Turizm Agentlikləri Assosiasiyası tərəfindən ekspertlər şurası yaradılıb

Azərbaycan Turizm Agentlikləri Assosiasiyası tərəfindən ekspertlər şurası yaradılıb.Azərtac xəbər verir ki, assosiasiyanın tabeliyində fəaliyyət göstərəcək ekspertlər şurası Azərbaycanda gəlmə və getmə turizmində mövcud olan problemlərin araşdırılmasını həyata keçirəcək və onların həlli istiqamətində təkliflər hazırlayaraq idarə heyətinə təqdim edəcək.Görüləcək işlərin keyfiyyətli və standartlara cavab verməsi üçün ekspertlər şurasında daxili və xarici turizm komissiyası, eyni zamanda, xarici logistika komissiyası yaradılıb.Yaradılan komissiyalar, həmçinin ölkəmizə turist axınının artırılması, turistlərin məmnun yola salınması və turizm agentliklərinin fəaliyyətinə nəzarət etmək üçün yeni mexanizmlərinin hazırlanması istiqamətində də təkliflər hazırlayacaq.xeber100.com

Teatrlar sentyabr ayının afişasını təqdim edir

Azərbaycan Dövlət Akademik Milli Dram Teatrı bu ay maraqlı tamaşalarla çıxış edəcək.Azərtac xəbər verir ki, sənət ocağı sentyabrın 21-də yeni mövsümü “Qarabağnamə” ilə açdıqdan sona repertuarda xüsusi yer tutan tamaşaları teatrsevərlərin ixtiyarına verəcək.Belə ki, sentyabrın 22-də “Cəhənnəm sakinləri”, 26-da “12-ci gecə və ya hər nə istəsəniz”, 27-də isə “Bir iki, bizimki” tamaşaları nümayiş olunacaq. Bundan başqa, sentyabrın 28-də “Manqurt”, 29-da isə “Şah Qacar” tamaşaları təqdim olunacaq.Azərbaycan Dövlət Akademik Musiqili Teatrı da digər sənət ocaqları kimi bu ay maraqlı tamaşalarla teatrsevərlərin görüşünə gələcək.Sənət ocağı sentyabrın 20-də “O olmasın bu olsun”la mövsümü açacaq. Sentyabrın 21-də “Ər və arvad”, 22-də “Arşın mal alan”, 27-də isə “Silva” (rus dilində) tamaşaları təqdim ediləcək. Bundan başqa, tamaşaçılar sentyabrın 28-də “Qodonun intizarında”, 29-da isə “999-cu gecə”ni izləyə biləcəklər.Azərbaycan Dövlət Akademik Opera və Balet Teatrı sentyabrda maraqlı səhnə əsərləri ilə çıxış edəcək.Teatr mövsümü sentyabrın 19-da “Koroğlu” operası ilə açıq elan edəcək. Bundan başqa, teatrda sentyabrın 21-də “Bohema”, 22-də “Nəsimi”, 25-də isə “O olmasın bu olsun” (Gəncə) nümayiş olunacaq. Həmçinin sentyabrın 28-də “Jizel”, 29-da “Leyli və Məcnun” teatrsevərlərin ixtiyarına veriləcək.Azərbaycan Dövlət Pantomima Teatrı bu dəfə mövsümü sentyabrın 14-də “Kişilər və qadınlar”la açacaq.Bundan başqa, sənət ocağı sentyabrın 15-də “Ağ bığlılar”, 21-də “Underground”, 22-də “Kişilər və qadınlar” 28-də “İt gəzdirən xanım”, 29-da isə “Dejavü” tamaşaları ilə teatrsevərlərin görüşünə gələcək.xeber100.com

“YUĞ” Dövlət Teatrı 30 illiyini qeyd edəcək

Yeni teatr mövsümündə “YUĞ” Dövlət Teatrı 30 illiyini qeyd edəcək.Teatrdan Azərtac-a bildirilib ki, Mədəniyyət Nazirliyinin dəstəyi ilə reallaşacaq yubiley tədbiri ilin sonlarına planlaşdırılır.Bununla yanaşı, teatrın qurucusu Vaqif İbrahimoğlunun 70 illik yubileyinə həsr olunmuş təntənəli yubiley tədbirlərinin keçirilməsi də nəzərdə tutulur.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Məkanı “YARAT” Akademiyasının növbəti payız sessiyasını elan edir.Azərtac xəbər verir ki, layihə 3 ayı əhatə edəcək. Mövzusu “Qeyri-ənənəvi tarix” olan sessiyada iştirakçılar çoxşaxəli tədqiqat metodları və tematik araşdırma metodu ilə tanış olacaq, tanınmış beynəlxalq və yerli rəssamlar, tədqiqatçılar və professorlarla görüşəcək, habelə panel müzakirə və seminarlarda iştirak edəcək və kursun sonunda verilmiş tapşırığı yerinə yetirməklə əldə edilmiş bacarıqları praktiki sahədə tətbiq edəcəklər.“YARAT” Akademiyasının bütün xarici mütəxəssis mühazirələri Azərbaycan dilinə sinxron və ya ardıcıl tərcümə olunur.xeber100.com

