Yaponiyada 156 aviareys təxirə salınıb

Avqustun 8-də Yaponiyaya yaxınlaşan “Şanşan” tufanına görə ən azı 156 aviareys təxirə salınıb.Azərtac xəbər verir ki, Yaponiyada sayca “13 nömrəli” adlandırılan “Şanşan” tufanı hazırda paytaxt Tokioya yaxınlaşır.Yaponiya Meteorologiya Agentliyindən bildirilir ki, paytaxt yaxınlığında yerləşən Çiba prefekturasında 100 mindən çox sakin təxliyə barədə xəbərdarlıq alıb. Onlara təxliyə məqsədilə hazırlanmış xüsusi mərkəzlərə getmək tövsiyə olunub.Sakit okeandan Yaponiyanın mərkəzi Hönşü adası istiqamətində irəliləyən tufanın avqustun 8-dən 9-na keçən gecə Çiba və İbaraki prefekturalarına çatacağı gözlənilir. Tufanın paytaxta avqustun 9-da günorta saatlarında çatacağı bildirilir. Artıq Çiba və İbaraki prefekturalarında, həmçinin Tokioda aramsız yağışlar başlayıb. Hava şəraitinin pisləşməsi səbəbindən Tokionun mərkəzində təqribən 600 evə elektrik enerjisinin verilişi kəsilib.xeber100.com

“The Straits Times” qəzeti yazır…

İndoneziyada güclü zəlzələ nəticəsində həlak olanların sayı 105 nəfərə çatıb, 236 nəfər isə müxtəlif dərəcəli bədən xəsarətləri alıb.Bu barədə “The Straits Times” qəzeti Təbii Fəlakətlərin Nəticələrinin Aradan Qaldırılması Milli Agentliyinin nümayəndəsi Sutopo Purvo Naqruhoya istinadla məlumat yayıb.Avqustun 7-də təşkil edilən mətbuat konfransında S.P.Naqruho bəyan edib ki, bir çox ölkələr, o cümlədən Sinqapur, Malayziya və Avstraliya zəlzələ ilə bağlı İndoneziyaya köməklərini təklif ediblər.xeber100.com

Moldova parlamenti vergi islahatlarını əhatə edən qanun layihəsini təsdiqləyib

Moldova parlamenti ikinci və son oxunuşda yeni vergi islahatlarını əhatə edən qanun layihəsini təsdiqləyib.Azərtac vergiler.az saytına istinadla bildirir ki, Moldovanın iqtisadi həyatı üçün inqilabi hadisə kimi qiymətləndirilən bu islahat fiziki şəxslərə vahid gəlir vergisi dərəcəsinin tətbiqini, eləcə də işəgötürənlərin sosial sığorta fonduna köçürdüyü vəsaitin azaldılmasını nəzərdə tutur.Beləliklə, Moldovada hazırda fiziki şəxslərdən tutulan 7 faizlik və 18 faizlik gəlir vergisinin dərəcəsi 12 faiz müəyyənləşdirilib. Bundan əlavə, fiziki şəxslər üçün gəlir vergisindən azadolma həddinin məbləği illik 11280 leydən (1159,5 manat) 24 minə (2467 manat) qaldırılıb. 2019-cu il üçün hesablanmış yaşayış minimumunun səviyyəsi isə 24 min leydir. Sahibkarlığa gəldikdə, parlament işəgötürənlərin sosial sığorta büdcəsinə köçürmələrinin məbləğini 23 faizdən 18 faizə endirməyi qərara alıb.Bu qanun layihəsini hazırlamış ekspertlərin mövqeyinə görə, qanunvericilikdə aparılmış ciddi dəyişikliklər əməkhaqqından tutulan vergi yükünün yüngülləşdirilməsinə, biznesin rəqabətədavamlılığının artmasına müsbət təsir göstərəcək və son nəticədə işçilərin və əhalinin real gəlirlərinin artmasına şərait yaradacaq.xeber100.com

