Milli Arxiv İdarəsinin məlumatına görə…

Milli Arxiv İdarəsində istifadəçilərin rahatlığının təmin edilməsi məqsədilə elektron xidmətlərin təqdim olunması, arxiv həyatına aid olan məsələlərin işıqlandırılması, bütün sahələrə aid olan arxiv sənədlərinin ictimaiyyətə daha da geniş çatdırılması üçün lazımi tədbirlər görülməkdə davam edir.İdarədən Azərtac-a bildirilib ki, ötən ildə bu məqsədlə rəsmi sayt vasitəsilə üç virtual sərgi təşkil olunaraq istifadəçilərin ixtiyarına verilib.Milli Arxiv İdarəsinin müraciətinə əsasən RYTN-nin Məlumat Hesablama Mərkəzi tərəfindən EAMS Dövlət İnformasiya Ehtiyatları və Fərdi Məlumatların İnformasiya Sistemlərinin Dövlət Reyestrinə daxil edilərək ona İE152601001 reyestr nömrəsi verilməklə sistem rəsmi çıxarışla təmin edilib. Bundan əlavə, hazırda EAMS üzrə fond siyahılarının elektron versiyalarının yaradılması üzərində iş davam etdirilir. Bu sistemin daxilində dövlət arxivləri, dövlət arxivinin filiallarında mühafizə edilən bütün fondlar haqqında müfəssəl məlumat mövcuddur. Cari ildə dəyişən tərkibli rayon dövlət arxivlərində də mühafizə edilən fondların və fondların tərkibində olan arxiv siyahılarında yer alan məlumatların bu sistemə əlavə edilməsi planlı şəkildə həyata keçirilir.xeber100.com

Musiqili Teatrın Təbriz səfəri davam edir

İran İslam Respublikasında keçirilən 35-ci Fəcr Beynəlxalq Teatr Festivalına dəvət olunan Musiqili Teatrın Təbriz səfəri uğurla davam edir. Teatrın mətbuat xidməti bildirilib ki, İran İslam Respublikası Mədəniyyət Nazirliyi Şərqi Azərbaycan Ostanlığının mədəniyyət idarəsində Musiqili Teatrın kollektivi və Azərbaycan nümayəndə heyəti ilə görüş keçirilib. Görüşdə İranın Bakıdakı Mədəniyyət Mərkəzinin rəhbəri İbrahim İbrahimi iki ölkə arasında mədəni əlaqələrin son vaxtlar daha da genişləndiyini, ortaq tarixi, adət-ənənələri, mədəniyyət bağları olan xalqlarımızın bu yaxınlığının gələcək nəsillər üçün faydalı olacağını vurğulayıb.Musiqili Teatrının direktoru Ə.Lalayev çıxış edərək Azərbaycan tarixinə, mədəniyyətinə göstərilən yüksək diqqət və maraqdan məmnun qaldığını söyləyib, 107 yaşlı Musiqili Teatrın Təbrizə səfərinin böyük əhəmiyyət daşıdığını vurğulayıb.xeber100.com  

“Muğam gecəsi” adlı ədəbi-bədii gecə təşkil olunub

Filarmoniyada “Muğam gecəsi” adlı ədəbi-bədii musiqili gecə təşkil olunub.Azərtac xəbər verir ki, mədəniyyət və incəsənət xadimlərinin qatıldığı musiqili gecədə xalq və bəstəkar mahnıları ilə yanaşı, muğam və təsniflərimiz də səsləndirilib.Həmçinin konsertdə televiziya muğam müsabiqəsinin qalibləri də çıxış ediblər.xeber100.com

Xətai Sənət Mərkəzində sərgi açılıb

Xətai Sənət Mərkəzində dekorativ tətbiqi sənət ustası S.Məhərrəmovanın fərdi yaradıcılıq sərgisi açılıb.Azərtac xəbər verir ki, “Yeddi gözəl” adlı sərgidə böyük Nizami Gəncəvinin “Yeddi gözəl” poemasının qəhrəmanlarının libaslarının əks olunduğu sənət əsərləri təqdim olunub.Xatırladaq ki, “Yeddi gözəl” poemasının yazılmasının 820 illiyi çərçivəsində reallaşan sərgi üç gün davam edəcək.xeber100.com

