Dünya Hepatitlə Mübarizə Gününə həsr olunmuş tədbir keçirilib

Respublika Müalicəvi Diaqnostika Mərkəzinin (RMDM), Binəqədi Rayon İcra Hakimiyyətinin, Yeni Azərbaycan Partiyası Binəqədi rayon təşkilatı gənclər birliyinin və Məhəmməd Əmin Rəsulzadə qəsəbə bələdiyyəsi ərazi ilk partiya təşkilatının təşəbbüsü ilə RMDM-də 28 iyul – Dünya Hepatitlə Mübarizə Gününə həsr olunmuş tədbir keçirilib.RMDM-in mətbuat xidmətindən Azərtac-a bildiriblər ki, tədbirdə çıxış edən M.Ə.Rəsulzadə bələdiyyəsi ərazi ilk partiya təşkilatı gənclər birliyinin sədri Ayla İbrahimova Dünya Səhiyyə Təşkilatının hepatit viruslarının yayılmasının qarşısının alınmasına və onunla mübarizəyə kompleks yanaşmağa çağıraraq 2010-cu ildən etibarən 28 iyul tarixini Beynəlxalq Hepatitlə Mübarizə Günü elan etdiyini vurğulayıb.RMDM-in həkim-qastroenteroloq-hepatoloqu, Türkiyə Qastroenteroloji Dərnəyinin fəxri üzvü Cəmil Kamilli hepatit virusları və onların əlamətləri, yoluxma yolları, diaqnostikası, müalicəsi, profilaktik tədbirlər haqqında məlumat verib.Digər çıxış edənlər tədbirin əhəmiyyətini vurğulayıb, belə maarifləndirici aksiyaların davamlı keçirilməsinin vacibliyini qeyd edib, gəncləri bu işdə fəal olmağa çağırıblar.Aksiya çərçivəsində Cəmil Kamilli Məhəmməd Əmin Rəsulzadə qəsəbəsində yaşayan gəncləri ödənişsiz müayinə edib.xeber100.com

28 iyul–Dünya Hepatitlə Mübarizə Günü ilə bağlı kampaniya keçirilir

İyulun 24-28-də Respublika Müalicəvi Diaqnostika Mərkəzində (RMDM) 28 iyul–Dünya Hepatitlə Mübarizə Günü ilə bağlı kampaniya keçirilir.RMDM-in mətbuat xidmətindən Azərtac-a bildiriblər ki, kampaniyada iştirak edənlər ödənişsiz həkim-hepatoloqun konsultasiyasını alacaq və həkim tərəfindən təyin olunan laborator müayinələrdən 20 faiz endirimlə faydalanacaqlar.Konsultasiya RMDM-in həkim-qastroenteroloq-hepatoloqu Cəmil Kamilli tərəfindən aparılacaq.xeber100.com

Tibb Universitetində ödənişsiz aksiya keçiriləcək

Avqustun 1-dən 31-dək Azərbaycan Tibb Universitetinin (ATU) Tədris Terapevtik Klinikasında ödənişsiz aksiya keçiriləcək.ATU-nun mətbuat xidmətindən Azərtac-a bildiriblər ki, aksiya çərçivəsində kardioloji problemlərdən əziyyət çəkən şəxslər ödənişsiz həkim-kardioloqun müayinəsindən keçəcək və EKQ-dən yararlana biləcəklər.xeber100.com  

Diaqnostika Mərkəzində növbəti görüş keçirilib

Müalicəvi Diaqnostika Mərkəzinin (RMDM) nəzdində fəaliyyət göstərən Ürək Mərkəzində Səhiyyə Nazirliyinin təşkilatçılığı ilə növbəti görüş keçirilib.Azərtac xəbər verir ki, tədbirdə ürək-damar cərrahı, tibb üzrə elmlər doktoru Rəşad Mahmudov müasir ürək problemləri, onların müalicə və profilaktikası istiqamətində atılan addımlarla bağlı çıxış edib.R.Mahmudov bildirib ki, Bakı Ürək Mərkəzinin fəaliyyətə başlaması Azərbaycan səhiyyəsinin növbəti uğurudur. Mərkəzin yaradılmasında məqsəd Azərbaycanda ürək xəstəliklərinin profilaktikasında, erkən diaqnostikasında və müalicəsində beynəlxalq standartlara uyğun xidmətin, keyfiyyət sisteminin tətbiqinə təkan vermək, həmçinin bu sahədə çalışan peşəkarların dolğun fəaliyyətinə hərtərəfli şərait yaratmaqdır.xeber100.com

Talassemiya Federasiyasının təşkilatçılığı ilə…

İyulun 15-də Azərbaycan Talassemiya Federasiyasının təşkilatçılığı ilə “Park Bulvar” Ticarət Mərkəzində “Qan ver, həyat xilas et” adlı növbəti könüllü və təmənnasız qanvermə aksiyası keçirilib.Azərtac xəbər verir ki, aksiyada iştirak edən 50-yə yaxın şəxsin 31-dən qan alınıb.Federasiyanın vitse-prezidenti Fuad Rəsul bildirib ki, yayda havaların isti keçməsi donorların sayına ciddi təsir edib. İrsi xəstəlikdən əziyyət çəkənlərə mütəmadi qan köçürülməlidir və aksiyalar həmin məqsədlə təşkil olunub. O, Azərbaycanda talassemiyadan əziyyət çəkən 1500-dən çox xəstəsinin olduğunu diqqətə çatdıraraq donorlara təşəkkürünü bildirib, hər kəsi belə xeyirxah aksiyalarda fəallıq nümayiş etdirməyə səsləyib.xeber100.com

