Çin ilə ABŞ arasında biznes müqavilələri imzalanıb

Noyabrın 9-da Pekində Çin Xalq Respublikasının Sədri Si Cinpin ilə ABŞ Prezidenti Donald Trampın görüşündən sonra iki ölkə arasında daha bir neçə sənəd imzalanıb.Azərtac xəbər verir ki, dövlət başçılarının iştirakı ilə keçirilən imzalanma mərasimində ümumi dəyəri 244,9 milyard ABŞ dolları məbləğində olan biznes müqavilələri imzalanıb. Beləliklə, Donald Trampın Çinə ilk rəsmi səfəri çərçivəsində son iki gündə imzalanmış müqavilələrin ümumi dəyəri Çin-ABŞ ticarət münasibətlərində rekord həddə - 253,9 milyard dollara çatıb.Razılaşmalar arasında ən dəyərlisi Çin Neft və Kimya Korporasiyasının ABŞ şirkəti ilə birgə Alyaskada təbii qaz yataqlarının işlənilməsinə dair 43 milyard dollarlıq müqavilədir. Bundan başqa, Çin istehsalı olan “Xiaomi”, “Oppo”, “Vivo” mobil telefonları üçün ABŞ-ın “Qualcomm” şirkətindən çip alınması, habelə “Boeing” təyyarələrinin və “Telsa” avtomobillərinin Çinə satışı ilə bağlıdır.Qeyd edək ki, üçgünlük Çin səfərində Donald Trampı ABŞ-ın enerji, sənaye, texnologiya, maliyyə xidmətləri və kənd təsərrüfatı sahələri üzrə 20 qabaqcıl şirkətinin rəhbərləri müşayiət edir.xeber100.com

Hərbi əməliyyatlara 4,3 trilyon dollar xərclənib

ABŞ 2001-ci ildən bəri İraq, Suriya, Əfqanıstan və Pakistanda hərbi əməliyyatlara, habelə milli təhlükəsizliyin gücləndirilməsinə və veteranlara yardım göstərilməsinə 4,3 trilyon dollar xərcləyib. Növbəti maliyyə ilində isə bu məbləğ 5,6 trilyon dollara yüksələ bilər.Azərtac xarici KİV-lərə istinadla xəbər verir ki, bu barədə məlumat Broun Universiteti yanında Uatson Beynəlxalq Tədqiqat İnstitutunun araşdırmalarında yer alıb. Ekspertlərin hesablamalarına görə, ABŞ-ın hərbi xərcləri hər bir amerikalı vergiödəyicisinə demək olar ki, 23,4 min dollara başa gəlib.Pentaqonun bir qədər əvvəl dərc etdiyi sənəddə isə ABŞ-ın hərbi əməliyyatlara 16 ildə 1,52 trilyon xərclədiyi bildirilir. Watson İnstitutunun tədqiqatı təkcə Müdafiə Nazirliyinin xərclərini deyil, həmçinin Dövlət Departamentinin, Veteranların İşləri üzrə Nazirliyin və dövlət təhlükəsizliyi orqanlarının hərbi ehtiyaclarla bağlı xərclərini də nəzərə alıb. Bununla yanaşı, tədqiqata ABŞ-ın digər əməliyyatlarla bağlı xərcləri, o cümlədən Filippinə, Afrika və Avropa ölkələrinə hərbi yardımları daxil edilməyib.xeber100.com

150 min işçinin məvacibi artırılacaq

Britaniyada Yaşayış Dərəcəsi Fondu tərəfindən yaşayış dərəcəsinə uyğun olaraq, minimum məvacib miqdarı sxemi tərtib edilib. Britaniyada fəaliyyət göstərən və sxemi imzalayan firmaların 150 minə yaxın işçisinin məvacibləri saat başına hesablanmaqla artırılacaq.Azərtac xəbər verir ki, sxemi imzalamaq və bu sistemə qoşulmaq könüllülük prinsipinə əsaslanır. Bu sxem hökumət tərəfindən təyin edilən Milli Dərəcədən fərqli sistemdir.Hazırda sxemə “Heathrow” hava limanı, “Ikea” və “Google” kimi şirkətlər daxil olmaqla 3600 firma qoşulub.xeber100.com

