Nəcibə Məlikovanın anadan olmasından 96 il ötür…

Bu gün Azərbaycanın Xalq Artisti Nəcibə Məlikovanın anadan olmasından 96 il ötür.Azərbaycan kino və teatr sənəti tarixində müstəsna xidmətləri olan aktrisa yaratdığı bir sıra yaddaqalan obrazlarla ürəklərə yol tapıb və böyük tamaşaçı sevgisi qazanıb.Azərtac xəbər verir ki, ilk əvvəl kino aktrisası kimi şöhrət qazanmış sənətkarın yaradıcılığının əsas qolu teatr sənəti ilə bağlıdır. Kino tariximizdə bir-birindən bənzərsiz rollar ifa etmiş Nəcibə Məlikova 1921-ci il oktyabrın 25-də Bakının Buzovna kəndində anadan olub. 1943-cü ildə Bakı Teatr Məktəbində Xalq Artisti Fatma Qədrinin sinfini bitirərək istəyi ilə Gəncə Dövlət Dram Teatrında işləməyə gedib. Burada bir neçə tamaşada çıxış edərək Bakıya qayıdıb və təzə təşkil olunmuş Azərbaycan Dövlət Teatr İnstitutuna daxil olaraq 1951-ci ildə oranı bitirib.Təhsil aldığı illərdə Akademik Milli Dram Teatrının tamaşalarında epizodik rollar oynayan aktrisa 1952-ci ildən (kinolara çəkilişlə bağlı kiçik fasilələrlə) yenə bu teatrda işləyib.Nəcibə Məlikova Azərbaycan və dünya dramaturqlarının əsərlərinin səhnə həyatında rol alıb. Eyni zamanda, kinoda bir sıra uğurlu rollar ifaçısı kimi yadda qalıb. Onların sırasında “Ögey ana”da Dilarə, “Aygün”də Aygün, “Arşın mal alan”da Cahan xala, “Əhməd haradadır?”da Nərgiz xala rollarının ifası aktrisanın yaradıcılıq nailiyyətləri kimi dəyərlidir.Kino və teatr sahəsində xidmətlərini görə aktrisa 1959-cu ildə Azərbaycanın Əməkdar Artisti, 1974-cü ildə isə Xalq Artisti fəxri adlarına layiq görülüb.Görkəmli sənətkar 1992-ci il iyulun 27-də vəfat edib və ikinci Fəxri xiyabanda dəfn olunub.xeber100.com

“YARAT” Müasir İncəsənət Mərkəzi təqdim edir

Oktyabrın 28-də “YARAT” Müasir İncəsənət Mərkəzində “ARTE” fransız-alman kanalının onlayn strategiya üzrə rəhbəri Dominik Vilyamın mühazirəsi dinləniləcək.Azərtac xəbər verir ki, mühazirə “ADAMI” Media Mükafatı tərəfindən təşkil edilən “Videobloq: Öz ifadəni tap, yaz və dərc et!” adlı ikigünlük seminarı çərçivəsində keçiriləcək.Seminar-mühazirədə hər kəs iştirak edə bilər.xeber100.com

TÜRKSOY-un təşkilatçılığı ilə elmi konfrans keçirilib

Braziliyada TÜRKSOY-un və Türkiyənin Mədəni İrs Fondunun təşkilatçılığı ilə türk dünyasına həsr olunmuş elmi konfrans keçirilib.Bu barədə Azərtac-a TÜRKSOY-dan məlumat verilib.Braziliyanın federal parlamentində keçirilən tədbirdə Türkiyə, Azərbaycan və Qazaxıstan diplomatik korpusunun nümayəndələri iştirak ediblər. Tədbirin ilk hissəsində hər üç ölkənin səfirləri çıxış edib.Azərbaycanın Braziliyadakı səfiri Elxan Poluxov çıxışında ölkəmizin mədəni irsi barədə məlumat verib.Senator Kristomas Rikardo Kavalkanti Buark qeyd edib ki, qədim türk mədəniyyəti müasir cəmiyyətin formalaşmasında əvəzsiz rol oynayıb. “Braziliyaya bu gün lazım olanlardan biri də Azərbaycan, Türkiyə və Qazaxıstandakı siyasi sabitlikdir”, - deyə senator vurğulayıb.Konfransın bədii hissəsində Azərbaycan, Türkiyə və Qazaxıstan musiqiçilərinin ifasında geniş konsert proqramı təqdim olunub. Azərbaycanı kamança ifaçısı Şəhriyar Musayev təmsil edib.Konfrans çərçivəsində Parlamentin sərgi zalında “Braziliyada türk irsi” mövzusunda fotosərgi açılıb. Sərgi noyabrın 3-dək davam edəcək.xeber100.com  

