“Gazprom” şirkəti 2 milyard dollar maliyyə vəsaiti ayırıb

“Gazprom” şirkəti “Türk axını” qaz boru kəməri (“TurkStream”) layihəsinə 2 milyard dollar maliyyə vəsaiti ayırıb.Azərtac xəbər verir ki, bu barədə “Gazprom” məlumat yayıb. Bildirilir ki, şirkət “Transgaz Krasnodar” şirkəti vasitəsilə boru kəməri layihəsinə 125 milyard rubl (təxminən 1,9 milyard dollar) ayırıb. Bu vəsait “Gazprom” 100 faizlik törəməsi “South Stream Transport B.V.” şirkətinin hesabına köçürülüb: “Təklif olunan maliyyə resursları borcalan tərəfindən qurumun kapitalının gücləndirilməsi üçün istifadə olunacaq”.Qeyd edək ki, Rusiyanın xüsusi iqtisadi zonasında “TurkStream”in ikinci xətti tikintisi yekunlaşıb. İndiyə qədər iki xətt üzrə 1520 kilometrdən çox boru döşənib, yəni “TurkStream”ın dəniz hissəsinin 80 faizi tamamlanıb.Rusiya qazını Türkiyəyə və Avropaya çatdıracaq “TurkStream”in əsas rezervini Yeni Urenqoyda çıxarılan təbii qaz təşkil edəcək. “TurkStream”in ilk xəttinin Türkiyənin təbii qaza olan hazırkı tələbatının təxminən 35 faizini ödəyə biləcək. Boru kəmərinin ikinci xəttinin Türkiyə sularında inşası üçün bütün lazımi icazələr alınıb. Türkiyə “TurkStream”in dəniz hissəsini tikən şirkətdən vergi almayacaq.Türkiyədəki təbii qaz qəbulu terminalı İstanbulun təxminən 100 kilometr qərbində yerləşən Kıyıköy bölgəsində tikilir. Buraya gələn qaz Türkiyənin “Botaş” şirkəti tərəfindən inşa ediləcək xətt ilə Lüleburqazdan beynəlxalq qaz şəbəkəsinə veriləcək.“TurkStream” layihəsi üzrə ikinci xətlə təbii qazın Türkiyə-Yunanıstan sərhədində, İpsala yaxınlarında Avropaya göndərilməsi planlaşdırılır. Lakin bu marşrut hələ ki müzakirə edilir, təbii qazı alacaq və daşıyacaq ölkələrlə danışıqlar aparılır.Yeni Urenqoyda 12 trilyon kubmetrlik təbii qaz ehtiyatı “Gazprom”un yataqlarındakı ümumi ehtiyatların 70 faizini təşkil edir. “Gazprom” cari ildə “Türk axını” layihəsinə 3,2 milyard dollar vəsait sərf edəcək.Boru kəməri iki xətdən ibarət olacaq və hər biri 15,75 milyard kubmetr təbii qaz daşıyacaq. “TurkStream” boru kəməri ilə Rusiya təbii qazının Türkiyəyə və Avropaya nəqli planlaşdırılır. Layihə Qara dəniz üzərindən Türkiyənin Avropa hissəsinədək və daha sonra Yunanıstan sərhədinədək qaz boru kəmərinin tikintisini nəzərdə tutur. Kəmərin dəniz hissəsinin uzunluğu 930 kilometrə yaxın, quru hissəsi isə Türkiyə ərazisi üzrə 180 kilometrdir. Boru kəmərinin birinci xətti Türkiyə bazarı, ikincisi Cənubi və Cənub-Şərqi Avropa ölkələri üçün nəzərdə tutulur. Layihənin dəyəri 7 milyard ABŞ dolları qiymətləndirilir. Boru kəməri ilə qaz nəqlinin 2019-cu ilin dekabr ayından başlayacağı gözlənilir.xeber100.com

