II “Qafqaz irsi” festivalı keçiriləcək

Mayın 21-də Nyu-York şəhərində, Bruklinin “Master” Teatrında II “Qafqaz irsi” festivalı keçiriləcək.Azərtac xəbər verir ki, festival Bruklin meri Erik Adams və Bakı-Bruklin Dostluq Assosiasiyası tərəfindən təşkil olunacaq.Tədbirdə Xəyyam Nisanov, Ceyhun İsmayılov, “Pesvebi” gürcü mədəniyyət mərkəzinin kollektivi və digər musiqiçilər çıxış edəcəklər.xeber100.com

Azərbaycan radiosunun təşkilatçılığı ilə müsabiqə elan edilib

“Mədəniyyət” kanalının və Azərbaycan radiosunun təşkilatçılığı ilə bəstəkarlar arasında romans janrında yazılan əsərlərin müsabiqəsi elan edilir.Azərtac xəbər verir ki, müsabiqənin keçirilməsində məqsəd Azərbaycan gəncliyinin istedadı və bacarığını böyük kütləyə nümayiş etdirməkdir. Həm də müsabiqənin keçirilməsi romans janrının bugünkü nəslə təbliğinə kömək edəcək.xeber100.com    

Milli Dram Teatrının təqdimatında…

Ölkəmizdə keçirilən IV İslam Həmrəyliyi Oyunları ilə bağlı Milli Dram Teatrının səhnəsində nümayiş olunan tamaşalar müvafiq olaraq rus və ingilis dillərində subtitrlərlə nümayiş olunmağa başlayıb.Bu barədə teatrın mətbuat xidməti məlumat verib. Qeyd olunub ki, təqdim edilən səhnə əsərlərinin tərcümə edilməsinə və müvafiq xarici dillərdə nümayişinə xüsusi şərait yaradılıb.“Artıq may ayının əvvəlindən başlayaraq teatrımızda subtitrlərlə tamaşaların nümayiş olunmağına başlanılıb. Subtitrlər səhnənin hər iki tərəfində tamaşaçıların bütün istiqamətlərdən görə biləcəyi şriftlərlə əks olunur. Bu da imkan verir ki, əcnəbi tamaşaçılar, şəhərimizin qonaqları tamaşadakı obrazların dialoqlarını rahat oxuya bilsinlər.xeber100.com

“Reinkarnasiya – tarixi eksponatlar” adlı sərginin açılışı olacaq

Mayın 15-də Tarixi Muzeyində  “Reinkarnasiya – tarixi eksponatlar” adlı sərginin açılışı olacaq.MATM-dan Azərtac-a bildiriblər ki, burada hazırlanmış “Reinkarnasiya – tarixi eksponatlar” adlı sərgi ilk mərhələsi muzeydə həyata keçirilən “Reinkarnasiya” layihəsinin davamıdır.Layihənin mahiyyəti Azərbaycanın müasir rəssamlarının mədəniyyətimizi və tariximizi necə görmələrini nümayiş etdirməkdir. Belə ki, muzeyin qızıl fonduna daxil olan və stasionar ekspozisiyada nümayiş edilən tarixi eksponatlara gənc rəssam və heykəltəraşlar avanqard üslublu əsərlər vasitəsilə yenidən həyat veriblər. Məhz buna görə sərgi “Reinkarnasiya (ruhun yenidən qayıdışı) – tarixi eksponatlar” adlanır.xeber100.com

“Eurovision-2017” beynəlxalq mahnı müsabiqəsinin ilk yarımfinalı keçirilib

Bu gün Ukraynanın paytaxtı Kiyevdə “Eurovision-2017” beynəlxalq mahnı müsabiqəsinin ilk yarımfinalı keçirilib.Azərtac xəbər verir ki, birinci yarımfinalda Azərbaycan, İsveç, Gürcüstan, Avstraliya, Albaniya, Belçika, Yunanıstan, Polşa və digər ölkələri təmsil edən iştirakçılar səhnəyə çıxacaqlar.Mahnı yarışmasının ikinci yarımfinalı mayın 11-nə planlaşdırılır. Final isə mayın 13-də olacaq. Müsabiqədə ümumilikdə 42 ölkədən musiqiçilər iştirak edirlər.Xatırladaq ki, müsabiqənin rəsmi açılış mərasimi mayın 7-də olub.Budəfəki mahnı müsabiqəsi siyasi qalmaqalla yadda qalıb. Ukrayna tərəfi Krımdakı çıxışına görə Rusiya müğənnisi Yuliya Samoylovanı ölkəyə buraxmayıb. Bu səbəbdən Rusiyanın 1-ci telekanalı “Eurovision-2017” mahnı müsabiqəsini yayımlamaqdan imtina edib.xeber100.com

