Maksim Qorki adına kinostudiya təqdim edir

Rusiyada ən böyük kinostudiyalardan biri olan Maksim Qorki adına kinostudiya Böyük Vətən müharibəsi faşizm üzərində qələbənin 75 illiyi münasibətilə bir sıra filmlərin siyahısını tərtib edib.TASS agentliyinin məlumatına görə, ailə ortamında baxılması nəzərdə tutulan filmlərin siyahısında rejissor Vasiliy Proninin 1946-cı ildə quruluş verdiyi “Alay oğlu” (“Сын полка”) və Stanislav Rostotskinin 1972-ci ildə çəkdiyi “Burada şəfəqlər sakitdir…” (“А зори здесь тихие”  filmləri də yer alıb.Qorki adına kinostudiyanın baş direktoru Yuliana Slaşeva qeyd edib ki, kinonun dili ilə böyüyən nəslə müharibə dövrünün ab-havasını, insanların keçirdiyi hissləri və dünyaya olan münasibətini çatdırmaq üçün ən yaxşı vasitədir: “O dəhşətli illərin və Böyük Qələbənin şahidi olan görkəmli rejissorlarımızın çəkdiyi klassik filmlər sadə və parlaq obrazlarla zəngin müharibə dövrünün ifadəli bir salnaməsidir. Biz bu ekran əsərlərinə bayram günlərində uşaqlarla birlikdə baxmağı tövsiyə edirik”.Qeyd edək ki, eyni adlı kinostudiyanın “YouTube” kanalına 1941-1945-ci ili əhatə edən müharibə mövzusunda bir çox filmlər də əlavə edilib.xeber100.com  

Akademik Milli Dram Teatrı təqdim edir

Azərbaycan Dövlət Akademik Milli Dram Teatrında “Manqurt” tamaşası növbəti dəfə mayın 12-də sənət ocağının “Facebook”dakı səhifəsi vasitəsilə onlayn nümayiş olunacaq.Azərtac xəbər verir ki, səhnə əsəri Çingiz Aytmatovun “Gün var əsrə bərabər” romanının motivləri əsasında hazırlanıb.Tamaşanın bədii rəhbəri Anar Babalı, rejissoru İzamə Babayeva, rəssamı Əməkdar mədəniyyət işçisi İlham Elxanoğludur.Birhissəli epik rəvayət olan səhnə əsərində Əməkdar artistlər Mehriban Xanlarova, Elşən Rüstəmov, aktyorlar Ramin Şıxəliyev, İmran Ali Qurban və Fərid Vəliyev iştirak ediblər.xeber100.com

“Bizi birləşdirən mədəniyyət” layihəsi çərçivəsində

Beynəlxalq Muğam Mərkəzindən (BMM) “Bizi birləşdirən mədəniyyət” layihəsi çərçivəsində bu gün yayımlanacaq növbəti konsert ustad xanəndə, Xalq artisti Əlibaba Məmmədov yaradıcılığına həsr olunacaq.Azərtac xəbər verir ki, BMM-nin solistləri xanəndənin repertuarından seçmələr, həmçinin müəllifi olduğu təsnifləri səsləndirəcəklər.“Mədəniyyət” kanalı və BMM-nin “Facebook” səhifəsindən canlı yayımlanacaq efirdə xanəndələr Babək Quliyev ( Şuşalı) "Qızıl güllər arasında" və "Vilayəti" təsnifi, Elnur Zeynalov "Şur" təsnifi , Səbinə Ərəbli "Mehriban həkim" mahnisini, balaban ifaçısı Rəfael Əsgərovun ifasında isə "Azərbaycan maralı" xalq mahnısı təqdim olunacaq.xeber100.com

