“Azərbaycan-Gürcüstan-Qazaxıstan Forumu” keçiriləcək

Bu gün Azərbaycan, Gürcüstan, Qazaxıstan iş adamları arasında “B2B Azərbaycan-Gürcüstan-Qazaxıstan onlayn Forumu” keçiriləcək.Azərtac xəbər verir ki, “Caspian Euorupean Club”un təşkilatçılığı ilə reallaşacaq forumda üç ölkədə fəaliyyət göstərən şirkətlərin top-menecer və təmsilçiləri, iqtisadi məsələlərə nəzarət edən beynəlxalq təşkilatların və diplomatik missiyaların nümayəndələri iştirak edəcəklər.Forumda “Caspian European Club”un fəaliyyəti barədə məlumat təqdim olunacaq, şirkətlər xüsusi təqdimatlarla çıxış edəcək, biznes əməkdaşlığın perspektivləri müzakirə olunacaq.Qeyd edək ki, “Caspian European Club” artıq fəaliyyətinin 75 faizini onlayn rejimdə davam etdirir.Hər gün onlayn formatda CEO, B2G, B2B, B2C forumlar təşkil edir.xeber100.com

Bakı Metropoliteninin fəaliyyəti mayın 9-dan bərpa olunur

Azərbaycan Respublikası Nazirlər Kabineti yanında Operativ Qərargahın məlumatına əsasən, Bakı Metropoliteninin sərnişindaşıma fəaliyyəti mayın 9-dan bərpa olunur. Metropolitenin stansiyaları saat 06:00-dan 24:00-dək sərnişinlərin girişinə açıq olacaq.“Bakı Metropoliteni” QSC-dən Azərtac-a bildirilib ki, Azərbaycanda koronavirus (COVID-19) pandemiyasının yayılmasının qarşısını almaq və insanların sağlamlıq təhlükəsizliyini təmin etmək məqsədilə ölkə ərazisində elan edilmiş xüsusi rejimli karantin müddəti başa çatana qədər Bakı Metropoliteninin fəaliyyəti Azərbaycan Respublikası Nazirlər Kabineti yanında Operativ Qərargahın müvafiq qərar, tapşırıq və tövsiyələrinə uyğun təmin ediləcək. Qeyd olunanları rəhbər tutaraq metropolitendən istifadə edən sərnişinlərin nəzərinə çatdırılır: 1. “İctimai nəqliyyatda koronavirus infeksiyasının profilaktikasına dair metodiki göstəriş”ə uyğun olaraq tibbi maska taxmadan metropolitendən istifadə edilməsi qadağandır. Sərnişinlərin metro stansiyası ərazisində, eləcə də qatarlarda tibbi maskalardan istifadəsi və sosial məsafəni gözləməsi mütləqdir. 2. Azərbaycan Respublikası Nazirlər Kabinetinin 2020-ci il 2 aprel tarixli Qərarına, eləcə də Azərbaycan Respublikası Nazirlər Kabineti yanında Operativ Qərargahın məhdudiyyətlərin yumşaldılması ilə bağlı verdiyi qərarlara uyğun olaraq, metro stansiyalarına yalnız yaşayış yerini SMS icazə ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayışla tərk edən sərnişinlərin girişinə icazə veriləcək. 3. Metropolitenin stansiyalarının girişlərində zərurət olduğu təqdirdə sərnişinlərin hərarəti müvafiq tibbi avadanlıq vasitəsi ilə yoxlanılacaq. 4. Metropoliten gücləndirilmiş iş rejimində fəaliyyət göstərəcək, qatarların hərəkəti, texniki imkanlar nəzərə alınmaqla, minimum intervalla təmin olunacaq. 5. Sosial məsafənin qorunmasını təmin etmək məqsədilə audio, vizual, statik məlumatlandırma üsullarından istifadə olunacaq, stansiya və qatarlardakı oturacaqlarda məlumatlandırıcı işarələr qoyulacaq. 6. Sərnişinlərin sosial məsafəni qoruması, metropolitenə təhlükəsiz və nizamlı daxil olması məqsədilə stansiyaların giriş sahələrində istiqamətləndiricilər qoyulacaq. 7. Bakı Metropoliteni stansiyalarında fəaliyyət göstərən apteklərə tibbi maska satışı üçün tam şərait yaradılacaq.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,07 dollar ucuzlaşaraq 29,47 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Azərbaycan Xəzər Dəniz Gəmiçiliyi QSC-nin məlumatı

“Azərbaycan Xəzər Dəniz Gəmiçiliyi” QSC-nin (ASCO) Xəzər Dəniz Neft Donanmasının balansında olan “Zülfi Hacıyev” kran gəmisinin “Bibiheybət” Gəmi Təmiri Zavodunda əsaslı təmir işləri başa çatıb.ASCO-dan Azərtac-a bildirilib ki, təmir müddətində kranın burazlarının hərəkət etdiyi bütün istiqamətləndirici halqaları çıxarılıb və əsaslı təmir olunduqdan sonra yerinə quraşdırılıb. Baş mühərriklər, nasoslar, boru sistemləri, sanitar qovşaqlar, elektrik mühərriklərinin cari təmir işləri aparılıb.“Zülfi Hacıyev” gəmisi tərsanəyə qaldırılaraq gövdənin sualtı və suüstü hissəsində zədələnmiş sahələr dəyişdirilib, gəmi üzrə rəngləmə işləri görülüb. Bununla belə, hərəkət-sükan kompleksi, dib-yan armaturları, protektor qurğularının təmiri də yerinə yetirilib.İşlər başa çatdıqdan sonra gəminin 100 tonluq yükqaldırma qabiliyyətinə malik kran qurğusunun sınaq işləri aparılıb və uğurla başa çatıb. Mexanizm və elektrik avadanlıqlarının yoxlanılması məqsədilə gəmi dəniz sınağına çıxarılıb. Müvvəffəqiyyətlə başa çatan dəniz sınaq işlərindən sonra gəmi registr təsnifatı nümayəndələrinə təhvil verilib.“Zülfi Hacıyev” kran gəmisinin uzunluğu 98,55 metr, eni 17 metrdir.xeber100.com

