MDB ölkələrinin uğurlarından bəhs edən silsilə sənədli filmlər çəkiləcək

Özbəkistanda Müstəqil Dövlətlər Birliyinə üzvü ölkələrin qazandığı uğurlardan bəhs edən silsilə sənədli filmlər çəkiləcək.Azərtac xəbər verir ki, bu haqda “Özbəkkino”nun baş direktoru Firdavs Abduxalikov mətbuata açıqlamasında bildirib.O deyib ki, MDB İcraiyyə Komitəsinin sədri-icraçı katib Sergey Lebedevlə Daşkənddə keçirilən görüşündə bu məsələlər geniş müzakirə olunub. F.Abduxalikov vurğulayıb ki, filmlərdə 2020-ci ildə Özbəkistanla MDB dövlətləri arasında əməkdaşlıqdan da bəhs olunacaq və bu ekran əsərləri Birlik ölkələrinin dövlət kanallarında nümayiş etdiriləcək.O deyib ki, MDB Dövlət başçılarının Daşkənddə keçiriləcək Sammitində nümayiş etdiriləcək on dəqiqəlik sənədli film də çəkiləcək.xeber100.com

Dənizkənarı Milli Parkının ərazisində atəşfəşanlıq təşkil olunacaq

Dünya Azərbaycanlılarının Həmrəylik Günü və Yeni il münasibətilə dekabrın 31-də gecə saat 12:00-da paytaxtın Dənizkənarı Milli Parkının ərazisində möhtəşəm atəşfəşanlıq təşkil olunacaq.Azərtac xəbər verir ki, bu barədə Bakı Şəhər İcra Hakimiyyətindən məlumat verilib.Bildirilib ki, şəhərin mərkəzi küçələri, Dənizkənarı Milli Parkın ərazisi və digər parklar bəzədilib, yolkalar qurulub, buradakı ağacların çil-çıraqlarla bəzədilməsi, müxtəlif yeni il atributların və simvollarının, nağıl qəhrəmanları fiqurlarının quraşdırılması, burada bayram tərtibatının aparılması işləri həyata keçirilib, müxtəlif yerlərdə bayram yarmarkaları təşkil olunub.xeber100.com  

Milli Dram Teatrında Yeni il şənlikləri təşkil olunacaq

Akademik Milli Dram Teatrında Yeni il şənlikləri təşkil olunacaq.Teatrın mətbuat xidmətindən Azərtac-a bildirilib ki, bu münasibətlə “Şaxta Baba və Befan nənələr" adlı səhnə əsəri hazırlanıb. Səhnə əsərinin müəllifi və quruluşçu rejissoru Emil Əskərov, rəssamı Əməkdar mədəniyyət işçisi İlham Elxanoğlu, rəqslərin quruluşçusu Lalə Hacıyeva, musiqi tərtibatçısı Kamil İsmayılov, rejissor assistenti Xanım Həsənovadır.Tamaşada Əməkdar artistlər Mətləb Abdullayev, Əlfida Cəfərov, Mehriban Xanlarova, Sevinc Əliyeva, aktyorlar Fəridə Şahbazova, Dilarə Nəzərova, Vüsal Mustafayev və başqaları çıxış edirlər.Yeni il tamaşası bu gündən başlayaraq yanvarın 6-dək nümayiş olunacaq. Səhnə əsəri müvafiq olaraq 10:00, 12:00, 14:00, 16:00-da oynanılacaq.xeber100.com

