Vergi qanunvericiliyinin sabitləşdirilməsi təklifi irəli sürülüb

ABŞ Konqresinin vergi siyasəti üzrə alt komitəsi kiçik biznes üçün vergi islahatlarını nəzərdən keçirməyə başlayıb.Azərtac “vergiler.az” saytına istinadla bildirir ki, qanunverici orqanlar ilə vergiödəyiciləri arasında daha sıx qarşılıqlı əlaqələrin yaradılması üçün biznes nümayəndələri ilə məsləhətləşmələr aparılıb, vergi dərəcələrinin azaldılması, Vergi Məcəlləsinin sadələşdirilməsi və vergi qanunvericiliyinin sabitləşdirilməsi kimi təkliflər irəli sürülüb.Biznes təmsilçiləri qeyd ediblər ki, vergi dərəcələrinin aşağı salınması onların fəaliyyətinə daha çox investisiya qoyulmasına şərait yarada, bu da yeni iş yerlərinin açılmasına təkan verə bilər.Vergi islahatlarının əleyhinə çıxış edənlərin sözlərinə görə isə vergilərin azaldılması yalnız iri müəssisələrin təmsilçilərinə real mənfəət gətirəcək və bundan öz gəlirlərini gizlətmək üçün offşor zonalara meyillənən şirkətlərin yüksək vəzifəli rəhbərləri sui-istifadə edəcəklər.Bundan əvvəl isə mətbuatda yer alan məlumatda bildirilir ki, ABŞ-ın yüksək gəlirli vergi rezidentləri səbirsizliklə korporativ vergi dərəcəsinin 15 faizə endirilməsini gözləyirlər. Bu addımın atılması onlar üçün daha az gəlir vergisi ödəməyə şərait yaradacaq.xeber100.com

“Fitch Ratings” iqtisadi artım üzrə proqnozunu dəyişib

“Fitch Ratings” beynəlxalq reytinq agentliyi bu il üçün qlobal iqtisadi artım üzrə proqnozunu dəyişib.Azərtac agentliyə istinadla xəbər verir ki, “Fitch Ratings” bu il üçün qlobal iqtisadi artım proqnozunu 2,9 faizdən 3 faizə yüksəldib. Agentlik 2018-ci ilə dair qlobal iqtisadi artım proqnozunu isə 3,1 faizdən 3,2 faizə qaldırıb.Beynəlxalq reytinq agentliyinin hesabatında bu ilin ikinci rübündə Çində iqtisadi artımın illik göstəricidə 6,9 faiz səviyyəsində olduğu bildirilir. “Fitch Ratings” Çinin cari ilə dair iqtisadi artım proqnozunu 0,2 faiz artıraraq 6,7 faizə çatdırıb.xeber100.com

“The Guardian” qəzeti yazır…

Təxminən 200 min fransalı Prezident Emmanuel Makronun həyat yoldaşına birinci xanım rəsmi statusunun verilməsinin əleyhinə keçirilən petisiyanı imzalayıb.Fransa Prezidentinin parlament üzvlərinə qohumlarını işə götürməyi qadağan edən qanunun qəbul edilməsinin vacibliyi barədə bəyanatından sonra Brijit Makronun birinci xanım statusuna qarşı imzalar toplanmağa başlayıb.Makaronun özü seçki kampaniyası zamanı hazırkı vəziyyəti tənqid edərək birinci xanım statusunu rəsmi qaydaya salacağına söz vermişdi. Hazırda Prezidentin həyat yoldaşı rəsmi statusa malik deyil, onun xərcləri Yelisey sarayı tərəfindən ödənilir.“The Guardian” qəzetinin məlumatına əsasən, Fransada Makronun populyarlığı son zamanlar xeyli aşağı düşüb. Son sorğuların nəticələrinə görə, fransızların 36 faizi (keçən ayla müqayisədə 7 faiz az) öz liderlərindən razıdır. Onun sələfləri Fransua Olland və Nikola Sarkozi eyni prezidentlik dövründə müvafiq olaraq 56 və 66 faiz populyarlığa malik olub.xeber100.com

