Əməkdaşlıq məsələləri müzakirə olunub

Rusiya prezidenti Vladimir Putin Qırğızıstanda rəsmi səfərdə olub.Qırğızıstan prezidenti Almazbek Atambayevin Vladimir Putinlə görüşündə ölkələr arasında siyasi, ticarət-iqtisadi, təhlükəsizlik, hərbi, hərbi-texniki, mədəni-humanitar, elmi-texniki, sərmayə qoyuluşu və digər məsələlər ətrafında geniş müzakirələr aparılıb.Görüşdə Avrasiya İqtisadi Birliyi çərçivəsində inteqrasiya məsələləri də diqqət mərkəzində olub.Tərəflər nəqliyyat, rabitə, informasiya-kommunikasiya texnologiyaları sahələrində qarşılıqlı fəaliyyətin əlaqələndirilməsi məsələlərində razılıq əldə edib.Rusiya prezidenti bildirib ki, Qırğızıstan Rusiyanın strateji tərəfdaşıdır, ölkələrimiz çoxplanlı iqtisadi əməkdaşlığın tərəfdarıdır və əməkdaşlığımız bu istiqamətdə inkişaf edir. Sanitar, fitosanitar və gömrük rüsumları ölkələrimiz arasında sıx inteqrasiya əlaqələrinin qurulmasına, ticarət, istehsal və kənd təsərrüfatı sahələrinin inkişafına şərait yaradır və bu imkanlardan istifadə etmək zəruridir.xeber100.com

Amerika Neft İnstitutunun məlumatına görə…

Ötən hesabat həftəsində ABŞ-ın xam neft ehtiyatları 2,5 milyon barrel artıb.Azərtac xəbər verir ki, bu barədə Amerika Neft İnstitutu (API) tərəfindən açıqlanan məlumatda deyilir. Bu rəqəm analitiklərin proqnozlarından 500 min barrel azdır.xeber100.com

“Türk Hava Yolları”nın 30 reysi təxirə salınıb

Dumanlı hava şəraiti səbəbindən “Türk Hava Yolları”nın 30 reysi təxirə salınıb.Azərtac “Türk Hava Yolları”nın onlayn tablosuna istinadla xəbər verir ki, güclü duman səbəbi ilə aviaşirkətin İstanbulun Sabiha Gökçən hava limanında 30 daxili və xarici reys təxirə salınıb.Təxirə salınan reyslər arasında London, Berlin və Milan reysləri də var. Bundan başqa, onlarla digər reys ləngidilib.Qeyd edək ki, İstanbulda həmçinin dumanlı hava şəraiti səbəbindən bərə səfərləri də dayandırılıb.xeber100.com

TASS agentliyinin məlumatına görə…

ABŞ-ın Kaliforniya ştatında yüngülmühərrikli təyyarə yaşayış evlərinin üzərinə düşüb. Hadisə nəticəsində 1 nəfər ölüb, 5 nəfər yaralanıb.TASS agentliyinin məlumatına görə, Riversayd şəhərindən San-Xoseyə uçan “Cessna 310” təyyarəsi havaya qalxdıqdan az sonra qəzaya uğrayıb.Hadisə yerinə yanğınsöndürənlər və təcili tibbi yardım briqadaları cəlb edilib. Qəzanın səbəbləri müəyyənləşdirilir.xeber100.com

