London tədqiqatçılarının araşdırmasına görə…

Londonun İmperial Kolleci və Norveçin Elm və Texnologiya Universitetinin tədqiqatçıları tərəfindən aparılan araşdırmaya görə, gündə ən azı 20 qram qoz yeyən insanların təhlükəli xəstəliklərə tutulmaq riski çox aşağıdır. Araşdırmanın nəticələri “BMC Medicine” jurnalında dərc olunub.Azərtac sciencedaily.com saytına istinadən xəbər verir ki, tədqiqatlar 819 min iştirakçı arasında aparılıb. Məlum olub ki, gündə iyirmi qram qoz yemək insanlarda ürək xəstəliklərini təqribən 30, tənəffüs xəstəliklərini 50, şəkərli diabet xəstəliyini 40, xərçəngi isə 15 faiz azaldır. Bu insanlarda qəfil ölüm təhlükəsi 22 faizə bərabər olur.

Səhiyyə Nazirliyinin məlumatı…

Nikaha daxil olmaq istəyənlərin icbari tibbi müayinəsi tətbiq olunduğu vaxtdan bu il noyabr ayının sonuna qədər müayinədən 219256 nəfər keçib.Səhiyyə Nazirliyinin mətbuat xidmətindən Azərtac-a bildirilib ki, 2015-ci il iyunun 1-dən bu il noyabrın 30-dək müayinələrdən keçmiş şəxslərdən bəzilərində müxtəlif xarakterli infeksiyalar aşkarlanıb. Ümumilikdə isə müayinədən keçənlərin əksəriyyətinin sağlamlıq durumunun qənaətbəxş olduğu müəyyən edilib. Müayinələr nəticəsində 9892 nəfərdə talassemiya daşıyıcılığı, 828 nəfərdə sifilis, 147 nəfərdə isə QİÇS aşkarlanıb.Qeyd edək ki, tibbi müayinə və məsləhətlər nikaha daxil olmaq istəyən şəxslərin və ya onlardan birinin yaşayış yeri üzrə Səhiyyə Nazirliyi tərəfindən müəyyən edilmiş dövlət və bələdiyyə tibb müəssisəsində həyata keçirilir.xeber100.com

“Novaya qazeta”nın məlumatına görə…

Tədqiqatlara əsasən siqaretçəkmə insan sağlamlığına çox pis təsir edir: zərərli vərdiş tənəffüs yollarının xroniki xəstəliklərinə səbəb olur, immuniteti zəiflədir, ömür müddətini isə xeyli qısaldır. Ağciyər xərçəngi və ürək damar sistemi xəstəlikləri siqaretçəkmənin doğurduğu ən qorxunc fəsadlar sayılır.Amerika alimləri davamlı araşdırmalardan sonra məyusedici qənaətə gəliblər. Sən demə, ürək-damar xəstəlikləri və xərçəng nikotin asılılığının əmələ gətirdiyi xəstəliklər aysberqinin yalnız gözlə görünən hissəsidir.“Novaya qazeta”ya istinadla xəbər verir ki, amerikalı alimlər yaşı əllidən çox olan bir çox siqaretçəkənin sağlamlıq durumunu müayinə ediblər. Nəticələr onları heyrətləndirib. Tədqiqat göstərib ki, nikotin asılılığının əmələ gətirdiyi xəstəliklərdən əvvəllər rəsmi statistikada göstərildiyindən 20 faiz çox adam dünyasını dəyişir.Alimlərin fikrincə, döş və prostat vəzisi xərçəngi, hipertoniya kimi xəstəliklər, müxtəlif infeksiyalar da siqaretçəkmədən qaynaqlanan fəsadlardır. Alimlər siqaretçəkmə ilə bu xəstəliklər arasında qarşılıqlı əlaqənin olduğunu sübut etmək və nikotin asılılığının insan sağlamlığına necə ziyan vurduğunu hamıya göstərmək istəyirlər.

