MDB mədəniyyət paytaxtı ilinin rəsmi açılış mərasimi ləğv edilib

Qazaxıstanın Çimkənt şəhərində cari martın 20–də keçirilməsi nəzərdə tutulan MDB mədəniyyət paytaxtı ilinin rəsmi açılış mərasimi ləğv edilib.Azərtac xəbər verir ki, Qazaxıstan Mədəniyyət və İdman naziri Aktota Raimkulova koronavirusun yayılması, təhlükəsizliyin qorunması səbəbindən nəzərdə tutulan 2020–ci il Çimkənt mədəniyyət paytaxtı ilinin rəsmi açılışın keçirilməyəcəyini bəyan edib. Nazir bildirib ki, vəziyyət stabilləşdikdən sonra tədbirin keçirilməsi haqda məlumat veriləcək.Qeyd edək ki, Qazaxıstanın Çimkənt şəhərində “Mədəniyyət ili” çərçivəsində ümumilikdə 40-a yaxın tədbir, incəsənət xadimlərinin konsertləri, "Böyük İpək Yolu" sənət festivalı, “Avrasiyanın ruhu” estrada ifaçılarının birinci Beynəlxalq festivalı, yazıçı və şairlərin yaradıcılıq görüşlərinin keçirilməsi planlaşdırılmışdı.Xatırladaq ki, 2019-cu il dekabrın 10-da Belarusun Brest şəhərində 2020-ci il MDB mədəniyyət paytaxtı statusu Qazaxıstanın Çimkənt şəhərinə keçib.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzində “MIGROS” muzeyi ilə birgə əməkdaşlıq çərçivəsində ekologiya mövzusunu geniş əhatə edən sərgi təşkil edilib.“YARAT”dan Azərtac-a bildirilib ki, “Potensial dünyalar 1: Planetimizlə bağlı xatirələr” adlı sərgi insan və təbiət arasındakı əlaqələri araşdırır. Hər iki sərgidə təqdim olunan əsərlər insanın planetə təsirini öyrənir və Yer kürəsində gələcək həyatın mümkün ssenarilərini təsvir edir. Sərginin kuratorları Hayke Munder (“Migros Museum für Gegenwartskunst”un bədii direktoru) və Suad Qarayeva-Malekidir (“YARAT” Müasir İncəsənət Məkanının bədii direktoru). Sərgi may ayının sonuna kimi davam edəcək. Sərginin ikinci hissəsi, “Potensial Dünyalar 2: Eko-fantaziyalar” isə Sürix Qalereya Həftəsi sonunda və “Art Bazel” ərəfəsində təqdim olunacaq. Adı çəkilən bu sərgi, birinci sərgidə toxunulan məsələlərə yeni həyat və cəmiyyət formalarının spekulyativ tədqiqində, eləcə də insanların qabaqcıl post-insani texnologiyalar dövründə oynadığı daim dəyişən rollarda əsaslanacaq.Daha sonra, adı çəkilən hər iki sərgi Bakıda, “YARAT” Müasir İncəsənət Mərkəzində açılacaq.xeber100.com

“Milli Teatr Günü”nün təsis edilməsi haqqında…

Azərbaycan Respublikası Prezidentinin “Milli Teatr Günü”nün təsis edilməsi haqqında müvafiq Sərəncamına uyğun olaraq hər il martın 10-u respublikamızda Milli Teatr Günü kimi qeyd olunur. Bu münasibətlə Milli Kitabxanada hər il olduğu kimi bu il də “Azərbaycan teatrı bu gün” başlığı altında geniş tərtibatda kitab sərgisi açılıb.Kitabxanadan Azərtac-a bildirilib ki, sərgidə Azərbaycan və xarici dillərdə nəşr olunmuş Azərbaycan teatrı, teatr tarixi, teatrşünaslar, ölkəmizin teatr səhnəsinin məşhur simaları, teatr tarixində mühüm yer tutmuş görkəmli aktyorlar, ümumilikdə teatr sənətimizin inkişafında xüsusi xidmətləri olmuş şəxsiyyətlər haqqında ədəbiyyat nümayiş olunur.Sərgi bir həftə davam edəcək.xeber100.com