Türkiyə vətəndaşlarına vizaların verilməsi qismən bərpa edilib

ABŞ-ın Ankaradakı səfirliyi və konsulluğu Türkiyə vətəndaşlarına vizaların verilməsini qismən bərpa edib.Anadolu agentliyi xəbər verir ki, ABŞ-ın diplomatik təmsilçiliklərində viza üçün müraciətlərin məhdud sayda qəbuluna başlanılıb. Türkiyə tərəfinin də analoji addım atdığı bildirilir.AFP agentliyinin məlumatına görə, Birləşmiş Ştatların hakimiyyət orqanları bu qərarı Türkiyənin Baş naziri Binəli Yıldırımın noyabrın 7-11-də ABŞ-a planlaşdırılan səfəri ərəfəsində qəbul edib.Xatırladaq ki, Vaşinqton oktyabrın 8-də Türkiyə vətəndaşlarına viza verilməsini dayandırmışdı. Buna cavab olaraq, Ankara da həmin gün eyni addımı atmışdı.xeber100.com

BMT Konvensiyasının 38-ci maddəsinə əsasən…

BMT-nin 2017-ci ildə dünyada uşaqların inkişafı ilə bağlı hesabatı dərc olunub. Hesabata göstərilir ki, müxtəlif münaqişələr və silahlı toqquşmalar nəticəsində 300 mindən çox 17 yaşına çatmamış uşaq hərbi birləşmələrə cəlb olunub.Təkcə Sudanda baş verən vətəndaş müharibəsində 20 uşaq silahlanaraq hərbi birləşmələrə qoşulub. Bu uşaqlar soyğunçuluq, qarət və qətllər törədirlər.Uşaqların qanunsuz hərbi birləşmələrə cəlb edilməsi xüsusilə Afrika ölkələrində müşahidə edilir. Siyahıya Somali, Konqo, Sudan, Mərkəzi Afrika Respublikası başçılıq edir. Suriya, İraq, Əfqanıstanda da uşaqlar terror qruplaşmalarına cəlb edilir və onlardan kamikadze kimi istifadə olunur.BMT Konvensiyasının 38-ci maddəsinə əsasən, 17 yaşına çatmayan uşaqların hərbi birləşmələrə cəlb edilməsi qadağandır.xeber100.com

“Koenigseggin Agera RS” rekord göstəriciyə imza atıb

Dünyanın ən sürətli avtomobili məlum olub.Xarici KİV-lər xəbər verir ki, ABŞ-ın Nevada əyalətindəki Pahrumd şəhərində eksperiment zamanı həmin avtomobilin rekord sürət göstəricisi müəyyənləşdirilib.Pilot Niklas Lilja “Koenigseggin Agera RS” adlı avtomobili saatda 457 kilometr sürətlə sürərək rekord göstəriciyə imza atıb. Bu görüntülər sosial mediada böyük maraqla izlənilib.xeber100.com

“Viet Nam News” qəzeti yazır…

Noyabrın 6-da Asiya-Sakit Okean İqtisadi Əməkdaşlığı təşkilatı (APEC) liderlərinin sammitinin start götürəcəyi Vyetnamda güclü fırtına nəticəsində həlak olanların sayı 47 nəfərə çatıb, 21 nəfər isə itkin düşüb.“Viet Nam News” qəzetinin yaydığı məlumata görə, təbii fəlakət iki gün əvvəl sammitin keçiriləcəyi Dananqa şəhərindən 500 kilometr cənubda yerləşən Nyaçanq şəhəri yaxınlığında baş verib. Burada küləyin sürəti saatda 90 kilometrə çatıb. Fırtına minlərlə evin damını uçurub, yüzlərlə elektrik dirəyini aşırıb. Bir sıra rayonlarda yolları su yuyub, məktəblərdə dərslər dayandırılıbYerli hakimiyyət orqanları baş verə biləcək fırtına, daşqın və sunami zamanı sammit iştirakçılarının təhlükəsizliyini təmin etmək üçün bir neçə plan hazırlayıb. Sammitdə ABŞ Prezidenti Donald Tramp, Rusiya Prezidenti Vladimir Putin, Yaponiyanın Baş naziri Sinzo Abe, Çin Xalq Respublikasının Sədri Si Çinpin və bir sıra digər dünya liderlərinin iştirakı gözlənilir.xeber100.com