İranın ABŞ dolları ilə alış-veriş etməsi qadağan ediləcək

Avqustun 6-da, bazar ertəsi ABŞ, İrana yeni iki mərhələli bir embarqoya başlayacaq.Azərtac bildirir ki, ABŞ İrana qarşı tətbiq olunan embarqoya dair iki mərhələli yeni bir qərarın ilk mərhələsinə start verəcək.Embarqo daxilində İranın ABŞ dolları ilə alış-veriş etməsi qadağan ediləcək, ölkənin ən böyük gəlir mənbəyi olan neft ticarətinə zərbə vurulmaqla avtomobil ehtiyat hissələrinin ticarəti də məhdudlaşdırılacaq.xeber100.com

Birləşmiş Millətlər Təşkilatı çağırış edib

Birləşmiş Millətlər Təşkilatının Qaçqınlar üzrə Ali Komissarlığı Aralıq dənizində 7 ayda 1500-dәn çox miqrantın boğularaq öldüyünü açıqlayıb.Azərtac xəbər verir ki, məlumatda 60 min adamın da Aralıq dənizini keçdiyi bildirilib.BMT-nin Qaçqınlar üzrə Ali Komissarlığının nümayəndəsi tranzit yollar üzərindəki dövlətlərə nizamsız miqrasiyanın qarşısının alınması üçün tədbirlər görmələri ilə əlaqədar çağırış edib.Qeyd edək ki, İspaniyaya dəniz yolu ilə yanvar ayından etibarən 23 min 500-dәn çox miqrant keçib.xeber100.com

“Apple” ilk Publik Səhmdar Cəmiyyət olub

“Apple” ABŞ-da bazar kapitallaşması bir trilyon dolları aşmış ilk Publik Səhmdar Cəmiyyət olub.Azərtac xəbər verir ki, məşhur “iPhone” smartfonunun yaradıcısı buna avqustun 3-də nail olub. Şirkətin səhmlərinin hər biri artaraq təqribən 207,04 dollar təşkil edib. Qiymət gün ərzində bir neçə dollar civarında dəyişib. Şirkətinin bir səhminin yeni ən yüksək qiyməti 208,38 dollara bərabər olub. Bu il “Apple”nin səhmləri 2 faizdən çox artıb.Bəzi iqtisadçılar hesab edirlər ki, satış və gəlir göstəricilərinin artması meylini qoruyub saxlamaq üçün “Apple”nin yeni məhsula ehtiyacı var. “Apple” səhmlərinin dəyərinin bir trilyon dollarlıq səviyyəni aşması “iPhone 8” və “iPhone X” smartfonlarının satış göstəricilərinin xüsusən Çin və Yaponiyada yetərincə yüksək olması, “App Store” xidmətlərindən əldə olunan gəlirin artması sayəsində mümkün olub.xeber100.com

Türkiyə parlamenti ABŞ-ın sanksiya qərarına etiraz edib

Türkiyə Böyük Millət Məclisində təmsil olunan Ədalət və İnkişaf Partiyası (AKP), Cümhuriyyət Xalq Partiyası (ÇHP), Millətçi Hərəkat Partiyası (MHP) və İYİ Partiya ABŞ Maliyyə Nazirliyinin qəbul etdiyi sanksiya barədə qərara qarşı birgə etiraz açıqlaması yayıb.Azərtac xəbər verir ki, Türkiyə Xarici İşlər Nazirliyi də məsələyə etiraz münasibətini kəskin şəkildə ifadə edib.Qeyd edək ki, ABŞ Prezidenti Donald Trampın sosial şəbəkədə rahib Andru Kreyq Brunsonun azad edilməyəcəyi təqdirdə Türkiyəyə sanksiyaların tətbiq ediləcəyi barədə ifadələri qardaş ölkədə kəskin etiraza səbəb olub. Bunun ardından ABŞ Maliyyə Nazirliyinin Türkiyənin daxili işlər və ədliyyə nazirlərinə qarşı sanksiya tətbiq etmək barədə qəbul etdiyi qərar iki ölkə arasında gərginliyi daha da artırıb. Hazırda ev dustağı olan Andru Kreyq Brunson Türkiyədə terroru dəstəkləmək, FETÖ və PKK terror təşkilatları ilə əməkdaşlıq etmək və s. qanunazidd əməllərdə təqsirli bilinir.xeber100.com

