“Parisien” qəzeti yazır…

Fransalı inkassator Lionda qızını qaçıran cinayətkarlara 26 milyon avro verməyə məcbur olub. “Parisien” qəzeti xəbər verir ki, fevralın 8-də axşam saatlarında cinayətkarlar çilingər adı ilə qızın evinə girib və onu qaçırıblar. Bundan sonra onlar girovun İsveçrədə inkassator işləyən atası ilə əlaqə saxlayaraq qızının qarşılığında furqondakı nağd pulu tələb ediblər.Görüş İsveçrədə baş tutub. İnkassator cinayətkarlara 15 milyondan 30 milyonadək İsveçrə frankı (13-26 milyon avro) məbləğində pul verib. Bir qədər sonra jandarmeriya qızı Fransanın En departamentinin Tramua kommunasında aşkarlayıb.Hazırda Fransa polisi hadisə ilə bağlı təhqiqat aparır.xeber100.com

Tayvanın şərqində 6,5 bal gücündə zəlzələ baş verib

Tayvanın şərqində Hualyan şəhərində baş vermiş zəlzələ nəticəsində azı 188 nəfər xəsarət alıb.RİA Novosti agentliyi xəbər verir ki, xilasedicilərin səylərinə baxmayaraq, Hualyan şəhərinin “Marshal” otelində xeyli insan təcrid olunmuş vəziyyətdə qalır. Zəlzələnin gücü 6,5 bal, yeraltı təkanların episentri 11 kilometr dərinlikdə olub.KİV-lərin yaydığı məlumata görə, güclü yeraltı təkanlar nəticəsində azı beş bina dağılıb, 560 ev elektrik enerjisiz qalıb, körpülər zədələnib, yol örtüklərində, səkilərdə çatlar yaranıb.Tayvanın Müdafiə Nazirliyi 100 nəfər hərbi qulluqçunu axtarış-xilasetmə əməliyyatı üçün göndərib, yaxın vaxtlarda onlara 250 əsgər də qoşulmalıdır.xeber100.com

İtaliyada parlament seçkiləri keçiriləcək

Martın 4-də İtaliyada parlament seçkiləri keçiriləcək. Ölkənin sabiq Baş naziri Matteo Renzinin fikrincə, rəhbərlik etdiyi Demokratik Partiya ümumi rəy sorğusunda bir qədər də irəli gedərsə, seçkilərdə qalib gəlmək mümkün olacaq.İtaliyanın ANSA agentliyi xəbər verir ki, Matteo Renzi öz komandasını seçkilərdə uğursuz nəticələr deyil, qələbə qazanmaq üzərində diqqət cəmləməyə çağırıb.xeber100.com

“Popolare di Vicenza” bankından 106 milyon avro müsadirə edilib

İtaliyanın vergi polisi lisenziyası ləğv edilən “Popolare di Vicenza” bankından 106 milyon avro müsadirə edib.İtaliyanın ANSA agentliyi xəbər verir ki, “Popolare di Vicenza” ilə yanaşı, “Veneto”, “Banca Veneto” da pullara qənaət, dəyərsiz kağızlardan istifadə səbəblərinə görə ləğv edilən banklar sırasındadır.xeber100.com

“Reuters” xəbər agentliyinin məlumatı

“Reuters” xəbər agentliyinin məlumatına əsasən, Makedoniyanın Baş naziri Zoran Zaev ölkəsinin Yunanıstanla uzunsürən münaqişəsinə son vermək üçün ölkə adını dəyişdirməyə hazır olduğunu bildirib.Azərtac xəbər verir ki, Baş nazir iki ölkə arasında baş tutacaq danışıqların səmərəli keçməsinə ümid etdiyini vurğulayıb. Bildirilir ki, iki dövlətin diplomatları yeni adlar siyahısında Şimali Makedoniya, Yeni Makedoniya, Yuxarı Makedoniya adlarını müzakirə edəcəklər. Bundan öncə xəbər verilirdi ki, ölkənin yeni adı referendumda müəyyənləşdiriləcək.Makedoniya hökumətinin sözçüsü Mile Boşnjakovskinin Assosiated Press agentliyinə verdiyi məlumata əsasən, artıq hökumət Skopye aeroportunun adını dəyişərək “Skopye Beynəlxalq” aeroportu adlandırıb. Əvvəl aeroport Skopye “Makedoniyalı İsgəndər” adlanırdı. Eyni zamanda, hökumət əsas magistralın adını dəyişərək “Prijatelstvo” (Dostluq) təyin edib.Qeyd edək ki, Makedoniya və Yunanıstan birincinin adının dəyişdirilməsi zəminində uzun illərdir münaqişədədir. Yunanıstanın Makedoniyanın adının dəyişdirilməsi istəyinin əsas səbəbi Yunanıstanın bu adda bölgəsinin olmasıdır.xeber100.com

