ƏDV ilə bağlı qanun layihəsinə düzəlişlər hazırlanıb

Rusiya hökuməti ixracat əməliyyatları üçün əlavə dəyər vergisinin (ƏDV) tətbiqi qaydalarının dəqiqləşdirilməsi ilə bağlı qanun layihəsinə dəyişikliklər hazırlayıb.Azərtac xəbər verir ki, Nazirlər Kabinetinin rəsmi internet saytının məlumatına əsasən, düzəlişlərdə emal nəticəsində əmələ gələn malların, reeksport gömrük prosedurları çərçivəsində ölkədən aparılmış xarici mallardan istifadə edilməklə istehsal edilən (alınan) malların satışı üçün, eləcə də bu cür malların daşınması üçün müşayiətedici xidmətlərə ƏDV güzəştinin edilməsi (0 dərəcəsinin tətbiqi) təklif olunur.Bu düzəlişlər prioritet hesab edilən “Beynəlxalq kooperasiyanın və ixracın inkişafı üzrə sistemli tədbirlər” layihəsinin həyata keçirilməsi məqsədilə hazırlanıb.Rusiya Federasiyasının rabitə və kütləvi kommunikasiyalar naziri Nikolay Nikiforov özünün “twitter” səhifəsində yazıb ki, nəzərdə tutulan düzəlişlər ölkədən “Rusiya poçtu” vasitəsilə ixrac edilən mallara da 0 dərəcə ilə ƏDV tətbiq etməyə imkan yaradacaq.“Bununla da “Rusiya poçtu” ixracat üçün gözəl bir vasitə formalaşdırır - gömrük orqanları ilə elektron sənədləşmə dövriyyəsi, üstəgəl 0 dərəcə ilə ƏDV. İndi hətta Rusiya Federasiyasının ən balaca kəndlərindən də “Rusiya poçtu” vasitəsilə dünyanın istənilən yeri ilə asan, sürətli və sərfəli ticarət etmək olar!”, - deyə o qeyd edib.xeber100.com

Rusiya mətbuatının məlumatına görə…

Yaxın vaxtlarda Moskva yollarında qeyri-adi “Matreşka” adlı taksilər paytaxt sakinlərinə təqdim olunacaq. Bu sürücüsüz uzaqdan idarə olunan elektromobillərdir. Rusiyanın paytaxtında pilot layihə artıq təqdim olunub.Rusiya KİV-ləri xəbər verir ki, bu avtomobillərin maksimal sürəti 30 kilometrdir. Hər bir avtomobildə qeydlər aparan kameralar var, bu taksi obyektləri tanıyıb, müəyyən edilmiş marşrut üzrə hərəkət edir. Sürücüsüz elektromobildən 12 nəfər sərnişin istifadə edə bilər.Gələn ildən Rusiya “Matreşka” elektromobillərinin istehsalına başlayacaq, 2020-ci ildən isə bu taksilər şəhərdə fəaliyyət göstərəcək.xeber100.com

Almaniya mətbuatı yazır…

Almaniyada benzin və dizellə işləyən avtomobillərin istifadəsi qadağan oluna bilər.Azərtac xəbər verir ki, Almaniya kansleri Angela Merkel gələcəkdə benzin və dizellə işləyən avtomobillərin qadağan olunacağı mesajını verib. O, elektriklə işləyən avtomobillərə keçidin qüsursuz olmasının vacibliyi vurğulayıb.Ötən dövrdə Fransa və İngiltərə elektriklə işləyən nəqliyyat vasitələrinə keçidi sürətləndirmək üçün 2040-cı ildən əvvəl benzin və dizelli avtomobillərin qadağan etməyi planlaşdırdıqlarını bildirmişdi. Ölkəsi üzərində artan təzyiqlər nəticəsində A.Merkel də benzin və dizel nəqliyyat vasitələrini qadağan etməyi düşündüyünü deyib. O, bu qadağanın nə vaxt olacağını deməyib, İngiltərə və Fransanın etdiyinin düzgün yanaşma olduğunu bildirib.A.Merkel indiyə qədər bu mövzuda ən açıq fikrini söyləsə də, 800 mindən çox insanın məşğulluğunu təmin edən və siyasi nüfuza malik olan alman avtomobil sənayesinə bu yükü qoymaq məsələsində tərəddüdlü olduğu görünür.Son dövrdə alman avtomobil sənayesini olduqca çətinə vəziyyətə salan dizel qalmaqalı ilə bağlı danışan A.Merkel deyib: “Avtomobil sənayesi buraxılan səhvlərin düzəldilməsini təmin etməlidir.Kansler benzin və dizellə işləyən nəqliyyat vasitələrinin qadağasının müştərilər baxımından da əlverişli olduğunu deyib.xeber100.com