Azərbaycan milli geyim və folklor təşkilatı fəaliyyətə başlayıb

İsveçdə Azərbaycan milli geyim və folklor təşkilatı fəaliyyətə başlayıb.Azərtac xəbər verir ki, İsveç krallığının Onge əyalətində yaşayan Azərbaycanlı rəssam Kəmalə Kərimova Yansson bu ölkədə Azərbaycan - İsveç milli geyim və folklor təşkilatı yaradıb.Kəmalə Kərimova Yanssonun sözlərinə görə, təşkilatın əsas məqsədi Azərbaycanın və İsveçin milli irsinin, zəngin mədəniyyətinin, adət ənənəsinin, dastan və nağıllarının, milli musiqi-rəqs, mətbəx və el oyunları, habelə geyim və alətlərinin, məişət - el sənətkarlığının müxtəlif sahələrinin öyrənilməsi, yaşadılması və insanlara düzgün şəkildə təqdim edilməsindən ibarətdir. Bildirib ki, yeni təşkilatın formatı adı çəkilən ölkələrin və türkdilli millətlərin mədəniyyətini diqqətdə saxlanılması ilə yanaşı, digər xalqların da etnik-milli mədəni və folkloru ilə əlaqədar müxtəlif layihələr həyata keçirməyi nəzərdə tutur.xeber100.com

Akademik Milli Dram Teatrının məlumatına görə…

Akademik Milli Dram Teatrı onlayn tamaşalarını ingilis dilində subtitrlə təqdim edir.Teatrın mətbuat xidmətindən Azərtac-a verilən məlumata görə, mayın 2-də ilk tamaşa kimi “Cəhənnəm sakinləri” səhnə əsəri təqdim olunub. Növbəti günlərdə tamaşaların subtitrlə rus dilində nümayişi də nəzərdə tutulub.Mədəniyyət Nazirliyinin tövsiyəsi əsasında həyata keçirilən tamaşaların onlayn nümayişi əvvəlcədən müəyyən edilmiş virtual repertuara uyğun olaraq, saat 12:00 və 19:00-da “Facebook” sosial şəbəkəsində, eyni zamanda, teatrın rəsmi internet saytı və “YouTube” kanalında təqdim olunur. İzləyicilər tərəfindən böyük maraqla qarşılanan tamaşalar ölkə daxilində olan teatrsevərlərlə bərabər Amerika, Türkiyə, Rusiya, İsrail, İngiltərə, Almaniya və başqa ölkələrdə yaşayan soydaşlarımız tərəfindən də baxılır.Teatrın may repertuarında 28 tamaşanın nümayişi planlaşdırılır. Virtual repertuarda müxtəlif illərdə premyerası keçirilən, lakin hazırda cari repertuarda olmayan “Mesenat”, “Generalın son əmri”, “Özümüzü kəsən qılınc”, “Aydın”, “Mənim ərim dəlidir”, “Uçqun” və başqa tamaşalar da var.Milli Teatrdan bildirilib ki, bu, “Evdə qal, özünü və yaxınlarını qoru”, “Biz birlikdə güclüyük!” şüarları ilə həyata keçirilən sosial izolyasiya tədbirlərinə mədəniyyət ocağının rəhbərliyinin və kollektivinin mənəvi dəstəyidir.Qeyd edək ki, Akademik Milli Dram Teatrı onlayn tamaşalarını “Sənət maneə tanımır” sloqanı ilə təqdim edir.xeber100.com