Mütəxəssislər xəbərdarlıq edirlər…

London Kral Kolleci hospitalının mütəxəssisləri xəbərdar edirlər ki, çoxlu su içmək olmaz. “Daily Mail” nəşri xəbər verir ki, artıq maye sağlamlıq üçün təhlükəlidir. Həkimlər gündə yalnız bir litr su içməyi tövsiyə edirlər. Yeri gəlmişkən, MDMA qəbul edən və ya dözümlülüyü artırmaq üçün ciddi məşq edən adamların qanının tərkibində də duzların səviyyəsinin anormal dərəcədə aşağı olması müşahidə edilir.xeber100.com

Beynəlxalq konfrans keçirilib

Tbilisidə “Nevroloji xəstəliklərə qarşı erkən müdaxilə” mövzusunda beynəlxalq konfrans keçirilib. Konfransda xüsusi ehtiyacı olan insanlarda, xüsusən də uşaqlarda nevroloji xəstəliklərin vaxtında aşkarlanması, onlara vaxtında tibbi yardımın göstərilməsi, bu sahədə beynəlxalq əməkdaşlıq, informasiya mübadiləsi, birgə layihələrin hazırlanması və həyata keçirilməsi məsələləri müzakirə mövzusu olub.Azərbaycandan gəlmiş nümayəndələr gürcü və avropalı həmkarları ilə görüşüb, bu sahədə birgə əməkdaşlıq məsələlərini müzakirə ediblər. Azərbaycanın və Gürcüstanın əlaqədar qurumları və qeyri-hökumət təşkilatları arasında birgə layihələrin həyata keçirilməsi barədə razılıq əldə olunub.Qeyd edək ki, Gürcüstan Nevroloji Assosiasiyası tərəfindən təşkil olunan tədbirdə Azərbaycan ilə yanaşı, 9 ölkədən 50-dək nümayəndə iştirak edib.xeber100.com

Dünya Səhiyyə Təşkilatı xəbərdarlıq edir…

Hazırda Avropada vəhşi quşlar arasında A(H5N8) virusunun yayılması müşahidə edilir. Dünya Səhiyyə Təşkilatının (DST) ekspertləri hesab edirlər ki, insanın quş qripinə yoluxması ehtimalı minimaldır. Lakin onların hamısı sayıqlıq nümayiş etdirməyi, xəstə quşlara yalın əllə toxunmamağı, quş ətindən yemək hazırlayan zaman maksimum ehtiyatlı olmağı, habelə yeri hakimiyyət orqanlarını xəstə quşlar barədə məlumatlandırmağı məsləhət görürlər.Azərtac BMT-nin Xəbərlər Mərkəzinə istinadla xəbər verir ki, 2016-cı ilin iyun ayında DST-nin Avropa Regional Bürosuna Avstriya, Macarıstan, Almaniya, Danimarka, İsrail, Niderland, Polşa, Rusiya, Xorvatiya və İsveçrə ərazilərində vəhşi quşlarda, bəzi hallarda ev quşlarında A(H5N8) quş qripinin ən patogen formalarından birinin aşkar edilməsi barədə informasiya daxil olub.İnsanların H5N8 virusuna yoluxma riskinin cüzi olduğunu qeyd edən həkimlər virusun mutasiya edə biləcəyini istisna etmirlər. Onlar xatırladıblar ki, əvvəllər insanların quş qripinin belə tiplərinə yoluxması ilə bağlı ayrı-ayrı hallar qeydə alınıb.2014-cü ildən etibarən bu, regionda vəhşi və ev quşları arasında yaranmış artıq ikinci A(H5N8) qripi ocağıdır. Quş qripinin bu növü külli miqdarda quşun, o cümlədən toyuq, ördək və qazların tələf olmasına gətirib çıxarır.xeber100.com

