Dövlət Statistika Komitəsinin hesabatına əsasən…

2016-cı ildə Azərbaycan teatrlarını və muzeylərini ziyarət edənlərin statistikası açıqlanıb.Azərtac Dövlət Statistika Komitəsinin illik hesabatına istinadən bildirir ki, ötən il muzeyləri ziyarət edənlərin sayı 2,6 milyon, teatrlara gələn tamaşaçıların sayı isə 0,8 milyon nəfər olub. Ötən illərə nisbətdə 2016-cı ildə teatr və muzeylərə üz tutan xarici ölkə vətəndaşları üstünlük təşkil edib.Eyni zamanda, ümumilikdə sayı 28 olan dövlət əhəmiyyətli tarix, mədəniyyət, memarlıq, bədii və etnoqrafiya qoruqları da turistlər tərəfindən ziyarət olunub.Hesabatda o da bildirilir ki, bu gün Azərbaycanda 33 milyon kitabxana fondu olan 3242 kütləvi kitabxana, 2650 klub müəssisəsi, 234 muzey, 28 peşəkar teatr və 347 mədəniyyət və istirahət parkı əhaliyə xidmət göstərir.xeber100.com

Mədəniyyət və Turizm Nazirliyinin təşkilatçılığı ilə…

Mədəniyyət və Turizm Nazirliyi “DOT-ART” layihəsini həyata keçirir.Azərtac xəbər verir ki, layihə çərçivəsində ilk sərgi martın 1-də Bakıda "Collezione Italia" məkanında açılacaq. Həmin gün giriş dəvətnamə ilədir. Sərgi aprelin 1-dək davam edəcək.İl ərzində dörd sərgidən ibarət layihə çərçivəsində dizayn və memarlıq, rəssamların, heykəltəraşların, fotoqrafların və kukla ustalarının əsərləri kimi bir neçə bədii incəsənət istiqamətinin simbiozu təqdim ediləcək.xeber100.com

Rəssamlar İttifaqında sərgi açılacaq

Fevralın 2-də Rəssamlar İttifaqında  rəsm əsərlərindən ibarət sərgi açılacaq.Azərtac xəbər verir ki, sərgidə fırça ustalarının rəngkarlıq, batika, qrafika, akvarel, heykəltəraşlıq, tətbiqi sənət, plakat və digər janrlarda olan əsərləri yer alacaq. 200-dək sənət əsərinin nümayiş olunacağı sərgi 2 fevral-Gənclər Günü çərçivəsində reallaşacaq.xeber100.com

Milli Teatrda yubiley tədbiri keçiriləcək

Fevralın 3-də Milli Dram Teatrında teatr və kino aktyoru Hamlet Xanızadənin 75 illik yubileyinə həsr olunmuş tədbir keçiriləcək.Azərtac xəbər verir ki, yubiley gecəsində iştirak edənlər əvvəlcə sənətkarın yaradıcılığına işıq salan fotosərgi ilə tanış olacaqlar.Tədbirdə H.Xanızadənin çəkildiyi filmlərdən fraqmentlər təqdim ediləcək, aktyorun yaradıcılığından söz açılacaq, onun Azərbaycan kino mədəniyyəti tarixindəki xidmətləri vurğulanacaq.Gecədə yaratdığı obrazlara öz möhürünü vurmuş mərhum sənətkarın oynadığı tamaşalardan səhnələr də nümayiş olunacaq.xeber100.com

“Azərbaycan” kinoteatrı yeni təqdimatda

“CinemaPlus” premium kinoteatrlar şəbəkəsi kimi fəaliyyət göstərəcək “Azərbaycan” kinoteatrı tamamilə yenidən qurularaq kinosevərlərin ixtiyarına verilib.Azərtac xəbər verir ki, “Azərbaycan” kinoteatrı əfsanə qayıtdı!” - şüarı ilə start götürən kinoteatrın açılış mərasimində bir çox məşhurlar iştirak edib.Tədbirdə “CinemaPlus” kinoteatrlar şəbəkəsinin baş direktoru C.Abdullazadə çıxış edərək köhnə adda, amma yeni dizayn və tərtibatla qurulmuş kinoteatrla bağlı məlumat verib.xeber100.com

Beynəlxalq İncəsənət festival-müsabiqəsi keçiriləcək

Martın 17-dən 19-dək Beynəlxalq İncəsənət festival-müsabiqəsi keçiriləcək. Festival-müsabiqənin qaliblərinin martın 19-da qala-konserti baş tutacaq.Münsiflər heyətinin tərkibində Rusiyanın Əməkdar Artisti, musiqişünas Qalina Preobrajenskaya və fəxri qonaq kimi Fabio Lamborgini iştirak edəcəklər.Festival–müsabiqə müxtəlif nominasiyalar və yaş kateqoriyaları üzrə keçiriləcəkdir. Festivala dünyanın müxtəlif ölkələrindən solistlər, ansambl və müxtəlif yaradıcı kollektivlər dəvət olunub.xeber100.com