“Tasnim” informasiya agentliyinin məlumatı

İranın şimal-qərbində iki terrorçu zərərsizləşdirilib.Azərtac xəbər verir ki, bu barədə “Tasnim” informasiya agentliyi məlumat yayıb.İran İslam İnqilabı Keşikçiləri Korpusunun Quru Qoşunları komandanına istinadla yayılan məlumatda bildirilir ki, hərbçilər Qərbi Azərbaycan vilayətində, Türkiyə ilə İran sərhədində terror qruplaşmasının daha 4 üzvünü yaralayıblar.Terrorçulardan hərbi sənədlər, silah-sursat götürülüb.xeber100.com

Yaponiya və ABŞ əməkdaşlıq edəcəklər

Yaponiya yeni xarici işlər naziri Taro Kono və ABŞ-ın dövlət katibi Reks Tillerson arasında Manilada keçirilən görüş zamanı BMT TŞ-nin Şimali Koreyaya qarşı yeni sanksiyalarının yerinə yetirilməsi ilə əlaqədar razılığa gəlinib. Bu barədə Kyodo agentliyi məlumat yayıb.Məlumatda qeyd edilir ki, görüş Filippində, Cənub-Şərqi Asiya Dövlətləri Assosiasiyası (ACEAN) ölkələrinin regional təhlükəsizlik məsələlərinə həsr olunan forumunun sessiyası çərçivəsində baş tutub.T.Kono R.Tillersondan əlavə olaraq Avstraliya sahillərində ABŞ dəniz piyadaları korpusuna məxsus MV-22 Osprey konvertoplanının qəzaya uğramasının səbəblərini aydınlaşdırmağı da xahiş edib. Belə konvertoplanlar ABŞ-ın Yaponiyadakı hərbi bazalarında da yerləşdirilib.xeber100.com

Avropa Komissiyasının Fransa hökumətinə müraciəti

Avropa Komissiyasının Fransa hökumətinə müraciətində xarici mənbələrdən gəlir əldə edən vətəndaşların gəlir vergisinin hesablanması ilə bağlı xarici gəlirlərin vergiyə cəlb edilməsi qaydalarında düzəlişlər aparmaq xahiş edilib.Azərtac Vergiler.az saytına istinadla bildirir ki, müraciətə əsasən, Fransada yaşayan vətəndaşların xaricdə qazandıqları gəlirlərinin vergiyə cəlb edilməsi Avropa İttifaqı qanunları çərçivəsində olmalıdır. Bu isə o deməkdir ki, həmin şəxslər ölkənin daxilində əldə edilən gəlirlər üçün tətbiq olunan vergi güzəştlərindən istifadə edə bilməzlər.Avropa Komissiyası ekspertlərinin fikrincə, hazırda qüvvədə olan qaydalar nəticəsində Fransa işçilərin sərbəst yerdəyişməsi və kapitalın yaradılması prinsipləri ilə bağlı öz üzərinə götürdüyü öhdəlikləri pozur.Komissiyanın müraciətində qeyd olunub ki, Fransa hökuməti iki ay ərzində xarici gəlirlərin vergiyə cəlb olunması qaydalarında düzəlişlər etməlidir. Əks halda, ölkə Avropa Məhkəməsində məsuliyyətə cəlb edilə bilər.xeber100.com