“Gazprom” “Allseas” şirkəti ilə müqavilə imzalayıb

Rusiya təbii qazının Türkiyə və Avropaya nəqlini nəzərdə tutan “Türk axını” qaz boru kəmərinin (Turkish Stream) dəniz hissəsinin tikintisinə yaxın aylarda başlanılacaq.Rusiyanın enerji nəhəngi “Gazprom” xəbər verir ki, bunu şirkətin idarə heyəti üzvü Oleq Aksyutin deyib. O bildirib ki, tikinti prosesi 2017-ci ilin ikinci yarısında başlayacaq.Xatırladaq ki, “Gazprom” “Türk axını”nın dəniz hissəsində inşa ediləcək iki boru kəmərinin tikintisi üzrə müqavilələri İsveçrənin “Allseas” şirkəti ilə imzalayıb.Qeyd edək ki, “Türk axını” ilə Rusiya təbii qazının Türkiyədən keçməklə Avropaya çatdırılması nəzərdə tutulur. Kəmərlə ümumilikdə 31,5 milyard kubmetr qazın Avropanın, qalan hissəsinin isə Türkiyənin daxili tələbatının ödənilməsi üçün istifadə edilməsi planlaşdırılır. Layihə üzrə hər biri 15,75 milyard kubmetr tutuma malik iki boru kəmərinin inşa edilməsi nəzərdə tutulur. İlk boru kəmərinin Türkiyəyə, ikinci kəmərin isə zəruri zəmanət təmin olunacağı təqdirdə Avropaya çatdırılması planlaşdırılır.“Gazprom” “Türk axını” layihəsinə bu il ərzində 42 milyard rubl (təxminən 704 milyon dollar) sərf etməyi nəzərdə tutur. Şirkət layihə üzrə keçən il 23,5 milyard rubl sərmayə qoyuluşu həyata keçirib.xeber100.com

“Newspoll” milli sorğu xidmətinin hesabatında

Avstraliyada hakimiyyətdə olan Liberal-Milli Koalisiyanın (LMK) reytinqi Baş nazir Malkolm Ternbul hakimiyyətə gəldikdən sonra ötən 1,5 il ərzindən ən aşağı həddə düşüb. Bu barədə “Newspoll” milli sorğu xidmətinin fevralın 27-də dərc etdiyi son sorğunun nəticələri barədə hesabatda deyilir.Sənədə əsasən, rəyi soruşulanların yalnız 34 faizi bəyan edib ki, hakim koalisiyaya səs verməyə hazırdır. Bu, 2015-ci ilin sentyabrında M.Ternbull partiyadaxili çevriliş edərək hakimiyyətə qayıtdıqdan sonrakı göstəricidən 5 faiz aşağıdır. Xələfi Toni Abbotu devirərək hakimiyyəti ələ alan M.Ternbull bunu hakim koalisiyanın reytinqinin çox aşağı düşməsi ilə izah etmişdi.Respondentlərin 37 faizi müxalifətdə olan Leyboristlər Partiyasını, 10 faizi isə “Yaşıllar” Partiyasını dəstəklədiklərini bildiriblər. Bu partiyaların reytinqi son yarım ildə dəyişməz qalıb. Bununla yanaşı, rəyi soruşulanların 10 faizi “Bir millət” Partiyasını dəstəklədiklərini bildiriblər. 2016-cı ilin iyulunda keçirilmiş son parlament seçkiləri zamanı həmin partiya cəmi 1,3 faiz səs toplamışdı. “Newspoll”un ilin sonunda keçirdiyi sorğu zamanı bu partiyanı dəstəkləyənlər rəyi soruşulanların artıq 4-5 faizini təşkil etmişdi. Mütəxəssilərin qənaətinə görə, buna səbəb ənənəvi olaraq LMK-nı dəstəkləyən konservativ düşüncəyə malik seçicilər arasında bu partiyanın nüfuzunun artmasıdır.xeber100.com

İranın Hərbi Dəniz Qüvvələri genişmiqyaslı təlimlərə başlayıb

İranın Hərbi Dəniz Qüvvələri “Vilayət-95” adlı genişmiqyaslı təlimlərə başlayıb.Təlimlər Əmman dənizi, Hörmuz boğazı və Hind okeanında keçiriləcək. Təlimlərə sualtı gəmilərlə yanaşı, İranın Hava Hücumundan Müdafiə Qüvvələri də qatılıb.Hərbi Dəniz Qüvvələrinin komandanı general Həbibullah Səyyari mətbuat nümayəndələrinə bildirib ki, təlimlərin məqsədi hərbi dəniz qüvvələrinin müdafiə qabiliyyətini yoxlamaqdır.H. Səyyari qeyd edib ki, bu təlimlərlə İran heç bir dövləti təhdid etmək fikrində deyil. Əksinə, İran region dövlətlərinə sülh təklif edir və bölgənin kənar müdaxilələrdən birgə qorumaq niyyətini bildirir.xeber100.com