Mədəniyyət komitəsinin növbəti onlayn iclası keçirilib

Aprelin 30-da Milli Məclisin Mədəniyyət komitəsinin növbəti onlayn iclası keçirilib.Bu barədə Azərtac-a Milli Məclisin mətbuat xidmətindən məlumat verilib.İclası açan komitə sədri Qənirə Paşayeva bildirib ki, “Nəşrlərin beynəlxalq mübadiləsinə dair” Konvensiyanın təsdiq edilməsi haqqında qanun layihəsi müzakirəyə təqdim edilir.Qeyd edilib ki, qanun layihəsi ölkə Prezidenti İlham Əliyevin qanunvericilik təşəbbüsü ilə Milli Məclisə təqdim olunub. Konvensiya 1958-ci il 3 dekabr tarixdə Paris şəhərində UNESCO tərəfindən qəbul edilib, 1961-ci il noyabrın 23-də qüvvəyə minib və artıq 47 dövlət tərəfindən ratifikasiya edilib. Sənəd konvensiyanın iştirakçısı olan dövlətlərin hökumət orqanları və kommersiya məqsədi daşımayan təhsil, elm, texnika və mədəniyyət profilli qeyri-hökumət qurumları arasında nəşrlərin mübadiləsini ehtiva edir. Mübadilə obyektləri kimi təhsil, hüquqi, elmi-texniki, mədəniyyət və informasiya sahələri üzrə nəşrlər (kitablar, qəzetlər, dövri nəşrlər, xəritələr və planlar, reproduksiyalar, fotoşəkillər, musiqi əsərləri, brayl nəşrləri və s.) nəzərdə tutulur. Konvensiya məxfi sənədlərə, sirkulyar məktublara şamil edilmir.İclasda komitə üzvləri Fazil Mustafa, Aqil Abbas, Ülviyyə Ağayeva, Novruzəli Aslanov, Nizami Cəfərov, Əziz Ələkbərli, Cavanşir Feyziyev, Ülviyyə Həmzəyeva, Sabir Rüstəmxanlı və Mixail Zabelin sənədin nəşrlərin dünya dövlətləri və xalqları arasında sərbəst yayılmasına şərait yaradılması baxımından çox əhəmiyyətli olduğunu vurğulayıblar.Müzakirələrdən sonra qanun layihəsinin Milli Məclisin plenar iclasına tövsiyə edilməsi qərara alınıb.xeber100.com

Muğam Mərkəzində canlı konsert proqramı təqdim edilib

Mədəniyyət Nazirliyi və “Mədəniyyət” kanalı tərəfindən birgə reallaşdırılan “Bizi birləşdirən mədəniyyət” layihəsi çərçivəsində Beynəlxalq Muğam Mərkəzində (BMM) növbəti canlı konsert proqramı təqdim edilib.Muğam Mərkəzindən Azərtac-a verilən məlumata görə, proqramın budəfəki qonaqları Xalq artisti Nurəddin Mehdixanlı və Əməkdar artist Aybəniz Haşımova olub.Nurəddin Mehdixanlı karantin günlərində xalqımızın birliyindən, Prezident İlham Əliyevin vaxtında verdiyi düzgün qərarların müsbət nəticələrindən danışıb, həmçinin çalışdığı Akademik Milli Dram Teatrda hazırlanan yeni tamaşalarda rolları haqqında məlumat verib.Keçdiyi sənət yolundan, sosial izolyasiya günlərindəki fəaliyyətindən söhbət açan Aybəniz Haşımova vaxtilə çalışdığı "Dan ulduzu" instrumental ansamblı ilə bağlı xatirələrini bölüşüb.Proqramın hər iki qonağı yaradılan şəraitə görə layihənin təşkilatçılarına minnətdarlıqlarını ifadə ediblər.Qeyd edək ki, “Bizi birləşdirən mədəniyyət” layihəsi çərçivəsində təşkil olunan proqramlar həftənin üç günü "Mədəniyyət" kanalı ilə canlı olaraq yayımlanır. Canlı yayımlar, eyni zamanda, BMM-nin “Facebook” səhifəsindən də təqdim edilir.xeber100.com

UNESCO-ya üzv dövlətlərin ilk virtual görüşü keçirilib

Aprelin 22-də UNESCO-ya üzv dövlətlərin Mədəniyyət nazirlərinin ilk virtual görüşü keçirilib.Mədəniyyət Nazirliyindən Azərtac-a bildirilib ki, görüşün təşkilində əsas məqsəd COVID-19 pandemiyasının mədəniyyət sahəsinə təsiri, eləcə də bu çərçivədə görülən tədbirlərlə bağlı nazirlər arasında fikir mübadiləsinin aparılması olub. Görüşdə dünyanın 180-dən çox ölkəsindən nazirlər və digər yüksəksəviyyəli rəsmilər iştirak ediblər.Məlum olduğu kimi, COVID-19 pandemiyası ilə bağlı dünyada yaranmış vəziyyət bir çox sahələr kimi mədəniyyət sahəsinə də təsirsiz ötməyib, mədəniyyət məkanlarına gediş məhdudlaşdırılıb, əksər mədəni tədbirlər təxirə salınıb və ya ləğv olunub.UNESCO Mədəniyyət nazirlərinin birinci virtual görüşündə çıxış edən Mədəniyyət naziri Əbülfəs Qarayev pandemiya dövründə ölkəmizdə həyata keçirilən tədbirlər barədə danışaraq, dövlətimizin başçısı tərəfindən imzalanan müvafiq sərəncamlar haqqında məlumat verib. Bu sahədə dövlət qurumlarının fəaliyyətini əlaqələndirən Azərbaycan Respublikasının Nazirlər Kabineti yanında Operativ Qərargahın gərgin fəaliyyəti sayəsində ölkəmizdə pandemiya ilə bağlı vəziyyətin vaxtında nəzarətə götürüldüyü və xəstəliyin geniş yayılmasının qarşısının alındığı diqqətə çatdırılıb.xeber100.com  

