Etüd rəsm müsabiqəsinə işlərin qəbulu davam edir

Bakı Xətai Sənət Mərkəzinin “Vətənin tərənnümü” mövzusunda elan etdiyi etüd rəsm müsabiqəsinə işlərin qəbulu davam edir.Mərkəzdən Azərtac-a bildirilib ki, Mədəniyyət və Turizm Nazirliyi, Azərbaycan Dövlət Rəsm Qalereyasının birgə təşkilatçılığı ilə keçirilən müsabiqədə 15 yaşından yuxarı hər kəs iştirak edə bilər.İştirak etmək istəyənlər əsərlərini sentyabrın 20-dək Xətai Sənət Mərkəzinə təqdim etməlidir. İştirakçılar arasında vətənpərvərlik ruhunun inkişaf etdirilməsi məqsədi daşıyan müsabiqənin mövzusu sərbəstdir. Müsabiqəyə ən çox üç əsər təqdim etmək mümkündür.Qaliblər diplomlarla təltif olunacaq.xeber100.com

Rusiya Böyük Teatrında “Karmen” operası nümayiş etdiriləcək

Noyabrın 28-29-da Rusiya Dövlət Akademik Böyük Teatrında Jorj Bizenin “Karmen” operası nümayiş etdiriləcək.Teatrın saytı xəbər verir ki, noyabrın 29-da səhnə əsərində Mikaelanın partiyasını Azərbaycanın Əməkdar Artisti Dinara Əliyeva (soprano), Eskamilyonun partiyasını Əməkdar Artist Elçin Əzizov (bariton) ifa edəcək.Qeyd edək ki, bu il Moskvada Dinara Əliyevanın "Opera Art" İkinci Beynəlxalq Musiqi Festivalı keçirilib.E.Əzizov 2008-ci ildən Böyük Teatrın solistidir.xeber100.com

Dekorativ-Tətbiqi Sənət Festivalı keçiriləcək

Bakıda, “Art Tover” qalereyasında ənənəvi Dekorativ-Tətbiqi Sənət Festivalı keçiriləcək. Festival Mədəniyyət və Turizm Nazirliyinin təşkilatçılığı ilə baş tutacaq. Bu barədə Azərtac-a “Arts Council Azerbaijan” təşkilatının rəhbəri Dadaş Məmmədov məlumat verib.O deyib ki, oktyabrın birinci ongünlüyündə keçirilməsi planlaşdırılan festivalda batika, qobelen, keramika, şəbəkə, zərgərlik, xalça növlərinə aid foto və rəsm əsərləri nümayiş olunacaq. Müxtəlif rəsm qalereyalarında keçiriləcək festivalın məqsədi dekorativ-tətbiqi sənət növlərini təbliğ etmək, gənc nəsil arasında maraq yaradaraq bu milli sənət növlərinin inkişafına kömək etmək, yeni potensiala malik yaradıcı insanları kəşf etməkdən ibarətdir. Festival adət-ənənələri qorumaq, təbliğ etmək, gənclərin əl işlərini nümayiş etdirmək baxımından böyük əhəmiyyət daşıyır.xeber100.com

Estrada janrında mahnı müsabiqəsi elan olunub

“Mədəniyyət” kanalı və Azərbaycan Radiosunun təşkilatçılığı ilə bəstəkarlar arasında estrada janrında mahnı müsabiqəsi elan olunub.Azərtac xəbər verir ki, “Mədəniyyət” kanalının direktoru R.Qasımovun sözlərinə görə, müsabiqənin əsas məqsədi müasir estrada mahnılarının yaranmasına xidmət etmək, eyni zamanda, bəstəkarlar tərəfindən yazılan mahnıları üzə çıxarmaq, istedadlı gənclərə dəstək olmaqdır. Müsabiqə, həmçinin ölkəmizin müasir iqtisadi-mədəni inkişafının mədəni müstəvidə işıqlandırılmasını təmin edəcək, habelə yüksək səviyyəli mədəniyyət nümunələri geniş tamaşaçı kütlələri arasında təbliğ olunacaq.xeber100.com

MDB ölkələri arasında əməkdaşlıq məsələsi müzakirə edilib

Qırğızıstanda Müstəqil Dövlətlər Birliyinə üzv ölkələrin mədəniyyət sahəsində əməkdaşlığının genişləndirilməsi məsələsi müzakirə olunur.Azərtac xəbər verir ki, MDB-yə üzv dövlətlərin Mədəni Əməkdaşlıq Şurasının iki günlük toplantısının gündəliyinə 16 məsələ salınıb. İştirakçılar 2016-2020-ci illər üzrə mədəniyyət sahəsində əməkdaşlığa dair əsas tədbirlərin icrasını da müzakirə edəcəklər. 2018-ci ilin MDB-də mədəniyyət ilinin elan edilməsi ilə bağlı hazırlanan tədbirlər planı təsdiqlənəcək ki, bu barədə qərarı üzv ölkələrin Dövlət Başçıları Şurası verib. Plana əsasən xalqların milli-mənəvi dəyərləri, tarixi ənənələri, incəsənəti, folkloru, dili ilə bağlı 87 tədbir keçiriləcək.xeber100.com

