“C-Span” tv prezidentlərin reytinqini açıqlayıb

Amerikanın “C-Span” kabel televiziyası politoloq tarixçi və digər profil mütəxəssislərin tərtib etdiyi ABŞ prezidentlərinin reytinqini açıqlayıb. Səsvermənin nəticələrinə əsasən, reytinqdə ilk yeri ABŞ-ın 16-cı prezidenti Avraam Linkoln, ikinci və üçüncü yerləri müvafiq olaraq Corc Vaşinqton və Franklin Ruzvelt tutublar.TASS informasiya agentliyi xəbər verir ki, Amerika administrasiyasının bundan əvvəlki başçısı Barak Obama siyahıda yalnız 12-ci yerdə qərarlaşsa da, iqtisadi tənzimləmə sahəsində digər siyahıda 8-ci yerə layiq görülüb. Bununla yanaşı, mütəxəssislərin fikrincə Obama Konqreslə qarşılıqlı əməkdaşlıqda özünü pis göstərib və bu parametrlərə görə 39-cu olub.Ən pis göstərici isə yekun reytinqdə 33-cü yeri tutan kiçik Corc Buşa məxsusdur. O, xarici siyasət məsələlərində də özünü pis göstərərək bu sahədə 41-ci yerdə qərarlaşıb.“Amerika liderlərinin özünəməxsus xit-parad”ının tərtib olunmasında 90-dan çox tarixçi, həmçinin ABŞ-ın məşhur “beyin mərkəzlərinin” ekspertləri iştirak ediblər.xeber100.com

“Financial Times” yazır…

ABŞ Hərbi-Dəniz Qüvvələrinin vitse-admiralı Robert Harvard  prezident Donald Trampın milli təhlükəsizlik üzrə müşaviri postundan imtina edib.Bu barədə “Financial Times” xəbər verir.Məlumata görə, Tramp Harvardı dilə tutmaq məqsədi ilə Ağ Evə dəvət edib.Qeyd olunan vəzifəyə digər namizədlər ehtiyatda olan general Kit Kelloq və MKİ-nin sabiq rəhbəri Devid Petreusdur.Qeyd edək ki, Trampın milli təhlükəsizlik üzrə sabiq müşaviri Maykl Flin bazar ertəsi axşam saatlarında istefa verib. İstefa ərizəsində o, Rusiyanın Vaşinqtondakı səfiri Sergey Kislyak ilə təmasları barədə Ağ Evə tam məlumat vermədiyini etiraf edib. undan əvvəl bildirilmişdi ki, Flin 2016-cı ilin dekabrında Sergey Kislyakla Rusiyaya qarşı tətbiq olunan sanksiyaları müzakirə edib. Trampın komandası o zaman bu məlumatları təkzib etmişdi.xeber100.com

XİN rəhbərləri arasında danışıqlar keçirilib

Rusiya XİN rəhbəri Sergey lavrov Bonn şəhərində türkiyəli həmkarı Mövlud Çavuşoğlu ilə görüşüb. “RİA Novosti”nin verdiyi xəbərə görə, bu barədə Rusiya XİN-in məlumatında bildirilib. Məlumata görə, görüşdə atəşkəsin möhkəmləndirilməsi kontekstində Suriyadakı vəziyyət müzakirə olunub. “Nazirlər Rusiya-Türkiyə siyasi və iqtisadi sahələrdəki münasibətlərinin hazırkı vəziyyəti və inkişaf perspektivlərinə dair əsas məsələləri müzakirə ediblər.  Suriyadakı vəziyyət və beynəlxalq terrorçuluqla mübarizədə birgə addımların razılaşdırılması, atəşkəs rejiminin möhkəmləndirilməsi və siyasi nizamlanma prosesinə dəstəklə əlaqədar ətraflı fikir mübadiləsi keçirilib. Xüsusi diqqət “Astana prosesi”nə ayrılıb”, - deyə məlumatda bildirilir.xeber100.com