Səhiyyə Nazirliyinin təşkilatçılığı ilə…

Səhiyyə Nazirliyinin təşkilatçılığı ilə iyulun 12-15-də İmişli rayonunun Bəhrəmtəpə qəsəbəsində yaşayan məcburi köçkünlərin ödənişsiz ilkin göz müayinəsi aparılacaq. Müayinə zamanı görə laborator yoxlaması və əməliyyat proseduru həyata keçiriləcək.Səhiyyə Nazirliyindən Azərtac-a bildiriblər ki, vətəndaşların müayinə, laborator yoxlaması və əməliyyatlar Milli Oftalmologiya Mərkəzinin həkimləri tərəfindən aparılacaq.“Regional İnkişaf” İctimai Birliyinə bölgələrdən səhiyyə ilə bağlı müxtəlif problemlərin, o cümlədən müxtəlif xəstəliklərin müayinə və müalicəsinə kömək göstərilməsi ilə bağlı müraciətlər daxil olur. İctimai Birlik həmin müraciətlərin təhlili nəticəsində mütəmadi olaraq, regionlarda səhiyyə ilə bağlı müxtəlif sosial layihələr, ödənişsiz tibbi müayinələr təşkil edir.xeber100.com

II regional elmi-praktik konfrans keçirilib

Qubada Tibb Universitetinin ATU I nevrologiya və tibbi genetika kafedrasının müdiri Şərif Mahalovun təşəbbüsü ilə Azərbaycan Epilepsiya ilə Mübarizə Liqasının II regional elmi-praktik konfransı keçirilib. Tədbir Azərbaycanda epileptoloji xidmətin səviyyəsini yüksəltmək məqsədilə təşkil olunub.ATU-nun mətbuat xidmətindən Azərtac-a bildiriblər ki, konfransda professor Ş.Mahalovun “Azərbaycanın şimal-şərq regionunda epileptoloji xidmətin təşkili” mövzusunda məruzəsi dinlənilib.Sonra nevrologiya kafedrasının digər əməkdaşları epilepsiyanın yaranma səbəbləri, formaları, klinikası, diaqnostikası və müalicəsində ən müasir yanaşmalarla bağlı məlumat veriblər.xeber100.com

Oftalmoloqların elmi konfransı keçiriləcək

Noyabrın 24-də Milli Oftalmologiya Mərkəzində “Müasir oftalmologiyanin problemləri və son nailiyyətləri” mövzusunda gənc oftalmoloqların elmi konfransı keçiriləcək.Milli Oftalmologiya Mərkəzindən Azərtac-a bildiriblər ki, çıxışlar üçün müraciətlər sentyabrın 15-nə, məqalələr isə oktyabrın 5-nə qədər qəbul edilir. Konfransın materialları məqalədə toplanaraq “Oftalmologiya” jurnalında çap olunacaq.xeber100.com

“Tütün – inkişaf üçün təhlükə!” mövzusunda tədbir keçirilib

Səhiyyə Nazirliyinin İctimai Səhiyyə və İslahatlar Mərkəzində Azərbaycan Qızıl Aypara Cəmiyyəti (AQAC) ilə birgə “Tütün - inkişaf üçün təhlükə!” mövzusunda tədbir keçirilib.AQAC-dan Azərtac-a bildiriblər ki, görüşdə tütünlə mübarizəyə dair qanunvericiliyin gücləndirilməsi sahəsində müvafiq işlərin əlaqələndirilməsi məsələsi müzakirə olunub.Xatırladaq ki, bu sahədə fəaliyyət proqramları AQAC-ın regional mərkəzləri və rayon bölmələri vasitəsilə yerli dövlət və qeyri-hökumət təşkilatları ilə əməkdaşlıq şəraitində hazırlanaraq həyata keçirilir.xeber100.com

Səhiyyə Nazirliyinin məlumatı

Səhiyyə Nazirliyinin İctimai Səhiyyə və İslahatlar Mərkəzi (İSİM) Azərbaycan Respublikasının Prezidenti yanında Bilik Fondu ilə birgə iyulun 3-də İsmayıllı Bilik Evində “Narkomaniyaya qarşı mübarizə edək” mövzusunda tədbir keçirib. Tədbirdə İsmayıllı rayonunun həkimləri, müəllim və valideynlər iştirak ediblər.İSİM-dən Azərtac-a bildirilib ki, tədbirdə Mərkəzin həkim-metodisti Şəhla Mirzəzadə geniş təqdimatla çıxış edərək, zərərli vərdişlərə, narkotik maddələrə aludəliyin ağır fəsadları barədə ətraflı məlumat verib. O, bəşəriyyətin ən böyük bəlalarından olan narkomaniyanın cəmiyyətin mənəvi və əxlaqi dəyərlərinə, eyni zamanda insanların həyatına, sağlamlığına ciddi təhlükə yaratdığını vurğulayaraq, gəncləri narkotik maddələrdən, o cümlədən digər zərərli vərdişlərdən uzaq tərbiyə etməyin vacibliyini bildirib. İnteraktiv tərzdə keçən tədbirdə iştirakçıların sualları cavablandırılıb, narkomaniyanın profilaktikası məqsədilə təşkil olunan təqdimatların, mədəni-kütləvi aksiya və təşviqat kampaniyalarının sağlam həyat tərzinin təbliğində böyük əhəmiyyət daşıdığı vurğulanıb.“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramının həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planı”na uyğun olaraq keçirilən tədbirin sonunda iştirakçılara İSİM tərəfindən hazırlanmış maarifləndirici materiallar paylanılıb.xeber100.com