4,8 bal gücündə zəlzələ baş verib

Rusiyanın Kamçatka diyarında 4,8 bal gücündə zəlzələ baş verib.RİA Novosti informasiya agentliyinin məlumatına görə, yeraltı təkanların episentri Nikolskoye yaşayış məntəqəsindən 59 km şimalda, ocağı isə 44 km dərinlikdə yerləşib.Dağıntı və zərərçəkən yoxdur.xeber100.com

Beynəlxalq Enerji Agentliyinin hesabatına əsasən…

ABŞ-da xam neft ehtiyatları ötən həftə ərzində 3,64 milyon barrel azalıb.Azərtac xəbər verir ki, bu barədə Beynəlxalq Enerji Agentliyinin (IEA) hesabatında deyilir. Hesabata görə, keçən həftə ölkədə əmtəəlik neft ehtiyatları 2,65 milyon barrel, benzin ehtiyatları isə 3,37 milyon barrel artıb.xeber100.com

Rusiya Müdafiə Nazirliyinin məlumatına əsasən…

Rusiyanın Buryatiya Respublikasındakı Telembad poliqonunda MiQ-31 qırıcı təyyarəsi qəzaya uğrayıb. Rusiya Müdafiə Nazirliyinin məlumatına görə, hər iki pilot katapulta edilə bilib.TASS agentliyinin yaydığı xəbərə görə, təyyarə təlim uçuşu həyata keçirirdi. Pilotlar hadisə yerindən təxliyə ediliblər.xeber100.com

Qanunsuz tikintiyə görə cərimə kəsilib

Ukraynanın Odessa şəhərinin mərkəzində qanunsuz tikintiyə görə külli miqdarda cərimə kəsilib.Azərtac xəbər verir ki, Odessa Dövlət Memarlıq və İnşaat Müfəttişliyi şəhərin tarixi mərkəzində qanunsuz tikinti aparan şəxsə 3 milyon qrivin (113421 dollar) dəyərində cəza kəsib.Odessa rayon prokurorluğunun məlumatına görə, şəhərin tarixi mərkəzində qanunsuz tikintiyə görə Cinayət Məcəlləsinin qəsdən qanunsuz məhvetmə və ya mədəni irsə zərərvurma maddəsi ilə cinayət işi açılıb.xeber100.com

Fransada prezident seçkiləri mayın 7-də keçiriləcək

“İrəli” hərəkatının banisi Emmanuel Makron prezident seçkilərinin ikinci turuna çıxan kimi həm sağ, həm də sol cinahındakı uğursuz rəqiblərini ətrafında birləşdirən kompromis namizəd olub. Euronews telekanalı xəbər verir ki, seçkilərin ilk turunda üçüncü yeri tutan “Respublikaçılar” partiyasının namizədi Fransua Fiyon keçmiş rəqibi Makrona səs verəcəyini bildirib. Aprelin 24-də onun partiyasının üzvləri “Milli cəbhə” partiyasının lideri Marin Le Penə qarşı birləşib.İlk turda beşinci yerlə kifayətlənməli olan “Sosialist” partiyasının namizədi Benua Amon “İrəli” hərəkatının liderinə dəstək üçün bütün resurslarını cəmləyib.Fransa prezidenti də, həmçinin tərəfdarlarını özünün sabiq müşaviri və sosialistlərin hökumətində keçmiş iqtisadiyyat nazirinə səs verməyə çağırıb. Le Peni milli təhlükə adlandıran Fransua Olland Makronu dəstəklədiyini rəsmi şəkildə bəyan edib.Xatırladaq ki, Fransada prezident seçkilərinin ikinci turu mayın 7-də keçiriləcək. Bu turda Emmanuel Makron və Marin Le Pen mübarizə aparacaqlar.xeber100.com

