“WhatsApp” sosial şəbəkəsi ilə bağlı problemlər baş verib

Dünyanın bir neçə ölkəsində “WhatsApp” sosial şəbəkəsi ilə bağlı problemlər baş verib.Interfax informasiya agentliyi xəbər verir ki, problemin səbəbləri hələlik məlum deyil.Saytların və proqramların işlərində yaranan problemləri izləyən “DownDetector” saytının məlumatına əsasən, “WhatsApp” messenceri ilə bağlı şikayətlər səhər saatlarından etibarən gəlməyə başlayıb.Müraciətlərin daxil olduğu nöqtələr göstərir ki, “WhatsApp” messencerindəki problemlər bəzi Avropa və Latın Amerikası ölkələrində, həmçinin Rusiya, Hindistan, Malayziya, Cənubi Afrika və ABŞ-da müşahidə olunur.Sosial şəbəkənin özü isə hadisəni hələ ki, şərh etməyib.xeber100.com

“HMD Global” şirkəti “Nokia 2” smartfon modelini təqdim edib

“HMD Global” şirkəti yeni “Nokia 2” smartfon modelini təqdim edib.Azərtac xəbər verir ki, şirkətin məlumatına görə, smartfon “HD” (720 x 1280 piksel) təsvir ölçülü 5 düym diaqonallı ekran, 5 meqapikselli ön və 8 meqapikselli əsas kamera ilə təchiz edilib. Qurğunun aparat əsasını dördnüvəli “Qualcomm Snapdragon 212” prosessoru, 1 giqabaytlıq operativ və “microSD” formatlı yaddaş kartları ilə 128 giqabayt tutumadək genişləndirmə imkanına malik 8 giqabaytlıq quraşdırılmış yaddaş təşkil edir. Akkumulyator tutumu 4100 milliamper/saata bərabərdir.“Nokia 2” smartfonu qara, ağ və mis rənglərində buraxılır. Qiyməti 99 avro təşkil edəcək yeni qurğunun beynəlxalq satışlarına noyabrın ortalarında başlamaq nəzərdə tutulur.xeber100.com

“Terrorizmlə mübarizə-sərhədsiz əməkdaşlıq” adlı elmi konfrans keçirilib

Daşkənddə Şanxay Əməkdaşlıq Təşkilatı (ŞƏT) Regional Antiterror Strukturunun “Terrorizmlə mübarizə-sərhədsiz əməkdaşlıq” adlı beşinci elmi-praktik konfransı keçirilib.Azərtac xəbər verir ki, tədbirdə təşkilatın üzvü olan ölkələr - Çin, Rusiya, Özbəkistan, Qazaxıstan, Qırğızıstan, Tacikistan, Pakistan və Hindistan, həmçinin müşahidəçi ölkələrin nümayəndələri, ekspertlər iştirak ediblər.ŞƏT Regional Antiterror Strukturu İcraiyyə Komitəsinin direktoru Yevgeni Sısoyev çıxış edərək bildirib ki, təşkilatın xüsusi xidmət orqanları Rusiyanın şəhərlərində 40 terror aktının qarşısını alıblar. Onun sözlərinə görə, Rusiya, Qazaxıstan və Qırğızıstanın xüsusi xidmət orqanları ŞƏT-in üzvü olan ölkələrdə terror aktı törətməyi planlaşdıran İŞİD qruplaşmasının üzvlərinin qarşısını alıb. Qazaxıstan tərəfi Qırğızıstan, Rusiya və Özbəkistanda axtarışda olan beynəlxalq terror təşkilatlarının beş üzvünü təhvil verib. Daha dörd terrorçu Qırğızıstanda və Rusiyada saxlanıb.Qeyd edək ki, Azərbaycan Şanxay Əməkdaşlıq Təşkilatının dialoq üzrə tərəfdaşı qismində çıxış edir.xeber100.com  

“News Best Global Universities Ranking” beynəlxalq reytinq siyahısına daxil edilib

