Beynəlxalq vergi qanunvericiliyi müzakirə ediləcək

İqtisadi Əməkdaşlıq və İnkişaf Təşkilatının (OECD) növbəti konfransına iştirakçıların qeydiyyatı başlanıb.Azərtac “vergiler.az” saytına istinadla bildirir ki, 2017-ci ilin iyunun 5-6-da Vaşinqtonda keçiriləcək konfransda OECD-nin beynəlxalq vergi qanunvericiliyi ilə bağlı irəli sürdüyü təşəbbüslər müzakirə ediləcək.Konfrans ABŞ-ın biznes ictimaiyyətinin təmsilçiləri ilə OECD administrasiyasının vergi siyasəti mərkəzi üzvlərinin, eləcə də ABŞ-ın və beynəlxalq vergi standartları çərçivəsində fəaliyyət göstərən digər ölkələrin vergi xidmətlərinin yüksək vəzifəli şəxslərinin görüşünə imkan yaradacaq.Vergi konfransının gündəliyinə transfer qiymətqoyma, vergi mübahisələrinin həlli, BEPS standartlarının tətbiqi, eləcə də verginin müəyyənləşdirilməsinin təkmilləşdirilməsi yolları kimi mövzular daxildir.Tədbir ABŞ-ın Beynəlxalq Biznes Şurası, OECD, eləcə də Biznes üzrə Məşvərət Şurası və OECD yanında Ticarət-Sənaye Məşvərət Komitəsi ilə birlikdə təşkil ediləcək.xeber100.com

Prezident seçkilərinin təbliğat-təşviqat kompaniyası davam edir

İranda keçiriləcək prezident seçkilərində iştirak edən namizədlərin təbliğat-təşviqat kompaniyaları davam edir.Prezidentliyə namizəd Həsən Ruhani təbliğat-təşviqat kompaniyası çərçivəsində mayın 15-də İranın ikinci böyük şəhəri olan Təbrizə səfər edib. Təbrizlilər tərəfindən hərarətlə qarşılanan H.Ruhani axşamüstü “Şəhid Purşərifi” stadionunda tərəfdarları ilə görüş keçirəcək.Görüşdə H.Ruhani gələcək planları haqqında məlumat verəcək və ölkənin inkişaf proqramını təqdim edəcək.Xatırladaq ki, mayın 19-da İranda 12-ci prezident seçkiləri keçiriləcək. Yaxın Şərqdə baş verən gərgin siyasi proseslərin fonunda İrandakı prezident seçkiləri dünya ictimaiyyətinin diqqət mərkəzindədir.xeber100.com

Şanxay Əməkdaşlıq Təşkilatı Forumunun XII iclası keçirilib

Daşkənddə Şanxay Əməkdaşlıq Təşkilatı (ŞƏT) Forumunun XII iclası keçirilib.Yığıncaqda təşkilatın üzvü olan ölkələr - Çin, Rusiya, Özbəkistan, Qazaxıstan, Qırğızıstan və Tacikistan, həmçinin müşahidəçi ölkələr olan İran, Əfqanıstan, Belarus, Pakistan və Hindistan təmsilçiləri, tədqiqat mərkəzlərinin ekspertləri, Özbəkistanda akkreditə olunan səfirliklərin nümayəndələri iştirak edib.Forumda Əfqanıstanda sülhün və sabitliyin əldə edilməsi, Mərkəzi Asiya regionunda təhlükəsizliyin təmin olunması, ŞƏT çərçivəsində ticarət-iqtisadi, sərmayə qoyuluşu, nəqliyyat-kommunikasiya, elmi-texniki, turizm sahəsində əməkdaşlığın genişləndirilməsi məsələləri müzakirə olunub.Qeyd edək ki, Azərbaycan Şanxay Əməkdaşlıq Təşkilatının dialoq üzrə tərəfdaşı qismində çıxış edir.xeber100.com

