Klassik musiqi axşamı təşkil olunacaq

Martın 14-də Azərbaycan Dövlət Filarmoniyasının kamera və orqan musiqisi zalında klassik musiqi axşamı təşkil olunacaq.Filarmoniyadan Azərtac-a bildirilib ki, konsertdə bədii rəhbər və baş dirijor, Əməkdar Artist Faiq Sadıqovun rəhbərliyi ilə Azərbaycan Televiziyası və Radiosunun Səid Rüstəmov adına Xalq Çalğı Alətləri Orkestri çıxış edəcək. Solist tanınmış tarzən Səbuhi Cəfərovdur.Konsertdə Q.Qarayev, H.Xanməmmədov, S.Ələsgərov, V.Adıgözəlov, O.Kazımi və digər bəstəkarların əsərləri səsləndiriləcək.xeber100.com

“YARAT” Müasir İncəsənət Mərkəzinin təqdimatında…

Martın 14-də “YARAT” Müasir İncəsənət Mərkəzində “Zaman adlı qatar” filmi nümayiş olunacaq.Azərtac xəbər verir ki, rejissor Kənan Musayevin ekranlaşdırdığı film ailə-məişət mövzusundan bəhs edir. Ekran əsəri 2016-cı ildə çəkilib.“YARAT” Film Klubunun təqdim etdiyi ekran əsərində, həmçinin bir-birini sevən iki gəncin başına gələn hadisələrdən danışılır.Filmin nümayişində hər kəs iştirak edə bilər.xeber100.com

“Eurovision-2017” mahnı müsabiqəsinə hazırlıq davam edir

Ölkəmizi “Eurovision-2017” mahnı müsabiqəsində təmsil edəcək Diana Hacıyeva yarışmada oxuyacağı “Skeletons” adlı mahnının klipini təqdim edib.Azərtac xəbər verir ki, mahnı və klipin müəllifləri İsa Məlikov və Sandra Byormandır.Təmsilçimiz müsabiqənin mayın 9-da baş tutacaq birinci yarımfinalında çıxış edəcək.xeber100.com

“YARAT” Müasir İncəsənət Mərkəzi təqdim edir

Martın 18-də “YARAT” Müasir İncəsənət Mərkəzində “Fırfıra” tamaşası nümayiş olunacaq.“YARAT”dan Azərtac-a bildirilib ki, kolumbiyalı rəssam Oskar Murillonun sərgisindən ilhamlanan, “ADO” Teatrının direktoru və rejissoru Elmin Bədəlov başda olmaqla teatrın truppası və kastinq zamanı seçilmiş həvəskar aktyorlar maraqlı və riqqət doğuran tamaşa yaradıblar.Qeyd edək ki, giriş sərbəstdir.xeber100.com

Ustad dərsləri təşkil olunub

Ü.Hacıbəyli adına Bakı Musiqi Akademiyasında Böyük Britaniyadan olan tanınmış musiqiçilər - violin ifaçısı Pol Kortez və faqot ifaçısı Rabin O’neillin iştirakı ilə ustad dərsləri təşkil olunub.Akademiyadan Azərtac-a bildirilib ki, ustad dərsləri “I, Culture Orchestra” layihəsi çərçivəsində reallaşıb.Akademiyanın “İfaçılıq” fakültəsinin tələbələrinin qatıldığı ustad dərsləri maraqla qarşılanıb.Sonda tələbələr müxtəlif musiqi kompozisiyaları ilə çıxış ediblər.xeber100.com

Gənc Tamaşaçılar Teatrının məlumatına görə…

Hər il olduğu kimi, bu il də ASSİTEJ-Azərbaycan Milli Mərkəzində 20 mart - Dünya Uşaq və Gənclər Teatrı Günü qeyd ediləcək. Teatrın 2011-ci ildən bəri üzv olduğu Beynəlxalq ASSİTEJ-in təsis etdiyi bu gün “Uşağı teatra apar” devizi ilə həyata keçirilir. Uşaq və yeniyetmələrin məkanı olan Gənc Tamaşaçılar Teatrı nümayiş etdirdiyi səhnə əsərləri ilə tamaşaçıların mənəvi cəhətdən zənginləşməsinə, dünyagörüşlərinin formalaşmasına çalışır.Teatrdan Azərtac-a bildirilib ki, Dünya Uşaq və Gənclər Teatr Günü münasibətilə martın 18-dən 25-dək Gənc Tamaşaçılar Teatrı bir-birindən maraqlı səhnə əsərləri təqdim edəcək.xeber100.com

