Yaponiyada qanunverici orqana seçkilər keçirilir

İyulun 2-də Yaponiya paytaxtının qanunverici orqanına seçkilər keçirilir. Seçki məntəqələri yerli vaxtla səhər saat 7:00-da açılıb və axşam saat 20:00-da bağlanacaq.Tokio assambleyasındakı 127 yer uğrunda ümumilikdə 254 namizəd mübarizə aparır. Seçkilərdə əsas mübarizə hazırda assambleyadakı yerlərin əksəriyyətinə sahib olan Baş nazir Şinzo Abenin başçılıq etdiyi Liberal Demokratik Partiya ilə yeni “Prefektura sakinləri hər şeydən üstündür” Partiyası arasında gedir. Bu partiyaya paytaxt sakinləri arasında böyük nüfuza malik olan Tokio qubernatoru Yuriko Koike rəhbərlik edir. Son məlumatlara görə, hazırda mübarizə bərabər səviyyədə davam edir.Gərgin mübarizə şəraitində 2013-cü ildə keçirilən seçkilərdən fərqli olaraq, daha çox seçicinin məntəqələrə gələcəyi gözlənilir. Həmin vaxt seçicilərin yalnız 43,5 faizi seçkilərdə iştirak etmişdi.xeber100.com

“Samsung” şirkəti yeni modelini təqdim etməyi planlaşdırır

Cənubi Koreyanın "Samsung" şirkəti "Galaxy Note 7 Fandom Edition" smartfon modelini iyulun 7-də təqdim etməyi planlaşdırır. Dörd yüz nümunədə buraxılacaq smartfonun bir hissəsi Cənubi Koreya bazarı üçün nəzərdə tutulub.Azərtac xəbər verir ki, şirkətin yaydığı məlumata görə, "Galaxy Note 7 FE" digər ölkələrdə də satışa çıxarılacaq, lakin hazırda həmin ölkələrin siyahısı məlum deyil.Bundan əvvəl şirkət nümayəndələri ABŞ-da bərpa edilən "Note 7" modelinin satışının dayandırılmasını təsdiq ediblər. Bununla yanaşı, onlar "Note 7" smartfonunu "Galaxy S8" və "S8+" modellərinin satışı üçün təhlükəli hesab edirlər."Galaxy Note 7 Fandom Edition" smartfonunun təxmini qiyməti 700 dollar təşkil edəcək.Qeyd edək ki, "Samsung" şirkətinin ötən il təqdim etdiyi "Galaxy Note 7" smartfon modeli 5,7 düymlü ekran, səkkiznüvəli "Exynos 8890" prosessor, 4 giqabaytlıq operativ yaddaş və 3500 milliamper/saat tutumlu akkumulyatorla təchiz edilib. Şirkət akkumulyatorun qızması nəticəsində baş verən partlayışlardan sonra smartfonu satışdan çıxarmaq məcburiyyətində qalıb.xeber100.com

ABŞ genişmiqyaslı hərbi təlimlərə başlayıb

Avstraliya və ABŞ genişmiqyaslı birgə hərbi təlimlərə başlayıblar.Təlimlərdə ABŞ və Avstraliyanın 33 min hərbçisinin iştirak etdiyi bildirilir. Avstraliyaya məxsus ərazi sularında keçiriləcək təlimlər bir ay çəkəcək. Təlimlər zamanı həm dənizdə, həm də havada əməliyyatların keçiriləcəyi planlaşdırılır.ABŞ-ın Sakit okean komandanlığının rəhbəri Qarri Harrisin sözlərinə görə, təlimlər Cənub-Çin dənizindəki mübahisəli adalarla əlaqədar mübahisələrin gərginləşməsi fonunda keçirilir.Çinin regionun bir sıra ölkələri ilə, xüsusən Yaponiya, Vyetnam və Filippinlə dəniz sərhədləri, o cümlədən Cənub Çin və Şərqi Çin dənizlərində məsuliyyət zonaları ilə əlaqədar fikir ayrılıqları mövcuddur. Çinin qənaətinə görə, Vyetnam regionda gərginliyi artırmaq üçün ABŞ-dan istifadə etməyə çalışır.xeber100.com

