IX Beynəlxalq Rostropoviç Festivalı keçiriləcək

Aprelin 23-dən 27-dək Bakıda IX Beynəlxalq Rostropoviç Festivalı keçiriləcək.Festival ölkə başçısının “Mstislav Rostropoviçin 90 illik yubileyinin keçirilməsi haqqında” müvafiq Sərəncamına əsasən təşkil olunub.Nazirlikdən Azərtac-a bildirilib ki, festivalda xarici ölkələrdən dünya şöhrətli musiqiçi və kollektivlər - Rusiyanın əməkdar kollektivi Sankt-Peterburq Akademik Simfonik Orkestri, “Vyana-Berlin” Kamera Orkestri, “Drezden Ştaatskapella”, SSRİ Xalq Artisti Yuri Temirkanov və başqaları iştirak edəcəklər.Festivala aprelin 23-də filarmoniyada Ü.Hacıbəyli adına Azərbaycan Dövlət Simfonik Orkestrinin konsert proqramı ilə start veriləcək.xeber100.com

Dövlət Film Fondunda xatirə gecəsi keçirilib

Aprelin 19-da Dövlət Film Fondunda Azərbaycanın kinorejissor Fikrət Əliyevin xatirə gecəsi keçirilib.Azərtac xəbər verir ki, tədbirdə qonaqlar görkəmli kinorejissorun həyat və yaradıcılığına həsr olunmuş fotosərgiyə baxıblar. Daha sonra sənətkarın ömür yolunu əks etdirən videoçarx nümayiş olunub.Tədbirdə kinorejissorun çəkdiyi filmlərdən fraqmentlər nümayiş olunub.xeber100.com

Opera və Balet Teatrı təqdim edir

Opera və Balet Teatrının səhnəsində bəstəkar Əfrasiyab Bədəlbəylinin “Qız qalası” baleti təqdim olunub.Azərtac xəbər verir ki, səhnə əsəri görkəmli bəstəkarın 110 illiyi çərçivəsində nümayiş olunub.Səhnə əsərində rolları Xalq Artisti Gülağası Mirzəyev, Əməkdar artistlər Tamilla Məmmədzadə və Makar Ferştandt ifa edib.Tamaşanın dirijoru Xalq Artisti, professor Cavanşir Cəfərovdur.Qeyd edək ki, “Qız qalası”nın ilk nümayişi 1940-cı il aprelin 16-da baş tutub.xeber100.com

“Youthvision” ikinci beynəlxalq mahnı müsabiqəsi keçiriləcək

Aprelin 21-də Bakıda “Həmişə gənc” şüarı altında “Youthvision” ikinci beynəlxalq mahnı müsabiqəsi keçirəcək.Gənclər və İdman Nazirliyinin mətbuat xidmətindən Azərtac-a bildiriblər ki, müsabiqənin keçirilməsi təşəbbüsü Azərbaycan Tələbə Gənclər Təşkilatları İttifaqına məxsusdur.Əsas məqsəd yaradıcı və istedadlı gənclərin mədəni potensiallarının reallaşdırılması və onlar arasında beynəlxalq təcrübə mübadiləsinin həyata keçirilməsi üçün lazımi şəraitin yaradılmasıdır.Müsabiqə haqqında məlumatın yerləşdirilməsi və iştirakçıların onlayn qeydiyyatı məqsədilə 2016-cı ildə youthvision.az saytı istifadəyə verilib. Müsabiqə 14-35 yaş arası gənclər üçün təşkil edilir.Qiymətləndirilmə beynəlxalq münsiflər heyəti tərəfindən aparılır. Bu məqsədlə hər iştirakçı dövlətdən bir nəfər münsif üzvü dəvət olunur.Müsabiqəyə xarici ölkələrdən iştirakçılar, münsiflər və onları müşayiət edən şəxslər daxil olmaqla 80-90 nümayəndənin gəlişi gözlənilir.xeber100.com