“8 mart – Beynəlxalq Qadınlar günüdür” adlı geniş kitab sərgisi açılıb

Martın 7-də Azərbaycan Milli Kitabxanasında "8 mart - Beynəlxalq Qadınlar günüdür" adlı geniş kitab sərgisi açılıb.Kitabxanadan Azərtac-a bildirilib ki, sərgi bir həftə davam edəcək.Sərgidə Azərbaycan və xarici dillərdə tarixdə və müasir Azərbaycanın ictimai-siyasi həyatında iz qoymuş görkəmli qadınların həyat və yaradıcılığına dair ədəbiyyat, analar və qadınlar haqqında yazılmış kitablar və dövri mətbuat materialları nümayiş olunur.xeber100.com

Xalça Muzeyində “Zənginləşən xəzinəmiz” adlı sərginin açılışı olub

Martın 5-də Azərbaycan Milli Xalça Muzeyində “Zənginləşən xəzinəmiz” adlı sərginin virtual açılışı olub.Azərtac xəbər verir ki, tədbirdə Milli Xalça Muzeyinin direktoru, Əməkdar mədəniyyət işçisi Şirin Məlikova çıxış edərək sərgi haqqında məlumat verib. Bildirib ki, koronavirusun yayılma təhlükəsi səbəbindən muzeylərdə bir çox kütləvi tədbirlər dayandırılıb: “Ona görə də biz ilk dəfə olaraq sərgini onlayn şəkildə açmaq qərarına gəldik. Çünki texnoloji tərəqqi əsrində Milli Xalça Muzeyi dünya şəbəkəsinin saysız-hesabsız yeniliklərini mənimsəməlidir. Muzeyimizin ziyarətçiləri öz evlərindən bizi izləyə bilərlər”.Mərasimdə Mədəniyyət Nazirliyinin Aparat rəhbəri Fikrət Babayev çıxış edərək Milli Xalça Muzeyində mütəmadi təşkil edilən sərgilərin əhəmiyyətindən söz açıb. Qeyd edib ki, muzeydə milli mədəniyyətimizin qiymətli nümunələri nümayiş olunur. Tədbirdə, həmçinin muzey tərəfindən hazırlanan “Azərbaycan Milli Xalça Muzeyinin kolleksiyasından zərgərlik inciləri” adlı kitabın təqdimatı da keçirilib. Kitabda kolleksiyanın yaranma tarixi, burada qorunan müxtəlif çeşidli qadın və kişi zərgərlik nümunələri, bu sənətdə istifadə edilən ənənəvi texnikalar və Azərbaycanın tanınmış zərgərləri haqqında müfəssəl məlumatlar yer alıb. Kitabın geniş oxucu kütləsinə çatdırılması məqsədilə mətnlər Azərbaycan, ingilis və rus dillərində verilib.Qeyd edək ki, sərgi martın 26-dək davam edəcək.xeber100.com

“Yuğ” Teatrı mart ayının repertuarını təqdim edir

Azərbaycan Dövlət “Yuğ” Teatrı bu ay maraqlı tamaşalarla çıxış edəcək.Azərtac xəbər verir ki, sənət ocağının kollektivi martın 7-də “Müəmmalı bir qətlin üç versiyası” 10-11-14-də isə “Loun Bizzz” tamaşaları ilə teatrsevərlərin görüşünə gələcək.Bundan başqa, martın 15-də “Metamorfoza”, martın 28-də “Lənət”, 29-da isə “Mənəm, mən” tamaşaları göstəriləcək.xeber100.com

“YARAT” Müasir İncəsənət Məkanının təşkilatçılığı ilə…

Martın 10-da “YARAT” Müasir İncəsənət Məkanının təşkilatçılığı ilə “Keçmişdən partlayış” adlı tamaşa nümayiş ediləcək.Azərtac xəbər verir ki, “YARAT” Müasir İncəsənət Mərkəzində nümayiş ediləcək tamaşa məşhur azərbaycanlı rəssam Əşrəf Muradın fantaziyasında “məskunlaşmış” Vinsent Van Qoq, Səttar Bəhlulzadə, Frida Kalo, Maral Rəhmanzadə kimi rəssamların və Volfqanq Amadey Motsart kimi incəsənət tarixinə iz qoymuş şəxsiyyətlərdən bəhs edir.Nümayişdən sonra tamaşaçıların sualları cavablandırılacaq.xeber100.com