Malayziya hökumətinin qərarına əsasən…

Malayziya hökuməti Şimali Koreya vətəndaşlarına iş üçün icazə verilməsinin dayandırılması barədə qərar qəbul edib. Kyodo agentliyinin yaydığı məlumata görə, həmin qərar cari ilin fevralında Şimali Koreya liderinin qardaşı Kim Çen Namın Kuala-Lumpur aeroportunda qətlindən sonra qəbul edilib.2017-ci ilin əvvəllərində Malayziyada Şimali Koreyanın minə yaxın vətəndaşı çalışırdı. Onların əsasən kömür şaxtalarında və tikinti meydançalarında işlədiyi bildirilir. Mayda Malayziya Kuala-Lumpurdakı Şimali Koreya restoranının işçilərinə icazəni dayandırdıqdan sonra onlar ölkəni tərk ediblər.Şimali Koreyada vətəndaşların xarici ölkələrə iş üçün göndərilməsi ölkənin əsas valyuta mənbələrindən hesab edilir. Şimali Koreya hökumətinin məlumatına əsasən, Çində təqribən bu ölkənin 90 min vətəndaşı çalışır. Onların dövlət büdcəsinə hər il təqribən bir neçə yüz milyon dollar mənfəət gətirdiyi bildirilir. Həmin vəsaitin bir hissəsi raket-nüvə proqramları üçün istifadə edilir.xeber100.com

Milli Birlik Günü qeyd edildi

Tacikistanın Milli Birlik Günü münasibətilə Prezident Emoməli Rəhmon Vaxdat şəhərində bir gündə 30 toy və 20 sünnət mərasimində iştirak edib.Tacikistan Prezidentinin mətbuat xidmətinin yaydığı məlumata görə, dövlət başçısı Emoməli Rəhmon bəy və gəlinlərə, həmçinin sünnət olunan uşaqlara hədiyyələr bağışlayıb.Milli Birlik Günü hər il respublikanın bir şəhərində qeyd olunur. Həmin şəhərdə yeni obyektlər istifadəyə verilir, şənliklər keçirilir.Qeyd edək ki, ölkədə vətəndaş müharibəsinin başa çatması münasibətilə təsis olunan Milli Birlik Günü bu il 20-ci dəfə qeyd edilir.xeber100.com

Yaponiya Xarici İşlər Nazirliyinin məlumatına əsasən…

İyunun 28-də Yaponiyanın Baş naziri Şinzo Abe ilə Qətər Dövlətinin Əmiri şeyx Təmim bin Həməd Al Tani arasında telefon danışığı olub. Yaponiya Xarici İşlər Nazirliyinin yaydığı məlumatda bildirilir ki, tərəflər regiondakı vəziyyət və iki dövlət arasında qarşılıqlı əməkdaşlıq məsələlərini müzakirə ediblər.Baş nazir Qətər ətrafında son vaxtlar cərəyan edən hadisələrə toxunaraq regionda sabitliyin qorunmasının böyük əhəmiyyətə malik olduğunu bildirib. Qeyd edib ki, terrorçuluqla və ekstremizmlə mübarizənin gücləndiyi bir vaxtda ərəb dövlətləri arasında baş verən mübahisələr dialoq yolu ilə həll edilməlidir. Baş nazir əlavə edib ki, Yaponiya Küveytin vasitəçilik missiyasını dəstəkləyir və problemin sülh yolu ilə həllinə tərəfdardır.Şeyx Təmim bin Həməd Al Tani bildirib ki, Qətər Dövləti Yaponiya ilə münasibətlərə xüsusi önəm verir və baş verənlərə baxmayaraq, Gündoğar ölkəyə enerji daşıyıcılarının çatdırılmasında heç bir problem olmayacaq. Əmir əlavə edib ki, qonşu ölkələrlə münasibətlərə gəlincə, Qətər vəziyyətin kəskinləşməsini istəmir və problemin sülh yolu ilə həllinə tərəfdardır.xeber100.com