53-cü Münhen Təhlükəsizlik Konfransı başlayıb

Bu gün sayca 53-cü Münhen Təhlükəsizlik Konfransı başlayır.apa-nın xəbərinə görə, fevralın 19-na qədər davam edəcək konfransda dünyanın müxtəlif ölkələrindən 500-dək rəsmi şəxs qatılacaq.Konfransda Donald Trampın ABŞ prezidenti seçilməsindən sonra transatlantik əlaqələr və NATO-nun gələcəyi, təhlükəsizlik və müdafiə sahəsində Avropa əməkdaşlığı, Rusiya ilə əlaqələr, Suriya müharibəsi, Asiya-Sakit okean regionunda təhlükəsizliklə bağlı vəziyyət və informasiya müharibəsi məsələlərinin müzakirəsi nəzərdə tutulur.xeber100.com

“RİA Novosti”nin məlumatına əsasən…

Moldova prezidenti İqor Dodon NATO-nun ölkə ərazisində fəaliyyətinin əleyhinə çıxış edib.“RİA Novosti”nin verdiyi məlumata görə, o, NATO-nun Moldovada bürosunun açılmasına qarşı olduğunu bildirib. "Büro açılsa, gələn il parlament seçkilərindən dərhal sonra onu bağlayacağam. Bu məsələ ilə bağlı mənim keçən həftə hökumət nümayəndələri ilə müzakirələrim olub. Onlar bilirdilər ki, büronun fəaliyyətinə icazə verməyəcəyəm, lakin mən vəzifəyə başlamazdan öncə onun açılması barədə razılaşmanı imzalamağa tələsiblər”.xeber100.com

NHK telekanalının məlumatına görə…

Yaponiya, ABŞ və Cənubi Koreyanın xarici işlər nazirləri fevralın 12-də Şimali Koreyanın ballistik raket sınağı ilə əlaqədar birgə bəyanatla çıxış ediblər. Sənəddə bildirilir ki, bu ölkələr sıx əməkdaşlıq edərək Pxenyandan təxribatçı hərəkətlərə son qoymağı birlikdə tələb edəcəklər.NHK telekanalının yaydığı məlumata görə, Yaponiyanın xarici işlər naziri Fumio Kişida, ABŞ-ın dövlət katibi Reks Tillerson və Cənubi Koreyanın xarici işlər naziri Yun Byon Se Bonnda bir araya gəliblər.F.Kişida beynəlxalq ictimaiyyətin Şimali Koreyaya qarşı atacağı ciddi addımların həyata keçirilməsi üçün üç ölkənin birgə fəaliyyətinin zəruriliyini vurğulayıb.R.Tillerson öz növbəsində ABŞ-ın Yaponiya və Cənubi Koreya qarşısında götürdüyü öhdəliklərə sadiq qalaraq onların müdafiəsi üçün nüvə və digər silahlar da daxil olmaqla ölkənin müdafiə gücündən tam istifadəyə hazır olduğunu bildirib.Hər üç dövlət Şimali Koreyanı BMT Təhlükəsizlik Şurasının bu ölkədə nüvə və raket sınaqlarını qadağan edən qətnamələrinə əməl etməyə çağırıb.xeber100.com

“Kosmokurs” şirkəti kosmos turizminə başlamaq niyyətindədir

Rusiyanın “Kosmokurs” şirkəti kosmos turizminə başlamaq niyyətindədir.Azərtac xarici saytlara istinadla xəbər verir ki, şirkət 250 min ABŞ dolları qarşılığında 2019-cu ildə turistlər üçün kosmosa uçuşlar həyata keçirəcək.“Kosmokurs” şirkətinin icraçı direktoru Pavel Pushkin bildirib ki, altı nəfəri kosmosa aparacaq hava gəmisi turistlərin 15 dəqiqə boyunca səyahət etmələrinə imkan yaradacaq.Qeyd edək ki, ABŞ-ın “Virgin Galactic” şirkəti də eyni məbləğdə oxşar bir layihəni həyata keçirməyi planlaşdırmışdı. Ancaq şirkətin 2014-cü ildə kosmosa səyahət etmək üçün hazırladığı hava gəmisi sınaq uçuşu zamanı yerə çırpılmışdı.xeber100.com