NHK telekanalının yaydığı məlumata görə…

NHK telekanalının yaydığı məlumata əsasən, Şimali Koreya mayın 14-də səhər növbəti ballistik raket sınağı keçirib.Cənubi Koreya silahlı qüvvələri qərargah rəislərinin birləşmiş komitəsi bildirib ki, raket Şimali Koreyanın şimal-qərbində yerləşən Pxyonan-pukto əyalətindəki Kusonun yaxınlığındakı nöqtədən yerli vaxtla səhər saat 5:30 dəqiqədə şərq istiqamətində buraxılıb. Məlumatda qeyd edilir ki, 700 kilometrdən çox uçan raket Yapon dənizinə düşüb.Bu, mayın 10-da Cənubi Koreyanın yeni prezidenti Mun Ce-inin öz vəzifələrinin icrasına başlamasından sonra həyat keçirilən ilk raket buraxılışıdır.Cənubi Koreya silahlı qüvvələri raket buraxılışı ilə əlaqədar informasiyaların toplanması və təhlilini davam etdirir.Prezident Mun Ce-in silahlı qüvvələrin qərargah rəislərinin birləşmiş komitəsinə təcili iclas keçirilməsi barədə göstəriş verib.xeber100.com

Fransa Prezidenti: “Biz fransızların özünə inamını qaytarmalıyıq”

Bu gün rəsmən Fransa Prezidenti elan edilən Emmanuel Makron axşamdan etibarən işə başlayacağını bildirib.RİA Novosti agentliyi xəbər verir ki, bu gün keçirilən andiçmə mərasimindən sonra E.Makron çıxış edərək deyib: “Bizə daha səmərəli və daha demokratik Avropa lazımdır. Avropa İttifaqı bizim gücümüz və suverenliyimiz deməkdir”.Seçki öncəsi verdiyi vədlərini xatırladan E.Makron qeyd edib ki, “biz tariximizdə ən yaxşı səhifələrdən birini yazmaq üçün birləşməliyik və bu işdə hər birinizin dəstəyi lazımdır. Biz fransızların özünə inamını qaytarmalıyıq”.xeber100.com

“Avast” kompaniyasının məlumatına əsasən…

İnformasiya təhlükəsizliyi sahəsində proqram təminatı istehsalçısı “Avast” kompaniyasının məlumatına əsasən, “WannaCry” adlı virusun hücumu dünyanın 99 ölkəsində 75 min kompüteri iflic edib.AZƏRTAC Euronews telekanalına istinadla xəbər verir ki, istifadəçilərin kompüterlərə girişini bərpa etmək üçün tələb olunan məbləğ 300 dollardan 600 dollaradək dəyişir. Bununla yanaşı, hakerlər “Bitcoin” pulköçürmə sistemi ilə ödəmə aparmaq üçün ətraflı təlimatı da təklif edir. Kiber-dələduzların bəzi qurbanları artıq pul ödəmək məcburiyyətində qalıb.“Kaspersky laboratoriyası”nın informasiyasına görə, “Shadow Brokers” hakerlər qrupu zərərverici proqram təminatını hələ bu ilin aprel ayından yaymağa başlayıb. Onlar virusu ABŞ-ın Milli Təhlükəsizlik Agentliyinin əvvəllər istifadə etdiyi casus proqramı vasitəsi ilə yaydıqlarını bildirirlər.Hakerlərin əsas hədəfi “Microsoft” kompaniyasının hazırladığı “Windows” əməliyyat sistemidir. Virus asanlıqla əməliyyat sisteminə daxil olur, elektron məlumatları şifrələyir və kompüterin işini tam əngəlləyir.xeber100.com  

Moskva metropoliteninin məlumatı

Bu gün Moskvada metropolitenin ildönümü ilə əlaqədar qatarların paradı keçirilir. Parad iki gün davam edəcək."vistanews.ru" xəbər verir ki, bu cür parad bu il üçüncü dəfə keçiriləcək. Paytaxt metropoliteninin rəisi Dmitri Peqovun sözlərinə görə, bu tədbirlər sərnişinlərə Moskva metropoliteninin bütün səyyar tərkibini görməyə imkan verir. Bu gün, həmçinin metropolitenin təsərrüfat qatarlarının və retro-vaqonların ikigünlük sərgisi açılıb.Qeyd edək ki, mayın 15-də Moskva metrosu özünün 82 yaşını qeyd edəcək. Lakin bayram parad və sərgi ilə kifayətlənməyəcək.xeber100.com