TASS informasiya agentliyinin məlumatı əsasında…

Livanın Baş naziri Saad Hariri öz postunu tərk edib. Onun bəyanatı Səudiyyə Ərəbistanının paytaxtı Ər-Riyad şəhərindən “Al Mustaqbal” və “Al Arabiya” telekanalları tərəfindən yayımlanıb.TASS informasiya agentliyi xəbər verir ki, müraciətdə Hariri həyatının təhlükə altında olduğunu bildirib. “Livanda atamın öldürülməsindən əvvəlki vəziyyət hökm sürür”, - deyə o qeyd edib.Qeyd edək ki, 1992-ci ildən 1998-ci ilədək və 2000-ci ildən 2004-cü ilə qədər hökumət başçısı postunu tutan Rafiq Hariri 2005-ci il fevralın 14-də terror hadisəsi nəticəsində həlak olmuşdu.Baş nazir istefasının əsas səbəbi kimi xarici ölkələrin, həmçinin onlarla əlbir olan Hizbullah qruplaşmasının Livanın daxili işlərinə qarışmasını göstərib. Livan Prezidentinin mətbuat xidmətinin informasiyasına görə, Hariri ölkə sərhədləri xaricindən Prezident Mişel Auna zəng vuraraq istefası barədə məlumat verib. Prezident Aun Baş nazirin Beyruta qayıtmasını və istefasının səbəbini lazımi qaydada izah etməsini gözləyir.“Əl-Mayadin” telekanalında yayımlanan xəbərə görə, parlamentin spikeri Habih Berri Baş nazirin bəyanatı fonunda Misirə səfərini yarımçıq qoyaraq vətəninə qayıdıb. Həmçinin Prezident Aunun Küveytə planlaşdırılan səfəri də sual altındadır.“Livan modeli”nə əsasən, ölkənin Baş naziri müsəlman-sünni, parlamentin spikeri müsəlman-şiə, prezident isə xristian-maronit olmalıdır.xeber100.com

“Facebook” istifadəçilərinin sayı 1,37 milyarda çatıb

“Facebook” sosial şəbəkəsinin istifadəçi sayı və əsas maliyyə göstəriciləri artmaqda davam edir.Azərtac xəbər verir ki, bu barədə məlumat şirkətin cari ilin üçüncü rübü üçün maliyyə hesabatında yer alır. Belə ki, il ərzində aktiv “Facebook” istifadəçilərinin aylıq auditoriyasının sayında 16 faiz artım qeydə alınıb. Hazırda dünya üzrə 2,07 milyarda yaxın insan bu sosial şəbəkədən istifadə edir. Aktiv istifadəçilərin sayı da 16 faiz artaraq 1,37 milyarda çatıb. Məlumata görə, cari ilin üçüncü rübündə sosial şəbəkənin mədaxili 10,3 milyard dollar təşkil edib. Bu, gəlirin 7 milyarda bərabər olduğu ötən ilin göstəricisini təxminən 1,5 dəfə üstələyib. Əvvəllər olduğu kimi, ən çox qazancı rüblük ümumi gəlirin 98 faizini (10,1 milyard dollar) təşkil edən reklam gətirib.xeber100.com

Nüvə silahı əleyhinə konfrans keçiriləcək

Noyabrın 10-11-də Vatikanda nüvə silahsızlaşdırılması üzrə yüksək səviyyəli konfrans keçiriləcək.Azərtac xəbər verir ki, ABŞ ilə Şimali Koreya arasındakı gərginliyə həsr edilən toplantıda Nobel mükafatı laureatlarının, BMT-nin və NATO-nun yüksək vəzifəli şəxslərinin iştirakı gözlənilir.Tədbirdə, həmçinin Yaponiyanın Naqasaki şəhərinə atılmış atom bombasından sonra sağ qalmış bir şəxsin fikirləri dinləniləcək.xeber100.com