“Novruz ənənələri” adlı seminar təşkil olunacaq

Martın 11-də Azərbaycan Xalça Muzeyində “Novruz ənənələri” adlı seminar təşkil olunacaq.Muzeydən Azərtac-a bildirilib ki, seminar Bakı Dövlət Universitetinin professoru Şirin Bünyadovanın rəhbərliyi ilə aparılacaq. Seminar çərçivəsində mühazirələr də dinlənəcək. Mühazirələrdə Novruz bayramının yaranma tarixi və Novruz adət-ənənələrindən danışılacaq.Azərbaycan dilində aparılacaq mühazirələrdə hər kəs iştirak edə bilər.xeber100.com

Milli Teatr Günü münasibətilə bayram tədbiri təşkil ediləcək

Kukla Teatrında 10 mart - Azərbaycan Milli Teatr Günü münasibətilə bayram tədbiri təşkil ediləcək.Teatrdan Azərtac-a bildirilib ki, martın 9-da baş tutacaq tədbirdə əvvəlcə Azərbaycan teatrının keçdiyi yola nəzər salınacaq, yaranmasının 85 illiyini qeyd edən Azərbaycan Dövlət Kukla Teatrının tarixini əks etdirən videoçarx nümayiş olunacaq.Sonra tamaşaçılara teatrın repertuarında yer alan əksər tamaşalardan ibarət səhnə çələngi təqdim ediləcək. Teatrın yaradıcı heyətinin teatrsevərlərə hədiyyəsi olan “Açıq qapı” günündə binanın foyesində müxtəlif ölçülü kuklaların sərgisi də baş tutacaq.xeber100.com

“8 Mart rəssamların gözü ilə” adlı sərgi keçirilib

Martın 7-də Rəssamlar İttifaqında “8 Mart rəssamların gözü ilə” adlı sərgi-tədbir keçirilib.Azərtac xəbər verir ki, tədbirdə Azərbaycan Rəssamlar İttifaqının katibi A.İbrahimov, İB-nin və DAK Qadınlar şurasının sədri D.Əliyeva, şair-publisist F.Əlioğlu və başqaları çıxış edərək xanımları 8 Mart – Beynəlxalq Qadınlar Günü münasibətilə təbrik ediblər.Bildirib ki, ölkəmizdə həyatın bütün sahələrində qadının özünəməxsus yeri var. Nəsillər arasında mənəvi bağlılığın qorunub saxlanmasında hər zaman qadınlar böyük rol oynayıb. Türk xalqlarının ortaq mədəniyyət və mənəviyyat örnəyi olan “Kitabi-Dədə Qorqud” dastanında, həmçinin xalq yaddaşının digər nümunələrində qadın - ananın uca məqamı xüsusi qiymətləndirilib.Sonra qonaqlar sərgi ilə tanış olublar.xeber100.com

8 Mart – Beynəlxalq Qadınlar Günüdür

1857-ci ildə Nyu-Yorkda qadınların 12 saatlıq iş gününə olan etirazının nəticəsi olaraq 1910-cu ildə alman sosialist qadın Klara Setkin 8 martın dünya qadınlar günü kimi qeyd edilməsinə nail olunub. 1977-ci ildə BMT bu günü qadın günü kimi rəsmiləşdirib.Qadınlar bayramı Azərbaycanda da geniş qeyd edilir. 1965-ci ildən keçmiş SSRİ-də 8 Mart - Beynəlxalq Qadınlar Günü istirahət günü elan olunub. Azərbaycan müstəqillik əldə etdikdən sonra da 8 Mart - Beynəlxalq Qadınlar Günü ölkədə qeyri-iş günüdür. Azərbaycan qadınları artıq cəmiyyətin aparıcı qüvvəsinə çevriliblər. Milli əxlaqi dəyərlərimiz, adət-ənənələrimiz, dilimizin saflığı məhz analarımızın müdrikliyi sayəsində çətin və mürəkkəb dövrlərin sınağından çıxa bilib. Dünyanın bir çox ölkələrinin qadınlarından əvvəl seçib-seçilmək hüququ əldə etməsi, elm, mədəniyyət və digər sahələrdə qazandığı uğurlar Azərbaycan qadınının mədəni və intellektual potensialından xəbər verir. Müstəqil Azərbaycanın qazandığı böyük uğurlarda qadınların misilsiz xidmətləri var, onlar Vətənimizin yüksəlişinin təmin edilməsində öz qüvvələrini əsirgəmirlər. Bu bayramın xalqımızın həyatında mühüm hadisəyə çevrilməsi də Azərbaycan qadınının cəmiyyətimizin müasir simasının müəyyənləşməsində əhəmiyyətli yerini göstərir.xeber100.com