BMT-nin Qaçqınların İşi üzrə Agentliyi xəbərdarlıq edib

BMT-nin Qaçqınların İşi üzrə Agentliyi İraqın Mosul şəhərinin qərbində İŞİD qruplaşmasına qarşı davam edən hərbi əməliyyatlar nəticəsində yeni qaçqın dalğasının yarana biləcəyi barədə xəbərdarlıq edib.TASS informasiya agentliyi xəbər verir ki, BMT-nin Ali Komissarının İdarəsi şəhəri tərk edəcək əhali üçün yeni düşərgələr hazırlayır.İraq hökumətinin məlumatına əsasən, Mosulda 2016-cı ilin oktyabrından başlayan hərbi əməliyyatlar nəticəsində şəhəri 630 min nəfər tərk edib ki, onların 141 min nəfəri artıq evlərinə qayıdıb.Qeyd edək ki, ölkənin bir hissəsini nəzarət altına alan İŞİD qruplaşmasının fəaliyyəti nəticəsində İraqda gərgin vəziyyət davam edir. Silahlıların hücumları və təxribatları nəticəsində hökumət qüvvələri xeyli itki verir.Oktyabrın 17-dən ABŞ-ın başçılıq etdiyi beynəlxalq koalisiyanın dəstəyi ilə İraqın eyni zamanda bir neçə güc strukturu Mosul şəhərinin İŞİD-dən azad olunması uğrunda hücum əməliyyatları aparır. Şəhərin şərq hissəsi terrorçulardan təmizlənib. Bir müddətdir ki, qərbi Mosul uğrunda ağır döyüşlər gedir. İraq komandanlığının məlumatına görə, şəhərin qərb hissəsinin dörddə üç hissəsi artıq azad olunub.xeber100.com

ABŞ-da pilotsuz avtomobillərin sınaqları başlayıb

ABŞ-ın Nyu-York ştatının hakimiyyət orqanları ictimai istifadə üçün nəzərdə tutulan avtomobil yollarında pilotsuz avtomobillərin sınaqları üçün ərizələrin qəbuluna başlayıb.Interfax informasiya agentliyi xəbər verir ki, ştatın qubernatoru Endryu Kuomonun sözlərinə görə, bu bənd ABŞ-da oktyabrın 1-dən başlayacaq 2018-ci maliyyə ilinin büdcəsinə daxil edilib. Proqramın bir il müddətində qüvvədə olacağı bildirilir.Ərizədə göstərilən və sınaqlara buraxılan avtomobillərin hər biri 5 milyon dollar məbləğində sığorta olunmalıdır. Testlərin keçirildiyi müddətdə sürücü oturacağında sürücülük vəsiqəsi olan pilot əyləşəcək.Həmçinin pilotsuz nəqliyyat vasitələrinin istehsalçı kompaniyalarından sınaqlara nəzarət edəcək polislərin xərclərini ödəmək tələb olunur. Nyu-York ştatının polis idarəsinin rəsmi saytında dərc olunan məlumata görə, bir saatlıq müşayiət xərci 55,86 dollardır.xeber100.com  

“Microsoft Build 2017” konfransının açılışında…

“Microsoft” şirkəti ABŞ-ın Vaşinqton ştatının Sietl şəhərində keçirilən “Microsoft Build 2017” konfransının açılışında “PowerPoint” proqramının real vaxt rejimində tərcüməsi funksiyasını nümayiş etdirib.“ferra.ru” saytı xəbər verir ki, “PowerPoint Translator”un köməyilə təqdimatlar bir dildən digərinə və əksinə avtomatik tərcümə olunacaq. Auditoriya təqdimatı “Microsoft Translator” mobil proqramı vasitəsilə izləyə biləcək. Həmçinin verilən müxtəlif suallar da real vaxt rejimində tərcümə olunacaq.Hazırda şifahi nitq üçün 9, yazılı nitq üçün isə 60-dan çox dil dəstəklənir. Şirkət yeni proqramı ilkin baxış üçün “Garage” adlı eksperimental bölməsinin veb-saytında yerləşdirəcək.xeber100.com