Fransa parlamenti yeni qərar qəbul edib

Fransa parlamenti tərəfindən qəbul edilmiş qanun məktəb və kolleclərdə müəyyən elektron qurğuların istifadəsini qadağan edir. 62 deputat qanun layihəsinin lehinə, 1 deputat isə əleyhinə səs verib.“itc.ua” saytı xəbər verir ki, yeni qanun təhsil müəssisələrində smartfon, planşet, noutbuk və hətta “ağıllı” saat daxil olmaqla istənilən elektron qurğudan istifadəni qadağan edir. Lakin əlil uşaqlar üçün elektron cihazlardan istifadəyə dair istisnalar nəzərdə tutulub. Qanun, həmçinin təhsillə bağlı, amma açıq havada keçirilən tədbirlərdə (məsələn, idman tədbirləri) elektron qurğulardan istifadəni qadağan edir.xeber100.com

İndoneziyada min nəfərdən çox insan təxliyə olunub

İndoneziyada Rincani dağından min nəfərdən çox insan təxliyə olunub.Bu barədə “Jakarta Post” qəzeti Lombok Milli Parkının rəhbərliyinə istinadla məlumat yayıb.Milli parkın nümayəndəsinin bildirdiyinə görə, dağdan ümumilikdə 1090 nəfər təxliyə edilib. Parkın rəhbərinin sözlərini sitat gətirən qəzet yazır: “Sonuncu təxliyə bir saat bundan əvvəl həyata keçirilib. Əməliyyat zamanı yeddi nəfər yerli alpinist aşkar olunub. Xilasetmə əməliyyatları sonuncu şəxs təxliyə olunanadək davam etdiriləcək”.Xatırladaq ki, iyulun 29-da Lombok adasında baş verən 6,4 bal gücündə zəlzələnin yaratdığı torpaq sürüşməsi nəticəsində Rincani dağı rayonunda dağılmış evlərin altından 16 cəsəd çıxarılıb, 100-dən artıq insan isə müxtəlif dərəcəli xəsarətlər alıb. Əcnəbilər də daxil olmaqla, dağa qalxan yüzlərlə insan torpaq sürüşməsi nəticəsində yamaclarda qalıb. Onların təxliyəsi üçün əməliyyatlara bazar günü başlanıb.Nəşrin bildirdiyinə görə, zəlzələ vaxtı dağın başında olanların sayı daha çox ola bilər. Belə ki, bir neçə gün əvvəl dağın zirvəsinə qalxanlar enmək üçün kifayət qədər vaxta malik olmayıblar.xeber100.com

5,4 bal gücündə zəlzələ baş verib

Yaponiyanın mərkəzi adası olan Hönşünün şimal-şərqində 5,4 bal gücündə zəlzələ baş verib.NHK telekanalı xəbər verir ki, yeraltı təkanlar 2011-ci ildə atom qəzasının baş verdiyi “Fukusima-1” atom elektrik stansiyasında da hiss olunub.Yaponiya Meteorologiya Agentliyinin məlumatına əsasən, zəlzələnin episentri Fukuşima prefekturasının sahillərində, ocağı 20 kilometr dərinlikdə yerləşib.Zəlzələ paytaxt Tokioda hiss olunmayıb, sunami təhlükəsi elan edilməyib. Dağıntılar və zərərçəkənlər barədə məlumat verilmir.xeber100.com