Musiqi Akademiyasında təqdimat olub

Yanvarın 16-da Musiqi Akademiyasında bu təhsil ocağının Opera studiyasının “BakuOperArt” layihəsinin təqdimatı olub.Azərtac xəbər verir ki, musiqişünas J.Qulamova çıxış edərək opera sənətinin tarixindən, yaranmasından danışıb.Bildirib ki, layihənin əsas məqsədi Azərbaycanda opera sənətinin inkişafını dəstəkləmək, sevdirmək və bu sənətə diqqət cəlb etməkdir.Layihə çərçivəsində baş tutacaq konsert proqramı barədə məlumat verərək deyib ki, italyan və fransız bəstəkarlarının operalarından parçalar səsləndiriləcək.xeber100.com

“İçərişəhərdə incəsənətlə istirahət günləri”…

Bakıda “İçərişəhərdə incəsənətlə istirahət günləri” (Art Weekends in Icherisheher) adlı sərgi açılıb.Azərtac xəbər verir ki, İçərişəhərdə Kiçik qala, 105 ünvanında açıq səma altında gerçəkləşən sərgi çərçivəsində paytaxtımızın yerli və əcnəbi qonaqları üçün açıq səma altında canlı musiqi ilə yanaşı, yerli rəssamların sərgisi, əl işləri yarmarkası təşkil olunub, balacalara heykəltəraşlıq, keramika və rəssamlıq sənətinin özəllikləri ilə bağlı məlumatlar verilib. Həmçinin xalq sənətini təbliğ edən qalereyada yerlı rəssamlarla yanaşı, Moldova, Litva və Ukrayna sənətkarlarının sənət əsərləri də nümayış olunub.xeber100.com

Milli Dram Teatrı təqdim edir

Yanvarın 19-da Milli Dram Teatrının səhnəsində H.Mirələmovun ikihissəli “Xəcalət” dramı əsasında hazırlanmış eyniadlı tamaşa nümayiş olunacaq.Teatrın mətbuat xidmətindən bildirilib ki, Bəhrəm Osmanovun quruluşunda hazırlanan tamaşanın quruluşçu rəssamı İ.Məmmədov, musiqi tərtibatçısı S.Kərimidir. Səhnə əsərində rolları Xalq artistləri Nurəddin Mehdixanlı, Ramiz Novruz, aktyorlar Xədicə Novruzlu, Əlvida Cəfərov və Məzahir Cəlilov canlandıracaqlar.xeber100.com

“Xalçaçılıqda ornament motivlərinin semantikasının varisliyi”…

Xalça Muzeyində Rəssamlıq Akademiyasının dosenti M.Hüseynovun “Azərbaycan xalçaçılığında bədii təfəkkür və ornament motivlərinin semantikasının varisliyi” mövzusunda mühazirəsi dinlənilib.Azərtac xəbər verir ki, mühazirədə Azərbaycan xalçaçılığında ən geniş yayılmış ornamentlərin semantik mənasının açılmasından, onların müxtəlif forma və traktovkalarının müəyyən edilməsindən danışılıb.xeber100.com

“Məhəbbət əfsanəsi” baleti nümayiş etdiriləcək

Fevralın 28-də Sankt-Peterburq Dövlət Akademik Mariya Teatrında bəstəkar Arif Məlikovun “Məhəbbət əfsanəsi” baleti nümayiş etdiriləcək. Əsərin dünya premyerası da 1961-ci il martın 23-də məhz bu teatrda reallaşıb.Azərtac teatrın saytına istinadla xəbər verir ki, səhnə əsərində Fərhad obrazını Rusiyanın Əməkdar Artisti Yevgeni İvançenko, Şirini beynəlxalq müsabiqələr laureatı Olesya Novikova canlandıracaqlar.xeber100.com

“Aprel xatirələri” adlı tədbir keçirilib

Yanvarın 14-də Mahnı Teatrında “Aprel xatirələri” adlı tədbir keçirilib. Tədbir 2016-cı ilin aprel döyüşlərində “Mi-24” helikopterinin vurulması zamanı şəhid olan pilotlar - mayor Təbriz Musazadə, mayor Urfan Vəlizadə və baş leytenant Əbubəkir İsmayılovun xatirəsinə həsr olunub.AZƏRTAC xəbər verir ki, tədbirdə şəhidlərin xatirəsi bir dəqiqəlik sükutla yad edilib, sonra Azərbaycan ordusunun apardığı müzəffər döyüşlərdən, üç şəhidin ömür yolundan söhbət açıblar, onlarla bağlı xatirələrini bölüşüblər.xeber100.com