Türkiyə Mədəniyyət və Turizm Nazirliyinin təşkilatçılığı ilə…

İstanbul valiliyi və Türkiyə Mədəniyyət və Turizm Nazirliyinin (TMTN) bu vilayət üzrə nümayəndəliyinin birgə təşkilatçılığı ilə Novruz mərasimi təşkil olunub.“Türk Dünyası” Mədəniyyət Mərkəzində keçirilən bayram şənliyində rəsmi şəxslər, deputatlar, şəhər ictimaiyyətinin tanınmış nümayəndələri, elm və mədəniyyət xadimləri, tələbələr, QHT və KİV təmsilçiləri iştirak ediblər.Şənlikdə Novruz tonqalı yandırılıb, Türkiyənin dövlət himni səsləndirilib, şəhidlərin əziz xatirəsi ehtiramla yad olunub.TMTN-in İstanbul vilayəti üzrə təmsilçilyinin rəhbəri Coşkun Yılmaz mərasimin rəsmi açılışında çıxış edib.xeber100.com  

Rus Dram Teatrı premyeraya hazırlaşır

Martın 24-də Rus Dram Teatrında “Alisa yeni macəralar axtarışında” adlı uşaq şou-müziklin premyerası olacaq.Azərtac Rus Dram Teatrının saytına istinadla xəbər verir ki, tamaşaçıları Luis Kerrolun ölməz süjetinin yeni və gözlənilməz səhnə təcəssümü qarşılayacaq. Şouda möcüzə reallığa çevriləcək, reallıq isə möcüzəyə bənzəyəcək. Qeyd edək ki, “Alisa yeni macəralar axtarışında” adlı şou-müzikl təkcə hər şeyi bilməyə can atan qızın nağıllar ölkəsinə səyahəti deyil, həm də L.Kerrolun “Alisa möcüzələr ölkəsində” əsərində təsvir etdiyi fantastik dünyanın məxsusi dekorasiyalarıdır.xeber100.com

“Təsviri sənət həftəsi” keçiriləcək

Azərbaycan Rəssamlar İttifaqı ənənəvi olaraq bu il də Novruz bayramı münasibətilə “Təsviri sənət həftəsi” keçirəcək.Rəssamlar İttifaqından Azərtac-a bildirilib ki, martın 24-də saat 12.00-da V.Səmədova adına Sərgi Salonunda kütləvi informasiya vasitələrin iştirakı ilə konfrans, saat 15.00-da “Soltan Məhəmməd” mükafatına iddiaçı rəssamların əsərlərindən ibarət sərgi-müsabiqə təşkil olunacaq.Martın 25-də saat 12.00-da İçərişəhərdə “Uşaqların ən yaxşı rəsmi” adlı müsabiqə, martın 27-də isə saat 12.00-da V.Səmədova adına Sərgi Salonunda qüsurlu uşaqların əsərlərindən hərrac–satış keçiriləcək.xeber100.com

“Novruz” festivalı təşkil olunub

Martın 20-də Bakıda “Novruz” festivalı təşkil olunub.Azərtac xəbər verir ki, “Sabir bağı”nda keçirilən festivala el ağsaqqalı Dədə Qorqudun və Bahar qızının Novruz bayramı münasibətilə xalqımızı təbrik etməsi ilə start verilib.Tədbirdə Novruz personajları - Kosa və Keçəlin maraqlı söhbəti, kəndirbaz və pəhləvanların məharəti, milli geyimli oğlan və qızların rəqsi, respublikanın gənc və tanınmış müğənnilərinin bir-birindən parlaq ifaları bayram əhval-ruhiyyəsini daha da artırıb.Sənətkarlar öz əl işlərini nümayiş etdiriblər. İştirakçılara milli mətbəximizin təamlarını dadmaq imkanı yaradılıb.Sonra maraqlı at yürüşü təşkil olunub və ayrıca olaraq Qarabağ atı nümayiş etdirilib.Martın 26-dək davam edəcək festival çərçivəsində Azərbaycanın müxtəlif bölgələrindən 40-dan çox kollektivin iştirakı ilə konsert proqramı təqdim olunacaq.Qeyd edək ki, ölkə başçısının “Azərbaycan Respublikasında turizmin inkişaf etdirilməsi ilə bağlı bir sıra tədbirlər haqqında” müvafiq Fərmanına əsasən, ölkənin beynəlxalq imicinin formalaşdırılması, marketinq işlərinin əlaqələndirilməsi, turistlərin məmnunluğunun və turizm potensialının artırılmasını, beynəlxalq səviyyədə tanıdılmasını təmin etmək məqsədilə Mədəniyyət və Turizm Nazirliyi yanında “Milli Turizm Təbliğat Bürosu” publik hüquqi şəxs təsis edilib.xeber100.com

Beynəlxalq milli rəqs və musiqi festivalı keçiriləcək

Martın 21-də saat 15:00-da Azərbaycan Dövlət Filarmoniyasında beynəlxalq milli rəqs və musiqi festivalı keçiriləcək.Festivalın təşkilat komitəsindən Azərtac-a bildiriblər ki, tədbirdə Azərbaycan, Rusiya, Türkiyə, İran, Litva, Tatarıstan, Qazaxıstan və Gürcüstandan olan rəqs qrupları iştirak edəcəklər. İştirakçı qruplar öz ölkələrinin milli xalq musiqilərini və rəqslərini təqdim edəcəklər.Milli rəqs və musiqi festivalının təşkilində məqsəd ölkələrin milli rəqs qrupları arasında dostluq əlaqələrini gücləndirmək, Azərbaycan mədəniyyətini və incəsənətini təbliğ etmək, eləcə də Novruz adət-ənənələri haqqında ətraflı məlumat verməkdir.Sayca üçüncü olan bu festivala səkkiz ölkədən 250-yə yaxın iştirakçının qatılması nəzərdə tutulub.xeber100.com

