XI Beynəlxalq TRT sənədli film günləri festivalı keçirilir

Türkiyənin İstanbul şəhərində XI Beynəlxalq TRT sənədli film günləri festivalı keçirilir.Azərtac xəbər verir ki, 2009-cu ildən etibarən Türkiyə Radio Televiziya Qurumu tərəfindən təşkil olunan tədbir festivalın təqdimat filmi ilə başlayıb.Bu il festivala iştirak etmək üçün dünyanın 101 ölkəsindən 1397 beynəlxalq, ümumilikdə isə 1605 film təqdim olunub.Tədbirin sonunda iştirakçılara beynəlxalq, milli, tələbə və digər nominasiyalar üzrə mükafatlar təqdim olunacaq.xeber100.com

Bakı Musiqi Akademiyasının yaradılmasının 100 illiyi münasibətilə…

Üzeyir Hacıbəyli adına Bakı Musiqi Akademiyasının (BMA) yaradılmasının 100 illiyi münasibətilə konsert proqramı təqdim olunub.BMA-dan Azərtac-a bildirilib ki, konsertdə akademiyanın müəllim-tələbələri tərəfindən bir-birindən maraqlı musiqi nömrələri səsləndirilib.Həmçinin konsertdə dünya şöhrətli bəstəkarlar J.Haydn, V.Motsart, M.Qlinka, R.Şubert və P.Hindemitin yaradıcılığına müraciət olunub.Konsert proqramı maraqla qarşılanıb.xeber100.com

3-cü Qlobal Sağlamlıq Turizm Forumu öz işinə başlayıb

Aprelin 23-də “Pullman Baku” hotelində 3-cü Qlobal Sağlamlıq Turizm Forumu (QSTF) və Qlobal Sağlamlıq Turizm Şurasının (QSTŞ) 5-ci Assambleyası öz işinə başlayıb.Azərtac xəbər verir ki, tədbir Azərbaycan Dövlət Turizm Agentliyinin rəsmi dəstəyi, Azərbaycan Sağlamlıq və Termal Turizmə Dəstək Assosiasiyası (AHTTSA) və Azərbaycan Sahibkarlar Konfederasiyasının birgə təşkilatçılığı ilə reallaşıb.Əvvəlcə dövlət himni səsləndirilib, ölkəmizin sağlamlıq turizmi barədə hazırlanmış videoçarx nümayiş olunub.“Qlobal Sağlamlıq hamı üçün” şüarı altında keçirilən tədbirdə QSTŞ-yə üzv 25 ölkənin milli sağlamlıq turizm qurumlarının rəhbərlərindən, müalicəvi-sağlamlıq sektoru üzrə baş menecerlərindən, aparıcı ekspertlər və nüfuzlu alimlərdən ibarət 100-dən çox xarici və yerli qonaq iştirak edir.Tədbirdə QSTF-nun sədri Ruslan Quliyev, Azərbaycan Sahibkarlar Konfederasiyasının sədri Məmməd Musayev, Kiçik və Orta Biznesin İnkişafı Agentliyinin sədri Orxan Məmmədov, Dövlət Turizm Agentliyinin aparat rəhbəri Kənan Qasımov və başqaları çıxış edərək sağlamlıq turizmə həsr olunan tədbirin əhəmiyyətini qeyd ediblər.Bildirilib ki, QSTŞ Forumunun Azərbaycanda keçirilməsi ölkəmiz üçün regional və beynəlxalq miqyaslı mühüm və praktiki əhəmiyyət kəsb edir. Belə ki, Azərbaycanın beynəlxalq arenada artan nüfuzunun məntiqi davamı qismində təqdim olunacaq bu tədbirdə respublikanın müalicəvi-sağlamlıq turizm sahəsində mövcud potensialı, real imkanları və perspektivləri nümayiş etdiriləcək, həmçinin ölkəyə yeni keyfiyyətdə turist axınına nail olunması ilə yanaşı, bu sahəyə xarici və daxili investisiyaların cəlb edilməsinə zəmin yaradılacaq.xeber100.com  

