Xalq Teatrları Festivalının seçim mərhələləri başlayıb

II Respublika Xalq Teatrları Festivalının seçim mərhələləri başlayıb.Nazirlikdən Azərtac-a bildirilib ki, festivalın keçirilməsində məqsəd xalq teatrlarının dəstəklənməsi, onların respublikamızın mədəniyyət və turizm potensialının nümayişində, əhalinin asudə vaxtının təşkilində rolunun artırılmasından ibarətdir. Seçim mərhələsində iştirak edən xalq teatrlarına baxılması, onların sırasından müvafiq olanları final mərhələsi üçün Bakı şəhərinə dəvət edilməsi məqsədilə Gənc Tamaşaçılar Teatrının quruluşçu rejissoru Vaqif Əsədov rəhbərlik etdiyi münsiflər heyəti regionlara ezam edilib.xeber100.com

Beynəlxalq mahnı müsabiqəsinin final şousu başa çatıb

Kiyevin Beynəlxalq Sərgi Mərkəzində keçirilən “Eurovision-2017” mahnı müsabiqəsinin final şousu başa çatıb.Azərtac xəbər verir ki, Portuqaliya təmsilçisi Salvador Sobral 758 xalla yarış cədvəlində birinci olub. O, müsabiqədə "Amar Pelos Dois" mahnısını ifa edib. Beləliklə, “Eruovision - 2018” mahnı müsabiqəsi Portuqaliyada baş tutacaq.İkinci yeri Bolqarıstan təmsilçisi tutub. Azərbaycanlı ifaçı Diana Hacıyeva 120 xalla 14-cü pillədə qərarlaşıb.Qeyd edək ki, Ukraynada keçirilən 62-ci “Eurovision-2017” mahnı müsabiqəsinə 42 ölkə ifaçısı qatılıb. Müsabiqənin final mərhələsində 26 ölkə təmsilçisi öz səhnə perfomansını nümayiş etdirib. Azərbaycan təmsilçisi Diana Hacıyeva səhnəyə 12-ci çıxaraq “Skeletons” mahnısını səsləndirib.xeber100.com

“”Eurovision-2017” mahnı müsabiqəsinə 60 mindən çox bilet satılıb

Kiyevdə keçirilən “Eurovision-2017” mahnı müsabiqəsinə ümumilikdə 60 mindən çox bilet satılıb.Azərtac xəbər verir ki, bu barədə Kiyev meri Vitali Kliçko məlumat verib.V.Kliçko bildirib ki, mahnı müsabiqəsi zamanı təhlükəsizlik tədbirləri yüksək səviyyədə həyata keçirilib. Onun sözlərinə görə, “Eurovision-2017” mahnı müsabiqəsini təxminən 230 milyon insan izləyib. Bu isə Kiyev şəhərinin tanıdılmasında, onun inkişafında müstəsna rol oynayacaq.Kiyev meri vurğulayıb ki, mahnı müsabiqəsində iştirak etmək üçün 60 min qonaq şəhərə təşrif buyurub.xeber100.com

Bir sıra ölkələrin mədəniyyət günləri keçirilməyə başlayıb

Xəbər verdiyimiz kimi, IV İslam Həmrəyliyi Oyunları çərçivəsində Milli Turizm Təbliğat Bürosu Bakıda Sabir bağında oyunlarda iştirak edən bir sıra ölkələrin mədəniyyət günlərini keçirməyə start verib.Azərtac xəbər verir ki, bu qəbildən olan ikinci tədbir mayın 14-də İndoneziya və Malayziya ölkələrinə həsr edilib.Belə ki, səhər saatlarından başlayaraq paytaxt sakinləri və şəhərimizin qonaqları hər iki ölkənin mədəniyyət günü çərçivəsində İndoneziya və Malayziyanın muzey eksponatları, sənətkarlarının əl işləri, milli mətbəxi ilə tanış olmaq imkanı əldə ediblər. Həmçinin tədbir çərçivəsində iki ölkənin sənətkarlarının iştirakı ilə konsert proqramının təşkili də nəzərdə tutulur.Qeyd edək ki, İslamiada çərçivəsində Sabir bağında Misir, Türkiyə və digər İslam ölkələrinin də mədəniyyət günləri keçiriləcək. Hər gün tanınmış azərbaycanlı ifaçıların iştirakı ilə konsert proqramı təqdim olunacaq.xeber100.com

“Muğam axşamları” adlı yeni ayihəyə start verilir

Beynəlxalq Muğam Mərkəzinin təşkilatçılığı ilə “Muğam axşamları” adlı yeni layihəyə start verilir. Layihədə mayın 16-dan iyunun 30-dək Azərbaycan muğamları – “Rast”, “Şur”, “Segah”, “Cahargah”, “Bayatı-Şiraz”, “Şüştər” və “Humayun” tanınmış muğam ifaçıları tərəfindən ifa ediləcək.Muğam Mərkəzindən Azərtac-a bildirilib ki, layihənin ilk konserti mayın 16-da “Rast” muğamının ifası ilə başlayacaq.xeber100.com  