Milli Elmlər Akademiyasının məlumatı

Azərbaycana bahar gəlir: bu, martın 20-də Bakı vaxtı ilə saat 14:28 (Qrinviç vaxti ilə 10:28) radələrində baş verəcək. Həmin gün gecə və gündüz bərabərləşəcək.Azərbaycan Milli Elmlər Akademiyasının Şamaxı Astrofizika Rəsədxanasından Azərtac-a bildiriblər ki, martın 19-da Günəş səmanın cənub yarımkürəsindən şimal yarımkürəsinə keçəcək, Yerin hərəkət müstəvisi ilə ekvator müstəvisinin kəsişdiyi nöqtədə olacaq. Bu, astronomiyada “yaz bərabərliyi nöqtəsi” adlanır. Həmin vaxtdan etibarən şimal yarımkürəsində başlayan astronomik bahar iyunun 21-dək davam edir.xeber100.com

“Bahar qalası” adlı Novruz şənliyi keçirilib

Martın 19-da İçərişəhərdə, Qoşa Qala qapısı yaxınlığında “Bahar qalası” adlı Novruz şənliyi keçirilib.Azərtac xəbər verir ki, Azərbaycan Respublikası Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi ənənəsinə sadiq qalaraq, bu il də Novruz bayramı şənliklərinin İçərişəhərdə təntənəli keçirilməsini təşkil edib. U şənlikdə təkcə paytaxt sakinləri deyil, Novruz bayramını qeyd edən ölkələrin nümayəndələri də iştirak ediblər.İran, Türkiyə, Rusiya, Qazaxıstan, Hindistan, Əfqanıstan, Özbəkistan, Gürcüstan və Tacikistandan gəlmiş nümayəndələrin birgə iştirakı ilə Qoşa Qala qapısı meydanında “Meydan bazarı” təşkil olunub. Yerli və xarici ölkə nümayəndələrinin iştirak etdikləri “Meydan bazarı”nda hər bir ölkənin mədəniyyətini əks etdirən milli-tətbiqi sənət məhsulları və suvenirlərin, o cümlədən rəsm əsərləri, milli zərgərlik və oyma sənəti nümunələrinin sərgi-satışı təşkil olunub. Qonaqlar, həmçinin müxtəlif ölkələrin milli mətbəxinin ləziz nümunələri ilə tanış ola, eləcə də Azərbaycan milli mətbəxinin bənzərsiz təamlarını dada biliblər.xeber100.com

“Erasmus” layihəsi çərçivəsində ustad dərsləri təşkil olunacaq

Martın 19-dan 26-dək İtaliyanın Florensiya şəhərinin L.Kerrubunu adına Konservatoriyasında “Erasmus” layihəsi çərçivəsində ustad dərsləri təşkil olunacaq.Azərtac xəbər verir ki, Üzeyir Hacıbəyli adına Bakı Musiqi Akademiyası və Florensiya Konservatoriyasının birgə layihəsi əsasında reallaşacaq ustad dərsləri çərçivəsində konsert proqramı da təqdim ediləcək.Qeyd edək ki, layihə ölkələrarası mədəni əlaqələrin möhkəmləndirilməsini təmin etmək və milli mədəniyyətlərin mübadiləsini həyata keçirmək məqsədi daşıyır.xeber100.com

“YARAT” Müasir İncəsənət Mərkəzi təqdim edir

Martın 28-də “YARAT” Müasir İncəsənət Mərkəzində rejissor Nihad İsanın “Rast” filmi təqdim olunacaq.Azərtac xəbər verir ki, “YARAT” Film Klubu tərəfindən nümayiş olunacaq ekran əsəri İtaliyadan Azərbaycana səyahət edən bir şairin xatirələrindən bəhs edir.Xronometrajı 20 dəqiqə olan filmin nümayişində hər kəs iştirak edə bilər.xeber100.com

“Ailə günü” adlı tədbir təşkil olunub

Martın 18-də Azərbaycan Xalça Muzeyinin Uşaq Muzeyi şöbəsinin təşəbbüsü ilə “Ailə günü” adlı tədbir təşkil olunub.Azərtac xəbər verir ki, “Ailə günü” tədbirinin keçirilməsində məqsəd valideynlərlə uşaqlar arasında ümumi maraqları birləşdirmək, ünsiyyət körpüsünü möhkəmləndirmək, həmçinin Novruz bayramının yaranma tarixi və adət-ənənələri haqqında məlumat verməkdir.Tədbirdə Təhsil Nazirliyinin, “Respublika Yaradıcılıq Mərkəzi”nin üzvləri iştirak edib. Keçirilən proqramda “öz xalçanı yarat” kompüter proqramı, xalça pazlını yığ, Bahar qızının iştirakı ilə əyləncəli viktorina, “səməni saxla məni”, “Xalçalarda Novruz adət və ənənələrimizi simvol edən elementlər” mövzusunda tematik ekskursiya (Azərbaycan, ingilis və rus dillərində), “Şəkərbura”nı naxışlamaq, “Novruz yumurtasını boya”maq, ələ xına bəzəyinin çəkilməsi, dekorativ əl işləri hazırlamaq kimi maraqlı, əyləncələr təşkil olunub.xeber100.com