Yonhap agentliyinin məlumatına görə…

BMT-nin bu il Koreya Xalq Demokratik Respublikasına humanitar yardımlar üçün 111 milyon ABŞ dollarına ehtiyacı var.Yonhap agentliyi xəbər verir ki, Dünya Ərzaq Proqramı daxil olmaqla Şimali Koreyada fəaliyyət göstərən BMT qurumları bu il ölkədə ərzaq çatışmazlığından əziyyət çəkən 13 milyon nəfərə yardım göstərməyi planlaşdırır. Ümumi yardım məbləğinin 38,5 milyon dollarının qida, 37 milyonunun səhiyyə proqramlarına, 26 milyonunun ərzaq təhlükəsizliyi və 9,5 milyonunun su layihələrinə xərclənməsi nəzərdə tutulub.Bildirilir ki, BMT ötən il Şimali Koreyada nəzərdə tutulan humanitar yardım proqramlarının maliyyələşməsi üçün lazım olan 114 milyon dollar vəsaitin cəmi 30 faizini cəlb edə bilib. Buna səbəb kimi KXDR-ə tətbiq olunan sanksiyalar göstərilir.xeber100.com

“Həyat keyfiyyəti 2018” reytinqində

Avstriyanın Vyana şəhəri yenə də həyat keyfiyyəti ən yüksək şəhər kimi reytinqin lideri olub. Budapeşt isə “Həyat keyfiyyəti 2018” siyahısındakı 231 şəhər arasında 76-cı yeri tutub. Siyahıda Vyananın ardınca İsveçrənin Sürix, Yeni Zelandiyanın Oklend, Almaniyanın Münxen şəhərləri gəlir.Azərtac xəbər verir ki, bu məlumat ABŞ-ın “Mercer” konsaltinq şirkətinin tərtib etdiyi ənənəvi dünya şəhərləri siyahısından götürülüb.Bu siyahıda həyat keyfiyyəti çox yüksək olan ilk beş şəhəri Şimali Amerikadakı Vankuver şəhəri tamamlayır. Sinqapur (25) Asiyanın, Montevideo (77) Latın Amerikasının ən yüksək reytinqli şəhərləri sayılıb.Avropaya gəldikdə isə 2017-ci ilin aprelində Stokholmda terror aktı nəticəsində bu şəhər üç mövqe geriləyərək 23-cü yerdə qərarlaşıb. Oslo (25) və Lissabon (38) isə reytinq cədvəlindəki mövqelərini altı və beş pillə yaxşılaşdırıblar.London daim yollarda tıxac və çirkli hava problemləri ilə üzləşdiyinə görə bir pillə geriləyərək 41-ci yerdə qərarlaşıb.Praqa bu siyahıda 69-cu yeri tutub, Lyublyana 75-ci yerdə qərarlaşıb.xeber100.com

Yaponiya Xarici İşlər Nazirliyinin məlumatı əsasında…

Yaponiya və Cənubi Koreyanın xarici işlər nazirləri Şimali Koreya nüvə silahından tam imtina edənədək bu ölkəyə maksimum təzyiqlərin davam etdirilməsi barədə razılığa gəliblər.Yaponiya Xarici İşlər Nazirliyindən Azərtac-ın Yaponiya bürosuna verilən məlumatda bildirilir ki, bu barədə razılıq aprelin 11-də Yaponiyanın xarici işlər naziri Taro Kononun Seula səfəri çərçivəsində aparılan danışıqlar zamanı əldə edilib.Cənubi Koreyadan olan həmkarı Kan Qyon Xva ilə görüşdə T.Kono bəyan edib ki, Yaponiya və Cənubi Koreya aprelin 27-nə planlaşdırılan danışıqlar və bundan sonra keçiriləcək ABŞ və Şimali Koreya liderlərinin sammiti ilə əlaqədar informasiya mübadiləsini daha da intensivləşdirməli və əlaqələndirilmiş siyasət həyata keçirməlidirlər.xeber100.com

AİB-in 2018-ci il üzrə İnkişaf Perspektivləri hesabatında

Asiya İnkişaf Bankı (AİB) Asiya və Sakit okeanı regionunda ümumi daxili məhsulun artımının 2018-ci ildə 6 faiz, 2019-cu ildə isə 5,9 faiz olacağını proqnozlaşdırır.Azərtac xəbər verir ki, bu barədə AİB-in 2018-ci il üzrə Asiyanın İnkişaf Perspektivləri (ADO) adlı yeni hesabatında bildirilir.Hesabatda deyilir ki, yüksəkgəlirli yeni sənayeləşmiş iqtisadiyyatlar istisna olmaqla, iqtisadi artımın 2018-ci ildə 6.5 faiz və 2019-cu ildə 6,4 faiz olacağı gözlənilir.Çin Xalq Respublikasında (ÇXR) iqtisadi artım 2018-ci ildə 6,6 faiz, 2019-cu ildə isə 6,4 faiz yavaşlayacaq. Ölkə daxilində və xaricdə güclü tələbat ÇXR-də aparılan iqtisadi islahatlarla birgə davamlı iqtisadi artımın və makroiqtisadi stabilliyin bünövrəsini qoyur.Cənubi Asiyada iqtisadi artım dünyada ən sürətli artımlardan biridir və regionun ən iri iqtisadiyyatı Hindistanın iqtisadi artımının bərpası ilə stimullaşır. Hindistanın iqtisadi artımının 2017-ci maliyyə ilində proqnozlaşdırılan 6,6 faizdən sonra 2018-ci maliyyə ilində 7,3 faiz, 2019-cu ildə isə 7,6 faizə çatacağı gözlənilir.Cənubi Asiya qlobal ticarətin və əmtəə məhsullarının qiymətlərinin artmasından faydalanmağa davam edir. Subregionun 2017-ci ildə iqtisadi artım tempinin (5,2 faiz) həm 2018, həm də 2019-cü ildə saxlanacağı gözlənilir. Yüksək investisiyalar və ölkədaxili istehlak İndoneziya, Filippin və Taylandda iqtisadi artımı sürətləndirəcək, sənaye bazasında genişlənmə isə Vyetnamda iqtisadi artımı stimullaşdıracaq.Mərkəzi Asiyada iqtisadi artımın əmtəə qiymətlərinin artması fonunda 2018-ci ildə 4 faiz, 2019-cu ildə isə 4,2 faiz olacağı gözlənilir.xeber100.com