“Azeri Light” markalı neftin qiyməti 29,54 dollar təşkil edib

Azərbaycan neftinin qiyməti kəskin bahalaşıb.Azərtac xəbər verir ki, “Azeri Light” markalı neftin bir barrelinin qiyməti 5,43 dollar artaraq 29,54 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Mərkəzi Bank USD/AZN rəsmi məzənnəsini açıqlayıb

Azərbaycan Mərkəzi Bankı (AMB) mayın 5-nə olan USD/AZN rəsmi məzənnəsini açıqlayıb.AMB-dənAzərtac-a bildirilib ki, bankın mayın 5-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,04 dollar ucuzlaşaraq 26,44 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,94 dollar artaraq 19,78 dollar təşkil edib.xeber100.com

Bakı Fond Birjasında qısamüddətli istiqrazları üzrə hərrac keçiriləcək

Mayın 5-də Bakı Fond Birjasında (BFB) Maliyyə Nazirliyinin dövlət qısamüddətli istiqrazları üzrə hərrac keçiriləcək.BFB-dən Azərtac-a bildirilib ki, diskontlu, qısamüddətli dövlət istiqrazlarının həcmi 50 milyon AZN nominal dəyəri 100 AZN, istiqrazların tədavül müddəti 364 gündür. İstiqrazlar 2021-ci il mayın 4-də ödəniləcək. "Paşa Kapital İŞ" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən çox olmamaq şərtilə qəbul edilməsinə icazə verilir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.xeber100.com

“Egyptair” aviaşirkəti mayın 16-dan bilet satışına başlayacaq

Misirin “Egyptair” aviaşirkəti mayın 16-dan daxili və beynəlxalq aviareyslər üçün bilet satışına başlayacağını elan edib. Şirkət koronavirus pandemiyası ilə əlaqədar martın 19-dan bütün uçuşları dayandırmışdı.Aviaşirkətin Qahirədəki baş ofisindən Azərtac-a bildirilib ki, “Egyptair” pandemiyadan əvvəl yerinə yetirdiyi bütün aviareysləri bərpa edəcək.“Türk Hava Yolları” ilə birlikdə həyata keçirilən Qahirə-İstanbul-Bakı tranzit reysi də bərpa oluna bilər. Bunun üçün Azərbaycan tərəfinin təyyarələri qəbul etməsinə icazə verməsi lazımdır”, - deyə bildirilib.Xatırladaq ki, Azərbaycan pandemiya ilə əlaqədar aprelin 5-dən ölkəyə giriş-çıxışları tamamilə dayandırıb və yalnız çarter reysləri yerinə yetirilir. Nazirlər Kabineti yanında Operativ Qərargah giriş-çıxışa tətbiq olunan məhdudiyyətin mayın 31-dək uzadıldığını açıqlayıb.Pandemiyadan əvvəl Bakıya tranzit uçuşları Şarja və Kiyevin hava limanlarından da həyata keçirilirdi. “Egyptair” tezliklə bu şəhərlərə aviareysləri bərpa etməyə hazırlaşır. Misir şirkəti ilə yanaşı, Birləşmiş Ərəb Əmirliklərinin “Emirates Airlines” və “Etihad Airways” aviaşirkətləri də mayın ortalarından bilet satışına başlayacaqlarını bildirib.xeber100.com

“Azəriqaz” İstehsalat Birliyinin məlumatına görə…

“Azəriqaz” İstehsalat Birliyinin Azərbaycan Respublikası Daxili İşlər Nazirliyinə ünvanladığı telefonoqramda son günlər sosial şəbəkələrdə təxribat xarakterli məlumatların yayılması əksini tapıb.Birlikdən Azərtac-a bildirilib ki, müraciətdə deyilir: “Qeyd etmək istəyirik ki, sosial şəbəkələrdə “Azəriqaz” İstehsalat Birliyi haqqında yalan məlumatlar yayılıb. “YouTube”, “Facebook” sosial şəbəkələri və “WhatsApp”, “Instagram” messencerlərində naməlum şəxs (və ya şəxslər) tərəfindən həqiqətə uyğun olmayan “Azəriqaz smart-karta edilən son ödənişləri sizə geri qaytarır” kimi yanlış məlumatlar paylaşılıb, səs yazıları, elanlar verilib. Buna görə də ölkə üzrə fəaliyyətinə icazə verilən bəzi marketlərdəki “E-manat”, “MilliÖn” və sair ödəmə terminalları qarşısında aprelin 26-sı gecə saatlarında karantin rejiminin tələbləri pozulmaqla ciddi sıxlıq və növbələr yaranıb. Bildirmək istərdik ki, tövsiyə olunan yanlış əməliyyat abonentlərin smart-kartlarında ciddi qüsurun yaranması, kartların bloklanması və yararsız hala düşməsi, eləcə də birliyə və istehlakçılara maddi ziyanın vurulması ilə nəticələnə bilər. Yuxarıda qeyd olunanları nəzərə alaraq, bu kimi təxribat xarakterli məlumatların yayılmasının qarşısının alınması məqsədilə, təqsirli şəxs(lər)in dairəsinin müəyyən və məsuliyyətə cəlb edilməsi üçün qanunvericiliklə nəzərdə tutulmuş tədbirlərin görülməsinə göstəriş verməyinizi xahiş edirik”.xeber100.com