Mədəniyyət nazirinin qəbulunun vaxtı dəyişdirilib

Mədəniyyət naziri Ə.Qarayevin aprelin 22-də Lənkəran şəhərində nəzərdə tutulan qəbulu mayın 7-nə keçirilib.Nazirlikdən Azərtac-a bildirilib ki, şəhərdəki Mədəniyyət Mərkəzində saat 11:00-da keçiriləcək qəbulda Astara, Lerik rayonlarından və Lənkəran şəhərindən olan vətəndaşlar iştirak edəcəklər.xeber100.com

Cakomo Puççininin “Toska” operası nümayiş ediləcək

Mayın 12-də Azərbaycan Dövlət Akademik Opera və Balet Teatrı ilə İtaliyanın Azərbaycandakı səfirliyinin birgə mədəni proqramı çərçivəsində Cakomo Puççininin “Toska” operası nümayiş ediləcək.Teatrın mətbuat xidmətindən Azərtac-a bildirilib ki, Toska partiyasını İtaliyanın tanınmış opera müğənnisi Silvana Froli ifa edəcək. Kavaradossi partiyasını isə vokalçıların beynəlxalq müsabiqələrinin laureatı, hazırda İtaliyada yaşayan və fəaliyyət göstərən Vitali Kovalçuk canlandıracaq.Belarus Milli Akademik Böyük Opera və Balet Teatrının solisti, Belarusun Əməkdar artisti Vladimir Qromov operada Skarpia rolunda çıxış edəcək.Səhnə əsəri tanınmış italyan dirijoru, Makedoniya Dövlət Opera və Balet Teatrının dirijoru, professor Yakopo Sipari di Peskasseroli tərəfindən idarə olunacaq.Operada, həmçinin teatrın solistləri - Xalq artistləri Əli Əsgərov, Əkrəm Poladov, Əməkdar artistlər Cahangir Qurbanov, Əliəhməd İbrahimov yer alacaqlar.xeber100.com

Turizm Assosiasiyası turizm kursları təşkil edəcək

Azərbaycan Turizm Assosiasiyasının (AZTA) təşkilatçılığı ilə getmə turizmi üzrə menecer hazırlığı kursları fəaliyyətə başlayacaq.AZTA-dan Azərtac-a bildirilib ki, kursun məqsədi yeni və peşəkar turizm kadrlarının hazırlanması, onların peşəkarlıq səviyyəsinin artırılmasıdır.Kurs iki ay müddətində davam edəcək.xeber100.com

Aşıq Pəri məclisinin sazlı-sözlü konserti keçiriləcək

İyunun 10-da Heydər Əliyev Sarayında Aşıq Pəri məclisinin sazlı-sözlü konserti keçiriləcək.Sarayın mətbuat xidmətindən Azərtac-a bildirilib ki, gecəsində Əməkdar mədəniyyət işçiləri Gülarə Azaflı, Ulduz Sönməz, Solmaz Kosayeva, Zülfiyyə Aşıqlı, Aşıq Samirə, şairələr Səadət Buta, Güllü Eldar Tomarlı, Aynur Qafarlı, Təbrizə Pünhan, Südabə İrəvanlı və Fatimə Vəfa çıxış edəcəklər. Gecədə həmçinin tanınmış aşıqlar Gözəl Kəlbəcərli, Familə Göyçəli, Kəmalə Məhyəddinqızı, Rəfiqə Göyçəli, İnci Şirvanlı, Xavər Zəngilanlı, Aidə Gülzar, Əfsanə Kərimli, Xəyalə Qəribqızı, Könül Gədəbəyli, Göyçə Ömürlü, Vüsalə Gədəbəyli, Türkay Ayna, Nargilə Mehdiyeva və digərlərinin ifaları dinləniləcək.Konsertin aparıcısı Aşıq Pəri məclisinin sədri Pərvanə Zəngəzurlu olacaq.Konsertin biletlərini Heydər Əliyev Sarayının kassasından, şəhərin kassalarından, “ASAN xidmət” mərkəzlərindən, “Gənclik” və “28 Mall” ticarət mərkəzlərindəki kassalardan əldə etmək olar.xeber100.com

