Livan Xarici İşlər Nazirliyinin məlumatı

Norveç ilə Livan neft-qaz sahəsində birgə əməkdaşlıq edəcək.Azərtac xəbər verir ki, bu barədə Livan Xarici İşlər Nazirliyi məlumat yayıb. Bildirilir ki, Livanla Norveç 2018-2020-ci illər arasında neft sektorundakı potensialın artırılması və dəstək göstərilməsini nəzərdə tutan əməkdaşlıq müqaviləsi imzalayıb.Müqaviləyə görə, Norveç Livanda neft-qaz axtarışı və kəşfiyyatı işinə kömək edəcək. Blok 4 və Blok 9 kimi tanınan ərazilərdə birgə neft axtarışı nəzərdə tutulur. Livanın 2019-cu ilin əvvəlində dənizdə neft və qaz axtarışına başlayacağı gözlənilir.Norveç tərəfi neft resurslarının səmərəli istifadəsi, eləcə də Livan xalqının iqtisadi və ekoloji cəhətdən bu sektordan mənfəət əldə etməsinə yardımçı olmaq istəyir.xeber100.com

4,0 bal gücündə zəlzələ baş verib

Türkiyənin qərb bölgəsində 4,0 bal gücündə zəlzələ baş verib.Apa-nın xəbərinə görə, bu barədə Avropa Aralıq dənizi Seysmoloji Xidmətinin məlumatında bildirilir.Yerli vaxtla saat 18:44-də qeydə alınan yeraltı təkanların episentri Muğla şəhərindən 101 km cənub-şərqdə, ocağı 12 km dərinlikdə yerləşib.Dağıntı və zərərçəkənlər barədə məlumat daxil olmayıb.xeber100.com

“Buxarest doqquzluğu” liderlərinin sammitində

Polşanın paytaxtında “Buxarest doqquzluğu” Şimali Atlantika Alyansının şərq cinahı ölkələrinin daxil olduğu liderlərinin sammiti başlanıb.Azərtac xəbər verir ki, danışıqlarda əsasən regionda təhlükəsizlik və NATO-nun Brüsseldə keçiriləcək sammitinə hazırlıq məsələləri müzakirə olunacaq.Polşa Prezidenti Ancey Duda ümidvar olduğunu bildirib ki, NATO sammitində “Avropanın bizə aid hissəsində təhlükəsizlik və əməkdaşlıq şəraiti perspektivlərini işləyib hazırlamaq mümkün olacaq”.Bununla bərabər prezident qeyd edib ki, Buxarest doqquzluğu “360 dərəcə” prinsipinə riayət edir, yəni bütün Şimali Atlantika Alyansı ərazisində və potensial təhdid mövcud olan yerlərdə təhlükəsizliyin qayğısına qalır.“Buxarest doqquzluğu”nun Varşavada keçirilən sammiti çərçivəsində siyasi sessiya ilə bərabər NATO-nun Avropadakı sabiq komandanlarının iştirakı ilə militar sessiya da keçiriləcək.xeber100.com

Avstriya hökuməti yeni qərar qəbul edib

Avstriya hökuməti ölkədə fəaliyyət göstərən yeddi məscidin bağlanması barədə qərar qəbul edib.Azərtac xəbər verir ki, bu barədə xəbəri iyunun 8-də Federal Kansler Aparatında keçirilən mətbuat konfransında ölkənin kansleri Sebastian Kurts və vitse-kansler, daxili işlər naziri Haynts-Kristian Ştraxe təsdiqləyiblər.Bildirilib ki, Avstriya İslam Etiqad İcmaları üstqurumuna daxil olan Avstriya Ərəb Etiqad İcması ləğv edilib, icmanın bir neçə imamı ölkəni tərk etməli olacaqlar. İcmaya daxil olan altı məscid, eləcə də Vyanada fəaliyyət göstərən daha bir məscid radikal ekstremist düşüncə tərzini yaymaqda ittiham olunur.Avstriya Federal Kansler Aparatında dini məsələlər üzrə məsul nazir Qernot Blümel açıqlamasında bildirib ki, Avstriya İslam Etiqad İcmaları tərəfindən leqal sayılmayan bu icmanın ləğv edilməsi ölkədəki mövcud İslam Qanununun tələbləri əsasında baş tutub.Avstriya İslam Etiqad İcmaları tərəfindən məsələyə rəsmi açıqlama verilməyib və iyunun 9-da təşkilatın Ali Şurasının iclasında məscidlərin bağlanması məsələsinə baxılacağı gözlənilir.Bəzi müstəqil ekspertlər isə məscidlərin bağlanmasının məhz Ramazan ayında və Türkiyədə parlament seçkiləri ərəfəsində baş verməsini hökumət tərəfindən atılmış populist addım kimi dəyərləndiriblər. Avstriya Yaşıllar Partiyasının Avropa Parlamentində nümayəndə heyətinin həmsədri Mişel Reymon isə bildirib ki, Avstriyanın federal kansleri Sebastian Kurtsa öz anti-İslam kampaniyası üçün güclü türk prezidenti düşmən obrazı kimi çox lazımlıdır və buna görə də hökumət bu addımı düşünülmüş şəkildə indiki vaxta təyin edib.xeber100.com