“Memarlıq həqiqətləri – Misir” adlı fotosərgisi açılıb

Aprelin 18-də Frankofoniya həftələri çərçivəsində Litva səfirliyinin dəstəyi ilə bu ölkədən olan fotoqraf Qiedrius Jokubauskisin “Memarlıq həqiqətləri – Misir” adlı fotosərgisi açılıb.Azərtac xəbər verir ki, sərgidə iştirak edən Fransanın Azərbaycandakı səfiri xanım Orelia Buşez Beynəlxalq Frankofoniya həftələri çərçivəsində artıq 30 tədbirin təşkil olunduğunu bildirib. Qeyd edib ki, bu tədbirlər böyük maraqla qarşılanıb. Səfir Frankofoniya həftələrinin gələcək illərdə də keçiriləcəyinə əminliyini bildirib.Litvanın Azərbaycandakı səfirliyinin konsulu Danielius Turskis çıxış edərək vurğulayıb ki, Litva 1999-cu ildən Frankofoniya təşkilatında müşahidəçi ölkə qismində çıxış edir. Səksən dörd üzv və müşahidəçi ölkədən ibarət olan Frankofoniya müxtəlif dinlərə ibadət edən insanların bir-birini tanımalarına və başa düşmələrinə kömək edir. Frankofoniya həftələri mədəniyyətlərarası dialoqun inkişafına da böyük töhfə verir.Sərgidə nümayiş etdirilən fotolardan aydın hiss olunur ki, müəllifin nəzərləri müxtəlif məqamlarda insanla memarlıq arasında estetik reallıq yaradan şəhər mənzərəsindən memarlığın xüsusi fraqmentlərinə yönəlib. Fotolarda Misirin mədəni, dini və siyasi reallıqları ətraflı şəkildə əksini tapıb.xeber100.com

V Bakı Beynəlxalq Kitab Sərgi-Yarmarkası keçiriləcək

Mədəniyyət və Turizm Nazirliyinin təşkilatçılığı ilə Bakı Beynəlxalq Kitab Sərgi-Yarmarkası sentyabrın 28-də beşinci dəfə öz qapılarını kitabsevərlərin üzünə açacaq.Nazirlikdən Azərtac-a bildirilib ki, sentyabrın 30-dək Bakı İdman Sarayında keçiriləcək sərgi-yarmarkanın təşkilində əsas məqsəd ölkədə kitaba, mütaliəyə marağın daha da artırılması ilə yanaşı, Azərbaycan kitab mədəniyyətinin dünyaya tanıdılması, yerli və xarici nəşriyyatlar, kitab evləri arasında yeni əməkdaşlıq imkanlarının yaradılmasıdır.Artıq ənənə halını alan bu kitab bayramı çərçivəsində dünyanın müxtəlif nəşriyyat-poliqrafiya müəssisələrinin çap işləri nümayiş olunur, tanınmış şair-yazıçılarla görüşlər, çoxsaylı təqdimatlar, ədəbi-işgüzar müzakirələr keçirilir.İştirakçı müəssisələr tərəfindən nəşr məhsullarının nümayişi ilə yanaşı, satışı da təşkil edilir.Sərgi-yarmarkanın son günü iştirakçılar (müəssisələr) arasından seçilmiş qaliblərə “Ən yaxşı nəşriyyat” və “Ən yaxşı kitab” mükafatları təqdim olunur.Cari ildə sərgi-yarmarkada 100-dən çox yerli, 30-dan artıq xarici nəşriyyat, kitab evi və başqa qurumların iştirakı gözlənilir.V Bakı Beynəlxalq Kitab Sərgi-Yarmarkasında iştirak haqqında ilkin məlumat ən gec avqustun 14-dək sərgi-yarmarkanın Təşkilat Komitəsinə təqdim olunmalıdır.xeber100.com

Beynəlxalq Gənclər forumuna start verilib

Çində Böyük İpək Yolu irsinə həsr edilmiş Beynəlxalq Gənclər forumuna start verilib.Azərtac BMT Xəbərlər Mərkəzinə istinadla bildirir ki, forum UNESCO və Çinin UNESCO məsələləri üzrə Milli Komissiyası tərəfindən təşkil edilib.Forumda əfsanəvi ticarət yolunun keçdiyi ölkələrdən, o cümlədən Azərbaycan, Qazaxıstan, Qırğızıstan, Tacikistan, Türkmənistan, Ermənistan və Gürcüstandan olan gənclərin nümayəndələri iştirak edirlər.Forum iştirakçıları bir həftə ərzində Çanşa və Quançjou şəhərlərində İpək Yolunun mədəni irsinin qorunub saxlanmasında gənclərin rolunu müzakirə edəcəklər. Forum çərçivəsində bu sahədə xüsusi təhsil proqramları yaradılacaq və müvafiq təqaüdlər təsis ediləcək.Bizim eranın ikinci əsrində salınmış Böyük İpək Yolu qədim dövrlərdə və orta əsrlərdə Şərqi Asiya və Aralıq dənizi ölkələrini birləşdirirdi. İpək yolu üzərindəki mühüm obyektlərin bir qismi UNESCO-nun Dünya İrsi Siyahısına daxil edilib.xeber100.com