Yaponiya hökumətinin planına görə…

Yaponiya hökuməti cənubi Kuril adalarında birgə təsərrüfat fəaliyyətinin konkret istiqamətlərini nəzərdə tutan planı Rusiya tərəfinə təqdim etməyə hazırlaşır.“Nikkey” qəzetinin 26 fevral tarixli nömrəsində dərc olunan həmin plana görə yaponların iddia etdiyi adaların mənsubiyyəti qeyd olunmadan, burada səhiyyə, balıqçılıq, ekologiya və turizmin inkişafı ilə bağlı konkret istiqamətlər üzrə birgə təsərrüfat fəaliyyətinin aparılması nəzərdə tutulur.Nəşrin bildirdiyinə görə, martın 18-də Tokioda keçirilməsi nəzərdə tutulan danışıqlar zamanı yapon hökuməti Cənubi Kuril adalarında birgə fəaliyyətin tərkib hissəsi olaraq Hokkaydo adasındakı həkimlər tərəfindən səhiyyə xidməti sahəsində internet vasitəsilə əlaqə də daxil olmaqla, yardım göstərməyi təklif edəcək.Turizm sahəsində əməkdaşlığa gəlincə, yapon tərəfinin fikrincə, özəl şirkətlər tərəfindən yaponiyalı turistlərin Cənubi Kuril adalarına kruizi təşkil edilə bilər. Yaponiya hökumətinin digər bir təklifinə görə, hər iki ölkənin ekoloqları da həmin ərazidə əməkdaşlıq edə bilərlər.Qəzet, həmçinin qeyd edir ki, Yaponiya ilə Rusiya arasında balıq ovu sahəsində birgə müəssisənin təşkili və dəniz məhsullarının istehsalı hər iki tərəf üçün faydalı ola bilər.xeber100.com

Vizanın qiyməti 25 dollardan 60 dollara yüksəlib

Misir turistlər üçün vizanın qiymətini 25 dollardan 60 dollara yüksəldib.Azərtac xəbər verir ki, ölkənin Turizm Nazirliyinin məlumatına görə, birdəfəlik viza üçün yeni qiymət bu il iyulun 1-dən qüvvəyə minəcək. Nazirlikdən, həmçinin bildirilib ki, həmin tarixdən etibarən çoxgirişli viza 70 dollar olacaq. Dəyişikliklə bağlı ölkənin bütün sərhəd xidmətləri, hava və dəniz limanları məlumatlandırılıb.xeber100.com

New York Times nəşrinin yazdığına görə…

ABŞ Prezidentinin milli təhlükəsizlik üzrə yeni müşaviri Gerbert Makmaster “radikal islam terrorizmi” terminini dəstəkləmir. Onun sözlərinə görə, terror aktı törədən müsəlmanlar öz dinlərini düzgün dəyərləndirmirlər.Azərtac xəbər verir ki, New York Times nəşrinin yazdığına görə, Makmaster bu bəyanatı cümə axşamı günü Milli Təhlükəsizlik Şurasının əməkdaşları ilə ilk görüşü zamanı səsləndirib. O bildirib ki, “radikal islam terrorizmi” termini xeyir gətirmir və terrorçuların islamla əlaqəsi yoxdur.Qəzet yazır ki, bu bəyanat ABŞ Prezidenti Donald Trampın öz nitqlərində müntəzəm istifadə etdiyi ifadə ilə üst-üstə düşmür və sabiq prezident Barak Obamanın mövqeyinə daha yaxındır.xeber100.com