Yaponiya Nazirlər Kabineti hökumətin yeni tərkibini elan edib

Oktyabrın 2-də Yaponiya Nazirlər Kabinetinin baş katibi Yoşihide Suqa hökumətin yeni tərkibini elan edib.Azərtac xəbər verir ki, əvvəlki hökumətin tərkibinə daxil olan və Şinzo Abeyə yaxınlığı ilə seçilən altı nazir öz vəzifəsində saxlanılıb. Onlar Baş nazirin müavini və maliyyə naziri Taro Aso, baş katib Yoşihide Suqa, xarici işlər naziri Taro Kono, iqtisadiyyat, ticarət və sənaye naziri Horişiqe Seko, dövlət torpaqları və nəqliyyat naziri Keyiçi İşii və iqtisadi bərpa naziri Toşimitsu Moteqidir.Hökumətin üçdəikisi - 12 nazir tamamilə yenidir: müdafiə naziri Takeşi İvaya, ətraf mühit naziri Yoşiaki Harada, Okinava və şimal torpaqları, həmçinin inzibati islahatlar naziri Mitsuhiroşi Miyakoşi, ümummilli işlər və kommunikasiyalar naziri Masatoşi İşida, Olimiada və Paralimpiada üzrə nazir Yoşitaka Sakurada, elm və texnologiyalar naziri Takuya Hirai, təbii fəlakətlərdən sonra bərpa naziri Hiromiçi Vatanabe, təhsil, mədəniyyət və idman naziri Masahiko Şibayama, kənd, meşə və balıqçılıq təsərrüfatı naziri Takamori Yoşikava, ictimai təhlükəsizlik və əvəzçiliklə təbii fəlakətlərin nəticələrinin aradan qaldırılması naziri Zyunzyo Yamamoto, yeni hökumətdə yeganə qadın - regionların inkişafı naziri Satsuki Katayama, səhiyyə və sosial təminat naziri Takumi Nemoto və ədliyyə naziri Takaşi Yamaşita.Həmin gün səhər Şinzo Abe özünün sayca üçüncü kabinetinin tam tərkibdə istefa ərizələrini qəbul edib.Bu gün Yaponiya hökuməti yeni tərkibdə İmperator Akihito tərəfindən təsdiq olunma mərasimində iştirak edəcək və bundan sonra rəsmi şəkildə formalaşmış hesab olunacaq.xeber100.com

“Times Higher Education” jurnalının açıqlamasında…

İngiltərənin “Times Higher Education” jurnalı dünyanın ən yaxşı universitetlərinin adını açıqlayıb. Sıralamaya 500 universitet daxildir.Siyahı hazırlanarkən təhsil müəssisələrinin elmi tədqiqatları, beynəlxalq araşdırmaları, gəlirləri və ötən ilki siyahıda sıralaması nəzərə alınıb.Siyahıda Böyük Britaniya, ABŞ və Yaponiyadan sonra ən çox ali təhsil müəssisəsi olan Çin yer alıb. Ümumilikdə siyahıya Çindən 72 universitet daxil edilib.Sıralamada 1-ci yeri İngiltərənin Oksford Universiteti tutur. Universitet 3 ildir ki, birinci yerdədir.İlk dəfə siyahıya İraqın ən böyük ali təhsil müəssisəsi olan Bağdad Universiteti də daxil edilib. Türkiyədən isə siyahıda Sabancı və Koç universiteti yer ala bilib.xeber100.com  

Sulavesi sahillərində 7,4 bal gücündə zəlzələ olub

İndoneziyanın Sulavesi adası sahillərində 7,4 bal gücündə zəlzələ olub. Zəlzələdən sonra sunami təhlükəsi elan edilib.RİA Novosti informasiya agentliyinə istinadla xəbər verir ki, Avropa Aralıq dənizi seysmoloji mərkəzinin məlumatına görə, zəlzələ yerli vaxtla saat 18:02-də (Bakı vaxtı ilə 14:02) qeydə alınıb. Yeraltı təkanların episentri adanın Palu şəhərindən 80 kilometr şimalda yerləşib. Zəlzələ ocağının 10 kilometr dərinlikdə olduğu bildirilir.Həlak olanlar və dağıntılar barədə hələlik məlumat verilmir.xeber100.com