RİA Novosti agentliyinin məlumatı

Rusiyanın Xabarovsk şəhərində “Mi-8” tipli helikopterin qəzaya uğraması nəticəsində azı 6 nəfər ölüb.RİA Novosti agentliyi bildirir ki, hadisə Bakı vaxtı ilə 5:30-da baş verib.İlkin məlumata görə, qəza nəticəsində helikopterin göyərtəsində olan 6 nəfər həlak olub.Müvafiq qurumların əməkdaşları hadisə yerinə cəlb ediliblər.xeber100.com

Yaponiyanın Kansay beynəlxalq aeroportunda…

“Korean Air” şirkətinə məxsus “Boeing 737” tipli təyyarə Yaponiyanın Kansay beynəlxalq aeroportunda kiçik qəza törədib. Təyyarənin quyruğu uçuş zolağına enərkən yerə toxunub. Pilotlar enməni davam etdirmədən havaya qalxmaq qərarını veriblər.Yonhap agentliyi xəbər verir ki, Cənubi Koreyanın ən böyük hava yolları şirkəti olan “Korean Air”in təyyarəsi havada dövrə vurduqdan sonra normal eniş edib. Bildirilir ki, təyyarəyə zədə dəyməyib, sərnişinlərdən xəsarət alan olmayıb.Cənubi Koreyanın Nəqliyyat Nazirliyi hadisə ilə əlaqədar araşdırma aparır.xeber100.com

Birləşmiş Millətlər Təşkilatı təcili iclas keçirəcək

Aprelin 9-da Suriyadakı vəziyyətlə bağlı iki təcili iclas keçiriləcək. Doqquz ölkə BMT TŞ-in təcili iclasının çağırılması tələbini dəstəkləyib.TASS agentliyi xəbər verir ki, bu barədə Böyük Britaniyanın daimi nümayəndəliyi “Tvitter” hesabında yazıb.“Böyük Britaniya, Fransa, Polşa, Niderland, İsveç, Küveyt, Peru və Kot-di-Vuar Suriyada vəziyyəti müzakirə etmək üçün BMT TŞ-in təcili iclasının çağırılmasını tələb ediblər.“Beynəlxalq sülh və təhlükəsizliyə təhdidlər” mövzusunda iclaslardan biri Rusiya Federasiyasının təşəbbüsü ilə baş tutacaq.xeber100.com

“Süddeutsche Zeitung” qəzeti yazır…

Macarıstanda parlament seçkilərində FİDES partiyası mandatların mütləq əksəriyyətinin səsini qazanıb.Almaniyanın “Süddeutsche Zeitung” qəzeti xəbər verir ki, ölkənin qanunverici orqanında 199 yer uğrunda 23 partiya üzrə namizədlər və birmandatlı dairələrdən namizədliyini irəli sürmüş 1547 siyasətçi mübarizə aparıb.Səslərin 64,5 faizinin hesablanmasından sonra sonra Baş nazir Viktor Orbanın rəhbərlik etdiyi sağ mühafizəkarlar başda olmaqla FİDES partiyası parlamentdəki mandatların 49,2 faiz səsini toplayıb. İkinci güclü siyasi qüvvə “Yobbik” sağ radikal partiyasıdır.Qələbə qazanacağı halda Orban ardıcıl üçüncü olmaqla dördüncü dəfə Macarıstan hökumətinə rəhbərlik edəcək.xeber100.com

Avropa Aralıq dənizi Seysmoloji Mərkəzinin məlumatı

Türkiyədə 4,8 bal gücündə zəlzələ olub. Avropa Aralıq dənizi Seysmoloji Mərkəzinin (EMSC) məlumatına əsasən, yeraltı təkanların episentri Bakı vaxtı ilə 01.16-da Ankaradan 147 km şimal-qərbdə qeydə alınıb. Zəlzələ ocağı 2 km dərinlikdə qeydə alınıb.Dağıntılar və xəsarət alanlar barədə məlumat verilmir.xeber100.com

Frans-Press agentliyinin məlumatına görə…

Bu gün Macarıstanda parlament seçkiləri keçirilir.Apa-nın Frans-Press agentliyinə istinadən verdiyi məlumata görə, seçki məntəqələri yerli vaxtla saat 6.00-da açılıb, saat 19.00-da bağlanacaq.Macarıstanda səsvermə hüququna malik 7,9 milyon vətəndaş var. Seçkidə əsas mübarizənin baş nazir Viktor Orbanın rəhbərlik etdiyi FİDES Partiyası, radikal sağ Yaxşı Macarıstan Uğrunda Hərəkat Partiyası, Macarıstan Sosialist Partiyası, yaşıllar, Demokratik Koalisiya Partiyası və liberallar arasında gedəcəyi gözlənilir. Sosioloji sorğular seçkilərdə 2010-cu ildən ölkəni idarə edən FİDES Partiyasının qalib gələcəyini göstərir.xeber100.com