“İmmiqrantlarsız gün” şüarı altında etiraz aksiyası keçirilib

Birləşmiş Ştatlarda “İmmiqrantlarsız gün” şüarı altında etiraz aksiyası keçirilib. Prezident Trampın immiqrasiya siyasətinə etiraz əlaməti olaraq ölkənin bir neçə şəhərində, o cümlədən Vaşinqton, Hyuston, Boston, Miluoki, Nyu-York, Filadelfiya və Çikaqoda yüzlərlə immiqrant işə çıxmayıb, yüzdən artıq xidmət müəssisəsi bir gün bağlanıb. Ölkə iqtisadiyyatının fəaliyyəti üçün immiqrantların vacibliyini göstərmək məqsədilə keçirilən bu aksiyanın təşkilatçıları işləmək hüququna malik olan leqal immiqrantlara sosial şəbəkələr vasitəsi ilə müraciət edərək onları işə çıxmamağa çağırıblar.xeber100.com

Ağ Evdə mətbuat konfransı olub

Ağ Evdə Prezident Donald Trampın mətbuat konfransı olub. ABŞ Prezidenti jurnalistlər qarşısında çıxışında əmək naziri vəzifəsinə yeni namizədinin - Aleksandr Akostanın adını açıqlayıb. Belə ki, əvvəlki namizəd Endi Puzder bu həftə öz namizədliyini geri götürüb. D.Tramp ABŞ-Rusiya münasibətlərini də müzakirə edib, əhatəsinin Rusiya kəşfiyyatının və hakimiyyət orqanlarının nümayəndələri ilə əlaqə saxlaması barədə fikirləri təkzib edib, Maykl Flinnin Prezidentin milli təhlükəsizlik məsələləri üzrə müşaviri vəzifəsindən istefa verməsinə münasibətini bildirib.Prezident D.Tramp elan edib ki, bütün immiqrantların və yeddi müsəlman ölkəsindən (Suriya, Sudan, Somali, İraq, İran, Liviya və Yəməndən) gələnlərin ABŞ-a daxil olmalarına müvəqqəti qadağa qoyulması barədə onun fərmanının icrası Sietl federal məhkəməsi tərəfindən dayandırılandan sonra Birləşmiş Ştatların “müdafiəsinə yönəlmiş” yeni sərəncam verəcək.ABŞ Prezidenti “dezinformasiya xarakteri daşıyan materialların“ dərc olunmasına və yayılmasına görə aparıcı kütləvi informasiya vasitələrini də tənbeh edərək, həmin materialları “feyk xəbərlər” adlandırıb, Prezidentin inauqurasiyası günündən başlayan fəaliyyətinə görə administrasiyasını tərifləyib.xeber100.com

“Rosneft” şirkətinin qaz hasilatı 2016-cı ildə…

Rusiyanın ən böyük neft istehsalçısı olan “Rosneft” şirkətinin qaz hasilatı 2016-cı ildə əvvəlki illə müqayisədə 7,3 faiz artaraq 67,1 milyard kubmetr təşkil edib.Azərtac xəbər verir ki, bu barədə şirkət məlumat yayıb. Bildirilir ki, “Rosneft”in xam neft və maye qaz hasilatı 2016-cı ildə 210 milyon ton təşkil edib.Şirkətin orta sutkalıq karbohidrogen hasilatı 5,83 milyon barrel neft ekvivalentində olub və ötən ilin üçüncü rübü ilə müqayisədə isə dördüncü rübdə 11,8 faiz artıb.xeber100.com