BMT Təhlükəsizlik Şurası qətnamə qəbul edib

BMT Təhlükəsizlik Şurası Şimali Koreyaya qarşı yeni sanksiyaların tətbiqi barədə qətnamə qəbul edib. ABŞ-ın təklif etdiyi yeni sanksiyaları bütün ölkələr dəstəkləyib.Son sanksiyalar iyulda Pxenyan tərəfindən iki qitələrarası raketin buraxılması ilə əlaqədardır.Yeni sanksiyalar BMT-yə daxil olan ölkələrə Şimali Koreyadan kömür, dəmir, qurğuşun və dəniz məhsullarının idxalına qadağa qoyur. Eyni zamanda, bu ölkələr Şimali Koreyadan olan işçilərin sayını artıra və bu ölkə ilə birgə müəssisələr təşkil edə bilməzlər. Bundan əlavə, əvvəllər yaranmış birgə müəssislərə investisiya yönəldilməsi də qadağan edilir. Güman olunur ki, yeni sanksiyalar Şimali Koreyanın ixracdan əldə etdiyi illik gəlirin üçdə birə qədər azalmasına səbəb olacaq. Diplomatların qənaətinə görə, bu rəqəm təqribən 3 milyard dollara bərabərdir.Qətnamə, həmçinin Şimali Koreyanın doqquz vətəndaşının və dörd şirkətinin BMT-nin qara siyahısına salınmasını da nəzərdə tutur. Onların aktivləri dondurulur. Şimali Koreyanın xaricdə yerləşən böyük valyuta bankı da həmin siyahıya daxildir.xeber100.com

Ria Novosti agentliyinin məlumatı

Ötən gecə Fransa polisi Eyfel qülləsinə girməyə cəhd göstərən bıçaqla silahlanmış şəxsi saxlayıb.Ria Novosti agentliyi xəbər verir ki, polis həmin vaxt ziyarətçilərdən qülləni vaxtından 15 dəqiqə tez tərk etməyi tələb edib.xeber100.com

ABŞ Dövlət Departamentinin rəsmi bəyanatına əsasən…

Amerika Birləşmiş Ştatları iqlim üzrə Paris sazişindən çıxması barədə BMT-yə rəsmi bildiriş göndərib.Euronews telekanalı xəbər verir ki, ABŞ-ın Dövlət Departamenti bu barədə rəsmi bəyanatı öz saytında yerləşdirib.Bəyanatda Birləşmiş Ştatların Amerika biznesi, işçiləri, xalqı və vergiödəyicisi üçün daha sərfəli şərtlər yaradılacağı təqdirdə Sazişə yenidən daxil ola biləcəyi qeyd olunur.Sazişdən çıxma proseduru 3 il davam edə bilər. Bu müddət ərzində ABŞ BMT-nin təşkil etdiyi beynəlxalq iqlim konfranslarında iştirakını davam etdirmək niyyətindədir.ABŞ Prezidenti Donald Tramp iqlim üzrə Paris sazişindən çıxacaqlarını iyun ayının ortalarında elan edib.Xatırladaq ki, Paris sazişi qlobal istiləşmənin qarşısının alınması üçün 2015-ci ildə qəbul olunub.xeber100.com

“Rosneft”in xalis mənfəəti 19,8 faiz azalıb

Rusiyanın ən böyük neft şirkəti olan “Rosneft”in xalis mənfəəti bu ilin birinci yarısında keçən ilin eyni dövrü ilə müqayisədə 19,8 faiz azalaraq 81 milyard rubl (təxminən 1,3 milyard dollar) olub.Azərtac xəbər verir ki, bu barədə şirkətin məlumatında deyilir. Bildirilir ki, şirkətin qeyd edilən dövrdəki ümumi satışı isə 23,2 faiz artaraq 2,8 trilyon rubl təşkil edib.Yanvar-iyun aylarında “Rosneft”in gündəlik neft hasilatı ötən ilin eyni dövrü ilə müqayisədə 10,2 faiz artaraq 5 milyon 740 min barrel, təbii qaz istehsalı isə 2,9 faiz çoxalaraq 34,2 milyard kubmetr olub.Bu dövrdə şirkətin xalis borcu isə 700 milyard rubl artaraq 2,2 trilyon rubla çatıb.xeber100.com