Yunanıstan parlamentinin qərarına əsasən…

Yunanıstan parlamenti beynəlxalq kreditorların tələb etdiyi yeni sərt iqtisadi tədbirlər paketini qəbul edib.Interfax informasiya agentliyi xəbər verir ki, qanun layihəsini 300 deputatdan 153-ü dəstəkləyib. Belə sənədlərin təsdiq olunması üçün sadə səs çoxluğu kifayət edir.Kreditorlarla sazişə əsasən, Yunanıstan 2019-cu ildə təqaüd xərclərinə qənaət etməklə ümumi daxili məhsulun 1 faizinə yaxın, 2020-ci ildə də gəlir vergisinin ödənilməsinə başlandığı gəlir səviyyəsinin azaldılması hesabına ümumi daxili məhsulun daha 1 faizinə yaxın büdcə qənaətinə nail olmalıdır. Bundan başqa, ölkə hökuməti əmək islahatları keçirməyi, bəzi aktivləri özəlləşdirməyi, həmçinin iqtisadiyyatın rəqabət qabiliyyətini artırmaq üçün bir sıra tədbirlər görməyi üzərinə götürüb.Səsvermə Yunanıstanda islahatların effektivliyinə qiymət veriləcəyi və Afinaya 7,5 milyard avro həcmində növbəti tranşın ayrılması məsələsinin həll olunacağı Avropa Qrupunun mayın 22-də keçiriləcək iclası ərəfəsində baş tutub.Parlamentdə müvafiq qanun layihəsinin müzakirəsi zamanı Afinanın mərkəzində ölkənin iqtisadi siyasətinin növbəti sərtləşdirilməsinə qarşı etiraz aksiyaları keçirilib. Aksiyalarda 10 min nəfərə qədər insan iştirak edib. Nümayiş iştirakçıları polisə yandırıcı maddə ilə dolu şüşələr atıb, qanun keşikçiləri isə öz növbəsində onlara qarşı gözyaşardıcı qaz işlədib.Hazırda Yunanıstanın dövlət borcu 326 milyard avroya və ya ümumi daxili məhsulun 180 faizinə çatır. Bundan 226 milyard avro avropalı kreditorlara olan borclardır. Hökumətin bu həftə dərc etdiyi iqtisadi göstəricilər ölkənin 2012-ci ildən bəri ilk dəfə olaraq yenidən durğunluq vəziyyətinə düşdüyünü göstərir. Belə ki, ümumi daxili məhsul 2016-cı ilin dördüncü kvartalında 1,2 faiz aşağı düşüb və 2017-ci ilin yanvar-mart aylarında daha 0,1 faiz azalıb.xeber100.com

Bu gün Atatürkü anma günüdür

Mayın 19-da Türkiyədə Atatürkü anma, gənclik və idman günüdür. Bu münasibətlə ölkədə silsilə bayram mərasimləri təşkil olunub. Rəsmi bayram mərasimi Türkiyə dövlətinin banisi Mustafa Kamal Atatürkün məzarını ziyarətlə başlayıb.Gənclik və idman naziri Akif Çağatay Kılıçın rəhbərliyi ilə ölkə ictimaiyyətinin nümayəndələri Türkiyənin xilaskarı, böyük dövlət xadimi Mustafa Kamal Atatürkün məzarını - Anıtkabir abidəsini ziyarət ediblər. Atatürkün məzarı önünə əklil qoyulub, gül dəstələri düzülüb, xatirəsi yad edilib.Bayram tədbirləri ölkənin ayrı-ayrı bölgələrində də qeyd olunur.Mustafa Kamal Atatürkün doğum günü və Türkiyədə 1919-cu ildə Milli Qurtuluş Savaşının başlanması şərəfinə təsis edilmiş bu bayramın ildönümü münasibətilə ölkədə bir günlük tətildir.xeber100.com

