“Galaxy Note8” smartfonu təqdim edilib

“Samsung” korporasiyası yeni “Galaxy Note8” smartfonunu təqdim edib.Azərtac xəbər verir ki, smartfon 1440x2960 piksel təsvir ölçülü və 18,5:9 tərəflər nisbətinə malik 6,3 düymlük displeylə təchiz edilib. Qurğunun korpusu şüşə və metaldan hazırlanıb, həmçinin “IP68” standartına uyğun olaraq su və toza qarşı davamlıdır. “Note8”, həmçinin səkkiznüvəli “Exynos 8895” prosessoru və 6 giqabaytlıq əməli yaddaşla təchiz edilib.Qurğunun əsas özəlliyi ikiqat kameranın mövcud olmasıdır. Hər iki modul 12 meqapiksel təsvir ölçüsünə və optik sabitləşmə sisteminə, eyni zamanda, 8 meqapiksellik ön sensora malikdir.Akkumulyatorun tutumu 3300 milliamper/saat təşkil edir, “USB Type-C” interfeysi vasitəsilə enerjidoldurma imkanı nəzərdə tutulub. Bundan başqa, qurğu “Gear 360” kamerası, “Gear S3” smart saatı, “DeX” birləşdirici stansiya və “Gear VR” eynəyi ilə işi dəstəkləyir. Artıq “Samsung”un rəsmi saytında “Galaxy Note 8” smartfonunu ilkin sifariş etmək olar.xeber100.com

ABŞ-ın Enerji İnformasiya Administrasiyasının məlumatında

ABŞ-ın xam neft ehtiyatları ötən hesabat həftəsində 3,3 milyon barrel (0,3 faiz) azalaraq 463,2 milyon barrelə enib.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bazar proqnozları isə ehtiyatların 3,5 milyon barrel azalması istiqamətində idi. Əvvəlki həftə xam neft ehtiyatları 8,9 milyon barrel azalmışdı. Beləliklə də, ABŞ-ın xam neft ehtiyatları ard-arda 8 həftədir ki azalıb.Ölkənin strateji neft ehtiyatları isə ötən həftə dəyişməyərək 678,9 milyon barrel səviyyəsində qalıb. ABŞ-ın həftəlik benzin ehtiyatları 1,2 milyon barrel (0,5 faiz) azalaraq 229,9 milyon barrel olub. Bazar proqnozları isə 0,6 milyon barrel azalacağı istiqamətində idi.xeber100.com

Böyük Britaniya Səhiyyə Təşkilatının tövsiyəsi

Böyük Britaniyanın İctimai Səhiyyə Təşkilatı orta yaşlı insanlara sağlamlıqlarını qorumaq üçün gün ərzində 10 dəqiqə sürətlə yeriməyi tövsiyə edib.BBC xəbər verir ki, təşkilatın ekspertləri 40 yaşından sonra insanların fəaliyyətinin azaldığını və bunun da onların sağlamlığına zərər verdiyini bildiriblər. Buna görə də onlar 40-60 yaş arasında olan insanlara hər gün 10 dəqiqə sürətlə yeriməyi tövsiyə ediblər. Ekspertlər bunun tez ölüm riskini 15 faiz azaldacağı qənaətindədirlər.Təşkilat insanlara kömək məqsədilə “Active 10” proqramını da hazırlayıb. Qurumun mütəxəssisi Cenni Harries sürətli yerişin xüsusilə də günorta vaxtı təsirli olduğunu bildirib.xeber100.com

“BBC” şirkətinin məlumatına əsasən…

“BBC” şirkəti 52 ölkədən 253 tənqidçiyə kinematoqrafiya tarixində ən yaxşı komediya filmlərinin siyahısını hazırlamaq barədə müraciət edib.Tədqiqatın hər bir iştirakçısından dünyanın müxtəlif ölkəsində yaradılan 10 filmin adını çəkmək tələb olunub. Nəticədə, Billi Uaylderin 1959-cu ildə çəkdiyi şah əsəri - “Cazda yalnız qızlardır” komediyası birinci yeri qazanıb.“BBC” qeyd edir ki, bizi güldürən filmlər, əksər halda kinematoqrafiyada dəyərləndirilmir. Məsələn, Amerika Kino Akademiyasının ilin ən yaxşı filmi hesab edib “Oskar”a layiq gördüyü 89 filmdən yalnız 7-si komediyadır.xeber100.com

Beynəlxalq hava limanında 320-yədək aviareys təxirə salınıb

Qasırğa səbəbindən Honqkonq beynəlxalq hava limanında 320-yədək aviareys təxirə salınıb.Azərtac aeroportun onlayn tablosuna istinadla xəbər verir ki, buna səbəb güclü “Hato” qasırğasıdır. Həmçinin qasırğa şəhərdə nəqliyyatın hərəkətini də iflic vəziyyətə gətirib.xeber100.com