“Facebook” şirkəti “canlı karaoke” tətbiqini yaradıb

“Facebook” şirkəti öz istifadəçiləri üçün yeni “canlı karaoke” tətbiqini yaradıb.Xarici KİV-lər xəbər verir ki, “Facebook” tərtibatçıları özlərinin “canlı karaoke” tətbiqini yaratmaqla “Musical.ly” xidmətinə tamhüquqlu rəqib olmağı düşünürlər. Yenilik artıq qeydiyyatdan keçən istifadəçilərə nəinki özünü vokalist rolunda hiss etmək, həmçinin canlı yayımın köməyi ilə bu ifanı dostlara da yayımlamaq imkanı verəcək.Yayıma istifadəçilər qrupunu əlavə etmək imkanı da var ki, bununla da duet, trio, kvartet və hətta xor da yaratmaq olacaq. “Lip Sync Live” tətbiqi sosial şəbəkəyə daha gənc auditoriyanın cəlb edilməsinə istiqamətlənib ki, “canlı karaoke” imkanları ilə eyni zamanda canlı yayım daha maraqlı və praktik olacaq.xeber100.com

Fransa Kvebekdə keçiriləcək G7 sammitində

ABŞ-la fikir ayrılıqları öz həllini tapmayana qədər Fransa iyunun 8-9-da Kvebekdə keçiriləcək G7 sammitində qrup ölkələrinin birgə bəyannaməsini imzalamayacaq.TASS informasiya agentliyi xəbər verir ki, bu barədə Bloomberg agentliyinə Fransa Prezidenti Emmanuel Makron administrasiyasının adının çəkilməsini istəməyən nümayəndəsi bildirib. Onun verdiyi məlumata görə, Fransa Prezidentinin birgə bəyannaməni imzalaması üçün İranla nüvə sazişi, ABŞ-ın Avropa İttifaqından, Kanadadan və Meksikadan alüminium və polad ixracına tətbiq etdiyi gömrük rüsumları, həmçinin iqlim üzrə Paris sazişi kimi əsas məsələlərdə razılıq əldə olunmalıdır.Makronun fikrincə, “Yeddilər” qrupunun digər ölkələri – Böyük Britaniya, Almaniya, Yaponiya, Fransa, İtaliya və Kanada ABŞ Prezidenti Donald Trampın gömrük rüsumları ilə bağlı qərarına qarşı birlikdə çıxış etməlidir.Qeyd edək ki, Fransa Prezidenti G7 sammitindən iki gün öncə Kvebekə gələrək Kanadanın Baş naziri Castin Trüdo ilə görüşüb. Fransa və Kanada liderləri əsas beynəlxalq problemlərin həllində “çoxtərəfli yanaşmadan” istifadə olunmasının vacibliyini vurğulayıblar. Trüdo, həmçinin Vaşinqtonun Avropa, Kanada və digər xarici tərəfdaşlarına qarşı başladığı ticarət qarşıdurması səbəbindən qarşıdakı sammitdə Trampla “çətin müzakirələrin” gözləndiyini deyib.xeber100.com