Rusiya vətəndaşları üçün vizasız rejimin müddəti uzadılıb

Türkiyə Rusiya vətəndaşları üçün vizasız rejimin müddətini 60 gündən 90 günədək uzadıb. Bu barədə Türkiyənin xarici işlər naziri Mövlud Çavuşoğlu məlumat verib.Xatırladaq ki, 2015-ci ildə iki ölkə arasında yaranmış gərginlikdən sonra Rusiya Türkiyə vətəndaşları üçün vizasız gediş-gəliş rejimini ləğv etmişdi. Lakin rəsmi Ankara cavab addımı atmamışdı.Bu ilin martında Türkiyə Prezidenti Rəcəb Tayyib Ərdoğanın Moskvaya səfəri zamanı Prezident Vladimir Putin Türkiyə vətəndaşlarının işə götürülməsinə qoyulmuş qadağanın da tezliklə aradan qaldırılacağını vəd etmişdi.xeber100.com

“Borajet” aviaşirkəti fəaliyyətini müvəqqəti dayandırıb

Türkiyəyə məxsus “Borajet” aviaşirkəti fəaliyyətini müvəqqəti dayandırıb.“NTV” telekanalı xəbər verir ki, xarici və daxili 80 istiqamətdə uçuşlar həyata keçirən aviaşirkət bu gündən etibarən uçuşlarına fasilə verir. Şirkət fəaliyyətini üçüncü İstanbul hava limanı istifadəyə verildikdən sonra bərpa edəcək. “SBK Holding” tərəfindən alınan aviaşirkət yeni hava limanının açılışına qədər hazırlıqlara başlayıb.Məlumata görə, hazırda şirkət təyyarələrinin texniki nasazlıqlarını aradan qaldırmaq və yeni istiqamətlər üzrə danışıqlar aparmaq üçün işlər görür. “Borajet” aviaşirkəti qabaqcadan alınan biletlərin sərnişinlərini “Türk Hava Yolları”na yönləndirib.xeber100.com

TBMM-nin fəaliyyətə başlamasının 97-ci ildönümü qeyd olunub

Aprelin 23-də Türkiyədə Milli Suverenlik və Uşaq Bayramı, həmçinin Türkiyə Böyük Millət Məclisinin fəaliyyətə başlamasının 97-ci ildönümü qeyd olunur. Bu münasibətlə ölkənin bütün ərazisində, o cümlədən təhsil müəssisələrində tədbirlər, şənlik və konsertlər təşkil olunub. Küçə və meydanlar bayramsayağı bəzədilib.Baş nazir Binəli Yıldırım, milli təhsil naziri İsmət Yılmaz, TBMM-nin rəhbər şəxsləri, siyasi partiyaların liderləri və digər rəsmi şəxslər, həmçinin məktəblilər, eləcə də ölkə ictimaiyyətinin nümayəndələri Türkiyə Respublikasının banisi Mustafa Kamal Atatürkün məzarını ziyarət ediblər.xeber100.com

“L’Express”in məlumatına görə…

On bir milyon fransız seçici səs verə bilməyəcək“L'Express”in verdiyi məlumata görə, əsasən 7 milyon fransızın adı və ya ünvanı səhv yazıldığından səsvermədə iştirak edə bilməyəcək. 4 milyon fransız seçicinin adı isə heç seçki siyahısına salınmayıb. Bunun demokratik anomaliya olduğu qeyd edilir.xeber100.com

“Baker Hughes” şirkətinin məlumatı

ABŞ-dakı aktiv neft quyularının sayı 688-ə çatıb.Azərtac “Baker Hughes” şirkətinə istinadla xəbər verir ki, ötən hesabat həftəsində ABŞ-dakı aktiv neft quyularının sayı 5 ədəd artaraq 688-ə çatıb. Bu, 2015-ci ilin aprel ayından indiyədək maksimum göstəricidir. Eyni zamanda, ölkədəki neft quyularının sayı ardıcıl 14 həftədir ki artır.xeber100.com