“RİA Novosti” agentliyinin məlumatı

Sloveniya xarici işlər naziri şənbə günü Xorvatiyanın 3 balıqçı gəmisinin xorvat polis katerinin müşayiəti ilə Adriatik dənizində Piran körfəzinin Sloveniyaya məxsus akvatoriyasına daxil olduğunu bildirib. Hər iki ölkə dənizin bu hissəsinə iddia edir. Sloveniya Haaqadakı Beynəlxalq Arbitraj Məhkəməsinin qərarına əsaslanır. Bu ilin iyununda Arbitraj Məhkəməsinin Sloveniya və Xorvatiyanın quruda və suda mübahisəli sərhədi ilə bağlı qərar verib. Məhkəmə qərarı şənbə günü qüvvəyə minib. Bundan əvvəl Arbitraj Məhkəməsindən çıxan Xorvatiya məhkəmənin qərarını qəbul etmir və qərarı icra etməyə hazırlaşmır.Sloveniya xarici işlər naziri deyib ki, Xorvatiya polisi Sloveniyanın suverenliyini pozur. K. Ervets Sloveniyanın belə halları qeydə aldığını və Xorvatiya ilə bağlı Avropa İttifaqı Məhkəməsinə müraciət edəcəyini bəyan edib. Eyni zamanda Sloveniyanın Arbitraj Məhkəməsinin qərarını tanımayacaq Xorvatiyanın Şengen zonasına və İqtisadi Əməkdaşlıq və İnkişaf Təşkilatına daxil olmasına razılıq verməyəcəyini vurğulayıb.xeber100.com

Türkiyə və ABŞ vizaya qoyulan qadağanı ləğv ediblər

“Viza böhranını onlar başladı və sağ olsunlar ki, özləri də onu ləğv etdi. Biz viza böhranı istəmirdik. İndi o artıq bitib. Bu istənilən halda belə də olacaqdı”, - deyə prezident qeyd edib.Ərdoğan həmçinin Ankaranın Suriyada, Rusiya və İranla olduğu kimi, ABŞ-la əməkdaşlıq etmək niyyətində olduğunu qeyd edib: “Bəs ABŞ özü bizimlə əməkdaşlıq etmək istəyirmi? Problem bundadır”, - deyə Türkiyə prezidenti qeyd edib.Qeyd edək ki, dekabrın 28-də Türkiyə və ABŞ viza verilişinə oktyabrda qoyulan qadağanı ləğv ediblər.xeber100.com

Liberiyada keçirilən seçkilərin ikinci turunda

1990-cı illərdə “Monako”, “PSJ” və “Milan” klublarının şərəfini qorumuş məşhur futbolçu Corc Vea Liberiyanın prezidenti seçilib.“lemonde.fr” saytına istinadla bildirir ki, bu barədə Liberiya Milli Seçki Komissiyası ölkədə keçirilən seçkilərin ikinci turunda səslərin 98,1 faizini saydıqdan sonra məlumat yayıb.Keçmiş futbolçu ikinci turda böyük səs çoxluğu ilə qalib gəlib. C.Vea səslərin 61,5 faizini qazanaraq rəqibi vitse-prezident Jozef Boakaini üstələyib (38,5 faiz).xeber100.com

ABŞ-ın Siyahıyaalma Bürosunun hesablamalarına görə…

ABŞ-ın Siyahıyaalma Bürosunun mütəxəssisləri 2018-ci ilin yanvarın 1-də dünya əhalisinin sayının 7 milyard 444 milyon nəfərə çatacağı ilə bağlı bəyanat yayıblar.Azərtac xəbər verir ki, mütəxəssislər əhalinin sayının 2017-ci ilin eyni dövrü ilə müqayisədə 78,5 milyon nəfər çox olacağını bildiriblər. Qeyd edilib ki, əhalinin artımı 1,07 faiz təşkil edəcək. Proqnozlara əsasən, gələn ilin ilk ayında hər saniyədə 4-dən çox uşaq dünyaya gələcək.Büronun hesablamalarına görə, 2050-ci ildə dünya əhalisinin sayı 9 milyard nəfərə çatacaq.xeber100.com

Tehran Universiteti Seysmoloji Mərkəzinin məlumatı

İranın şərq bölgəsində 5,1 bal gücündə zəlzələ olub.‪"ntv.com.tr" saytı xəbər verir ki, bu barədə Tehran Universiteti Seysmoloji Mərkəzi məlumat yayıb.Yerli vaxtla saat 21:31-də baş verən zəlzələ doqquz kilometr dərinliyində baş verib.Dağıntı və tələfat barədə məlumat yoxdur.xeber100.com

Amerika Neft İnstitutunun açıqlamasında

Ötən hesabat həftəsində ABŞ-da xam neft ehtiyatları azalıb.Azərtac xəbər verir ki, bu barədə Amerika Neft İnstitutu (API) tərəfindən açıqlanan məlumatda deyilir. Bildirilir ki, keçən həftə ölkədəki xam neft ehtiyatları 6 milyon barrel azalaraq 432,8 milyon barrel olub. Analitiklər ehtiyatların 3,75 milyon barrel azalacağını nəzərdə tuturdu. Beləliklə də, API-nin son 4 həftəlik hesabatına görə, ABŞ-ın neft ehtiyatlarında azalma müşahidə olunub.ABŞ-da benzin ehtiyatları isə ötən həftə 3,1 milyon barrel artıb. Beləliklə də, benzin ehtiyatları son 7 həftədə 4-cü dəfə artım göstərib.Qeyd edək ki, ölkədəki ehtiyatlarla bağlı rəsmi rəqəmlər ABŞ-ın Enerji İnformasiya Administrasiyası (EIA) tərəfindən bu gün açıqlanacaq.xeber100.com