“Mədəni irsin davamlı inkişafı” üzrə ustad dərsləri keçirilib

Azərbaycan Milli Xalça Muzeyində “Mədəni irsin davamlı inkişafı: həsirçilik sənəti” üzrə ustad dərsləri keçirilib.Azərtac xəbər verir ki, ustad dərsləri ictimaiyyətin diqqətini həsirçiliyin qorunması, təbliği, dekorativ-tətbiqi sənət nümunəsi kimi əhəmiyyəti və bu irsi yaşadan sənətkarların fəaliyyətinə yönəltmək məqsədi ilə təşkil olunub.Kiçik yaşlarından həsir toxuma sənəti ilə məşğul olan Masallı rayon sakini Fəridə Həşimova tərəfindən keçilən dərslərə iştirakçılar böyük maraq göstərib. F.Həşimova bildirib ki, babalarımız, nənələrimiz bu sənəti yaşatdığı kimi, bizim də borcumuz onu nəsildən-nəslə ötürərək yaşatmaqdır. Rəhim Tağıyev adına Masallı rayon Tarix-Diyarşünaslıq Muzeyinin direktoru Əntiqə Tağıyeva isə həsirçiliyin Azərbaycanda qədim tarixə malik xalq sənəti növlərindən olduğunu, onun eneolit dövründən başlayaraq təşəkkül tapdığını deyib.Qeyd edək ki, həsir əsrlərboyu məişət əşyası kimi istifadə olunmaqla yanaşı, həm də özünün nəfis, zərif naxışları ilə bədii əhəmiyyət daşıyıb. Təəssüf ki, müasir dövrdə bu sənət növü tədricən unudulur. Ətraf mühitin plastik tullantılarla çirklənməsinin ciddi problemlərdən biri kimi müzakirə olunduğu müasir dünyada həsirçiliyin sənət növü kimi unudulmasına nəinki imkan verməməliyik, hətta onun inkişafı üçün əlimizdən gələni etməliyik.xeber100.com  

Beynəlxalq Muğam Mərkəzinin məlumatına görə…

Dekabrın 27-də Beynəlxalq Muğam Mərkəzində “Kamançanın əmsallarının, kamança ailəsinin və kamanlı alətlərin ölçü sistemlərinin təyin edilməsi” mövzusunda dəyirmi masa təşkil ediləcək.Muğam Mərkəzindən Azərtac-a bildirilib ki, tədbir çərçivəsində kamanlı alətlərin ölçü sistemlərinin təyin edilməsi məsələsi müzakirə olunacaq, ölçü sistemlərinə aid kitabça iştirakçılara, o cümlədən bu sahə ilə məşğul olan ustalara təqdim olunacaq. Müzakirələrdə simli alətlər üzrə mütəxəssislər, elm adamları, bu alətlərin ifaçıları və ustalar iştirak edəcək.Layihənin ideya müəllifi Beynəlxalq Muğam Mərkəzinin direktoru , Xalq artisti Murad Hüseynov, koordinatoru isə filologiya elmləri üzrə fəlsəfə doktoru, tədqiqatçı-alim Gülhüseyn Kazımlıdır.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzində Rusiya istehsalı olan “Yeni ilə az qalıb” adlı filmin premyerası keçirilib.Azərtac xəbər verir ki, xronometrajı 87 dəqiqə olan ekran əsərinin quruluşçu rejissoru Aleksey Bajanov, ssenari müəllifi Tatyana Vinoqradovadır.Filmdə rollara aktyorlar Tatyana Vinoqradova, Svetlana Bolşakova, Konstantin Adayev, Aleksey Markov, Aleksey Bajanov, Anastasiya Karaçevskaya, Denis Boyereviç, Anna Levanova və başqaları çəkilib.Film rus dilində nümayiş edilib.xeber100.com

“YARAT” Müasir İncəsənət Mərkəzi təqdim edir

Dekabrın 21-də “YARAT” Müasir İncəsənət Mərkəzində Rusiya istehsalı olan “Yeni ilə az qalıb” adlı filmin premyerası olacaq.Azərtac xəbər verir ki, xronometrajı 87 dəqiqə olacaq ekran əsərinin quruluşçu rejissoru Aleksey Bajanov, ssenari müəllifi Tatyana Vinoqardovadır.Filmdə rollara aktyorlar Tatyana Vinoqradova, Svetlana Bolşakova, Konstantin Adayev, Aleksey Markov, Aleksey Bajanov, Anastasiya Karaçevskaya, Denis Boyereviç, Anna Levanova və başqaları çəkilib.Film rus dilində nümayiş olunacaq.xeber100.com