Opera və Balet Teatrında “Aida” operası nümayiş ediləcək

Martın 14-də Azərbaycan Dövlət Akademik Opera və Balet Teatrında C.Verdinin “Aida” operası nümayiş ediləcək.Teatrın mətbuat xidmətindən bildirilib ki, səhnə əsərində Azərbaycan Opera və Balet Teatrının solistləri ilə yanaşı, Rusiya və Ukraynadan dəvət olunmuş sənət ulduzları da iştirak edəcəklər.Operada Radames partiyasında K.Stanislavski və V.Nemiroviç-Dançenko adına Moskva Akademik Teatrının aparıcı solisti, vokalçıların beynəlxalq müsabiqələrinin laureatı Nikolay Yeroxin çıxış edəcək.Aida partiyasını Azərbaycanın Əməkdar artisti, “Humay” milli mükafatının laureatı Afaq Abbasova ifa edəcək.Xalq artistləri Əli Əsgərov və Əkrəm Poladov operada müvafiq olaraq Misir şahı və Ramfis rollarında, Xalq artisti Gülnaz İsmayılova Kahin qadın, Əməkdar artistlər Səbinə Vahabzadə isə Amneris, Cahangir Qurbanov Amonasro rollarında çıxış edəcəklər.Operanı idarə etmək üçün Odessa Milli Akademik Opera və Balet Teatrının baş dirijoru, Belarusun Xalq artisti, professor Vyaçeslav Voliç dəvət olunub.xeber100.com

Coakkino Rossininin “Sevilya bərbəri” operası nümayiş olunacaq

Opera və Balet Teatrında Ukrayna və Azərbaycanın opera ustalarının birgə iştirakı ilə Coakkino Rossininin “Sevilya bərbəri” operası nümayiş olunacaq.Teatrın mətbuat xidmətindən bildirilib ki, Opera və Balet Teatrının rəhbərliyi səhnə əsərində iştirak etmək üçün Lvov Milli Operasının aparıcı solisti, Ukraynanın Əməkdar artisti, vokalçıların beynəlxalq müsabiqələrinin laureatı Nikolay Şulyakı (Almaviva rolunu ifa edəcək) və Odessa Milli Akademik Opera və Balet Teatrının solisti, vokalçıların beynəlxalq müsabiqələrinin laureatı Boqdan Pançenkonu (Fiqaro partiyasını ifa edəcək) dəvət edib.Ukraynalı sənətkarlarla yanaşı, operada Azərbaycan Dövlət Opera və Balet Teatrının solistləri - Xalq artistləri Əli Əsgərov (Don Bazilio), Əkrəm Poladov (doktor Bartolo), Əməkdar artistlər İnarə Babayeva (Rozina), Tural Ağasıyev (Fiorello), gənc solistlər Nina Makarova (Berta) və Mahir Tağızadə (Zabit) çıxış edəcəklər.Martın 7-də təqdim ediləcək səhnə əsəri teatrın baş dirijoru, Əməkdar artist, dirijorların beynəlxalq müsabiqələrinin və “Humay” milli mükafatının laureatı Əyyub Quliyev tərəfindən idarə olunacaq.xeber100.com

Rus Dram Teatrı mart ayının repertuarını təqdim edir

Azərbaycan Dövlət Akademik Rus Dram Teatrı mart repertuarını açıqlayıb.Azərtac teatrın repertuarını təqdim edir: 1 mart– “Kişi, qadın, pəncərə… məşuq”; 6 mart – “Əli və Nino”; 7 mart – “Payıs sonatası”; 8 mart - “Afina axşamları”; 10 mart - “Yeddi gözəl”; 13 mart - “Sevgiyə görə bağışla (Aydın)”; 14 mart - “Qürur və qərəz”; 15 mart – “Stalin” (premyera); 19 mart - “Hekayəti-Müsyö Jordan həkimi-nəbatat və dərviş Məstəli şah cadukuni-məşhur”; 20 mart – “Evlənmə”; 21 mart – “Sürprizlər günü”; 22 mart - “Senyor Todero-xuliqan”; 27 mart – “Bulvar Sanset”; 28 mart – “Yuxularımdan kənar ol”; 29 mart – “Kraliçanın son ehtirası”. Uşaqlar üçün: 1 mart– “Durnabalığının buyruğu ilə”; 7 mart - “Çar Saltan, knyaz Qvidon və Qu quşu şahzadəsi haqqında nağıl”; 8, 22 mart – “Düyməcik”; 14 mart - “Ölü şahzadə və yeddi pəhləvan haqqında nağıl”; 15 mart - “Gəlin, nağıla baxaq”; 20 mart – “Ələddin, Şahzadə Jasmin və sehrli çıraqda yaşayan cinin macəraları”; 21, 29 mart – “Nağılı tap–5” 28 mart– “Üç donuz balası, Qırmızı papaq və boz canavarlar”; Teatrda böyüklər üçün tamaşalar saat 19:00-da, uşaqlar üçün isə saat 12:00-da başlanır.xeber100.com