“Prelude” gələn il Avstraliya sahillərində işlərə başlayacaq

Nəhəng maye təbii qaz axtarışı və saxlama platforması “Prelude” gələn il Avstraliya sahillərində işlərə başlayacaq.Azərtac xəbər verir ki, bu barədə dünyanın ən böyük enerji şirkətlərindən biri olan “Royal Dutch Shell” məlumat yayıb.Bildirilir ki, 488 metr uzunluğu olan nəhəng maye təbii qaz axtarışı və saxlama platformasının “Prelude” gələn il Avstraliya sahillərində işə başlayaqcaq.“Shell”in nəhəng üzən təbii qaz platformasının tikintisinə 2012-ci ildə başlanılıb və o, Koreya Respublikasının “Samsung” şirkətinin ağır sənaye zavodunda qurulduqdan sonra Avstraliya sahillərinə aparılıb. Avstraliyanın qərbində sahildən 125 kilometr uzaqlıqda qurulan platforma gələn il dənizdə təbii qaz çıxarılması və emalına başlayacaq. Təbii qaz birbaşa platformaya çıxarılacaq, maye qaz isə 162 dərəcədə soyudularaq Asiya ölkələrinə yük daşıyan təbii qaz tankerlərinə doldurulacaq.“Shell”ə görə, platforma ildə 5,3 milyon don maye qazı emal edə bilər. “Prelude” maye təbii qazın soyudulması üçün saatda 50 milyon litr su istifadə edəcək. Şirkət platformanın xərclərini açıqlamır. Lakin mütəxəssislərin fikrincə platforma təxminən 10-12 milyard dollara başa gəlib.Qeyd edək ki, platformanın göyərtəsi 4 futbol meydançası uzunluğunda, anbarları isə 175 olimpiya hovuzu böyüklükdədir. Uzunluğu Nyu-Yorkdakı məşhur göydələn “Empire State” binasından daha uzun olan platformanın eni “Boeing 747” laynerinin qanadından da böyükdür.xeber100.com

BMT-nin Baş Assambleyasının məlumatı

BMT-nin Baş Assambleyası təşkilatın 2018-2019-cu illər üçün büdcəsini qəbul edib.BMT-nin Bakıdakı nümayəndəliyindən Azərtac-a bildirilib ki, iki il ərzində BMT-nin illik büdcəsi 5.397 milyard ABŞ dollar təşkil edəcək. Bu rəqəm təşkilatın ötən iki il üçün olan büdcəsindən 286 milyon dollar azdır.Qurumun baş katibi Antoniu Quterreş əvvəlcə növbəti iki il üçün 5,4 milyard dollardan çox vəsait istəmişdi.BMT-nin müntəzəm büdcəsi 193 üzv dövlətin üzvlük haqları hesabına formalaşır. Ödənişlər ölkənin ödəmə qabiliyyətliliyi, həmçinin ÜDM-i və adambaşına düşən gəlirləri əsasında hesablanır. Fərdi ödənişin məbləği ümumi büdcənin 22 faizdən çox olmamalıdır.xeber100.com

“The Philippine Star” nəşri yazır…

Filippində baş verən yol-nəqliyyat hadisəsi nəticəsində avtobusdakı sərnişinlərin 20-si həlak olub, 24-ü yaralanıb. “The Philippine Star” nəşri xəbər verir ki, qəza dekabrın 25-də yerli vaxtla saat 3:30-da baş verib. Sərnişin avtobusunun Filippin ictimai nəqliyyat növü olan cipni ilə toqquşduğu bildirilir.Hadisənin başvermə səbəbləri araşdırılır.xeber100.com

Rusiya Kommunistləri Partiyası qurultayının yekunlarına əsasən…

Rusiya Kommunistləri Partiyasının prezident seçkilərində namizədi məlum olub.TASS agentliyinin verdiyi məlumata görə, Rusiya Kommunistləri Partiyasının bu gün keçirilən qurultayının yekunlarına əsasən partiyanın lideri Maksim Suraykin 2018-ci ildə Rusiyada keçiriləcək prezident seçkilərində partiyanın namizədi olub.M. Suraykin qurultayda səsvermə başa çatandan dərhal sonra sənədlərini Rusiya Mərkəzi Seçki Komitəsinə təqdim etməyə yollanıb. Parlamentdə təmsil olunmayan partiya kimi Rusiya Kommunistləri Partiyası namizədlərinin qeydiyyata alınması üçün ən azı 100 min imza toplamalıdır.Qeyd edək ki, Rusiyada prezident seçkiləri gələn il martın 18-də keçiriləcək. Bazar ertəsindən rəsmən seçki kampaniyası başlayıb. Partiyaların namizədlərini irəli sürməsi üçün 25 gün, şəxslərin özlərinin namizədliyini irəli sürməsi üçün 20 gün nəzərdə tutulur. İndiyə qədər M. Suraykinlə bərabər Rusiyanın hazırkı prezidenti Vladimir Putin, Liberal Demokrat Partiyasının sədri Vladimir Jirinovski, Lenin adına sovxozun direktoru Pavel Qrudinin, teleaparıcı Kseniya Sobçak, "Yabloko" partiyasının lideri Qriqoriy Yavlinskiy, İnkişaf Partiyasının sədri Boris Titov, politoloq, Sosial Texnologiyalar Mərkəzinin rəhbəri Andrey Boqdanov, "Qadın Dialoqu" Partiyasının sədri Yelena Semerikova, biznesmen Sergey Polonskiy, müğənni və hüquq müdafiəçisi Yekaterina Qordon seçkilərdə iştirak etmək niyyətlərini açıqlayıblar.xeber100.com