Filippin Ali məhkəməsi hərbi rejim barədə qərar qəbul edib

Filippinin Ali məhkəməsi ölkənin cənubunda yerləşən Mindanao əyalətində hərbi vəziyyət rejiminin ilin sonuna qədər uzadılması barədə qərar qəbul edib.Azərtac xarici KİV-lərə istinadla xəbər verir ki, hərbi vəziyyətin uzadılmasını məhkəmənin 10 üzvü dəstəkləyib, 5 nəfər isə bunun əleyhinə çıxıb.Bir qədər əvvəl Filippin Prezidenti Rodriqo Duterte hərbi vəziyyət rejiminin bütün ölkə ərazisində tətbiq oluna biləcəyini istisna etmədiyini bildirmişdi.Xatırladaq ki, ötən ilin mayında “Əbu Sayyaf” və “Maute” müsəlman qruplaşmaları Mindanao əyalətinin Maravi şəhərinin nəzarətini ələ aldıqdan sonra bölgədə hərbi vəziyyət rejimi tətbiq olunub. Hökumət qüvvələri yalnız 5 ay davam edən ağır döyüşlərdən sonra şəhəri geri qaytara bilmişdi. Döyüşlərin gedişində Filippin ordusunun 160 hərbçisi həlak olmuş, 1,7 min hərbçi isə yaralanmışdı.xeber100.com  

Misir prezidentinin administrasiyası yeni paytaxtına köçürüləcək

Misir prezidentinin administrasiyası və hökuməti ölkənin tikilməkdə olan inzibati paytaxtına köçürüləcək.Azərtac xəbər verir ki, Misirin MENA informasiya agentliyinin yaydığı məlumata əsasən, bunu layihənin rəhbəri Əhməd Zəki Abdin jurnalistlərə bildirib. Onun sözlərinə görə, hökumət rayonunun salınması planlaşdırılan ərazidə tikinti işləri artıq başlayıb. Hökumət müəssisələri yeni administativ paytaxta 18 ay müddətində köçürüləcək. Bu, ilk növbədə prezident dəftərxanasına, Nazirlər Kabinetinə, parlamentə aiddir.Hökumət məhəlləsinin tikintisinə 35 milyard Misir funtu (iki milyard ABŞ dollarına yaxın) vəsait qoyulması planlaşdırılır. Eyni zamanda, yeni paytaxta gələn əməkdaşlar üçün yaşayış məhəllələri salınacaq və onlar burada güzəştli şərtlərlə mənzil ala biləcəklər.Yeni inzibati paytaxt Qahirədən 45 kilometr şərqdə səhrada salınacaq. Bu, əhalisi 20 milyon nəfər olan meqapolisin yükünün azaldılması ilə bağlıdır. Nazirlik və idarələrin, parlamentin, prezident administrasiyasının, ali təhsil müəssisələrinin, diplomatik nümayəndəliklərin yerləşəcəyi yeni paytaxtın ərazisi 700 kvadratkilometr təşkil edəcək. Burada yeddi milyon insanın məskunlaşacağı gözlənilir. Layihənin birinci növbəsinin dəyəri 45 milyard dollardır və hökumətin ilkin planına əsasən, bu mərhələ 2020-ci ilədək reallaşmalıdır.Bir müddət əvvəl Çinin China State Construction Engineering Corporation dövlət mühəndis-tikinti korporasiyası ölkənin yeni inzibati paytaxtında infrastruktur obyektlərinin tikintisi üçün Misir hökuməti ilə 2,7 milyard dollarlıq saziş imzalayıb.xeber100.com

