Mədəniyyət və Turizm Baş İdarəsinin layihəsi əsasında

Bakı Şəhər Mədəniyyət və Turizm Baş İdarəsinin layihəsi əsasında mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə keçirilən “Retro Bakı” layihəsinin növbəti konsertləri avqustun 18-də və 19-da saat 19:00-da Fəvvarələr Meydanında baş tutacaq.İdarədən Azərtac-a bildirilib ki, bu həftə “Retro Bakı”nın qonaqları tanınmış müğənni Samirə Allahverdiyeva və “Tin uşaqları” qrupu olacaq.Bakı sakinlərini və qonaqlarını maraqlı konsert və rəngarəng rəqslər gözləyir.xeber100.com

Helsinki festivalına start verilib

Avqustun 17-də Finlandiyada ən böyük incəsənət festivalı olan Helsinki festivalına start verilib. Hər il keçirilən bu tədbir müddətində şəhərdə çoxsaylı yaradıcılıq tədbirləri - ənənəvi teatr tamaşaları, rəsm sərgiləri və konsertlər, təbiət qoynunda məclislər, multijanr tamaşaları, bir sıra başqa müxtəlif görüşlər nəzərdə tutulur.Azərtac xəbər verir ki, keçən il Helsinki festivalına 200 mindən çox tamaşaçı gəlib.Builki festivalda ən maraqlı və parlaq tədbirlər – bədii manifest ənənəsinə hörmətlə yanaşan Culian Rozefeldin sensasiyalı kino instalyasiyası, İrlandiyanın “Dead Centre” teatr truppasının ifasında “Çexovun ilk pyesi” əsərinin tamaşası, Suomenlinna adasında “Viapori Jazz” caz festivalı, şəhərdə təşkil ediləcək “Əsrarəngiz bağ” adlı art-piknik və İncəsənət gecəsi olacaq.xeber100.com

Bakı Caz Festivalı çərçivəsində…

Almaniyanın “Cyminology” qrupu Bakı Caz Festivalı çərçivəsində oktyabrın 22-də Rotunda klubunda konsert proqramı ilə çıxış edəcək.Azərtac xəbər verir ki, Rotunda klubunda, həmçinin alman caz qrupunun iştirakı ilə seminar təşkil olunacaq. Həmin gün festival iştirakçıları və qonaqlar rejissor Don Çidlin “Truba çalanı öldürməli” filminə baxa bilərlər. Filmdə görkəmli truba çalan Mayls Dyui Deyvisin taleyindən bəhs edilir. Amerikalı caz truba çalanı XX əsr musiqisinin inkişafına böyük təsir göstərib. Cazda bir çox üslub və istiqamətlər, o cümlədən modal caz, kul-caz və fyujn Deyvisin adı ilə bağlıdır.Oktyabrın 22-də Beynəlxalq Muğam Mərkəzində isə keçənilki Beynəlxalq Caz Müsabiqəsinin qaliblərinin konserti olacaq.xeber100.com

“YARAT” Müasir İncəsənət Mərkəzində musiqi axşamı təşkil ediləcək

Avqustun 24-də “YARAT” Müasir İncəsənət Mərkəzində 70-80-ci illərin populyar musiqilərindən ibarət musiqi axşamı təşkil ediləcək.Azərtac xəbər verir ki, musiqili gecədə respublikanın tanınmış ifaçıları parlaq çıxışları ilə bir araya gələcək. Həmçinin gecədə ifaçıları pianoçu, bəstəkar Elçin Məmmədov, baraban ifaçısı Əməkdar Artist Tofiq Cabbarov və Azərbaycan Dövlət Simfonik Orkestrin solisti, kontrabasçı Eldar İsababayev müşayiət edəcəklər.Gecədə iştirak etmək istəyən hər kəs müraciət edə bilər.xeber100.com

Rus Dram Teatrı 97-ci mövsümü “Mərasim” tamaşası ilə açacaq

Sentyabrın 16-da Rus Dram Teatrı 97-ci mövsümü Ejen İoneskonun pyesi əsasında hazırlanmış “Mərasim” absurd tamaşasının premyerası ilə açacaq.Azərtac xəbər verir ki, səhnə əsərinin quruluşçu rejissoru Ərşad Ələkbərovdur. Tamaşada Xalq Artisti Fəxrəddin Manafov, Əməkdar Artist Mehriban Zəki, Oleq Əmirbəyov, Mariya Dubovitskaya və başqaları iştirak edəcəklər.xeber100.com