Rusiya Dövlət Akademik Böyük Teatrı təqdim edir

Dekabrın 23-24-də Rusiya Dövlət Akademik Böyük Teatrında P.Çaykovskinin “İolanta” operası nümayiş etdiriləcək. Tamaşada azərbaycanlı musiqiçilər də çıxış edəcəklər.Azərtac teatrın saytına istinadla xəbər verir ki, dekabrın 23-də “İolanta” operasının axşam nümayişində baş qəhrəmanı Azərbaycanın Əməkdar Artisti Dinara Əliyeva (soprano) ifa edəcək. Həmin gün səhnə əsərinin gündüz nümayişində və dekabrın 24-də Mavritaniya həkimi İbn Hakia obrazını Azərbaycanın Əməkdar Artisti Elçin Əzizov canlandıracaq.xeber100.com  

Milli Dram Teatrının təqdimatında

Akademik Milli Dram Teatrında mövsümün yeni tamaşası - “Cəhənnəm sakinləri” növbəti dəfə nümayiş edilib.Azərtac xəbər verir ki, Elçin Əfəndiyevin eyniadlı pyesi əsasında hazırlanan səhnə əsərinin quruluşçu rejissoru Azər Paşa Nemət, musiqi tərtibatçısı Kamil İsmayılovdur.Yeni teatr mövsümünün ilk premyerası olan tamaşa 1937-ci ildə milli fəlakət və faciə şəklində bütün ölkəni əhatə edən repressiya hadisələrindən bəhs edir.xeber100.com

Beynəlxalq müasir incəsənət sərgisi davam edir

Luvr muzeyinin Karusel salonunda 21-ci “Art Shopping” beynəlxalq müasir incəsənət sərgisi davam edir.Azərtac xəbər verir ki, Azərbaycanın Fransadakı səfiri Rəhman Mustafayev Karusel salonunda azərbaycanlı rəssamlarla görüşüb, onların pavilyonlarına baş çəkib, sərgilənən əsərlərə baxıb.Görüşdə diplomat Heydər Əliyev Fondunun Azərbaycan mədəniyyətinin Fransada təşviqi istiqamətində həyata keçirdiyi layihələri xatırladıb. Belə sərgilərin əhəmiyyətinə toxunub, bu cür tədbirlərin mədəniyyətimizin, rəssamlarımızın ölkəmizin sərhədlərindən kənarda tanınmasına böyük töhfə verdiyini qeyd edib. Söhbət zamanı gələcəkdə belə sərgilərə daha çox rəssamların cəlb edilməsinin vacibliyi vurğulanıb. Rəssamlar sərgilənən əsərləri barədə məlumat veriblər.xeber100.com

12-ci Bakı Beynəlxalq Caz Festivalı keçirilir

Bu günlər ölkəmizdə daha bir beynəlxalq tədbir - 12-ci Bakı Beynəlxalq Caz Festivalı keçirilir. Tədbir ölkəmizdə fəaliyyət göstərən bir sıra səfirliklərin, habelə mədəniyyət mərkəzlərinin, şirkətlərin tərəfdaşlığı ilə reallaşıb. Festival çərçivəsində Azərbaycan cazı günü, uşaq caz konsertləri, kino-caz günləri, caz sənətindən ustad dərsləri və seminarların təşkili nəzərdə tutulur.Azərtac xəbər verir ki, festival çərçivəsində oktyabrın 21-də Beynəlxalq Muğam Mərkəzində gənc ifaçılar arasında “I am Jazzman” adlı müsabiqənin qala konserti və qaliblərin mükafatlandırılma mərasimi keçirilib.Konsertdə gənc ifaçılar vokal imkanlarını nümayiş etdiriblər.Oktyabrın 28-dək davam edəcək festivalda Almaniya, ABŞ, İsveçrə, İsveç, Niderland, İsrail, Türkiyə, Norveç, Kolumbiya, Qvineya, Meksika, Polşa, habelə Azərbaycanın caz kollektivləri iştirak edirlər.xeber100.com

