“Schlumberger” şirkətinin gəliri 6 faiz artıb

ABŞ-ın enerji nəhəngi “Schlumberger” şirkətinin gəliri 6 faiz artıb.Azərtac şirkətə istinadla xəbər verir ki, “Schlumberger”in gəliri bu ilin birinci rübündə 2016-cı ilin eyni dövrü ilə müqayisədə 6 faiz artıb. Belə ki, şirkətin gəliri 6,52 milyard dollardan 6,89 milyard dollara yüksəlib.“Schlumberger”in ilin ilk rübündəki xalis mənfəəti isə 279 milyon dollara düşüb. Şirkətin ötən ilin eyni dövründəki xalis mənfəəti 501 milyon dollar olmuşdu.xeber100.com

Prezident seçkilərinə cəmi bir gün qalsa da…

Fransada prezident seçkilərinə cəmi bir gün qalsa da, çətin seçki kampaniyasında vəziyyət hələ də qeyri-müəyyəndir. Fransa Respublikasının lideri postuna 11 namizədin qərargahlarında və müstəqil analitika xidmətlərində sürprizlərin ola biləcəyi istisna edilmir. Əsas intriqa seçimini hələ də dəqiqləşdirməyən seçicilərin çoxluğu və səsvermədə iştirakın aşağı ola biləcəyidir.TASS informasiya agentliyi xəbər verir ki, ictimai rəy sorğuları ilk turda fransız elektoratının səsvermədə 70 faizdən az hissəsinin iştirak edəcəyini göstərir. Bu, konstitusiyanın geniş səlahiyyətlər verdiyi Beşinci respublikanın dövlət başçısının seçkisinə adətən yüksək marağın olduğu Fransa üçün aşağı göstəricidir. Belə ki, 5 il əvvəl, 2012-ci ildə keçirilən səsvermənin ilk turunda seçicilərin 79,5 faizi, 10 il öncə, 2007-ci ildə isə 83,7 faizi iştirak etmişdi.Bununla yanaşı, tədqiqatlar göstərir ki, səsverməyə bir gün qalmış fikrini dəqiqləşdirməyən seçicilərin sayı həddən artıq çoxdur: fransızların 30 faizi hələ də kimə səs verəcəyini müəyyənləşdirməyib.xeber100.com

“Welt” qəzeti yazır…

Almaniyanın paytaxtı Berlin 2016-cı il üçün əhalisi 100 min nəfərdən çox olan yaşayış məntəqələri arasında ən təhlükəli şəhər seçilib. Bu barədə polisin ötən il üçün kriminal məruzəsinə əsaslanan “Welt” qəzeti yazıb.TASS informasiya agentliyi xəbər verir ki, keçən il Berlində hər 100 min sakinə 16 min 161 cinayət hadisəsi düşüb. Bu göstərici üzrə Almaniya paytaxtı son illər qanun pozuntularına görə liderlik edən Frankfurt-Mayn şəhərini geridə qoyub.Almaniyanın ən kriminal ilk üç şəhəri arasında, həmçinin Leypsiq (15 min 811 cinayət) və Hannover (15 min 764 cinayət) də var. Ən təhlükəsiz şəhər statusunu isə artıq neçə illərdir ki, Bavariyanın paytaxtı Münxen daşıyır (7 min 909 cinayət).Ekspertlər qeyd edirlər ki, 2016-cı ildə Almaniyada cinayətkarlığın ümumi sayı əvvəlki illə müqayisədə 0,7 faiz artıb. Cinayətlərin açılması səviyyəsi isə demək olar ki, dəyişməz qalıb – 56,2 faiz.xeber100.com

Elmi müdafiə etmək məqsədilə…

Elmi faktlara siyasi hücumlara etiraz əlaməti olaraq, dünyanın yüzlərlə şəhərində alimlər küçələrə çıxıblar.Azərtac xəbər verir ki, Yer Gününə təsadüf edən yürüşlər diqqəti ətraf mühitin problemlərinə yönəltmək məqsədi daşıyır.Əsas tədbir bir qədər sonra Vaşinqtonda keçiriləcək. Təşkilatçılar bildirirlər ki, yürüş ABŞ Prezidenti Donald Trampa qarşı deyil, onun ətraf mühitə bilavasitə təsir göstərən fəaliyyətinə yönəlib. BBC xatırladır ki, Tramp bir müddət əvvəl iqlim dəyişikliyi problemini uydurma adlandırmışdı və onun bu baxışları elmi ictimaiyyətdə ciddi narahatlıq doğurub.xeber100.com

Böyük Britaniyada parlament seçkilərinə hazırlıq prosesi başlayıb

Avropa Parlamentinin sədri Antonio Tayani Böyük Britaniyanın Aİ-nin tərkibindən çıxma prosesini istənilən an dayandıra biləcəyini bildirib. Bu məsələ Baş nazir Tereza Meyin elan etdiyi növbədənkənar parlament seçkiləri ərəfəsində daha da aktuallaşıb.Interfax informasiya agentliyi xəbər verir ki, Tayaninin sözlərinə görə, əgər yeni hökumət “Brexit”ə başqa cür yanaşsa, Lissabon sazişinin 50-ci maddəsinə əsasən başlayan bu prosesi dayandıra bilər.Avroparlament sədrinin bu fikri Tereza Meyin “Brexit”in geriyə dönüşünün olmadığı barədə iddialarına əsla uyğun gəlmir.Xatırladaq ki, Böyük Britaniyada əvvəlcə 2020-ci ilə təyin olunan parlament seçkiləri bu il iyunun 8-də keçirilməlidir. Britaniya hökumətinin başçısı ölkənin Avropa İttifaqının tərkibindən çıxması prosesini həyata keçirmək üçün müəyyənliyə, sabitliyə və güclü rəhbərliyə ehtiyac olduğunu və növbədənkənar parlament seçkilərinin məhz buna hesablandığını vurğulayıb.xeber100.com