“Financial Times” qəzeti yazır…

Avropa İttifaqı 2025-ci ilədək altı Balkan ölkəsinə üzvlük imkanı vermək niyyətindədir. Avropa Komissiyasının sənədində deyilir ki, bununla da Brüssel Aİ-ni yeniləməyə, miqrasiya üzərində nəzarəti gücləndirməyə ümid bəsləyir.Azərtac xəbər verir ki, Aİ-nin daha da genişlənməsinə bəzi Avropa ölkələrinin müqavimət göstərməsinə baxmayaraq, Brüsseldə hesab edirlər ki, Balkan dövlətlərinin tezliklə Aİ-yə daxil olması planı onların Avropa cəmiyyətinə inteqrasiyası üçün son dərəcə vacibdir. Söhbət Albaniya, Serbiya, Monteneqro, Makedoniya, Bosniya və Herseqovina, habelə Kosovodan gedir.“Financial Times” adının çəkilməsini istəməyən Avropa diplomatının bu sözlərini sitat gətirib: “Bu altı ölkə müəyyən dərəcədə yad deyildir, onlar indinin özündə insayderdirlər və bizə lazımdılar”. Diplomat vurğulayıb ki, Balkan ölkələrinin daxil olmasının zaman çərçivəsi təqribidir və dəyişdirilə bilər.xeber100.com

ABŞ-ın Enerji İnformasiya Administrasiyasının məlumatı

ABŞ-ın xam neft ehtiyatları ötən hesabat həftəsində 6,8 milyon barrel (1,6 faiz) artaraq 418,4 milyon barrel olub.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bazar proqnozları isə ehtiyatların 100 min barrel artması istiqamətində idi. Əvvəlki həftə ölkənin xam neft ehtiyatları 1,1 milyon barrel azalmışdı. ABŞ-ın strateji neft ehtiyatları keçən həftə 200 min barrel artaraq 664,7 milyon barrel təşkil edib.Ölkənin benzin ehtiyatları isə ötən hesabat həftəsində 2 milyon barrel (0,8 faiz) azalaraq 242,1 milyon barrelə geriləyib. Bazar proqnozları ehtiyatların 1,8 milyon barrel artması istiqamətində idi. Əvvəlki həftədə isə benzin ehtiyatları 3,1 milyon barrel artmışdı.Hesabat həftəsində ABŞ-ın xam neft hasilatı əvvəlki həftəyə nisbətdə gündəlik orta hesabla 41 min barrel artaraq 9,92 milyon barrelə çatıb. Ölkənin neft idxalı əvvəlki həftəyə görə gündəlik 389 min barrel çoxalaraq 8,43 milyon barrel olub. ABŞ-ın xam neft ixracı da əvvəlki həftə ilə müqayisədə gündəlik 354 min barrel artaraq 1,76 milyon barrel təşkil edib.xeber100.com

6,1 bal gücündə zəlzələ baş verib

Bu gün səhər saatlarında Pakistan-Əfqanıstan sərhədində baş verən 6,1 bal gücündə zəlzələ nəticəsində azı 1 nəfər həlak olub, 20 nəfər isə xəsarət alıb.Geo TV telekanalı xəbər verir ki, yeraltı təkanlar İslamabad və Kəraçi də daxil olmaqla, Pakistanın bütün iri şəhərlərində hiss edilib. Ölkənin qərbində yerləşən Bəlucistan əyalətində fərdi evlərdən birinin damının uçması nəticəsində azyaşlı qız həlak olub, 10 nəfər yaralanıb. Sərhədyanı Xeybər-Paxtunxva əyalətində dövlət müəssisələrindən birinin təxliyəsi zamanı yaranan basırıqda isə ən azı 10 nəfər xəsarət alıb.Əfqanıstanda həlak olan və yaralananlar barədə hələlik məlumat verilmir.Qeyd edək ki, yeraltı təkanlar yerli vaxtla saat 10:59-da Kabil şəhərindən 272 kilometr şimal-şərqdə qeydə alınıb, zəlzələ ocağı yer səthindən 188 kilometr dərinlikdə yerləşib.xeber100.com