Akademik Opera və Balet Teatrı təqdim edir

Azərbaycan Dövlət Akademik Opera və Balet Teatrı yeni mövsümü sentyabrın 19-da Üzeyir Hacıbəylinin “Koroğlu” üçpərdəli operası ilə açıq elan edəcək.Azərtac xəbər verir ki, Ü.Hacıbəyli XI Beynəlxalq Musiqi Festivalı çərçivəsində təqdim olunacaq səhnə əsərində Koroğlu obrazını Əməkdar artist Ramil Qasımov canlandıracaq. Ötən mövsüm teatrda hazırlanan Fikrət Əmirovun “Nəsimi” baleti bu mövsüm də repertuara daxil edilib. Səhnə əsəri sentyabrın 22-də Ü.Hacıbəyli XI Beynəlxalq Musiqi Festivalı çərçivəsində təqdim olunacaq. “Nəsimi” baleti böyük şairin 650 illiyi münasibətilə ilk dəfə bu ilin mayında nümayiş olunmuşdu.xeber100.com

26 Avqust Beynəlxalq Azərbaycan Muğamı və Musiqisi Günüdür

Müstəqil Azərbaycanda isə milli muğam ifaçılığı yeni inkişaf mərhələsinə qədəm qoyaraq dünyanı fəth edir.Azərtac xəbər verir ki, avqustun 26-sı Beynəlxalq Azərbaycan Muğamı Günü və İpək Yolu üzərində yerləşən ölkələrin musiqisi günü kimi qeyd olunur. 2010-cu ildə Kanadanın Niaqara şəhərinin meriyası və ənənəvi olaraq hər il keçirilən Beynəlxalq Niaqara Musiqisi Festivalının rəhbərliyi tərəfindən qəbul olunan bu qərar xalqımızın milli sərvəti olan muğamın bəşəri musiqiyə çevrildiyini bir daha təsdiq edir. Bu tarix muğamsevərlər, ömrünü bu sənətin yaşamasına və təbliğinə həsr edənlər üçün ən əziz bayramdır.Bəstəkarlarımız üçün ilham mənbəyi olan muğam, həm də milli musiqi mədəniyyətimizin uğurlarının əsasında durur. Dahi Üzeyir Hacıbəyli “Leyli və Məcnun” operasını muğam üzərində yazıb, Fikrət Əmirov “Şur” və “Kürd-Ovşarı” simfonik muğamları ilə dünya musiqisində simfonik muğam janrının əsasını qoyub. Niyazi, Qara Qarayev, Soltan Hacıbəyov, Cövdət Hacıyev, Aqşin Əlizadə, Arif Məlikov, Firəngiz Əlizadə və digər görkəmli bəstəkarlarımızın yaradıcılığında muğamdan irəli gələn bədii prinsiplər ən müasir kompozisiya texnikası ilə qovuşur. Vaqif Mustafazadə bu janrı caz sənətinə gətirib.Tarixən Şuşada Xarrat Qulu Məhəmməd oğlunun, Mir Möhsün Nəvvabın, Şamaxıda Mahmud Ağanın, Bakıda Məşədi Məlik Mənsurovun məclisləri, bu məkanlardan çıxan böyük sənətkarlar muğamın milli musiqimizin ana dili olduğunu bir daha təsdiqləyir.xeber100.com

Rus Dram Teatrı sentyabr ayının repertuarını açıqlayıb

Rus Dram Teatrı 99-cu teatr mövsümünün sentyabr repertuarını açıqlayıb.Azərtac teatrın repertuarını təqdim edir: 14 sentyabr – “Milyonçu qadın”; 15 sentyabr – “Evlənmə”; 20 sentyabr – “Məhəbbətlə zarafat etmirlər”; 21 sentyabr – “Kişi, qadın, pəncərə… məşuq”; 22 sentyabr – “Tənhalıq komediyası” (premyera); 27 sentyabr – “Əli və Nino”; 28 sentyabr – “Kraliçanın son ehtirası”; 29 sentyabr – “Yuxularımdan kənar ol”. Uşaqlar üçün: 14 sentyabr - “Çar Saltan, knyaz Qvidon və Qu quşu şahzadəsi haqqında nağıl”; 15 sentyabr – “Düyməcik”; 21 sentyabr – “Durnabalığının buyruğu ilə”; 22 sentyabr – “Nağılı tap–5”; 28 sentyabr – “Üç donuz balası, Qırmızı papaq və boz canavarlar”; 29 sentyabr – “Gəlin, nağıla baxaq”. Teatrda böyüklər üçün tamaşalar saat 19:00-da, uşaqlar üçün isə saat 12:00-da başlanır.xeber100.com