Hind və Sakit okean hövzələri ölkələrinə yardım ayrılacaq

Yaponiyanın xarici işlər naziri Taro Kano bəyan edib ki, hökumət dənizdə təhlükəsizliyi təmin etmək üçün potensial yaratmaq məqsədilə Hind və Sakit okean hövzələri ölkələrinə 500 milyon dollar miqdarında yardım ayırmağı planlaşdırır.Azərtac xəbər verir ki, T.Kano bu plan barədə Vaşinqtonda keçirilən mətbuat konfransında məlumat verib.Nazir bəyan edib ki, Yaponiya bu yardımları qarşıdakı üç il ərzində, yəni cari ildən başlayaraq 2019-cu ilədək göstərəcək.xeber100.com

“Al Thuraya” Astronomiya Mərkəzi açılacaq

Birləşmiş Ərəb Əmirlikləri KİV-lərinin yaydığı məlumata görə, sentyabr ayında Dubayda “Al Thuraya” Astronomiya Mərkəzi açılacaq. 2018-ci ildə isə Marmun səhrasında astronomik kurortun yaradılması planlaşdırılır. Astronomiya Mərkəzinin rəsmi açılış mərasimi Birləşmiş Ərəb Əmirliklərinin milli bayramı günündə - dekabrın 2-də olacaq.Azərtac xəbər verir ki, mərkəzin layihə dəyəri 50 milyon dirhəmdir (13,6 milyon dollar). Bu layihənin reallaşdırılması ilə yeni turizm marşrutunun işə salınması nəzərdə tutulur.Qeyd edilir ki, rəsədxana, güzgüsünün diametri 1 metr olan teleskopla təchiz ediləcək. Rəsədxanada sinif otaqları və laboratoriyaları olan akademiya, xarici müşahidə meydançası, 100 adamlıq kinoteatr, mağaza, kafe və kitabxana yaradılacaq. “Al Mushrif” parkında yerləşən və sahəsi 2696 kvadratmetr olan bina bürc formalarında landşaft bağları ilə bəzədiləcək.xeber100.com

Verginin aradan qaldırılması sazişi çərçivəsində

İsveçrə ilə Belçika arasında ikiqat verginin aradan qaldırılması barədə saziş çərçivəsində vergilərə dair informasiyaların mübadilə edilməsi üzrə normalar qüvvəyə minir.Azərtac “vergiler.az” saytına istinadla bildirir ki, sənəd dövlət pensiya fondları - vəsaitlərin mənbəyi üçün vergi güzəştləri nəzərdə tutur və firmalararası borclar üzrə faizlərin və müəyyən şirkətlərin ödədikləri dividendlərin vergiyə cəlb edilməsi mexanizminin səmərəli işləməsi mexanizmini tənzimləyir.İsveçrə Federal Şurasından bildirilib ki, vergi informasiyasının mübadiləsi iki ölkə arasındakı möhkəm iqtisadi əlaqələri daha da gücləndirməlidir.xeber100.com