“Bir millət, iki dövlət!” şüarı ilə rəsm müsabiqəsi keçirilib

Azərbaycanın İstanbuldakı baş konsulluğu tərəfindən “Bir millət, iki dövlət!” şüarı altında sərbəst mövzuda təşkil olunan rəsm müsabiqəsi başa çatıb. Müsabiqəyə 70-dən artıq əsər təqdim olunub.Müsabiqədə Türkiyə və Azərbaycan vətəndaşları ilə yanaşı, ABŞ, Özbəkistan, Qazaxıstan və Ukraynadan peşəkar və həvəskar rəssamlar iştirak ediblər.Baş konsulluğun konfrans salonunda sərgilənən əsərlər münsiflər heyəti tərəfindən qiymətləndirilib. Qaliblər baş konsulluq tərəfindən mükafatlandırılacaqlar.xeber100.com

Beynəlxalq mahnı müsabiqəsinin ilk yarımfinalı keçiriləcək

Bu gün Ukraynanın paytaxtı Kiyevdə “Eurovision-2017” beynəlxalq mahnı müsabiqəsinin ilk yarımfinalı keçiriləcək.Azərtac xəbər verir ki, birinci yarımfinalda Azərbaycan, İsveç, Gürcüstan, Avstraliya, Albaniya, Belçika, Yunanıstan, Polşa və digər ölkələri təmsil edən iştirakçılar səhnəyə çıxacaqlar.Mahnı yarışmasının ikinci yarımfinalı mayın 11-nə planlaşdırılır. Final isə mayın 13-də olacaq. Müsabiqədə ümumilikdə 42 ölkədən musiqiçilər iştirak edirlər.Xatırladaq ki, müsabiqənin rəsmi açılış mərasimi mayın 7-də olub.Budəfəki mahnı müsabiqəsi siyasi qalmaqalla yadda qalıb. Ukrayna tərəfi Krımdakı çıxışına görə Rusiya müğənnisi Yuliya Samoylovanı ölkəyə buraxmayıb. Bu səbəbdən Rusiyanın 1-ci telekanalı “Eurovision-2017” mahnı müsabiqəsini yayımlamaqdan imtina edib.xeber100.com

“Sülh oyunları” adlı tədbir-sərgi keçiriləcək

Mayın 11-də İstiqlal Muzeyinin ekspozisiyasında IV İslam Həmrəyliyi Oyunlarına həsr olunmuş “Sülh oyunları” adlı tədbir-sərgi keçiriləcək.Muzeydən Azərtac-a bildirilib ki, tədbirdə Azərbaycan İstiqlal Muzeyinin direktoru Fəridə Şəmsi, Rəssamlar İttifaqının katibi, Xalq Rəssamı Ağaəli İbrahimov, Olimpiya çempionu Fərid Mansurov və digər qonaqlar çıxış edəcəklər.Sərgidə gənc rəssamların idman oyunları ilə bağlı rəsmləri nümayiş olunacaq.xeber100.com

IV Bakı Beynəlxalq Turizm Filmləri Festivalı təşkil ediləcək

Oktyabrın 11-dən 14-dək Bakıda IV Bakı Beynəlxalq Turizm Filmləri Festivalı (BBTFF) təşkil ediləcək.Mədəniyyət və Turizm Nazirliyinin təşkilatçılığı ilə keçirilən festivalın məqsədi turizmin müxtəlif sahələrinə həsr olunan, daxili və beynəlxalq turizmin inkişafına təkan verə biləcək filmləri təbliğ etmək, ən yaxşı filmlərin müəlliflərini həvəsləndirməkdir. Nazirlikdən Azərtac-a bildirilib ki, festivala film qəbulu sentyabrın 1-dək davam edəcək. Festivalın təşkilat komitəsi göndərilən filmlər arasından seçim apararaq müsabiqə proqramını müəyyənləşdirəcək.xeber100.com

Mədəniyyətlərarası Dialoq Forumuna yekun vurulub

Bakıda "Mədəniyyətlərarası dialoqun inkişafı: İnsan təhlükəsizliyi, sülh və davamlı inkişaf üçün yeni imkanlar" mövzusunda təşkil olunan IV Ümumdünya Mədəniyyətlərarası Dialoq Forumuna mayın 6–da yekun vurulub.Azərtac xəbər verir ki, Forum UNESCO, BMT-nin Sivilizasiyalar Alyansı, Dünya Turizm Təşkilatı, Ərzaq və Kənd Təsərrüfatı Təşkilatı, Avropa Şurası, ISESCO-nun tərəfdaşlığı ilə reallaşıb.xeber100.com