“Retro Bakı” layihəsi davam edir

Bakı Şəhər Mədəniyyət və Turizm Baş İdarəsinin layihəsi əsasında mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə keçirilən “Retro Bakı” layihəsinin növbəti konsertləri avqustun 4-ü və 5-də saat 19:00-da Fəvvarələr Meydanında olacaq.İdarədən Azərtac-a bildirilib ki, bu həftənin konsert proqramında tanınmış müğənnilər – Əməkdar Artist Lalə Məmmədova və Niyam Salami maraqlı repertuarla paytaxt sakinləri və qonaqlarının görüşünə gələcək.xeber100.com

Milli Dram Teatrı beynəlxalq festivala hazırlaşır

Avqustun 2-dən 8-dək Bolqarıstanın Varna şəhərində keçiriləcək Beynəlxalq Monotamaşalar Festivalında ölkəmizi Azərbaycan Dövlət Akademik Milli Dram Teatrı təmsil edəcək.Bu barədə Azərtac-a teatrın mətbuat xidmətinin rəhbəri Cavid Zeynallı məlumat verib. Onun sözlərinə görə, festivalda rejissor Anar Sadıqovun Əməkdar Artist Ayşad Məmmədovun “İuda” monopyesi əsasında hazırladığı tamaşa nümayiş olunacaq. Qeyd edək ki, festivalda Rusiya, Ukrayna, İsveçrə, Gürcüstan, Kanada və digər ölkələr təmsil olunacaq.xeber100.com

2 avqust Azərbaycan Kinosu Günüdür

Bu gün Azərbaycan Kinosu Günüdür.Fransada keçirilmiş ilk kinoseansdan iki il sonra – 1898-ci il avqustun 2-də Bakı elmi-foto dərnəyinin katibi, naşir və fotoqraf Aleksandr Mişon özünün lentə aldığı “Bibiheybətdə neft fontanı yanğını”, “Əlahəzrət Buxara əmirinin yolasalma mərasimi”, “Qafqaz rəqsi” xronikal sənədli və “İlişdin” adlı bədii süjetlərini nümayiş etdirmişdi. Həmin gün milli kinonun yaranma günü sayılır.Ümummilli lider Heydər Əliyevin 2000-ci il 18 dekabr tarixli Sərəncamı ilə avqustun 2-si kino işçilərinin peşə bayramı - Azərbaycan Kinosu Günü kimi qeyd olunur.Bu il 119-cu ildönümünü qeyd etdiyimiz Azərbaycan kino sənəti ötən müddətdə əlamətdar hadisələrlə zəngin özünəməxsus inkişaf yolu keçərək, xalqımızın mədəni-mənəvi həyatında mühüm rol oynayıb.xeber100.com

Rəssamlar İttifaqında “Yay” adlı rəsm sərgisi açılacaq

Avqustun 7-də Rəssamlar İttifaqının V.Səmədova adına sərgi salonunda “Yay” adlı rəsm sərgisi açılacaq. Sərgi Yaradıcı Qadınlar Assosiasiyası və Azərbaycan Rəssamlar İttifaqının birgə dəstəyi ilə təşkil ediləcək.Bu barədə Azərtac-a Yaradıcı Qadınlar Assosiasiyasının rəhbəri Afaq Hüseynova məlumat verib. O deyib ki, sərginin ekspozisiyasında Yaradıcı Qadınlar Assosiasiyasının üzvü olan 60-dək fırça ustasının 150-dən çox sənət əsəri nümayiş olunacaq. Eyni zamanda, sərgidə rəngkarlıq, yağlı boya, akvarel, və dekorativ tətbiqi sənətə aid olan müxtəlif mövzulu portretlər və heykəltəraşlıq sənətinə aid əsərlər təqdim ediləcək. Sərgidəki rəsmlərdə qadın gözəlliyi və xoşbəxtliyi, gözəllik duyğusu, işıqlı rənglərin çoxluğu, həyatsevərlik və xeyirxahlığın ifadə olunduğu mövzulara yer verilir.Sərgi bir həftə davam edəcək.xeber100.com

Beynəlxalq Ankara İncəsənət Festivalına start verilib

Türkiyənin paytaxtında şəhər bələdiyyəsinin təşkilatçılığı ilə yeddinci Beynəlxalq Ankara İncəsənət Festivalına start verilib.Anadolu agentliyinin məlumatına görə, festival tanınmış türkiyəli müğənnilər Əmrə Aydın və Şüa Qaracanın birgə verdikləri konsert proqramı ilə başlayıb. Festival çərçivəsində müxtəlif sərgilərin, mini konsertlərin, poeziya axşamlarının, rəqslərin və s. təşkil olunacağı planlaşdırılır. Festivalda Ankarada yaşayan həmvətənlərimiz də iştirak edirlər.Doqquz gün davam edəcək festival Atatürk Mədəniyyət Evində keçirilir.xeber100.com