RTL teleradio kompaniyasının məlumatına əsasən…

Belçika polisinin terroristlərlə əlaqədə şübhəli bilinən şəxslər barədə məlumatlar bazasında 18 min 884 nəfərin adı keçir ki, bu da 2010-cu illə müqayisədə 10 dəfə çoxdur.RTL teleradio kompaniyasının Belçika Daxili İşlər Nazirliyinə istinadla yaydığı məlumata əsasən, adları polisin siyahısına daxil edilənlərin 2,2 min nəfəri radikallığa və təcavüz aktlarına potensial hazır olan şəxslərdir.Xatırladaq ki, 2016-cı il martın 24-dən Belçikada üçüncü terror təhlükəsi səviyyəsi tətbiq olunur. Martın 22-də Brüssel metrosunda və hava limanında baş verən terror hücumlarından sonra elan edilən ən yüksək dördüncü təhlükə səviyyəsi hadisədən iki gün sonra üçüncü səviyyəyə endirilib.Parisdə 2015-ci ilin noyabrında törədilmiş terror aktlarından sonra Belçikada ictimai yerlərdə təhlükəsizliyin təmin olunmasına hərbçilər də cəlb edilib. Hazırda onların sayı 1250 nəfərə çatır. Ölkənin müdafiə naziri Steven Vandeputun sözlərinə görə, hərbçilərin antiterror əməliyyatlarında iştirakı indiyədək Krallıq büdcəsinə 100,289 milyon avroya başa gəlib.xeber100.com

“Emirates” aviareyslərin sayını azaldacaq

“Emirates” aviakompaniyası ABŞ-da Yaxın Şərq ölkələrindən olan sərnişinlərə təsir edən təhlükəsizlik qaydalarının tətbiqi ilə əlaqədar bu ölkənin beş şəhərinə reyslərin sayını azaldacaq. Azərtac xəbər verir ki, kompaniyanın məlumatına əsasən, reyslərin bir hissəsinin ləğv olunması ABŞ-a aviabilet tələbatının azalması ilə bağlıdır.Kompaniya Dubaydan Fort-Loderdeyl və Orlandoya gündəlik uçuşları həftədə yeddi reysdən beş reysə salmağı planlaşdırır. Həmçinin iyun ayında Boston, Sietl və Los-Ancelesə reyslər də gündə iki dəfədən bir dəfəyə endiriləcək.Xatırladaq ki, yanvarın sonlarında ABŞ Prezidenti Donald Tramp 7 müsəlman ölkəsinin vətəndaşlarının ölkəyə girişinə qadağa qoyan fərman imzalayıb. “Emirates” aviakompaniyasının prezidenti Tim Klarkın sözlərinə görə, bu səbəbdən ABŞ-a uçan sərnişinlərin sayı təxminən 1/3-dək azalıb.xeber100.com

Beynəlxalq Enerji Agentliyinin məlumatı

ABŞ-da xam neft ehtiyatları ötən həftə ərzində 1,03 milyon barrel azalıb.Azərtac xəbər verir ki, bu barədə Beynəlxalq Enerji Agentliyinin (IEA) hesabatında deyilir.Hesabata görə, ötən həftə ölkədə əmtəəlik ehtiyatlar da 1,96 milyon barrel azalıb, benzin ehtiyatları isə 1,54 milyon barrel artıb.xeber100.com

“Reuters” agentliyinin məlumatına görə…

“Boeing” şirkəti bu il 100-dən çox mühəndisi işdən azad edəcək.“Reuters” agentliyi xəbər verir ki, şirkət məcburi ixtisarlarla bağlı ikinci mərhələyə yaxınlaşır və bu dəfə 100-ə yaxın mühəndis işdən azad ediləcək. Bu ixtisarların səbəbi məhsul satışının azalması ilə bağlıdır.xeber100.com

Növbədənkənar parlament seçkiləri keçiriləcək

Böyük Britaniyada iyunun 8-də növbədənkənar  parlament seçkiləri keçiriləcək.“RİA Novosti”nin məlumatına görə, bu barədə Böyük Britaniyanın baş naziri Tereza Mey deyib. “Mən bu dəqiqə Nazirlər Kabinetinin iclasını keçirdim. Biz qərara aldıq ki, ölkədə yeni parlament seçkiləri iyunun 8-də keçirilsin. Ölkəyə güclü hökümət lazımdır”, - deyə o, söyləyib.Növbədənkənar seçkilərin keçirilməsinə dair qərar hakim partiyanın populyarlıq reytinqində irəliləyişlərə nail olduğu dövrə təsadüf edir.xeber100.com