“Azərbaycanfilm” kinostudiyasının məlumatı

“Dərs” filmi Rusiyanın 22-ci “Uşaqlar üçün kino” Beynəlxalq Film Festivalının müsabiqə proqramına dəvət alıb. “Azərbaycanfilm” kinostudiyasından Azərtac-a bildirilib ki, aprelin 21-dək Samarada keçirilən festivalda filmin quruluşçu rejissoru Rafiq Əliyev iştirak edir.Xatırladaq ki, “Dərs” tammetrajlı bədii filmi “Azərbaycanfilm” kinostudiyasında lentə alınıb. Qeyd edək ki, “Dərs” filmi bir sıra festivallarda iştirak edib və mükafatlarına layiq görülüb. Filmi, həmçinin 5-ci Delhi və 15-ci Dəkkə beynəlxalq film festivallarında nümayiş olunub.xeber100.com

II Respublika festivalının bağlanış mərasimi olub

Aprelin 17-də Üzeyir Hacıbəyli adına Bakı Musiqi Akademiyasının böyük zalında “Üzeyir Hacıbəylinin milli lad sistemi gənc musiqiçilərin tədris repertuarında” II Respublika festivalının bağlanış mərasimi olub.BMA-nın məktəb-studiyasının bazasında – eksperimental laboratoriyasında keçirilən budəfəki festivalın xüsusiyyəti ondan ibarətdir ki, bütün iştirakçılar 8-12 dəqiqə ərzində Azərbaycan bəstəkarlarının əsərlərini, xalq mahnı və rəqslərinin işləmələrini hər əsərin ifasından əvvəl onun lad strukturunu nümayiş etdirməklə, yəni milli ladların səs sıralarını və kandensiyalarını ifa etməklə təqdim ediblər.Azərtac xəbər verir ki, bağlanış mərasimidə BMA-nın prorektoru Nərminə Quliyeva və akademiyanın professoru, Xalq Artisti Xuraman Qasımova çıxış edərək iki ildir təşkil olunan müsabiqənin əhəmiyyətindən danışıblar.Vurğulanıb ki, müsabiqənin keçirilməsində məqsəd yetişməkdə olan musiqiçilər nəslinin ifa etdikləri əsərləri, başlıcası isə onun lad strukturunu dərindən başa düşməsi, öz mənbələrini – milli musiqini, xalq mahnılarını və rəqsləri bilməsi üçün təşkil edilib.Bildirilib ki, festival dörd nominasiya – “Fortepiano”, “Simli alətlər”, “Nəfəs alətləri” və “Vokal” üzrə keçirilib.xeber100.com

Milli Dram Teatrının məlumatına görə…

Milli Dram Teatrında Avksenti Saqarelinin “Xanuma” pyesi əsasında hazırlanmış eyniadlı tamaşa nümayiş olunub.Teatrın mətbuat xidmətindən Azərtac-a bildirilib ki, Mikayıl Mikayılovun quruluşunda hazırlanan tamaşanın quruluşçu rəssamı Mustafa Mustafayev, bəstəkarı Tofiq Quliyev, musiqi rəhbəri Fəxrəddin Kərimov, rəqslərin quruluşçusu Zakir Ağayev və Yelena Ağayeva, Vokal üzrə repetitor Zeynab Safinadır.Dilbər İsmayılovanın idarə etdiyi səhnə əsərində əsas rolları Xalq artistləri Bəsti Cəfərova, Cəfər Namiq Kamal, Ramiz Novruz, Səidə Quliyeva, Hacı İsmayılov, Əməkdar artistlər Mətanət Atakişiyeva, Elşən Cəbrayılov, Şəlalə Şahvələdqızı, Kazım Abdullayev, Məsmə Aslanqızı və digərləri ifa edib.Əsərin əsas qəhrəmanı olan Xanuma obrazı XIX əsrdə Tiflisdə yaşayan azərbaycanlı qadının prototipidir.xeber100.com