İSESKO-ya üzv ölkələrin XI konfransı çərçivəsində

Tunisdə İSESKO-ya üzv ölkələrin Mədəniyyət nazirlərinin XI konfransı çərçivəsində “Tunis İslam mədəniyyəti paytaxtı - 2019” ilinin bağlanış tədbiri keçirilib.Tunisin Mədəniyyət İşləri üzrə naziri Məhəmməd Zeyn əl-Abidin, İslam Təhsil, Elm və Mədəniyyət Təşkilatının (İSESKO) baş direktoru Salim bin Məhəmməd əl-Malik, üzv dövlətlərin Mədəniyyət nazirləri və nümayəndə heyətləri bağlanış tədbirində iştirak ediblər.Tədbir “Qurani-Kərim”in tilavəti ilə başlayıb.Tunisli nazir Məhəmməd Zeyn əl-Abidin çıxış edərək “Tunis İslam mədəniyyəti paytaxtı- 2019” ili çərçivəsində görülən işlərdən danışıb.Sonra ərəb dünyasından Qahirə (Misir), Asiya qrupundan Buxara (Özbəkistan) və Afrika qrupundan Bamaku (Mali) şəhərləri 2020-ci il üçün İslam mədəniyyəti paytaxtları elan edilib.xeber100.com

İSESKO-ya üzv ölkələrin mədəniyyət nazirlərinin XI konfransı işə başlayıb

Dekabrın 17-də Tunisin paytaxtında ölkə Prezidenti Qeys Səidin himayəsi ilə İSESKO-ya üzv ölkələrin mədəniyyət nazirlərinin XI konfransı işə başlayıb.Azərtac xəbər verir ki, “İslam dünyasında mövcud mədəniyyət siyasətlərinin inkişafı uğrunda” devizi altında keçirilən tədbirdə Azərbaycanı Mədəniyyət nazirinin birinci müavini Vaqif Əliyevin rəhbərlik etdiyi nümayəndə heyəti təmsil edir. Konfransda İSESKO-ya üzv ölkələrin mədəniyyət nazirləri və nümayəndə heyətləri iştirak edir.Tədbiri giriş sözü ilə açan Tunisin Mədəniyyət İşləri üzrə naziri Məhəmməd Zeyn əl-Abidin İSESKO ilə ölkəsinin əlaqələrindən, eləcə də “Tunis İslam Mədəniyyətinin paytaxtı” ili ərzində görülmüş işlərdən danışıb.Sonra İSESKO-nun Baş direktoru Salim bin Məhəmməd əl-Malik çıxış edərək təşkilatın həyata keçirdiyi proqramlardan danışıb, “İslam Mədəniyyəti paytaxtı” proqramının uğurla davam etdiriləcəyini bildirib.Tədbirdə həmçinin əvvəlki konfranslarda qəbul edilmiş qərarların icra vəziyyəti müzakirə olunacaq, İslam Dünyasının İrs Komitəsinin hesabatının təqdimatı keçiriləcək, rəqəmsal mədəniyyət haqqında sənəd layihəsinə, mədəniyyət layihələrinin maliyyələşdirilməsi mənbələri haqqında təkliflərə baxılacaq. Eləcə də, İslam dünyasında mədəniyyətin inkişafı ilə bağlı Məşvərətçi Şuranın üzvlərinin seçilməsi, növbəti konfransın yeri barədə müzakirələrin aparılması planlaşdırılır. Konfransın sonunda Tunis Bəyannaməsinin qəbul edilməsi gözlənilir.xeber100.com

Xətai Sənət Mərkəzində yubiley sərgisi açılıb

Xətai Sənət Mərkəzində “Afa Art” rəssamlıq studiyasının tələbələrinin “Fəsillər” adlı yubiley sərgisi açılıb.Azərtac xəbər verir ki, sərgidə 40 dan çox rəngkarlıq əsəri nümayiş olunub.Əsərlərdə dünya ölkələri, o cümlədən vətənimizin gözəl guşələri, fəsillərin rəssam təfəkküründə modern təsəvvürləri təsvir edilib.xeber100.com