Çexiyanın 6 ali məktəbi dünyanın 1000 ən yaxşı universitetinin hər il tərtib edilən “News Best Global Universities Ranking” beynəlxalq reytinq siyahısına daxil edilib.Azərtac xəbər verir ki, Çexiya ali məktəbləri arasında birinci yeri Karl Universiteti tutur. Dünyanın 1250 ali məktəbini əhatə edən tədqiqatın nəticəsində tərtib olunmuş reytinq siyahısında bu universitet 196-cı yeri tutur. Keçən il müvafiq araşdırma 750 ali məktəbi əhatə edirdi.Çexiya universitetləri arasında ikinci yeri Praqadakı Çexiya Texniki Universiteti (ČVUT) tutur (ümumi reytinqdə 410-cu yer). Olomoutsdakı Palatski adına Universitet isə dünyanın ən yaxşı 1000 ali məktəbi arasında 479-cu yerdədir.Dünyada ən uğurlu və nüfuzlu 1000 ali məktəb siyahısına Çexiyanın 6 universiteti, o cümlədən Brnodakı Masarik adına Universitet, Çeşske-Budeyovitsadakı Cənubi Çexiya Universiteti, Brnodakı Texniki Universitet daxildir.ABŞ-dakı Harvard Universiteti dünyanın ən nüfuzlu universiteti hesab edilib.xeber100.com

YUNESKO-nun məlumatı əsasında…

Noyabrın 2-də bütün dünyada “Jurnalistlərə qarşı cəzasız cinayətlərə son qoyulması günü” qeyd olunur.Azərtac YUNESKO-nun məlumatlarına istinadla bildirir ki, təkcə son 5 ildə (2012-2016-cı illərdə) dünyada 530, son 11 ildə isə 930 jurnalist həlak olub.BMT-nin məlumatlarına görə, 2017-ci ilin ilk on ayı ərzində 47 KİV əməkdaşı öldürülüb. Bu halda orta hesabla hər 10 hadisədən 9-da belə cinayətləri törədənlər cəzasız qalır.BMT-nin məlumatına görə, 2012-ci ildən bəri ərəb ölkələri regionu jurnalistlər üçün ən təhlükəli regiondur. Bu isə, ilk növbədə, Suriya, İraq və Yəməndə silahlı münaqişələrlə əlaqədardır.BMT Baş Assambleyasının 2013-cü ildə qəbul edilmiş qətnaməsinə əsasən noyabrın 2-si “Jurnalistlərə qarşı cəzasız cinayətlərə son qoyulması günü” elan edilib. Bu tarix 2013-cü il noyabrın 2-də Fransa radiosunun Malidə qətlə yetirilmiş iki jurnalistinin xatirəsinə ehtiram əlaməti kimi seçilib.xeber100.com

TASS informasiya agentliyinin məlumatı

İspaniya Ali Məhkəməsi Kataloniya parlamenti rəhbərliyinin 6 üzvünü, o cümlədən spiker Karme Forkadeli ifadələrinin alınması üçün çağırıb.TASS informasiya agentliyi xəbər verir ki, onlar noyabrın 2-də və 3-də ifadə verməli və məhkəməyə vəkillərin müşayiəti ilə gəlməlidirlər.Bu qərar prokurorluq regionun müstəqilliyinin elan edilməsində məsul olan parlament üzvlərinə qarşı iddia qaldırdıqdan sonra verilib. Onlar qiyamda, üsyanda və dövlət vəsaitinin israfında ittiham olunurlar.Şübhəlilər ifadə vermək üçün məhkəməyə gəlməkdən boyun qaçırsalar, prokurorluq onların həbsində israr edəcək.xeber100.com

Yaponiya hökumətinin müraciəti qəbul olunub

Noyabrın 1-də Yaponiya hökumətinin üzvləri xüsusi iclasda istefa barədə ərizələrini Baş nazir Şinzo Abeyə təqdim ediblər. Onların müraciəti qəbul olunub.Bir neçə saatdan sonra parlamentin hər iki palatası yeni Baş naziri seçəcək və o, yeni nazirləri təyin edəcək. Yaponiya qanunlarına əsasən, Baş nazir oktyabrın 22-də keçirilmiş seçkilər nəticəsində parlamentdə yer qazanan partiyaların nümayəndələri tərəfindən səs çoxluğu ilə seçilir.Qaydaya əsasən partiyalar öz liderlərinin namizədliyini irəli sürürlər. Beləliklə, ölkənin Baş naziri vəzifəsini parlamentdə daha çox yer qazanan partiyanın lideri tutur. Oktyabrın 22-də keçirilmiş seçkilərdə Ş.Abenin rəhbərlik etdiyi Yaponiya Liberal Demokratik Partiyası qalib gələrək 465 deputat yerindən 284-nü qazanıb. Bu, ona Baş nazir vəzifəsində qalmaq imkanı yaradıb.Ş.Abe avqustda formalaşdırdığı hökumətin son tərkibində dəyişikliklər etməyəcəyini artıq bəyan edib. Beləliklə, Ş.Abenin Yaponiyanın 98-ci Baş naziri seçilməsindən sonra Nazirlər Kabinetinin yeni tərkibi son üç ayda olduğu kimi qalaraq dəyişməyəcək. Bundan sonra hökumətin tərkibinin İmperator tərəfindən təsdiqi mərasimi keçiriləcək.xeber100.com