“Eurovision-2017” mahnı müsabiqəsinin finalı keçiriləcək

Bu gün Kiyevdə “Eurovision-2017” mahnı müsabiqəsinin finalı keçiriləcək.Azərtac xəbər verir ki, iki yarımfinalın nəticəsinə uyğun olaraq, finalda 26 ifaçı mübarizə aparacaq.Bu il müsabiqədə rekord sayda - 42 ölkə iştirak edib. Belə ki, Portuqaliya və Rumıniya yenidən müsabiqəyə qayıdıb.Final şousu Bakı vaxtı ilə saat 23.00-da başlayacaq. Finalda iştirakçı ölkələrin tamaşaçıları öz təmsilçiləri istisna olmaqla iştirakçılara səs verə bilərlər. 2016-cı ildən səslərin sayılması qaydaları dəyişdirilib: peşəkar münsiflər və televiziya tamaşaçıları müsabiqə iştirakçılarına ayrı-ayrılıqda səs verirlər. Nəticələr elan olunduqda əvvəlcə münsiflərin balları açıqlanacaq. Bundan sonra aparıcılar tamaşaçıların səsverməsinin nəticələrini elan edəcəklər.Qeyd edək ki, Azərbaycanı "Sceletons" mahnısı ilə müsabiqədə təmsil edən Diana Hacıyeva 12-ci sırada çıxış edəcək.xeber100.com

Konsert proqramı təşkil ediləcək

İyunun 3-də Heydər Əliyev Sarayında yüzlərlə unudulmaz və sevilən mahnıların müəllifi, onlarla filmə öz musiqisi ilə ruh verən, bir çox televiziya və teatr tamaşalarını öz musiqiləri ilə insanlara daha da sevdirən görkəmli bəstəkar Emin Sabitoğlunun mahnılarından ibarət konsert proqramı keçiriləcək.Gecədə bəstəkarın “Bakı sabahın xeyir”, “Uzaq yaşıl ada”, “Payız gəldi”, “Bu gecə”, “Şükriyyə”, “Alagözlüm”, “Çiçək yağışı”, “Ayrılma məndən”, “Qəlbimdə qaldın”, “Əlvida”, “Dərələr” və digər sevilən mahnıları səsləndiriləcək.xeber100.com  

Kinematoqrafiya Universitetinə sənədlərin qəbulu davam edir

Ümumrusiya Kinematoqrafiya Universiteti ilə aparılmış danışıqlar nəticəsində Mədəniyyət və Turizm Nazirliyinin vəsaiti hesabına bir neçə kino ixtisası üzrə rus dilində bakalavr təhsil almaq üçün cari ildə gənclərin oxumağa göndərilməsi planlaşdırılır. Kino və televiziya rejissoru ixtisası üzrə 2, kinooperator 2, animasiya və kompüter qrafikası rejissoru ixtisası üzrə isə 1 yer ayrılıb.Daha hazırlıqlı namizədləri müəyyən edib, onları Moskvaya qəbul imtahanlarına göndərmək məqsədiləKinematoqrafçılar İttifaqı və “Azərbaycanfilm” kinostudiyasının iştirakı ilə seçim komissiyası yaradılıb. Namizədlər üçün məsləhət saatları təyin olunacaq.“Azərbaycanfilm” kinostudiyasından Azərtac-a bildirilib ki, abituriyentlərin sənədləri rus dilində iyunun 15-dək “Azərbaycanfilm” kinostudiyasına təqdim etmələri tələb olunur.xeber100.com

Rus Dram Teatrında uşaq şou-müzikli təqdim ediləcək

İyunun 11-də Rus Dram Teatrında “Alisa yeni macəralar axtarışında” adlı uşaq şou-müzikli təqdim ediləcək.Azərtac Rus Dram Teatrının saytına istinadla xəbər verir ki, tamaşaçıları Luis Kerrolun ölməz süjetinin yeni və gözlənilməz səhnə təcəssümü qarşılayacaq. Şouda möcüzə reallığa çevriləcək, reallıq isə möcüzəyə bənzəyəcək. Gözlənilməz obrazlar, rəngarəng dekorasiya və kostyumlar, hazırcavab aktyor oyunu, şux musiqi nə balaca tamaşaçıları, nə də böyükləri laqeyd qoymayacaq. Şounun yaradıcıları L.Kerrolun kitabından əsas səhnələri saxlayıblar.“Alisa yeni macəralar axtarışında” adlı şou-müzikl təkcə hər şeyi bilməyə can atan qızın nağıllar ölkəsinə səyahəti deyil, həm də L.Kerrolun “Alisa möcüzələr ölkəsində” əsərində təsvir etdiyi fantastik dünyanın məxsusi dekorasiyalarıdır.xeber100.com

“Eurovision-2017” mahnı müsabiqəsinin qaliblərinin adları açıqlanıb

Bukmekerlər Ukraynanın paytaxtı Kiyevdə keçirilən "Eurovision-2017" mahnı müsabiqəsinin qaliblərinin adlarını açıqlayıb.Azərtac xəbər verir ki, bukmekerlər İtaliya təmsilçisi Françesko Qabbanini müsabiqənin qalibi kimi proqnozlaşdırırlar. İkinci yerdə Portuqaliyadan Salvador Sobral, üçüncü yerdə isə Bolqarıstan təmsilçisi Kristian Kostov yer alıb.Bukmekerlər Azərbaycanı müsabiqədə "Skeletons" mahnısı ilə təmsil edən Diana Hacıyevanı (DiHaj) 15-ci sırada qərarlaşdırıb. Sonuncu pillədə isə Ukrayna təmsilçisi yer alıb.Xatırladaq ki, mayın 13-də keçiriləcək final mərhələsində Azərbaycan təmsilçisi Diana Hacıyeva (DiHaj) 12-ci sırada çıxış edəcək.xeber100.com