Qlobal Sağlamlıq Turizm Forumu keçiriləcək

Aprelin 22-24-də Bakı şəhərində Azərbaycan Dövlət Turizm Agentliyinin rəsmi dəstəyi ilə 3-cü Qlobal Sağlamlıq Turizm Forumu və Qlobal Sağlamlıq Turizm Şurasının (QSTŞ) 5-ci Assambleyası keçiriləcək.Azərbaycan Sağlamlıq və Termal Turizmə Dəstək Assosiasiyasının mətbuat xidmətindən Azərtac-a bildirilib ki, “Qlobal Sağlamlıq hamı üçün” şüarı altında gerçəkləşdiriləcək tədbirdə QSTŞ-yə üzv 25 ölkənin milli sağlamlıq turizm qurumlarının rəhbərlərindən, müalicəvi-sağlamlıq sektoru üzrə baş menecerlərindən, aparıcı ekspertlər və nüfuzlu alimlərdən ibarət ümumi sayda 150 nəfər xarici və yerli qonağın iştirakı nəzərdə tutulur.xeber100.com

Akademik Opera və Balet Teatrı təqdim edir

Akademik Opera və Balet Teatrının repertuarında özünəməxsus yer tutan Pyetro Maskanyinin “Kənd namusu” növbəti dəfə operasevərlərə təqdim olunacaq.Teatrdan bildirilib ki, almaniyalı rejissor Lüdviq Baumannın quruluşda baxılan səhnə əsərində rolları Qərinə Kərimova, Samir Cəfərov, Taleh Yahyayev, Nina Makarova və Səbinə Vahabzadə ifa edəcək.Xronometrajı 1 saat 50 dəqiqə olan səhnə əsərinin əsas qəhrəmanları - öz məhəbbətinə hədsiz dərəcədə sədaqətli olan Santutsa, yüngül xasiyyətli, şıltaq Lola, ehtiraslı Turiddu və öz rəqibindən amansız qisas alan Alfiodur. Operanın İtaliya xalq mahnılarının əsasında qələmə alınmış musiqisi, əsərin kəskin süjet xəttinə uyğun olub, qəhrəmanların xarakterinin daha aydın şəkildə açılmasına yardım edir.xeber100.com

Musiqili Teatr aprel ayının repertuarını təqdim edir

Akademik Musiqili Teatrı aprel ayı üçün rəngarəng repertuar planını təsdiqləyib. Bu dəfə də sənət ocağının yaradıcı kollektivi maraqlı səhnə əsərləri ilə teatrsevərlərin görüşünə gələcək.Teatrın repertuarını təqdim edirik: 5 aprel - “Bir dəfə Bağdadda” 6 aprel - “Düyməcik” (rus dilində), “Molla Nəsrəddinin beş arvadı” 7 aprel - “Buratino”, “Mənim günahım” 12 aprel - “Balaca şahzadə” 13 aprel - “Balaca şahzadə” 14 aprel - “Dəcəl çəpişlər”, “Yağış göbələyinin macərası” (rus dilində), “Qızıl toy” 16 aprel - “O olmasın, bu olsun” 17 aprel - “999-cu gecə” (F.Əmirovun musiqiləri əsasında) 18 aprel - “Silva” (rus dilində) 19 aprel - “Qızıl cücə” (rus dilində), “Toya bir gün qalmış” 20 aprel - “Qırmızı papaq”, “Amerikalı kürəkən” 21 aprel - “Qızıl cücə” (rus dilində) 21 aprel - “Baladadaşın toy hamamı” 26 aprel - “Kimdir müqəssir?” 27 aprel - “Arşın mal alan” 28 aprel - “O olmasın, bu olsun”.xeber100.com