistik vahidlərin əsas hissəsi “Ticarət; nəqliyyat vasitələrinin təmiri” (30 faiz), “Digər sahələrdə xidmətlərin göstərilməsi” (19,7 faiz), “Tikinti” (9,8 faiz), “Kənd təsərrüfatı, meşə təsərrüfatı və balıqçılıq” (7,8 faiz), “Peşə, elmi və texniki fəaliyyət” (6,8 faiz) və “Emal sənayesi” (5,7 faiz) sahələrinin payına düşür. Reyestrdə qeydiyyatdan keçmiş statistik vahidlərdən tam xarici investisiyalı və birgə müəssisələr əsasən Türkiyə (22,3 faiz), İran (10,7 faiz), Rusiya (5 faiz), Böyük Britaniya (4,8 faiz), ABŞ (1,7 faiz) və Almaniya (1,2 faiz) ölkələrinin sahibkarları tərəfindən yaradılıb.Yanvar-mart ayları ərzində ləğv edilmiş statistik vahidlərin 23,1 faizi “Ticarət; nəqliyyat vasitələrinin təmiri”, 15,7 faizi “Digər sahələrdə xidmətlərin göstərilməsi”, 14,2 faizi “Peşə, elmi və texniki fəaliyyət”, 9,7 faizi “Tikinti”, 6,0 faizi “Təhsil” sahələrində, qalanları isə digər bölmələrin payına düşür. Bu dövrdə yeni yaradılmış statistik vahidlərin 32,1 faizi “Ticarət; nəqliyyat vasitələrinin təmiri”, 11,6 faizi “İnzibati və yardımçı xidmətlərin göstərilməsi”, 8,6 faizi “Turistlərin yerləşdirilməsi və ictimai iaşə”, 8,2 faizi “Digər sahələrdə xidmətlərin göstərilməsi”, 7,6 faizi “Peşə, elmi və texniki fəaliyyət”, 6,4 faizi “Tikinti” sahələrinin, qalanları isə digər bölmələrin payına düşür.xeber100.com

Gömrük Komitəsi büdcəyə 1,3 milyard manat köçürüb

Cari ilin yanvar-aprel aylarında Dövlət Gömrük Komitəsi tərəfindən dövlət büdcəsinə daxilolmalar 1 milyard 347,8 milyon manat olub.Komitədən Azərtac-a bildirilib ki, dörd ayda gömrük rüsumları üzrə dövlət büdcəsinə daxilolmalar 327 milyon 481 min manat, əlavə dəyər vergisi üzrə 963 milyon 924 min manat, aksizlər üzrə 43 milyon 840 min manat, yol vergisi üzrə isə 12 milyon 636 min manat təşkil edib.xeber100.com

“Azərbaycan-Gürcüstan-Qazaxıstan Forumu” keçiriləcək

Bu gün Azərbaycan, Gürcüstan, Qazaxıstan iş adamları arasında “B2B Azərbaycan-Gürcüstan-Qazaxıstan onlayn Forumu” keçiriləcək.Azərtac xəbər verir ki, “Caspian Euorupean Club”un təşkilatçılığı ilə reallaşacaq forumda üç ölkədə fəaliyyət göstərən şirkətlərin top-menecer və təmsilçiləri, iqtisadi məsələlərə nəzarət edən beynəlxalq təşkilatların və diplomatik missiyaların nümayəndələri iştirak edəcəklər.Forumda “Caspian European Club”un fəaliyyəti barədə məlumat təqdim olunacaq, şirkətlər xüsusi təqdimatlarla çıxış edəcək, biznes əməkdaşlığın perspektivləri müzakirə olunacaq.Qeyd edək ki, “Caspian European Club” artıq fəaliyyətinin 75 faizini onlayn rejimdə davam etdirir.Hər gün onlayn formatda CEO, B2G, B2B, B2C forumlar təşkil edir.xeber100.com

Bakı Metropoliteninin fəaliyyəti mayın 9-dan bərpa olunur

Azərbaycan Respublikası Nazirlər Kabineti yanında Operativ Qərargahın məlumatına əsasən, Bakı Metropoliteninin sərnişindaşıma fəaliyyəti mayın 9-dan bərpa olunur. Metropolitenin stansiyaları saat 06:00-dan 24:00-dək sərnişinlərin girişinə açıq olacaq.“Bakı Metropoliteni” QSC-dən Azərtac-a bildirilib ki, Azərbaycanda koronavirus (COVID-19) pandemiyasının yayılmasının qarşısını almaq və insanların sağlamlıq təhlükəsizliyini təmin etmək məqsədilə ölkə ərazisində elan edilmiş xüsusi rejimli karantin müddəti başa çatana qədər Bakı Metropoliteninin fəaliyyəti Azərbaycan Respublikası Nazirlər Kabineti yanında Operativ Qərargahın müvafiq qərar, tapşırıq və tövsiyələrinə uyğun təmin ediləcək. Qeyd olunanları rəhbər tutaraq metropolitendən istifadə edən sərnişinlərin nəzərinə çatdırılır: 1. “İctimai nəqliyyatda koronavirus infeksiyasının profilaktikasına dair metodiki göstəriş”ə uyğun olaraq tibbi maska taxmadan metropolitendən istifadə edilməsi qadağandır. Sərnişinlərin metro stansiyası ərazisində, eləcə də qatarlarda tibbi maskalardan istifadəsi və sosial məsafəni gözləməsi mütləqdir. 2. Azərbaycan Respublikası Nazirlər Kabinetinin 2020-ci il 2 aprel tarixli Qərarına, eləcə də Azərbaycan Respublikası Nazirlər Kabineti yanında Operativ Qərargahın məhdudiyyətlərin yumşaldılması ilə bağlı verdiyi qərarlara uyğun olaraq, metro stansiyalarına yalnız yaşayış yerini SMS icazə ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayışla tərk edən sərnişinlərin girişinə icazə veriləcək. 3. Metropolitenin stansiyalarının girişlərində zərurət olduğu təqdirdə sərnişinlərin hərarəti müvafiq tibbi avadanlıq vasitəsi ilə yoxlanılacaq. 4. Metropoliten gücləndirilmiş iş rejimində fəaliyyət göstərəcək, qatarların hərəkəti, texniki imkanlar nəzərə alınmaqla, minimum intervalla təmin olunacaq. 5. Sosial məsafənin qorunmasını təmin etmək məqsədilə audio, vizual, statik məlumatlandırma üsullarından istifadə olunacaq, stansiya və qatarlardakı oturacaqlarda məlumatlandırıcı işarələr qoyulacaq. 6. Sərnişinlərin sosial məsafəni qoruması, metropolitenə təhlükəsiz və nizamlı daxil olması məqsədilə stansiyaların giriş sahələrində istiqamətləndiricilər qoyulacaq. 7. Bakı Metropoliteni stansiyalarında fəaliyyət göstərən apteklərə tibbi maska satışı üçün tam şərait yaradılacaq.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,07 dollar ucuzlaşaraq 29,47 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com