YUNESKO-nun ictimaiyyətə müraciəti əsasında…

Oktyabrın 27-də Dünya Audiovizual İrs Günüdür. YUNESKO-nun baş direktoru İrina Bokova bu əlamətdar gün münasibətilə ictimaiyyətə müraciət edib.Azərtac xəbər verir ki, müraciətdə audiovizual irsin qorumasının əhəmiyyətindən danışılır. Bildirilir ki, audiovizual irs görüntünün və səsin sayəsində keçmişlə tanış olub, gələcəyə baxmağa imkan yaradır. Bu irs xatirə və şahidliyi, bilik və ideyaları əyani və hərəkətli formada əhatə edərək müxtəlif nəsillər və cəmiyyətlər arasında, habelə onların öz daxilində qarşılıqlı əlaqənin və dialoqun möhkəmlənməsinə kömək edir. Audiovizual irs həm də cəmiyyətin ümumi tarixinin bir hissəsidir. Buna görə də onu özünəməxsusluğun, innovasiya və yaradıcılığın mənbəyi kimi qorumaq və gələcək nəslə ötürmək lazımdır. Filmlərin, səsli materialların, radio və televiziya proqramların saxlandığı arxivlər çoxsaylı təhlükələrə, o cümlədən səliqəsiz saxlanmaq, texnologiyanın köhnəlməsi və digər təsirlərə məruz qalır. Bu səbəbdən də YUNESKO audiovizual irsi ümumi gücün mənbəyi kimi qorumaq məqsədilə dünya ölkələrinin hökumətləri ilə əməkdaşlıq edir.Müraciətin tam mətnini YUNESKO-nun saytından oxumaq olar.Dünya Audiovizual İrs Günü 2005-ci ildə YUNESKO tərəfindən cəmiyyətdə səsli və audiovizual sənədlərin (filmlər, səs və videoyazıları, radio və televiziya proqramları) qorunmasının əhəmiyyəti barədə məlumatlılığı artırmaq məqsədilə təsis edilib.xeber100.com

Art-House Film Festivalı davam edir

“Azərbaycanfilm”in istehsalı olan  “Çölçü” filmi (rej.Şamil Əliyev) Bloup Film Fest Çikaqo Beynəlxalq Art-House Film Festivalının (CHICAGO  INTERNATIONAL  ART-HOUSE  FILM FESTIVAL  BLOWUP  FILM  FEST )  müsabiqəsini uğurla adlayaraq finala çıxıb. Qeyd edək ki, “Çölçü” bu mərhələdə iki mükafat uğrunda namizəd kimi mübarizəyə qatılıb. Ən yaxşı bədii film – Antonioni mükafatı Ən yaxşı rejisor – Tarkovski mükafatı Xatırladaq ki, mükafatlandırma mərasimi 2017-ci il noyabrın 12-də keçiriləcək.      

Mədəniyyət və Turizm Nazirliyinin təşkilatçılığı ilə…

Mədəniyyət və Turizm Nazirliyinin təşkilatçılığı ilə oktyabrın 24-dən 28-dək Muzey Mərkəzinin sərgi qalereyasında rəssam Həsən Haqverdiyevin anadan olmasının 100 illiyinə həsr olunmuş “Davam" adlı sərgi açılacaq.Nazirlikdən Azərtac-a bildirilib ki, sərgidə H.Haqverdiyevin Azərbaycan Milli İncəsənət Muzeyi, Azərbaycan Dövlət Rəsm Qalereyasının fondlarından, ailə və digər şəxsi kolleksiyalardan seçilmiş əsərləri ilə yanaşı, böyük sənətkarın yaradıcılıq yolunu davam etdirən, Haqverdiyevlər ailəsindən olan Əli, Hüseyn, Saida, Ucal, Yelena, Butunay, Sabina və Fərhadın yaradıcılığına aid əsərlər də nümayiş olunacaq.xeber100.com