Milli Məclisin Mədəniyyət komitəsinin növbəti onlayn iclası keçirilib

Aprelin 21-də Milli Məclisin Mədəniyyət komitəsinin növbəti onlayn iclası keçirilib.Parlamentin Mətbuat xidmətindən Azərtac-a bildiriblər ki, iclasda dörd məsələyə baxılıb.Əvvəlcə Mədəniyyət komitəsinin sədri Qənirə Paşayeva deputatlara ikinci oxunuşda müzakirəyə təqdim olunmuş qanun layihələri barədə məlumat verib. Bildirib ki, “Milli Məclisin Daxili Nizamnaməsinin təsdiq edilməsi haqqında”, “Televiziya və radio yayımı haqqında”, “Azərbaycan Respublikası Dövlət bayrağının istifadə qaydaları haqqında” və “İctimai televiziya və radio yayımı haqqında” qanunlarda dəyişiklik edilməsindən (ikinci oxunuş) məqsəd “Azərbaycan Respublikasının Dövlət Himnindən istifadə qaydaları haqqında” qanunun icrası ilə əlaqədardır.“Tarix və mədəniyyət abidələrinin qorunması haqqında” və “Azərbaycan Respublikasında dövlət dili haqqında” qanunlara təklif edilən dəyişikliklər (ikinci oxunuş) 2019-cu ildə qəbul olunmuş “Reklam haqqında” Qanuna uyğunlaşdırma xarakteri daşıyır.Komitə sədri nəzərə çatdırıb ki, “İnformasiya, informasiyalaşdırma və informasiyanın mühafizəsi haqqında”, “Kütləvi informasiya vasitələri haqqında”, “Televiziya və radio yayımı haqqında”, “Azərbaycan Respublikasında dövlət dili haqqında” və “İctimai televiziya və radio yayımı haqqında” qanunlarda dəyişiklik edilməsi zərurəti (ikinci oxunuş) Azərbaycanın dövlət dilinin tətbiqinə nəzarətin və dil normalarının qorunmasının təmin edilməsi vacibliyindən irəli gəlir. Layihəyə əsasən, adı çəkilən 5 qanunun 8 maddəsinə bir formulada dəyişiklik təklif olunur. Məqsəd Azərbaycan dilinin hüquqi statusunun qorunması, bu dilin işlənməsi və inkişafı üçün zəruri tədbirlərin görülməsidir. Həmçinin televiziya və radioda, KİV-də, internet resurslarında, reklam daşıyıcılarında ədəbi dilin normalarının və leksik-qrammatik qaydalarının pozulması hallarının, əcnəbi söz və ifadələrin işlədilməsinin qarşısını almaqdır.xeber100.com  

Ölkədaxili turizm mayın sonuna doğru fəaliyyətə başlaya bilər

Türkiyədə COVID-19-un aprelin sonu, mayın əvvəlində qırılma nöqtəsinə gələcəyi ehtimal olunur. Mayın sonuna kimi həyatın normal axına dönəcəyini düşünürəm. Mayın sonuna doğru ölkədaxili turizm də fəaliyyətə başlaya bilər.Azərtac xəbər verir ki, bu sözləri Türkiyənin Mədəniyyət və Turizm naziri Mehmet Nuri Ersoy bildirib.Xarici turizm haqqında danışan nazir pandemiya bitdikdən sonra ilk mərhələdə Asiya ölkələrindən turistlərin Türkiyəyə gələcəyinin ehtimal olunduğunu bildirib.xeber100.com