Ariana telekanalının məlumatına görə…

Naməlum şəxslər Əfqanıstanın şərqində yerləşən Qəzni şəhərini raket atəşinə tutublar. Ölkə Prezidenti Əşrəf Qəni hazırda bu şəhərdədir.Ariana telekanalının yaydığı məlumata görə, şəhərə ümumilikdə 3 raket atılıb. Raketlər əyalət qubernatorunun ofisinin yaxınlığına düşüb. Zərər çəkənlər bərədə hələlik məlumat yoxdur.Qeyd edək ki, Əfqanıstan Prezidenti Əşrəf Qəni əyalətin təhlükəsizliyini yerli hökumətlə müzakirə etmək üçün bu gün Qəzni şəhərinə gəlib.xeber100.com

Hindistan hökuməti Rusiya ilə saziş imzalamaq üçün qərar qəbul edib

Hindistan hökuməti 5 ədəd S-400 zenit-raket kompleksinin satın alınmasına dair Rusiya ilə saziş imzalamaq üçün yekun qərar qəbul edib. Sövdələşmənin ümumi məbləği 5,43 milyard dollardır.Interfax informasiya agentliyi xəbər verir ki, müvafiq qərar sentyabrın 26-da Hindistanın Baş naziri Narendra Modinin sədrliyi ilə keçirilən Nazirlər Kabinetinin təhlükəsizlik komitəsinin iclasında qəbul olunub.Hindistana hava hücumundan müdafiə sistemlərinin çatdırılması barədə müqavilənin gələn həftə Dehli şəhərində yüksək səviyyəli görüş zamanı imzalanacağı gözlənilir. Hindistan KIV-lərinin məlumatına görə, S-400 “Triumf” zenit raket komplekslərinin çatdırılması barədə müqavilə Rusiya Prezidenti Vladimir Putinin oktyabrın 4-5-də Hindistana səfəri zamanı imzalana bilər.Hindistanın bu addımı ABŞ-ın maliyyə sanksiyaları barədə təhdidlərinə baxmayaraq atdığı qeyd olunur. Belə ki, ötən həftə ABŞ Rusiyadan analoji sistemlər alan Çinə sanksiyalar tətbiq etmişdi.xeber100.com

BMT Baş Assambleyasının 73-cü sessiyası çərçivəsində

Nyu-Yorkda BMT Baş Assambleyasının 73-cü sessiyası çərçivəsində ümumi siyasi diskussiyalar keçirilib. Müzakirələrdən əvvəl BMT-nin baş katibi üzv dövlətlərə təşkilatın işi haqqında öz illik məruzəsini təqdim edib.Azərtac xəbər verir ki, ənənəyə uyğun olaraq, Baş Assambleyanın kürsüsündən iştirakçılara ilk olaraq Braziliya və ABŞ prezidentləri Mişel Temer və Donald Tramp müraciət ediblər. Donald Tramp öz administrasiyasının uğurları barədə məlumat verib. Diqqətə çatdırıb ki, ölkə iqtisadiyyatı yüksək templə inkişaf edir. Tramp əminliklə bildirib ki, tezliklə ABŞ-ın hərbi gücü ölkə tarixində ən yüksək səviyyəyə çatacaq. “ABŞ iki il əvvəl olduğundan daha güclü, təhlükəsiz və zəngindir”, - deyə Ağ evin sahibi vurğulayıb. Tramp əlavə edib ki, onun ölkəsi digər dövlətlərə necə yaşamağı öyrətmək niyyətində deyil: “ABŞ sizə necə yaşamağı və işləməyi söyləməyəcək. Sizdən ancaq bizim suverenliyimizə hörmətlə yanaşmağı xahiş edirik”.Baş Assambleyanın əsas tədbiri isə sentyabrın 26-na nəzərdə tutulan Təhlükəsizlik Şurasının iclasıdır. Bu iclasa ABŞ Prezidenti sədrlik edəcək.xeber100.com