Əfqanıstanda birtərəfli atəşkəs elan olunub

Əfqanıstan Prezidenti Məhəmməd Əşrəf Qani ölkədə birtərəfli atəşkəs elan edib.Azərtac bu barədə Interfax informasiya agentliyinə istinadla xəbər verir.“Əfqanıstan İslam Respublikasının hökuməti ölkənin din alimlərinin tarixi qərarından sonra Ramazan ayının 27-dən (11 iyun) İd-ul-fitr bayramının 5-ci gününə (19 iyun) qədər atəşkəs elan edib”, - Əşrəf Qani özünün Twitter səhifəsində belə yazıb.Əfqanıstan liderinin sözlərinə görə, atəşkəs rejimi “Taliban” hərəkatına onların zorakı kampaniyalarının müsəlmanların qəlbini fəth etmək əvəzinə, daha da uzaqlaşdırdığını analiz etmək imkanı yaradır. “Atəşkəs rejimi elan etməklə biz münaqişənin dinc yolla həlli üçün hökumətin gücünü və xalqın iradəsini nümayiş etdiririk”, - deyə prezident sözlərinə əlavə edib.Əşrəf Qani öz bəyanatında hökumət qüvvələrinin İŞİD qruplaşmasına və xarici qüvvələrin dəstəklədiyi digər terror təşkilatlarına qarşı hərbi əməliyyatları davam etdirəcəyini vurğulayıb.Qeyd edək ki, 2014-cü ildə ABŞ hərbi kontingenti Əfqanıstanı tərk etdikdən sonra ölkənin cənub rayonlarının bir çoxu “Taliban” hərəkatının nəzarətinə keçib. Həmçinin regionda İŞİD qruplaşması da aktiv fəaliyyət göstərir.xeber100.com

Şimali İraqda PKK-ya qarşı hərbi əməliyyat başlayıb

Türkiyə Silahlı Qüvvələri Şimali İraqda PKK terror təşkilatının Qəndildəki əsas qərargahlarına hava hücumları edib.Anadolu agentliyi xəbər verir ki, hərbi hava qüvvələrinin keçirdiyi əməliyyat nəticəsində terrorçuların 16 hədəfi məhv edilib, 6 terrorçu öldürülüb. Türkiyə KİV-lərinin silahlı qüvvələrə istinadla verdiyi məlumata görə, hava hücumları ilə paralel olaraq şiddətli “Fırtına” tankları ilə atışlar da həyata keçiriləcək.xeber100.com

Amerika Neft İnstitutunun məlumatına görə…

Keçən həftə ABŞ-ın xam neft ehtiyatları azalıb.Azərtac xəbər verir ki, bu barədə əsasən özəl sektorun maliyyələşdirdiyi Amerika Neft İnstitutu (API) məlumat yayıb. Bildirilir ki, ötən həftə ölkədəki xam neft ehtiyatları 2 milyon barrel azalıb. Analitiklər ehtiyatların 1,8 milyon barrel azalacağını nəzərdə tuturdu.ABŞ-dakı benzin ehtiyatları isə keçən həftə 3,8 milyon barrel artıb. Benzin ehtiyatlarının 2 milyon barrelədək azalması gözlənilirdi.Ölkədə distillə edilmiş yanacaq istehsalı hesabat həftəsində 871 min barrel azalıb. İstehsalın 1,1 milyon barrel azalacağı planlaşdırılırdı.Qeyd edək ki, ölkədəki ehtiyatlarla bağlı rəsmi rəqəmlər bu gün ABŞ-ın Enerji İnformasiya Administrasiyası (EIA) tərəfindən açıqlanacaq.xeber100.com

“Free Parasol” çətiri satışa çıxarılacaq

Yaponiyanın “Asahi Power Services” şirkəti pilotsuz uçan aparatlar texnologiyasını yeni səviyyəyə çıxarıb. Belə ki, şirkətin yaratdığı tam avtonom “Free Parasol” çətiri küçədə istifadəçinin arxasınca hərəkət edərək onu yağışdan qorumaq məqsədilə kamera və süni intellektdən istifadə edir.Xarici KİV-lər xəbər verir ki, texnologiyanın artıq bir neçə avtonom pilotsuz uçan aparatlar tərəfindən istifadə olunmasına baxmayaraq, şirkət onu uçan çətirlər üçün adaptasiya etmək niyyətindədir. Pilotsuz çətir istifadəçiyə əlləri sərbəst buraxmağa imkan verərək onu həm yağışdan, həm də günəşdən qoruyur. Hazırda çəkisi 5 kiloqram təşkil edən qurğunun prototipi 20 dəqiqə ərzində fasiləsiz işləyə bilir. Dizaynerlər əmindir ki, gələcəkdə qurğunun çəkisini 1 kiloqramadək azaltmaq və uçuş vaxtını 1 saatadək artırmaq mümkün olacaq. Lakin uçuş vaxtı havadan və küləyin gücündən asılı olacaq.“Free Parasol” çətirinin gələn il satışa çıxarılacağı gözlənilir. Uçan çətir pilotsuz uçan aparatlar sırasına daxil olsa da, istifadəçini yağışdan qoruyan ilk qurğu olacaq.xeber100.com