Kataloniya parlamenti seçkilərə qədər fəaliyyətini dayandırıb

İspaniya hökuməti tərəfindən istefaya göndərilən Kataloniya parlamenti bu qərarı qəbul edib və növbədənkənar seçkilərə qədər fəaliyyətini dayandırıb. Bu barədə qanunverici orqanın mətbuat xidməti məlumat yayıb.Azərtac xarici KİV-lərə istinadla xəbər verir ki, regional parlamentin oktyabrın 31-nə təyin edilən iclası ləğv olunub.Regionun müstəqilliyi haqqında qətnaməyə səs verən “Solçu Respublikaçılar” partiyası Baş nazir Mariano Rahoyun növbədənkənar seçkilər təyin etmək “səlahiyyətinin” olmadığını bildirib. Buna baxmayaraq, partiya seçkilərdə iştirak etmək niyyətindədir.Müstəqilliyin ən qatı tərəfdarlarından biri - parlamentin spikeri Karme Forkadel dekabrın 21-də keçiriləcək seçkilərə qədər rəsmən öz vəzifəsində qalacaq.Xatırladaq ki, oktyabrın 27-də Kataloniya parlamenti müstəqilliyin elan olunması haqqında qətnaməyə səs verib. Amma sənəd nə Kataloniya parlamentinin, nə də muxtariyyət hökumətinin rəsmi bülletenində dərc olunmayıb. Qanuna əsasən, bütün sənədlər bülletendə dərc edildikdən sonra qüvvəyə minir.Qətnamənin qəbulundan dərhal sonra İspaniya senatı Kataloniyaya qarşı ölkə konstitusiyasının indiyə qədər istifadə olunmayan 155-ci maddəsini işə salmaq barədə qərar qəbul edib. Baş nazir Mariano Rahoy Kataloniya hökumətinin başçısı Karles Puçdemonu və hökumət üzvlərini vəzifədən kənarlaşdırıb. Həmçinin regional parlament buraxılıb və dekabrın 21-nə növbədənkənar seçkilər təyin olunub.xeber100.com

Hərbi Hava Qüvvələri təlimlərə başlayıb

Bu gün səhər saatlarında İran İslam Respublikası Ordusunun Hərbi Hava Qüvvələri (HHQ) təlimlərə başlayıb. İranın İsfahan şəhəri yaxınlığında yerləşən hərbi aeroportundan havaya qalxan hərbi təyyarələr döyüş tapşırığını yerinə yetirirlər.İran HHQ-nin nümayəndəsi general Məsud Hoşruz mətbuata açıqlamasında bildirib ki, təlimlərin məqsədi hərbi təyyarələrin və şəxsi heyətin döyüş qabiliyyətini yoxlamaqdır.xeber100.com

İrqçilər etiraz aksiyası keçiriblər

Şənbə günü ağdərili irqçi və neonasist qruplar Tennessi ştatının Şelbivill və Merfrisboro şəhərlərində qaçqınların yerləşdirilməsinə qarşı etirazlarını bildirmək üçün bu şəhərlərdə mitinqlər keçiriblər. “Ağların həyatı daha vacibdir” şüarı altında keçirilən etiraz aksiyasının təşkil olunmasında iştirak edənlərin çoxu bu il avqust ayında Virciniya ştatının Şarlotsvil şəhərində neonasist yürüşün təşkil edilməsinin iştirakçılarıdır.Xatırladaq ki, avqust yürüşü bir nəfərin öldürülməsi və onlarca insanın yaralanması ilə nəticələnmişdi. Virciniyada olduğu kimi Tennessi ştatının şəhərlərində də belə aksiyanın çoxsaylı əleyhdarları nümayiş keçirərək toplaşaraq irqçiliyi pisləyib və tolerantlıq tələbləri irəli sürüblər.Şelbivill və Merfrisboro şəhərləri Tennessi ştatının əsas meqapolisi sayılan Neşvilin yaxınlığında yerləşir. Neşvildə Somali, İraq və digər ölkələrdən çoxsaylı qaçqınlar qəbul edilməsinə başlanıb.Nümayiş zamanı polis ilə bu nümayişin əleyhdarları arasında toqquşma qeydə alınmayıb.xeber100.com