Milli Teatr mövsümə “Qarabağnamə” tamaşası ilə yekun vurub

Akademik Milli Dram Teatrı mövsümə görkəmli yazıçı-dramaturq İlyas Əfəndiyevin “Hökmdar və qızı” pyesi əsasında hazırlanmış “Qarabağnamə” tamaşası ilə yekun vurub.Teatrın mətbuat xidmətindən Azərtac-a bildirilib ki, səhnə əsərinin quruluşçu rejissoru Mərahim Fərzəlibəyov, quruluşçu rəssamı İsmayıl Məmmədovdur. Aktyorlar əsəri tamaşaçıya inandırıcı ştrixlərlə, olduqca maraqlı tərzdə çatdırıblar. Zəngin səhnə dekorasiyası və aktyorların məharətli çıxışı tamaşanı daha da baxımlı edib.“Qarabağnamə” teatrın repertuarında xüsusi yer tutan, aktual mövzulu tamaşalardandır. Torpaqlarımızın 20 faizinin işğal altında olduğu, Dağlıq Qarabağ münaqişəsinin xalqımızın ən böyük dərdi olduğu indiki məqamda bu tamaşa xüsusilə aktual səslənir.Tamaşa XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və hökmdar İbrahim xanın ictimai-siyasi, ailə-məişət həyatından bəhs edir.xeber100.com

Beynəlxalq Musiqi Festivalının proqramı açıqlanıb

İyulun 29-dan avqustun 3-dək keçiriləcək IX Qəbələ Beynəlxalq Musiqi Festivalının proqramı açıqlanıb.Azərtac festivalın saytına istinadla xəbər verir ki, Heydər Əliyev Fondunun təşkilatçılığı, Mədəniyyət və Turizm Nazirliyinin dəstəyi ilə keçiriləcək festivalın konsertləri bu il Qəbələ ilə yanaşı, Şəki və İsmayıllı şəhərlərində də təşkil olunacaq.xeber100.com

Mədəniyyəti Günləri çərçivəsində…

İranda keçirilən Azərbaycan Mədəniyyəti Günləri çərçivəsində Tehranın “Hünər” Sarayında Üzeyir Hacıbəylinin “Ər və arvad” komediyası əsasında hazırlanmış tamaşa nümayiş olunub.Azərbaycan Dövlət Musiqili Teatrının kollektivi tərəfindən təqdim edilən tamaşanın quruluşçu rejissoru Yusif Əkbərovdur.xeber100.com    

Rəssamlar İttifaqında “Turan” adlı rəsm sərgisi açılıb

İyulun 7-də Azərbaycan Rəssamlar İttifaqının V.Səmədova adına sərgi salonunda “Turan” adlı rəsm sərgisi açılıb.Azərtac xəbər verir ki, sərgidə Azərbaycan, Türkiyə və Qazaxıstandan olan 9 fırça ustasının əsərləri ziyarətçilərin ixtiyarına verilib.Sərginin açılışından öncə Azərbaycan Rəssamlar İttifaqının katibi A.İbrahimov bildirib ki, sərgidə rəngkarlıq, qrafika, keramika miniatür janrlarında olan əsərlər nümayiş edilir.Vurğulanıb ki, 50-dək sənət əsərinin təqdim edildiyi ekspozisiyada türk xalqlarının etnoqrafiyası və folkloruna həsr edilmiş əsrlər sərgilənir.Xatırladaq ki, sərgi birr həftə davam edəcək.xeber100.com

“Yuğ” Teatrının təqdimatında…

“Yuğ” Teatrının yaradıcı kollektivi “Kitabi-Dədə Qorqud” dastanının motivləri əsasında səhnələşdirilən “Boy” tamaşasını teatrsevərlərə təqdim edib.Teatrın mətbuat xidmətindən Azərtac-a bildirilib ki, sənət ocağı ideya müəllifi və quruluşu rejissoru Tərlan Engin olan səhnə əsəri ilə mövsümə yekun vurub.Səhnə əsərində insan və onun ideyaları, arzuları, gələcəyə baxışları öz əksini tapıb.xeber100.com