“Google” şirkəti 2,42 milyard avro məbləğində cərimələnib

Avropa Komissiyası “Google” şirkətini 2,42 milyard avro məbləğində cərimələyib.“lefigaro.fr” saytı bildirir ki, buna səbəb şirkətin rəqabət qaydalarını pozmasıdır. Bildirilir ki, şirkət axtarış sistemindəki üstünlüyündən sui-istifadə edərək onlayn alış-verişlə bağlı müraciət ünvanlayan istifadəçiyə əvvəlcə özünün “Google Shopping” xidmətini təqdim edirmiş.Qeyd edək ki, bu, Avropa Komissiyasının kəsdiyi ən böyükməbləğli cərimədir. Bundan əvvəl komissiya 2009-cu ildə ABŞ-ın nəhəng kompüter çipi istehsalçısı “İntel”i 1,06 milyard dollar məbləğində cərimə etmişdi.xeber100.com

Ümumdünya Səhiyyə Təşkilatının məlumatına əsasən…

Aprelin sonlarından indiyə qədər Yəməndə vəba epidemiyası 1300 nəfərin həyatına son qoyub.Bu barədə məlumat Ümumdünya Səhiyyə Təşkilat tərəfindən yayılıb. Məlumatda vurğulanır ki, son iki ayda vəba Yəmənin, demək olar ki, bütün əyalətlərinə yayılıb. Ölənlərin dörddə biri uşaqlardır.Bunda əvvəl BMT-nin Uşaq Fondunun Yəməndəki nümayəndəsi bəyan edib ki, ilin sonunadək Yəməndə vəba xəstəliyinə yoluxanların sayı 300 minədək arta bilər.xeber100.com

TASS informasiya agentliyinin məlumatına görə…

Fransanın Sosialist Partiyası Milli Məclisə (parlamentin aşağı palatası) keçirilən seçkilərin nəticələri üzrə iyunun 21-də elan olunmuş yeni hökumətə etimad haqqında məsələdə səs vermək niyyətində deyil.TASS informasiya agentliyi xəbər verir ki, sosialistlər Eduar Flip hökumətinə əsl müxalifətdə olduqlarını bəyan ediblər. “Biz bu Nazirlər Kabinetinə etimad göstərilməsinin lehinə səs verməyəcəyik” – partiyanın şənbə günü yayılmış bəyanatında belə deyilir.Parlamentdə səsvermə iyulun 4-nə nəzərdə tutulur. Ənənəyə görə, Baş nazir bu zaman öz siyasi kursunun əsas tezislərini əks etdirən proqram xarakterli nitq söyləyəcək.Xatırladaq ki, son beş ildə ölkəni idarə etmiş Sosialist Partiyası Fransada parlament seçkilərinin iyunun 21-də keçirilmiş ikinci turunda böyük itkilərə məruz qalıb. Onun təmsilçiliyi 295 deputatdan 46 deputatadək azalıb. Fransız politoloqları sosialistlərin bu məğlubiyyətini tarixi hadisə adlandırırlar.xeber100.com

Albaniyada parlament seçkiləri keçiriləcək

İyunun 25-də Avropanın ən kasıb ölkəsi olan və narkobiznesin çiçəkləndiyi Albaniyada iqtidar və müxalifətin münaqişəsi səbəbindən ləğv olmaq həddinə çatan parlament seçkiləri keçiriləcək.RİA Novosti informasiya agentliyi xəbər verir ki, müxalifətdə olan Lülzima Başinin Demokrat Partiyası dörd ay ərzində etiraz aksiyaları keçirərək parlamentin işini boykot etmişdi. Onlar hakim Sosialist Partiyasını seçkiləri saxtalaşdırmağa hazırlaşmaqda, iqtisadi problemlərdə təqsirləndirirdilər. Avropa İttifaqı və ABŞ münaqişənin nizamlanmasına vasitəçilik ediblər. Nəticədə müxalifət səsvermənin təşkilini müşahidə etmək imkanı qazanıb, seçkilər isə iyunun 18-dən 25-nə keçirilib.Seçkilər 1991-ci ildə Ənvər Xoca rejiminin süqutu nəticəsində Albaniyada çoxpartiyalı sistemin tətbiqindən sonra doqquzuncu dəfədir keçirilir. O həm də ölkənin 2014-cü ildə Aİ-yə namizəd statusu almasından sonra keçirilən ilk seçkilər olacaq.Albaniya Mərkəzi Seçki Komissiyasının məlumatına görə, seçkilərdə 18 siyasi birlik iştirak edir. Seçki hüququna malik 3,4 milyon nəfər 5,3 min məntəqədə səs verə biləcək.xeber100.com