Euronews telekanalının məlumatına görə…

Braziliya Prezidenti Mişel Temer rəsmi olaraq korrupsiya işi üzrə şübhəli elan olunub. Ölkənin Ali Məhkəməsi mayın 18-də dövlət başçısına qarşı təhqiqata başlamaq qərarını təsdiqləyib. Bir müddət öncə Baş Prokurorluq ali instansiyaya müvafiq müraciət ünvanlamışdı.Euronews telekanalı xəbər verir ki, məhkəmə işinə prezidentin guya iki nüfuzlu biznesmenə parlamentin sabiq spikeri Eduardo Kunyaya rüşvət vermələri barədə təklifinin əks olunduğu audioyazı səbəb olub.Prezident Mişel Temer isə öz növbəsində heç kimə rüşvətlə bağlı göstəriş vermədiyini və istefaya getməyəcəyini bildirib.Eduardo Kunya 2015-ci ildə parlamentin spikeri olduğu zaman sabiq prezident Dilma Rusef barəsində impiçmentə dəstək vermişdi. Həmin dövrdə onun özünə qarşı korrupsiya ilə bağlı cinayət işi açılmışdı və Rusefin tərəfdarları Kunyanın buna görə prezidentdən qisas aldığını iddia edirdilər. Nəticədə sabiq spiker 15 il həbs cəzasına məhkum edilmiş, Rusef isə prezident postundan məhrum olmuşdu.14ymedio xəbər portalının yaydığı xəbərə görə, Braziliyada minlərlə insan Mişel Temerin istefası və ümumi seçkilər keçirilməsi tələbi ilə küçələrə çıxıb. Aksiyalar ölkənin onlarla şəhərini əhatə edib. Ən miqyaslı nümayişlər Rio-de-Janeyroda, San-Pauluda və paytaxt Braziliada keçirilib.xeber100.com

Misir hökumətinin yeni qərarına əsasən…

Misir hökuməti ölkədə doğuma nəzarət üçün proqram, tədqiqat və qanunların öyrənilməsinə başlayır.Bu fikri Misir Prezidenti Əbdülfəttah əs-Sisi ölkənin aparıcı KİV-lərinin baş redaktorlarına müsahibəsində səsləndirib. Prezidentin fikrincə, hazırda Misirdə əhalinin illik artımı 2,5 milyona çatıb və artım tempi Çindən 3 dəfə çoxdur.Yerli KİV-lərin yaydıqları məlumata görə, bundan əvvəl Baş nazir Şərif İsmayıl vətəndaşları ölkədə böhran davam etdiyi müddətdə ən çoxu iki uşaqla kifayətlənməyə çağırıb. O vurğulayıb ki, ərzaq tələbatının ödənilməsində idxalın yüksək payı Misirin büdcəsinə mənfi təsir edir.Hazırda vətəndaşların sayı orta hesabla 93 milyon nəfərdir.xeber100.com

RİA Novosti agentliyinin məlumatına görə…

Braziliyalı deputat Alessandru Molon parlament rəhbərinə ölkə prezidenti Mişel Temerin impiçmenti ilə bağlı rəsmi sorğu göndərib.RİA Novosti agentliyinə istinadla xəbər verir ki, sorğu prezidentin Globo portalında yayılan səs yazısı ilə bağlıdır. Prezident Temerin səsi olduğu iddia edilən yazıda o, deputatlar palatasının sabiq rəhbəri Eduard Kunyeyə “Petrobras” neft şirkəti ətrafındakı korrupsiya qalmaqalı işi üzrə susması üçün 630 min dollar verilməsi tapşırığı verir.Əgər deputatın sorğusu qəbul edilərsə, dövlət rəhbəri postunu 90 gün müddətinə parlamentin deputatlar palatasının sədri icra edəcək, sonra isə prezident seçkiləri keçiriləcək. Seçkilər isə ümumxalq deyil, parlament deputatlarının səsverməsi ilə baş tutmalıdır.xeber100.com

Fransada hökumətin üzvləri bu gün elan ediləcək

Fransanın yeni hökumətinin üzvləri bu gün elan ediləcək.Dünən hökumətin yeni üzvlərin adlarının açıqlanacağı gözlənilsə də, son anda onların adlarının bu gün günortadan sonra elan olunacağı bildirilib.Əvvəlki hökumətdəki problemlərlə (Kauzak işi) üzləşməmək üçün yeni hökumət üzvlərinin adlarını açıqlamazdan əvvəl onların vergi vəziyyətinin ətraflı nəzərdən keçiriləcəyi qeyd edilib.xeber100.com