“Retro Bakı” layihəsinə start veriləcək

Bakı Şəhər Mədəniyyət və Turizm Baş İdarəsinin təşkilatçılığı ilə şəhər sakinləri və şəhərin qonaqlarına həftəsonu istirahətlərinin maraqlı keçməsi məqsədilə “Retro Bakı” layihəsinə yenidən start veriləcək.İdarədən Azərtac-a bildirilib ki, bu il layihənin ilk açılış konserti iyulun 9-da Fəvvarələr Meydanında baş tutacaq.Qeyd edək ki, “Retro Bakı” konsertləri hər həftəsonu axşam saatlarında tanınmış müğənnilər və incəsənət xadimlərinin zəngin konsert proqramları ilə görüşə gələcək.xeber100.com

Musiqili Teatr 107-ci mövsümə yekun vuracaq

Musiqili Teatr iyulun 15-də 107-ci mövsümə yekun vuracaq.Qurumun mətbuat xidmətindən bildirilib ki, mövsümün başa çatması ilə əlaqədar Musiqili Teatrda mükafatlandırma mərasimi olub. Ənənə halını alan tədbirdə teatrın bu mövsümündə yaradıcılıq fəaliyyəti və əməyi ilə seçilən əməkdaşları mükafatlandırılıb.Tədbirdə teatrın direktoru, Əməkdar İncəsənət Xadimi Əliqismət Lalayev mövsüm ərzində görülən işlərdən, qazanılan uğurlardan, qarşıya qoyulan vəzifələrdən, hədəflərdən bəhs edib.Sonra mükafatlandırma mərasimi keçirilib.xeber100.com

Sankt-Peterburq Dövlət Akademik Mariya Teatrı təqdim edir

Avqustun 12-də Sankt-Peterburq Dövlət Akademik Mariya Teatrının Primorsk səhnəsində Adolf Adanın “Jizel” baleti nümayiş etdiriləcək.Azərtac teatrın saytına istinadla xəbər verir ki, səhnə əsərinin quruluşçu baletmeysteri Eldar Əliyevdir. Jizelin partiyasını çinli Yuy Çuanya ifa edəcək.Xatırladaq ki, “Jizel” baletinin dünya premyerası 1841-ci ildə Parisdə olub. Əsər Primorsk səhnəsində ilk dəfə 2015-ci ildə nümayiş olunub.xeber100.com

Milli Teatr mövsümə “Qarabağnamə” tamaşası ilə yekun vuracaq

Yola saldığımız mövsüm Azərbaycan Dövlət Akademik Milli Dram Teatrının yaradıcı heyəti üçün əlamətdar hadisələrlə yadda qalıb. Belə ki, mövsüm ərzində xaricdə və bölgələrdə qastrol səfərlərində olan teatrın kollektivi bir neçə tamaşanın premyerasında iştirak edib. Eyni zamanda, teatrda ölkəmizin mədəni həyatında müstəsna xidmətləri olan bir neçə korifey sənətkarlarımızın yubileyi Mədəniyyət və Turizm Nazirliyinin dəstəyi ilə təntənəli şəkildə qeyd olunub.Sənət ocağının mövsüm ərzində gördüyü və planlaşdırdığı bu və ya digər işlərlə bağlı teatrın mətbuat xidmətinin rəhbəri Cavid Zeynallı Azərtac-a məlumat verib.Qeyd edək ki, Akademik Milli Dram Teatrı teatr mövsümünə iyulun 9-da “Qarabağnamə” tamaşası ilə yekun vuracaq.xeber100.com

“Muğam axşamları” layihəsi çərçivəsində…

Beynəlxalq Muğam Mərkəzi muğamsevərləri yenə bir araya toplayıb. Bu dəfə “Muğam axşamları” layihəsi çərçivəsində “Şüştər” və “Humayun” muğamları səslənib.Muğam Mərkəzindən Azərtac-a bildirilib ki, mayın 16-da start verilən “Muğam axşamları” layihəsinə “Şüştər” və “Humayun” muğamları ilə yekun vurulub.Xatırladaq ki, muğamsevərlər tərəfindən gur alqışlarla başa çatan konsert “Muğam axşamları” layihəsinin son tədbiri idi. .xeber100.com