“Avropa İİV-ə testləşmə həftəsi” kampaniyası çərçivəsində…

Respublika QİÇS-lə Mübarizə Mərkəzi "Avropa İİV-ə testləşmə həftəsi" kampaniyası çərçivəsində maarifləndiriçi tədbirləri davam etdirir.Səhiyyə Nazirliyinin mətbuat xidmətindən Azərtac-a bildirilib ki, kampaniya çərçivəsində “Park bulvar”, “Metropark” ticarət mərkəzlərində, eləcə də Bakı Texniki Kolleci, Mingəçevir Politexnik İnstitutu, Azərbaycan Texniki Universiteti, Gəncə Dövlət Universiteti, Azərbaycan Tibb Universitetinin Tədris Terapevtik Klinikası və Şəki Tibb Kollecində İİV-lə bağlı müayinələr keçirilib.Aksiyalar zamanı mərkəzin mütəxəssisləri İİV infeksiyası və ondan qorunma üsulları, sağlam və təhlükəsiz həyat tərzi barədə iştirakçılara ətraflı məlumat veriblər. Tədbirlərdə könüllü olaraq 4 mindən artıq insan İİV-lə bağlı test müayinəsindən keçiblər. Bununla yanaşı, "Avropa İİV-ə testləşmə həftəsi” kampaniyası çərçivəsində ölkənin bir necə şəhər və qəsəbəsinin sakinləri arasında İİV-lə bağlı müayinələr aparılıb, broşür və bukletlər paylanılıb. Aksiyalar zamanı vətəndaşlara pulsuz və anonim qaydada ekspress-testdən keçmək və 15 dəqiqə ərzində öz İİV statusunu müəyyən etmək imkanı yaradılıb.Xatırladaq ki, “Avropa İİV-ə testləşmə həftəsi” kampaniyasında bu il Avropanın 54 ölkəsindən 800-dən çox dövlət və ictimai təşkilat iştirak edib.xeber100.com

Dünya Səhiyyə Təşkilatının məlumatına görə…

Azərbaycan Tibb Universiteti (ATU) Dünya Səhiyyə Təşkilatının (DST) Kimyəvi Risklərin Qiymətləndirilmə Şəbəkəsinin üzvü olub. Bu barədə DST İctimai Sağlamlıq Departamentinin direktoru Maria Neira tərəfindən ATU-ya ünvanlanan məktubda rəsmi açıqlama verilib.Universitetin DST şəbəkəsi ilə əlaqələndiricisi İsmayıl Əfəndiyevin Azərtac-a verdiyi məlumata görə, kimyəvi təhlükəsizlik XXI əsrin qlobal problemlərindən biridir. On milyona qədər müxtəlif kimyəvi maddənin ətraf mühitdə toplanması nəticəsində son onillikdə bütün dünyada kəskin və xroniki zəhərlənmə problemi xüsusi aktuallıq kəsb edib. Bu maddələrin çoxu sənayedə, kənd təsərrüfatında və məişətdə istifadə olunur. DST-nin məlumatına əsasən, təxirəsalınmaz yardıma görə stasionara təcili daxil olanların 15-20 faizini kimyəvi mənşəli kəskin zəhərlənmələrə məruz qalan şəxslər təşkil edir. İl ərzində 350 mindən artıq insan isə ancaq təsadüfi zəhərlənmədən ölür.xeber100.com

“Məktəblilərin sağlam həyat tərzinin formalaşması”…

Moskvada “Müasir şəraitdə məktəblilərin sağlam həyat tərzinin formalaşması” mövzusunda beynəlxalq konfrans keçirilib.Səhiyyə Nazirliyinin mətbuat xidmətindən Azərtac-a bildiriblər ki, konfrans Ümumdünya Səhiyyə Təşkilatının Avropa regional bürosunun “Şərqi Avropa və Mərkəzi Asiya ölkələrində sağlam məktəb şəbəkəsinin inkişafı” layihəsinə və Rusiya Federasiyası Səhiyyə Nazirliyinin elmi-praktik tədbirlər planına uyğun olaraq təşkil olunub.Konfransda Azərbaycanı Səhiyyə Nazirliyinin İctimai Səhiyyə və İslahatlar Mərkəzinin (İSİM) mütəxəssisləri təmsil ediblər.xeber100.com

“Düzgün kliniki praktika” mövzusunda seminarın açılış mərasimi olub

Azərbaycan Tibb Universitetinin (ATU) Tədris Cərrahiyyə Klinikasında İsrailin Ben-Qurion Universiteti əməkdaşlarının keçirdiyi “Düzgün kliniki praktika” mövzusunda seminarın açılış mərasimi olub.Universitetin mətbuat xidmətindən Azərtac-a verilən məlumata görə, mərasimdə çıxış edən klinikanın direktoru, professor Surxay Hadıyev bu cür beynəlxalq tədbirlərin klinik tədqiqatlar sahəsində çalışan alimlərin elmi fəaliyyətlərinin inkişafında böyük rol oynayacağını bildirib.