Pantomima Teatrı fevral repertuarını açıqlayıb

Azərbaycan Dövlət Pantomima Teatrı fevral ayında maraqlı tamaşalarla çıxış edəcək.Azərtac teatrın fevral repertuarını təqdim edir. 4 fevral - “Son Ştrix"” 5 fevral - “Fəlakət və İnsan” (uşaq tamaşası), “Ora- Bura” 11 fevral - “Pantomima buketi” 12 fevral - “Fəlakət və İnsan” (uşaq tamaşası), “Dejavü” 18 fevral - “Katarsis” 19 fevral - “Fəlakət və İnsan” (uşaq tamaşası), “Ağ bığlılar” 25 fevral - “Adajio” 26 fevral- “Undergraund” (yeni tamaşa).xeber100.com

Rus Dram Teatrı fevral repertuarını təqdim edir

Rus Dram Teatrının fevral repertuarında böyüklər və uşaqlar üçün maraqlı tamaşalar yer alıb.Azərtac teatrın fevral ayı üçün repertuarını təqdim edir: 3 fevral - “Yeni il gecəsində məhəbbət intriqaları”; 4 fevral – “Artistin taleyi”; 5 fevral - “Həddindən artıq evli taksi sürücüsü”; 9 fevral – “Karamazov qardaşları”; 10 fevral - “Məhəbbətlə zarafat etmirlər”; 11 fevral – Rusiya aktyorlarının qastrolu; 12 fevral - “Afina axşamları”; 16 fevral – “Yeddi gözəl”; 17 fevral – “Bliss ailəsi”; 18 fevral – “Şəhrizadın daha bir gecəsi”; 19 fevral – “Xalam Bundu”; 23 fevral – “Qürur və qərəz”; 24 fevral - “Kazanova: sevgi dərsləri”; 25 fevral – “Əli və Nino” (premyera); Uşaqlar üçün: 4 fevral – “Nağılı tap-1!”; 5 fevral – “Nağılı tap-2!”; 11 fevral - “Çar Saltan, knyaz Qvidon və Qu quşu şahzadəsi haqqında nağıl”; 12 fevral - “Durna balığının buyruğu ilə”; 18 fevral - “Gəlin, nağıla baxaq”; 19 fevral - “Güləbətin tikən qız və süpürgəçi”; 25 fevral - “Anam, atam və mən!” (Yeni il gecəsində sehrbazlıq).xeber100.com  

“MENAR” film festivalı çərçivəsində…

Sofiyada keçirilən “MENAR” film festivalı çərçivəsində Azərbaycan filmi gecəsi təşkil olunub.Gecədə Bolqarıstanın dövlət və hökumət nümayəndələri, deputatlar, bu ölkənin aparıcı QHT və KİV təmsilçiləri, Sofiyada akkreditə olunan diplomatik korpusların rəhbərləri, Bolqarıstan-Azərbaycan Dostluq Cəmiyyətinin nümayəndələri və üzvləri iştirak ediblər.Sofiya şəhərinin meri Yordanka Fandıkova tərəfindən tədbir iştirakçılarına təbrik məktubu ünvanlanıb.Sayca 9-cu olan bu festivalda ilk dəfə olaraq Azərbaycan filmləri nümayiş olunub.Qeyd edək ki, festival bolqar cəmiyyətinə İslam dünyasının mədəniyyəti və ənənələri ilə tanış olmaq imkanı yaradır. “MENAR” film festivalı Balkan regionunda İslam mədəniyyətini nümayiş etdirən ən böyük tədbir hesab olunur. 2009-2016-cı illər ərzində təşkil olunan festivallarda Yaxın Şərq, Mərkəzi Asiya və Şimali Afrika regionundan 300-dən çox film nümayiş etdirilib.xeber100.com

Adajio” tamaşası nümayiş olunacaq

Pantomima Teatrında yanvarın 22-də Bəxtiyar Xanızadənin ssenarisi əsasında hazırlanan “Adajio” tamaşası nümayiş olunacaq.Teatrdan Azərtac-a bildirilib ki, “Adajio” müasir Azərbaycan şairlərinin lirikası üzərində qurulmuş ədəbi-musiqili, sözlü-pantomimalı kompozisiyadır.xeber100.com