Ü. Hacıbəyli XI Beynəlxalq Musiqi Festivalı çərçivəsində

Sentyabrın 27-də Opera və Balet Teatrında Pikə Axundovanın “Məhsəti” operasının premyerası olacaq.Azərtac xəbər verir ki, səhnə əsəri Ü. Hacıbəyli XI Beynəlxalq Musiqi Festivalı çərçivəsində göstəriləcək. Operada baş rolu İnarə Babayeva ifa edəcək.Səhnə əsəri AzTV-nin Niyazi adına Simfonik Orkestri və C.Cahangirov adına Xoru tərəfindən müşayiət olunacaq.xeber100.com

Kubada ənənəvi karnaval yürüşlərinə start verilib

Kubanın paytaxtında ənənəvi karnaval yürüşlərinə start verilib. Azərtac bandcuba.com saytına istinadla xəbər verir ki, builki rəngarəng yürüşlər Havananın 500 illik yubileyinə və bəstəkar və müğənni Benni Morenin 100 illiyinə həsr olunub.Karnaval yürüşlərinin başlanması münasibətilə Kuba paytaxtının sakinləri və qonaqların toplaşdığı qədim San-Karlos-de-la-Kabanya qədim qalasının qarşısındakı meydanda toplardan yaylım atəşi açılıb. Yağış və güclü külək səbəbindən tədbirin bir gün təxirə salınmasına baxmayaraq, karnavalın açılışı çox yaddaqalan olub. Belə ki, sahildə yerləşən Malekona meydanında on minlərlə insanın qarşısında və orkestrin müşayiəti ilə “karroslar” – rəngarəng geyimlərdə olan rəqs qruplarının keçidi olub. Sonra ölkənin müxtəlif bölgələrindən paytaxta gəlmiş ”komparsların” yürüşü təşkil edilib. Onların arasında məşhur “Tropikana” qrupu da latın rəqsləri və mahnılar ifa edib.Braziliyada keçirilən karnavaldan fərqli olaraq, Havana şənliklərində çıxış edən rəqs qrupları və müğənnilərin ifası jüri tərəfindən qiymətləndirilir.Gecəyarısına qədər davam edən karnaval yürüşləri minlərlə turisti cəlb edir. Bayram şənlikləri təkcə mərkəzi meydanda deyil, habelə Havananın müxtəlif rayonlarında keçirilir. 2019-cu ildə Havanada 5 karnaval yürüşü olacaq və onlardan sonuncusu avqustun 25-də keçiriləcək.xeber100.com

AKİ-nin rəhbər orqanlarının səlahiyyətləri təsdiq edilib

Ədliyyə Nazirliyi Azərbaycan Kinematoqrafçılar İttifaqının rəhbər orqanlarının səlahiyyətlərini təsdiq edib. Azərbaycan Kinematoqrafçılar İttifaqının mətbuat xidmətinin verdiyi xəbərə görə, Ədliyyə Nazirliyi İttifaqın bütün orqanlarının səlahiyyətlərini, o cümlədən AKİ sədri Rüstəm İbrahimbəyovun  səlahiyyətini təsdiq eidb. 16 iyul konfransında seçilmiş sədr və idarə heyətinin səlahiyyət müddəti 4(dörd)  ildir.Azərbaycan Kinematoqrafçılar İttifaqının katibi Əli İsa Cabarov bildirir ki, 1963-cü ildə təsis olunmuş İttifaqın heç vaxt qeydiyyat problemi olmayıb, sadəcə olaraq Nizamnaməsini  QHT-lər haqqında qanunun tələbinə uyğun hazırlamaq və rəhbər orqanları yenidən seçmək tələb olunurdu. 16 iyul konfransında bu məqsədin öhdəsindən uğurla gəldik.Xatırladaq ki, Ədliyyə Nazirliyi tərəfindən səlahiyyətləri təsdiq olunmuş İdarə Heyətinə AKİ sədri Rüstəm İbrahimbəyov, Anar, Rasim Balayev, Cəmil Fərəcov, Ziya Şıxlinskiy, Əli İsa Cabbarov,  Firəngiz Qurbanova, Baba Vəziroğlu, Məbud Məhərrəmov,  Şükufə Yusupova , Əsəd Əsədov , Həmidə Ömərova , Nizami Abbas, Tahir Əliyev, Lalə Əfəndiyeva, Oleq Səfərəliyev, Cavid İmamverdiyev və Mirbala Səlimli daxildir.xeber100.com