“YARAT” Müasir İncəsənət Mərkəzi təqdim edir

Avqustun 25-də “YARAT” Müasir İncəsənət Mərkəzi “Freestyle Classics” layihəsi çərçivəsində klassik melodiyalara həsr olunmuş silsilə tədbirlərə start verəcək.Azərtac xəbər verir ki, iştirakçılar hər həftənin cümə günü təqdim olunacaq bir-birindən maraqlı canlı preferansları respublikanın tanınmış gənc musiqiçilərinin ifasında dinləyə biləcəklər.Musiqili proqramda rəqslərlə yanaşı, caz kompozisiyaları, milli musiqi nümunələrimizdən parçalar təqdim ediləcək.Klassik musiqi axşamlarında hər kəs iştirak edə bilər.xeber100.com

Anadolu Agentliyinin məlumatına görə…

Avqustun 18-də Türkiyənin Bolu şəhərində V Beynəlxalq Koroğlu Festivalı keçiriləcək.Anadolu Agentliyi xəbər verir ki, bu münasibətlə 150-dək insan Koroğlu dağını ziyarət edib. Ziyarətçilər 1,5 kilometr yol qət edərək Koroğlu dağına türkdilli dövlətlərin bayraqlarını sancıblar. Bayraqlar arasında Azərbaycan bayrağı da yer alıb.Hər il ənənəvi olaraq keçirilən festival bu il iki gün davam edəcək. Festivalda Azərbaycan da təmsil olunacaq.xeber100.com

Mədəni əlaqələrin inkişafı üçün yeni layihəyə start verilir

Azərbaycan və Ukrayna arasında mədəni əlaqələrin inkişafı üçün yeni layihəyə start verilir.Azərbaycanın Ukraynadakı səfirliyindən Azərtac-a bildiriblər ki, Ukraynanın Mədəniyyət Nazirliyi ilə səfirlik birgə “Mənim mahnım” adlı layihənin gerçəkləşməsi üçün razılıq əldə edib. Layihə çərçivəsində hər iki ölkənin tanınmış müğənnilərinin, solistlərinin, opera ifaçılarının iştirakı ilə konsertlər təşkil olunacaq.İlk belə konsert oktyabrın sonunda Kiyevdə dünya şöhrətli opera və estrada müğənnisi, bəstəkar, SSRİ Xalq Artisti Müslüm Maqomayevin 75 illik yubileyi münasibətilə keçiriləcək.Ukrayna tərəfindən ölkənin Xalq Artisti Vladimir Qrişkonun rəhbərlik etdiyi opera və estrada müğənniləri, Azərbaycandan tanınmış opera və estrada müğənniləri Azər Zeynalov, Afaq Abbasova və Samir Cəfərov iştirak edəcəklər.xeber100.com

“YARAT” Müasir İncəsənət Mərkəzi təqdim edir

Avqustun 15-də “YARAT” Müasir İncəsənət Mərkəzində rejissor Çingiz Rəsulzadənin “Kuklalar” filmi nümayiş etdiriləcək.Azərtac xəbər verir ki, ssenari müəllifləri Çingiz Rəsulzadə və Ramiz Fətəliyev olan ekran əsərində hadisələr keçən əsrin 80-ci illərinin sonu - 90-cı illərin əvvəllərində Bakıda cərəyan edir. SSRİ-nin son günlərində altı gənc dost Dənizkənarı Parkda kukla geyimlərində şəkil çəkdirməklə pul qazanır. Onların həyatında hər şey ilk dəfə baş verir: məhəbbət, dostluq, xəyanət. Özləri dərk etdikləri kimi azad yaşamağa can atan bu gənclərin uşaqlıq dövrü sovet imperiyasının dağılması ilə bitir. Həmin gənclərin bir qismi müharibədə savaşmağa, digər qismi isə öz əvvəlki peşələri ilə məşğul olmağa üstünlük verir.Film Azərbaycan dilində ingilis subtitrləri ilə təqdim ediləcək.xeber100.com

Opera və Balet Teatrında konsert proqramı təqdim ediləcək

Noyabrın 18-də Opera və Balet Teatrında “Yeralaş” adlı əyləncəli konsert proqramı təqdim ediləcək.Azərtac xəbər verir ki, konsertdə tamaşaçıları “Yeralaş”ın yaradıcısı Boris Qraçevski ilə interaktiv görüş gözləyir. Parlaq şou, şən zarafatlar, xoş sürprizlər, tamaşaçılarla oyunlar, “Yeralaş” kinojurnalının çəkilişləri zamanı baş vermiş hadisələrin xatırlanması, kinojurnalın yeni bölümlərinin nümayişi, həmçinin foyedə cizgi filmlərinin qəhrəmanları ilə pulsuz fotoçəkiliş həm uşaqlar, həm də valideynlər üçün maraqlı olacaq.Biletləri şəhərin bütün kassalarından, həmçinin iTicket.az saytından əldə etmək olar.xeber100.com