İkitərəfli əməkdaşlıq məsələləri müzakirə edilib

ABŞ Prezidenti Donald Tramp və Misir Prezidenti Əbdülfəttah əs-Sisi BMT Baş Assambleyasının iclası çərçivəsində görüş zamanı iki ölkənin strateji tərəfdaşlığı və müxtəlif sahələrdə əməkdaşlığı məsələlərini müzakirə ediblər.Azərtac Misirin dövlət başçısının dəftərxanasının rəsmi nümayəndəsi Bassam Radiyə istinadla xəbər verir ki, prezidentlər həmin görüşdə Yaxın Şərq məsələlərinə və onların həllinə dair səyləri əlaqələndirməyə çalışdıqlarını bildiriblər. Tərəflər terrorizmə qarşı mübarizə məsələsinə də toxunublar. ABŞ Prezidenti Misirin bu bəlaya qarşı mübarizədə böyük səylərini yüksək qiymətləndirərək, bu mübarizədə Misiri ABŞ-ın mühüm tərəfdaşı adlandırıb və ABŞ-ın Misiri tamamilə dəstəklədiyini vurğulayıb.Misir Prezidenti də öz növbəsində, terrorizmə qarşı mübarizədə iki ölkə arasında əməkdaşlığı davam etdirməyin zəruri olduğunu bildirib. O qeyd edib ki, Yaxın Şərq regionunda sülhün və sabitliyin möhkəmlənməsi üçün Misir və ABŞ arasında strateji tərəfdaşlıq böyük əhəmiyyət kəsb edir.B.Radi onu da vurğulayıb ki, iki ölkənin liderləri iqtisadi sahədə ikitərəfli əməkdaşlıq məsələlərini müzakirə ediblər və ABŞ Prezidenti Misirdə həyata keçirilən iqtisadi islahatları yüksək qiymətləndirib. Tramp qeyd edib ki, iki ölkə arasında əmtəə dövriyyəsinin və Amerika şirkətləri tərəfindən Misir iqtisadiyyatına investisiyaların artırılması ABŞ-ın maraqlarına uyğundur.xeber100.com

Maldivdə keçirilən prezident seçkilərində…

Maldivdə keçirilən prezident seçkilərində müxalifətin namizədi İbrahim Məhəmməd Solih 58,3 faiz səs toplayaraq qələbə qazanıb.Interfax informasiya agentliyi xəbər verir ki, seçicilərin 89,2 faizinin iştirak etdiyi seçkilərdə Solih 134,6 min nəfərin, hazırkı Prezident Abdullah Yamin isə 96,1 min nəfərin etimadını qazanıb.Müxalifət prezidentin seçkiləri öz xeyrinə saxtalaşdırmasından ehtiyatlansa da, Yamin artıq məğlubiyyəti ilə barışıb və rəqibini təbrik edib.Qeyd edək ki, hazırda Şri-Lankada olan və 13 il həbs cəzasına məhkum edilən Maldiv demokratik partiyasının lideri və ölkənin sabiq prezidenti Məhəmməd Naşid prezidentlik yarışını tərk etdikdən sonra müxalifət seçkilərdə Solihin namizədliyini irəli sürmüşdü.xeber100.com

ABŞ hökuməti vizaların verilməsini sərtləşdirə bilər

ABŞ hökuməti "yaşıl kart" və vizaların verilməsini sərtləşdirə bilər.Milli.az bildirir ki, qanun layihəsi ölkədə leqal yaşayan, lakin sosial yardım üçün müraciət edən mühacirlərə "yaşıl kart" və viza verilməsindən imtinanı nəzərdə tutur.Bəzi hallarda ABŞ vətəndaşlığını almaq istəyən şəxsdən 10 min dollar məbləğində girov tələb oluna bilər. Bu addımları atmaqla hökumət mühacirin gələcəkdə özünü təmin etməsinə dair zəmanət əldə etmək niyyətindədir.ABŞ hakim dairələrin hesablamalarına əsasən, sözügedən yenilik ildə təqribən 340 min nəfəri əhatə edəcək.xeber100.com