Rusiya Maliyyə Nazirliyinin məlumatına əsasən…

Rusiya Sovet İttifaqından qalan bütün borclarını qaytarıb.Azərtac xəbər verir ki, bu barədə Rusiya Maliyyə Nazirliyi məlumat yayıb. Bildirilib ki, Rusiya Bosniya və Herseqovinaya 125 milyon dollar ödəyərək keçmiş Sovet İttifaqından qalan bütün borclarını ödəyib.Rusiya Sovet İttifaqının 1991-ci ildə dağılmasından sonra böyük hissəsi Qərb ölkələrinə olan 66 milyard dollarlıq borcun ödənilməsini öz üzərinə götürmüşdü.Neftin qiymətinin bahalaşması nəticəsində gəlirləri artan Rusiya, ABŞ və Birləşmiş Krallığın da daxil olduğu Paris Klubu olaraq adlandırılan 19 ölkəyə olan borcun 60 milyard dollarlıq hissəsini ödəmişdi. Rusiya, Xorvatiya, Serbiya, Çernoqoriya, Sloveniya və Makedoniyadan qurulan keçmiş Yuqoslaviya respublikalarına olan borcunun hamısını isə 2011-2016-cı illərdə ödəmişdi.xeber100.com

ABŞ vizaların verilməsini dayandırır

ABŞ avqustun 23-dən Rusiyanın bütün ərazisində qeyri-miqrasiya vizalarının verilməsini dayandırır. Bu barədə Birləşmiş Ştatların Rusiyadakı səfirliyi məlumat yayıb.Vizaların verilməsi sentyabrın 1-dən yalnız Moskvada bərpa ediləcək. ABŞ səfirliyi bunu diplomatik missiyada əməkdaşların ixtisara salınması ilə izah edib.xeber100.com

Qırğızıstan hökuməti tam tərkibdə istefa verib

Bu gün Qırğızıstan hökuməti tam tərkibdə istefa verib.Azərtac xəbər verir ki, bu barədə Qırğızıstanın Baş naziri Sooronbay Jeenbekov hökumətin avqustun 21-də keçirilən iclasında məlumat verib.Baş nazir deyib: “Qırğızıstan Sosial-Demokrat Partiyası prezident seçkiləri üçün mənim namizədliyimi irəli sürüb. Oktyabrın 15-də keçiriləcək seçkilərdə iştirak edəcəyəm və hökumətin istefası da bununla əlaqədardır”.Qırğızıstan Prezidenti Almazbek Atambayev istefanı qəbul edib. O, Sooronbay Jeenbekovla görüşündə ona təşəkkürünü bildirərək deyib: “Prezidentliyim dövründə işlədiyim hökumətlərin ən yaxşısı sizin qurduğunuz hökumət olub”.xeber100.com

ANSA agentliyinin məlumatı

İtaliyanın Mərkəzi Bankı ölkənin dövlət borcunun rekord həddə - 2,2814 trilyon avroya çatdığını bildirib.ANSA agentliyi xəbər verir ki, dövlət borcunun çoxluğuna görə İtaliya hazırda avrozonada Yunanıstandan sonra ikinci yerdədir.xeber100.com

ƏDV ilə bağlı qanun layihəsinə düzəlişlər hazırlanıb

Rusiya hökuməti ixracat əməliyyatları üçün əlavə dəyər vergisinin (ƏDV) tətbiqi qaydalarının dəqiqləşdirilməsi ilə bağlı qanun layihəsinə dəyişikliklər hazırlayıb.Azərtac xəbər verir ki, Nazirlər Kabinetinin rəsmi internet saytının məlumatına əsasən, düzəlişlərdə emal nəticəsində əmələ gələn malların, reeksport gömrük prosedurları çərçivəsində ölkədən aparılmış xarici mallardan istifadə edilməklə istehsal edilən (alınan) malların satışı üçün, eləcə də bu cür malların daşınması üçün müşayiətedici xidmətlərə ƏDV güzəştinin edilməsi (0 dərəcəsinin tətbiqi) təklif olunur.Bu düzəlişlər prioritet hesab edilən “Beynəlxalq kooperasiyanın və ixracın inkişafı üzrə sistemli tədbirlər” layihəsinin həyata keçirilməsi məqsədilə hazırlanıb.Rusiya Federasiyasının rabitə və kütləvi kommunikasiyalar naziri Nikolay Nikiforov özünün “twitter” səhifəsində yazıb ki, nəzərdə tutulan düzəlişlər ölkədən “Rusiya poçtu” vasitəsilə ixrac edilən mallara da 0 dərəcə ilə ƏDV tətbiq etməyə imkan yaradacaq.“Bununla da “Rusiya poçtu” ixracat üçün gözəl bir vasitə formalaşdırır - gömrük orqanları ilə elektron sənədləşmə dövriyyəsi, üstəgəl 0 dərəcə ilə ƏDV. İndi hətta Rusiya Federasiyasının ən balaca kəndlərindən də “Rusiya poçtu” vasitəsilə dünyanın istənilən yeri ilə asan, sürətli və sərfəli ticarət etmək olar!”, - deyə o qeyd edib.xeber100.com