Növbədənkənar parlament seçkiləri keçiriləcək

Mayın 10-da Avstriyanın vitse-kansleri Raynhold Mitterlener tutduğu vəzifədən istefa verdikdən sonra Avstriya Sosial-Demokratlar Partiyası (SPÖ) və Avstriya Xalq Partiyası (ÖVP) arasında hökumət koalisiyasına son qoyulub.Koalisiyanın başa çatmasına əsas səbəb ÖVP-nin yeni sədri Kristian Kurtsun vitse-kansler vəzifəsini öz üzərinə götürməyərək, bu vəzifəni hazırkı ədliyyə naziri Volfqanq Brandştetterə həvalə etməsi olub. Avstriyanın federal kansleri və SPÖ partiyasının rəhbəri Kristian Kern koalisiya tərəfdaşının bu addımını tənqid edərək, partiya rəhbərinin cavabdehliyi öz üzərinə götürməli olduğunu bildirib. Parlamentdəki çıxışında artıq koalisiya tərəfdaşlığının pozulduğunu qeyd edən K.Kern növbəti parlament seçkilərinə kimi qanunverici orqanda qərarlar koalisiyadaxili razılaşmalar əsasında deyil, “qüvvələrin sərbəst hərəkəti”, yəni, hər bir partiyanın və deputatın sərbəst seçimi əsasında qəbul ediləcək.Parlamentdə təmsil olunan bütün fraksiyaların razılığı əsasında növbədənkənar parlament seçkiləri oktyabrın 15-də baş tutacaq.xeber100.com

ABŞ Prezidenti Türkiyə Prezidenti ilə görüşüb

Mayın 16-da ABŞ Prezidenti Donald Tramp Ağ Evdə Türkiyə Prezidenti Rəcəb Tayyip Ərdoğanla görüşüb. İki ölkənin liderlərinin danışıqlarının əsas mövzusu terrorizmə qarşı mübarizədə əməkdaşlıq məsələləri olub. Məlumdur ki, ABŞ ilə Türkiyə bu məsələnin həllinə fərqli yanaşırlar. Belə ki, Vaşinqton Suriya və İraq kürdləri, o cümlədən PYD və YPG kimi qruplaşmalarla əməkdaşlıq edir, Ankara isə bu qruplaşmaları PKK ilə bağlı terrorçu qruplaşmalar hesab edir.Danışıqlardan sonra dövlət başçıları bəyanatla çıxış ediblər. Prezident Tramp deyib ki, Türkiyə ilə ABŞ soyuq müharibə dövründən müttəfiqdirlər. Türkiyə əsgərləri Koreya müharibəsində amerikalı əsgərlərlə çiyin-çiyinə döyüşüblər və ABŞ bunu unutmayıb. Bu yaxınlarda Türkiyədə törədilən terror aktlarına toxunan Donald Tramp vurğulayıb ki, amerikalılar qurbanlara görə kədərlənir, Türkiyə xalqının dərdinə şərikdir. Prezident qeyd edib ki, regionda “İslam dövləti”nə və PKK- ya qarşı mübarizədə Türkiyənin addımlarını yüksək qiymətləndirir. O deyib ki, ABŞ Türkiyənin zorakılığın azaldılması və Suriya böhranının sülh yolu ilə həlli üzrə səylərini alqışlayır.ABŞ ilə Türkiyə arasında ticarət əlaqələri də müzakirə edilib. Sonda Donald Tramp vurğulayıb ki, ABŞ regionda ümumi təhdidlərə qarşı mübarizədə Türkiyə ilə əməkdaşlığı davam etdirməyə hazırdır.xeber100.com

2018-ci ildən etibarən turizm vergisi tətbiq edəcəkdir

Yunanıstan hökuməti 2018-ci ildən etibarən iyul və avqust aylarında turizm vergisi tətbiq edəcəkdir. Hotelin kateqoriyasından asılı olaraq turist 0.25 avrodan 4 avroya kimi günlük vergi ödəyəcək. Yeni vergi həm müstəqil, həm də təşkilat vasitəsilə səyahət edən turistlərə şamil ediləcək.Turizm vergisi yunan hökumətinin cari ilin mayında qəbul etdiyi sərt iqtisadi islahatlar çərçivəsində tətbiq olunur.xeber100.com

RİA Novostinin məlumatına görə…

Çində avtobusun yük maşını ilə toqquşması nəticəsində azı 12 nəfər ölüb, 30-dan çox insan yaralanıb.RİA Novosti bildirir ki, bu barədə Sinxua agentliyi məlumat yayıb. Hadisə yerinə 300-dən çox tibb işçisi gəlib. Polis qəzanı törədən yük maşınının sürücüsünü saxlayıb.Faktla bağlı araşdırma aparılır.xeber100.com