“Türk axını”nın 170 kilometrinin tikintisi başa çatıb

Rusiya təbii qazının Türkiyə və Avropaya nəqlini nəzərdə tutan “Türk axını” qaz boru kəmərinin (Turkish Stream) 170 kilometrinin tikintisi başa çatıb.Azərtac xəbər verir ki, bunu Rusiyanın energetika naziri Aleksandr Novak deyib. O bildirib ki, təbii qaz kəmərinin təxminən 19 faizi inşa edilib.“Layihə Türkiyə və Avropa İttifaqı üçün enerji təhlükəsizliyinin artırılmasına yönəlib. Qaz kəmərinin sualtı hissəsinin inşası Rusiyanın Qara dəniz sahilində may ayında başlayıb. Boru kəmərinin 170 kilometrdən çoxu artıq tamamlanıb.Qeyd edək ki, “Türk axını” layihəsi Qara dəniz üzərindən Türkiyənin Avropa hissəsinədək və daha sonra Yunanıstan sərhədinədək qaz boru kəmərinin tikintisini nəzərdə tutur. Kəmərin dəniz hissəsinin uzunluğu 910 kilometrə yaxın, quru hissəsi isə Türkiyə ərazisi üzrə 180 kilometrdir. Boru kəmərinin birinci xətti türk bazarı, ikincisi Cənubi və Cənub-Şərqi Avropa ölkələri üçün nəzərdə tutulur. Hər bir xəttin illik ötürücülük gücü 15,75 milyard kubmetrdir. Layihənin ümumi dəyəri 11,4 milyard avro həcmində qiymətləndirilir.xeber100.com

RİA Novosti agentliyinin məlumatı

İspaniyanın cənub sahillərində 600-ə yaxın miqrant xilas edilib.RİA Novosti agentliyi xəbər verir ki, cari ildə İspaniyaya dənizlə gəlmək istəyən miqrantların sayı 8 min 183 nəfər təşkil edib.xeber100.com

4,7 bal gücündə zəlzələ baş verib

ABŞ-ın Geoloji Xidmətinin məlumatına əsasən, Yunanıstanın cənubunda Rixter cədvəli üzrə 4,7 bal gücündə zəlzələ baş verdi.Zəlzələnin episentri Adamas şəhərinin cənub-şərqində, Afinadan 187 kilometr məsafədə, 91 kilometr dərinlikdə olub. Zərərçəkənlər barədə məlumat yoxdur.xeber100.com

“Juniper Research” analitik şirkətinin proqnozu

2025-ci ilə dünyada 5G şəbəkələrinə qoşulmaların sayı 1,4 milyarda bərabər olacaq.Azərtac xəbər verir ki, bu barədə “Juniper Research” analitik şirkətinin proqnozunda deyilir. Lakin qeyd edilir ki, 2019-cu ildə yeni mobil texnologiyanın kommersiya istifadəsi üzrə birinci ildə 5G şəbəkələrinə qoşulmaların sayı təxminən 1 milyon təşkil edəcək.Proqnoza görə, Çin, ABŞ və Yaponiya 5G şəbəkələrinə qoşulmaların sayı üzrə lider dövlətlər olacaqlar. 2025-ci ilə 5G şəbəkələrinə qoşulmaların ümumi sayının 55 faizi bu üç ölkənin payına düşəcək.Analitiklər yeni simsiz texnologiyanın rabitənin keyfiyyətinə görə fiber optik xətlə rəqabət aparması üçün mobil operatorlara real iş şəraitində 5G şəbəkələrini genişmiqyaslı sınaqdan keçirməyi məsləhət görürlər."Maksimum sürəti və qoşulmanın etibarlılığını təmin edəcək şirkətlərin şəbəkələri “ARPC” (bir qoşulmadan götürülən orta gəlir) üzrə ən yüksək göstəricilərə nail ola biləcək ki, bu da operatorlara “5G” texnologiyasına yatırılmış investisiyalarını geri qaytarmağa imkan verəcək", – deyə hesabatın müəllifi Sem Beyker bildirir.xeber100.com